Morgunblaðið - 12.02.2013, Blaðsíða 4

Helgi Bjarnason
helgi@mbl.is
Nefndarmenn í stjórnskipunar- og
eftirlitsnefnd Alþingis, sem rætt var
við í gærkvöldi, voru ekki sammála
um áhrif álits Feneyjanefndarinnar á
framgang stjórnarskrármálsins í Al-
þingi. Gætt hefur titrings í hópi
stuðningsmanna tillagnanna síðustu
daga.
Valgerður Bjarnadóttir, formaður
stjórnskipunar- og eftirlitsnefndar,
sagði að ýmsu væri hrósað og ein-
hverjar athugasemdir gerðar við
annað. Á endanum væri það síðan
pólitísk ákvörðun á Alþingi hvernig
stjórnarskráin ætti að vera. Margrét
Tryggvadóttir, fulltrúi Hreyfingar-
innar, sagði að það sem hún væri búin
að lesa liti ágætlega út. Hún sagðist
ekki þora að fullyrða um áhrif álitsins
á framgang málsins.
„Okkur var full alvara með því að
leita eftir þessu áliti og ætlum að
skoða það vel,“ segir hún og bætir við
að ef eitthvað þurfi að laga, þá verði
gengið í það.
Setur afgreiðslu málsins í óvissu
„Mitt mat er það, að álit Feneyja-
nefndarinnar undirstriki með skýr-
um hætti að það sé fullkomlega
óraunhæft að ætla að ljúka þessu
frumvarpi fyrir vorið,“ segir Birgir
Ármannsson, annar fulltrúi Sjálf-
stæðisflokksins í stjórnskipunar- og
eftirlitsnefnd. Vigdís Hauksdóttir,
fulltrúi Framsóknarflokksins, segir
að eftir sé að lesa athugasemdir Fen-
eyjanefndarinnar saman við íslensk-
an rétt og fyrirliggjandi tillögur. Hún
telur að álitið setji afgreiðslu málsins
í enn frekari óvissu.
Hún bendir á að tillögurnar sem
Feneyjanefndin fjallaði um séu í raun
úrelt plagg. Búið hafi verið að gera 75
breytingar þegar tillögurnar fóru til
Feneyjanefndarinnar og síðan hafi
meirihluti nefndarinnar lagt fram 45-
50 breytingar.
Mismunandi túlkun á Feneyjaáliti
 Valgerður Bjarnadóttir: Á endanum pólitísk ákvörðun  Margrét Tryggvadóttir: Lagað ef með þarf
 Birgir Ármannsson: Óraunhæft að ljúka málinu í vor  Vigdís Hauksdóttir: Fjallar um úrelt plagg
Valgerður
Bjarnadóttir
Birgir
Ármannsson
Margrét
Tryggvadóttir
Vigdís
Hauksdóttir
4 FRÉTTIRInnlent
MORGUNBLAÐIÐ ÞRIÐJUDAGUR 12. FEBRÚAR 2013
Kjartan Kjartansson
kjartan@mbl.is
Stóru bankarnir þrír eru búnir að
falla frá sex af þeim ellefu próf-
málum sem samráðshópur fjármáls-
tofnana, Samtaka fjármálafyrir-
tækja, umboðsmanns skuldara,
Neytendastofu og talsmanns neyt-
enda valdi í fyrra og áttu að skera
úr um álitaefni áður en hægt yrði að
endurreikna vexti gengislána. Ekki
er von á fyrsta dómnum í þeim mál-
um sem eftir standa fyrr en í haust
ef að líkum lætur.
Upphaflega stóðu vonir til að nið-
urstaða í málunum ellefu lægi fyrir
síðasta haust en það hefur síðan
dregist á langinn.
„Ástæðan fyrir því er í raun fyrst
og fremst sú að eftir Borgarbyggð-
ardóminn [síðasta haust] þurfti að
endurmeta hvaða prófmál þyrftu að
halda áfram því sá dómur útskýrði
meira en menn höfðu átt von á. Í
kjölfar þess dóms féllu Arion banki
og Íslandsbanki frá ágreiningi í
nokkrum málum og túlkuðu álita-
efni skuldara í hag,“ segir Svanborg
Sigmarsdóttir, upplýsingafulltrúi
umboðsmanns skuldara.
Aðeins tvö mál einstaklinga eru
komin á dagskrá héraðsdóms, ann-
ars vegar mál Lýsingar gegn ein-
staklingi og hins vegar mál ein-
staklings gegn Landsbankanum.
Svipuð mál í gangi
Samkvæmt upplýsingum Íslands-
banka féll bankinn frá þremur af
fjórum prófmálum sem hann vildi fá
skorið úr. Fjórða málið snúi að fjár-
mögnunarleigusamningum en svip-
uð mál sem bankinn eigi ekki aðild
að séu nú til umfjöllunar í dóms-
kerfinu. Mögulega verði niðurstöðu
þeirra mála beðið áður en ákvörðun
verður tekin um framhald þess máls
sem bankinn á aðild að.
Bíða niðurstöðu þriggja mála
Hjá Landsbankanum, sem var að-
ili að fjórum af prófmálunum ellefu,
fást þær upplýsingar að fallið hafi
verið frá tveimur málanna í kjölfar
Borgarbyggðardómsins. Tvö mál
séu hins vegar enn í gangi, eitt fyr-
irtækismál og eitt einstaklingsmál.
Síðarnefnda málið verði tekið fyrir í
héraðsdómi nú í febrúar. Fyrir-
tækjamálið varði þrotabú og búist
sé við því að því verði vísað til hér-
aðsdóms í næstu viku. Bankinn
reikni með því að málið verði flutt
nú í vor.
Fyrir utan þessi mál bíður
Landsbankinn nú eftir að mál Plast-
iðjunnar gegn SP-fjármögnun sem
lauk fyrir Héraðsdómi Reykjavíkur
í nóvember verði leitt til lykta fyrir
Hæstarétti. Það ætti að geta varpað
ljósi á hvernig beri að túlka skilyrði
sem þurfi að vera fyrir hendi til að
leiðrétta fyrri endurútreikning
gengislána og þar með hversu mörg
mál þurfi að endurreikna. Héraðs-
dómur sýknaði SP-fjármögnun í því
máli af kröfu um leiðréttingu á end-
urútreikningi.
Morgunblaðið/Golli
Hæstiréttur Ekki er líklegt að fyrstu prófmálin um endurútreikning gengislána komi til kasta Hæstaréttar fyrr en í
haust en fyrstu tvö málin sem varða einstaklinga verða tekin fyrir í Héraðsdómi í lok þessa mánaðar og í apríl.
Fyrstu dómarnir í
prófmálunum í haust
 Enn hefur enginn dómur fallið í prófmálum um gengislán
Applicon á Íslandi, fyrirtæki sem
sérhæfir sig í sölu og þróun á við-
skiptahugbúnaði, á í ágreiningi við
Seðlabanka Íslands vegna tölvu-
gagna sem bankinn lagði hald á
vegna rannsóknar á meintum brot-
um Samherja á lögum um gjaldeyr-
ismál. Applicon heldur því fram að
Seðlabankinn hafi brotið höfunda-
lög. Ágreiningurinn snýst um að-
ferðir Seðlabanka Íslands við hald-
lagningu gagna í sambandi við
rannsóknina.
Seðlabankinn hefur borið fyrir sig
að hann líti svo á að aðgerðir hans
séu í samræmi við úrskurð héraðs-
dóms frá því í mars á síðasta ári og
feli ekki í sér brot á höfundalögum.
Með úrskurði Héraðsdóms Reykja-
víkur var Seðlabankanum veitt
heimild til húsleitar og haldlagn-
ingar gagna vegna fyrrnefndrar
rannsóknar. Samkvæmt úrskurð-
inum var Applicon gert skylt að af-
henda ákveðin gögn, t.d. bókhalds-
kerfi auk þess að afrita gögn af
sameiginlegum svæðum Applicon
og fyrirtækisins. Applicon bendir á
að í úrskurði héraðsdóms felist ekki
heimild til að taka afrit af SAP-
viðskiptahugbúnaði, svo virðist sem
Applicon sé þeirrar skoðunar að
Seðlabankinn hafi beitt ólöglegum
aðferðum við afritun gagna. Meðal
annars er Seðlabankinn sakaður um
að hafa með ólögmætri eintakagerð
brotið gegn ákvæðum höfundalaga.
Í bréfi fulltrúa Applicon til Seðla-
bankans er sú krafa ítrekuð að
bankinn hætti allri notkun á SAP-
viðskiptahugbúnaðinum og eyði því
afriti sem hann hafi. Þá segir að
Applicon muni höfða mál gegn
Seðlabankanum verði hann ekki við
áðurnefndum kröfum.
Í svari frá Seðlabankanum segir
að skv. lögum sé ekki heimilt að
greina frá samskiptum eða við-
skiptum við einstaka aðila.
heimirs@mbl.is
Ásaka Seðlabanka um
brot á höfundalögum
Þau tvö mál sem varða einstaklinga sem komin eru á
dagskrá héraðsdóms eru annars vegar mál Lýsingar
gegn einstaklingi, sem dregist hefur á langinn og verð-
ur ekki tekið fyrir fyrr en í apríl, og hins vegar mál ein-
staklings gegn Landsbankanum en sá vill að íslenskir
dómstólar leggi spurningu fyrir EFTA-dómstólinn sem
varðar neytendasjónarmið um endurútreikning á vöxt-
um gengislána.
Að sögn Svanborgar Sigmarsdóttur, upplýsingafull-
trúa embættis umboðsmanns skuldara, gæti það tekið
einhver ár ef síðarnefnda málinu verður vísað til EFTA-
dómstólsins. Það hefði þó ekki í för með sér að ekki væri hægt að end-
urútreikna gengislán í samræmi við þá dóma sem þegar hefðu fallið.
Gæti tekið einhver ár
EINSTAKLINGUR VILL FÁ MÁL SITT FYRIR EFTA-DÓMSTÓLINN
Svanborg
Sigmarsdóttir
„Það er verið að
skuldbinda skatt-
greiðendur um
1.430 milljónir til
viðbótar,“ segir
Kjartan Magnús-
son, borgar-
fulltrúi Sjálfstæð-
isflokksins, um
tillögu borgar-
stjóra um endur-
skoðun á fjár-
mögnun á tónlistarhúsinu Hörpu.
Tillagan verður rædd í borgarstjórn
í dag. Kjartan leggst gegn tillögunni
og minnir á þau orð sem höfð voru
uppi árið 2009 þegar ákveðið var að
halda áfram byggingu hússins. Þá
hafi því verið haldið á lofti að þær
skuldbindingar sem þá urðu til
myndu duga til að reka húsið og
klára byggingu þess. Tillaga borg-
arstjóra gerir m.a. ráð fyrir viðbót-
arframlagi upp á 160 milljónir á ári
til 2016. Einnig að eigendalánum að
fjárhæð 794 milljónir króna verði
breytt í stofnframlög.
Kjartan telur að taka þurfi rekst-
ur hússins í gegn. Leita eigi leiða til
að spara í rekstrinum og skoða megi
hvort bjóða ætti reksturinn út. Þá
gagnrýnir Kjartan ráðningu for-
stjóra Hörpu, segir hana lykta af
pólitík og nauðsynlegt hefði verið að
ráða aðila með meiri reynslu og
þekkingu á rekstri.
Kanni möguleika á útboði á rekstri Hörpu
Kjartan
Magnússon