Ljósmæðrablaðið - 15.06.2009, Blaðsíða 30
ALSO námskeið
- í fyrsta sinn á Islandi
Dagana 14. og 15. maí síðastliðinn var
haldið ALSO námskeið í fyrsta sinn hér
á landi. ALSO (Advanced Life Support
in Obstetrics) er alþjóðlegt námskeið
œtlað lœknum og Ijósmæðrum sem
sinna konum á meðgöngu og í fæðingu
og miðar að því að viðhalda þekkingu
og þjálfa rétt viðbrögð við bráðatil-
fellum á meðgöngu og í fœðingu. A
hverju námskeiði eru 8 leiðbeinendur
en jjöldiþátttakenda á hverju námskeiði
er að hámarki 24.
Innleiðing ALSO námskeiðanna á
Islandi er samstarfsverkefni kvennasviðs
Landspítala og Ljósmæðrafélags Islands.
Kvennasvið Landspítalans hefur tekið
að sér að hafa umsjón með ALSO
námskeiðunum á Islandi en styrktar-
sjóður Ljósmæðrafélags Islands veitti
styrki til þjálfunar þeirra ljósmæðra sem
leiðbeina á námskeiðinu og einnig til
kaupa á kennslugögnum. Undirbúningur
fyrir þetta námskeið stóð yfír í u.þ.b.
ár en aðdragandinn er þó mun lengri.
ALSO námskeiðin á Islandi eru haldin í
samvinnu við ALSO í Skandínavíu sem
liefúr verið okkur innan handar við að
innleiða námskeiðin á Islandi.
Leiðbeinendur á námskeiðinu voru
Ijósmæðumar Anna Sigríður Vem-
harðsdóttir, Guðrún Sigríður Olafs-
dóttir, María Guðrún Þórisdóttir og
Sigrún Kristjánsdóttir og fæðingarlækn-
amir Hulda Hjartardóttir, Ragnheiður
Inga Bjarnadóttir, Sigrún Hjartardóttir
og Berglind Stelfensen sem hafði yfír-
umsjón með námskeiðinu. Islensku
leiðbeinendumir sóttu ALSO námskeið
ýmist í Danmörku eða Bretlandi síðast
liðinn vetur og sóttu svo leiðbeinenda-
námskeið á vegum ALSO í Skandínavíu
sem haldið var hér á landi 12. og 13.
maí síðast liðinn. íslensku leiðbeinend-
umir eru nú allir viðurkenndir ALSO-
leiðbeinendur. Þar sem þetta var í fyrsta
sinn sem námskeiðið er haldið á íslandi
voru tveir danskir ALSO-leiðbein-
endur þeim íslensku til halds og trausts.
Ritari ALSO á íslandi er Anna Haarde.
Hennar hlutverk er að sjá um skráningu
á námskeiðin, dreifingu lesefnis fyrir
Leiðbeinendur námskeiðsins
Blái hópurinn
Græni hópurinn
Rauði hópurinn
námskeið og síðast en ekki síst að allt
gangi smurt fyrir sig og að öll tímamörk
standist.
Námskeiðið er krefjandi, skemmtilegt
og að sjálfsögðu mjög gagnlegt. Fjöl-
breyttar kennsluaðferðir eiga eflaust
stóran þátt í því hversu lifandi námskeiðið
er. Hefðbundnir fyrirlestrar em fáir en
kennslan fer að mestu leyti fram í litlum
hópum þar sem tekin em fyrir ákveðin
tilfelli og handbrögð æfð á brúðum.
Þátttakendur taka mjög virkan þátt allan
tímann og þurfa því að hafa farið vel í
gegnum lesefnið fyrir námskeiðið.
Helstu þættir námskeiðsins:
• Sjúkdómar og bráð vandamál á
meðgöngu
• Fyrirburafæðingar / PPROM
• Langdregnar fæðingar
• Eftirlit fósturs í fæðingu
• Axlarklemma
• Ahaldafæðingar
• Afbrigðilegar stöður- Sitjandi fæðing
• Blæðing eftir fæðingu
• Endurlífgun þungaðra kvenna
• Endurlifgun nýbura
Til að ljúka námskeiðinu þurftu þátt-
takendur að ná skriflegu og verklegu
prófi og taka þátt í öllum hlutum
námskeiðsins. Verklega prófið byggir á
þeirri kennslu sem fram fer á námskeið-
inu en skriflega prófið (krossapróf)
byggir auk þess á því lesefni sem þátttak-
endur fá sent fyrir námskeiðið. Það er því
nauðsynlegt að lesa vel yfír námsefnið
til að fá sem mest út úr námskeiðinu.
Námsgögnin og krossaprófið eru á ensku
en námskeiðið fór fram á íslensku.
Að mati þátttakenda og leiðbeinenda
tókst námskeiðið mjög vel og stefnt er
að því að halda aftur ALSO námskeið
innan tíðar, vonandi strax næsta haust.
Námskeiðið var haldið í fundar- og
kennsluaðstöðu Landspítala í Kópavogi
en þar er ffábær aðstaða sem hentar
vel fyrir námskeið af þessu tagi. Þrátt
fyrir stífa dagskrá voru stuttar pásur inn
á milli þar sem hægt var að viðhalda
blóðsykrinum með ávöxtum, kökum eða
öðru góðgæti. Einnig var góður hádeg-
ismatur, matreiddur af krökkunum í Fjöl-
smiðjunni undir dyggri stjóm Jónasar
Hallgrímssonar.
Anna Sigríður Vernharðsdóttir
30 Ljósmæðrablaðið - Sumar 2009