Ljósmæðrablaðið - 15.06.2009, Blaðsíða 5

ÁVARP FORMANNS LMFÍ
Nú eru góð ráð (ó)dýr
Það er ólíklegt að þær 20 ljósmæður sem
komu saman þann 2. maí 1919, hafi gert
sér grein fyrir að 90 árum síðar væri enn
haldið upp á þennan fund þeirra, stofn-
fund Ljósmæðrafélags Islands. Stór-
huga konur, flestar nýútskrifaðar ljós-
mæður, sem brutu blað í langri sögu
íslenskra ljósmæðra. Og svo sannarlega
hafa ljósmæður haldið veglega upp á
þetta merkisafmæli með bókarútgáfú,
ráðstefnu, hátíðarkvöldverði og hátíð-
araðalfundi og við erum ekki hættar.
Mikil gróska er í fagmálum ljósmæðra
sem glögglega mátti heyra á afmælis-
ráðstefnunni. Það er engan bilbug að
finna á ljósmæðrum þrátt fyrir að hinir
efnahagslegu himnar hrynji yfir okkur.
Okkar fagmennska er nefnilega ekki
kostnaðarsöm og vafalaust með bestu
ljárfestingum sem heilbrigðiskerfið
getur gert því störf okkar og faglegu
áherslur spara peninga. Ljósmæður eru
sammála um að við bíðum ekki eftir
að aðrir segi okkur hvernig við getum
hagrætt í okkar starfi á niðurskurð-
artímum, heldur er það heillavænlegra
að leggja sjálfar fram hugmyndir að
faglegri hagræðingu sem stendur vörð
um þá grunnheilbrigðisþjónustu sem
bameignarþjónusta er. Þær ljölmörgu
hugmyndir sem fram komu á afmæl-
isráðstefnunni og eru nú komnar á
aðgerðarlista ljósmæðra, miða allar að
EFLING
STÉTTAR FÉLAG
BONUS
Guðlaug Einarsdóttir
formaður Ljósmæðrafélags Islands
ódýrara, aðgengilegra og faglegara heil-
brigðiskerfi.
Kannski eru spamaðartímar jafnvel
besti jarðvegur ljósmóðurfæðinnar sem
hefur þann einlæga og kostanaðarlitla
kjama að standa vörð um eðlilegt bam-
eignarferli af fagmennsku og hugsjón.
Þó ekki viðri til kauphækkana er
fagstyrking stéttarinnar jafnvel trygging
á framtíðar atvinnu. Þetta á sérstaklega
við á landsbyggðinni þar sem illa ígmnd-
aður spamaður gæti hæglega snúist upp
í andhverfu sína ef hann er gerður af
vanþekkingu á barneignarþjónustu. Það
er dýrt að spara grunnheilbrigðisþjón-
Eirberg
Heilbrigðisstofnun
Suðurlands
ustu eins og ljósmæðraþjónustu. Nýlegt
dæmi um sjúkraflug með bamshafandi
konu sem Ijósmóðir hefði hæglega getað
úrskurðað heilbrigða (hefði ljósmóðir
verið tiltæk), sannar enn einu sinni að
ljósmóðurleysi er gífurlega dýrt fyrir
byggðir landsins. Ágætt enskt spakmæli
á hér vel við: So you think education is
expensive - try ignorance!
Ljósmæður munu standa vörð um
grunnheilbrigðisþjónustu og vera
ráðgefandi fyrir heilbrigðisyfirvöld
um faglega hagræðingu enda tilkynnti
heilbrigðsráðherra þá ákvörðun sína á
hátíðaraðalfúndi félagsins að verða við
þeirri beiðni Ljósmæðrafélagsins að
helja samvinnu um stefnumótun í bam-
eignarþjónustu.
Hvenær brýtur maður blað og hvenær
brýtur maður ekki blað? Það fær tíminn
kannski helst útkljáð en ákvörðun hvers
og eins og sömuleiðis Ijósmæðrastétt-
arinnar í heild, hlýtur að vera þunga-
miðjan í því hvort ljósmæður munu nú
brjóta blað í þróun bameignarþjónustu
hér á landi, þrátt fyrir efnahagsþreng-
ingar eða kannski einmitt vegna þess að
nú hafa heilbrigðisyfirvöld ekki efni á
öðru en að hlusta á okkur.
Nú em góð ráð ekki dýr - heldur
einmitt mjög ódýr.
LÍFLAND
- betri búnaöur
icepharma
Bætt líðan • Betra líf
Ljósmæðrablaðið - Sumar 2009 5