Nýtt Helgafell - 01.10.1959, Síða 66

136
HELGAFELL
Strákum scm í gamla daga höfðu þann starfa að
vera á tipp, var uppálagt af verkstjórum sínum að
dreifa í snatri úr vagnhlössunum, fengu bullandi
skammir ef einhvers staðar vottaði fyrir mishæðum,
og látnir raka útá vegarbrún öllum hnullungum.
Svona var samúðin hér áður með þcim sem um veg-
ina fóru. Gömlu þjökuðu vagnhestarnir fundu fyrir
hverri minnstu mishæð og lýjandi að ganga á eggja-
grjóti á kúskinnsskóm. En vélknúnu tækin, sem nú
þeysa um veginn, eru ckki heldur alveg tilfinninga-
laus.
Nú er ofaníburður fluttur í vegina á stórum bíl-
um, sem bera mörg tonn, óhemju magn sem þeir
sturta úr sér hverju sinni, og erfitt starf að moka úr
öllu með vegaskóflu, enda vinna nú ýtur og veg-
heflar verkið. En þó það sé cinkum hraðinn, sem
einkennir nútímann, er ekki óalgengt að dragist svo
sem vikutíma að róta úr hlössunum, og er það ein
skýringin á því, hve þeir sem afla þjóðinni varahluta
í farartæki, sem erindi eiga um þessi úfnu höf, eru
öðrum fremri um að koma yfir sig fögrum risavöxn-
um byggingum.
Þó er eitt í nútímavinnubrögðum, sem einna mest
minnir á gamla lagið hennar ömmu sálugu við að
bæta buxur, setja bót ofan á bót. Viðgerðin á asfalt-
vegunum í höfuðstaðnum og nágrenni hans. Þegar
holur myndast í þessa fallegu vegi, eru þær ekki
fylltar líkt og skemmdar tennur eða nútímaskradd-
arar setja bót á slitið fat, heldur eru holurnar fyrst
jafnaðar og síðan skellt þar ofaná miklu magni af
asfalti, unz komin er hæð, ekki ólík þeim, sem fljót-
lcga verða í mikilli umferð, er láðst hefir að jafna
úr bílhlössum. Þetta finnst mörgum einkennileg
vinnuaðferð og fer í fínu taugarnar á veikluðum far-
artækjum. Þó kárnar fyrst gamanið þegar setja þarf
bót ofan á bótina, eins og hjá ömmu gömlu í dentíð.
Sá sem þessar línur skrifar hefir stundum ekið á
asfaltvegum erlendis og staðnæmzt þar sem vega-
gerðarmenn eru við vinnu sína, til þess að fá upplýst
hvort gamla lagið að heiman sé viðhaft þar eins og
hér. En til undrunar fæ ég að vita að þetta sé ekki
gert, heldur kapp lagt á hitt, að láta blettinn sem
varð fyrir hnjaski af ómjúkum farartækjum líta út
eftir viðgcrðina scm líkast því sem hann var áður.
Og nú brjóta margir heilann um það hver muni
vera ástæðan fyrir þesum ólundarlegu vinnubrögð-
um, og hvort þeir sem þetta verk annast, ættu kann-
ske í viðgerðarverkstæðum, sem lítið hefðu að starfa,
eða seldu varahluti. En því fer mjög fjarri að skýr-
ingin sé svo einföld, mér liggur við að segja mann-
leg, heldur er hér keppzt af öllum lífs og sálar kröft-
um við að hylla fornar dyggðir hennar ömmu sálugu
á Eyrarbakka.
Samt er stöðugt yfir því kvartað hve unga kyn-
slóðin sé nýungagjörn.
R. /.
Nýtt HELGAFELL
kemur út fjórum sinnum á ári, 16—17 arkir. Áskriftar-
gjald er 120 kr., sem jafnframt gefur áskrifendum full
félagsréttindi í Bókaklúbbi Helgafells.
Gerizt áskrif rndur Nýs Helgafells
Gangið í Bókcklúbb Helgafells
Veghúsastíg 7, Reykjavík — Pósthólf 156 — Sími 16837