Morgunblaðið - 12.02.2013, Blaðsíða 16
BAKSVIÐ
Baldur Arnarson
baldura@mbl.is
Það mátti lesa út úr andlitum þing-
manna Samfylkingarinnar þegar
þeir gengu út af þingflokksfundi í Al-
þingishúsinu í gær að þeir voru að
ganga úr rafmögnuðu andrúmslofti.
Árni Páll Árnason, nýbakaður for-
maður Samfylkingar, virtist á leið út
úr fundarherberginu ásamt flokks-
systkinum sínum en sneri svo við.
Gekk síðan svo rösklega út úr her-
berginu og að anddyri viðbyggingar
Alþingishússins að blaðamönnum
reyndist örðugt að fylgja honum.
Hvarf síðan niður stigann með þess-
um orðum: „Ég verð að rjúka núna.“
Kom síðar fram í viðtali RÚV við
Árna Pál að ekki hefði verið gert
samkomulag við stjórnarandstöðuna
um að velja tilteknar greinar út úr
stjórnarskrárfrumvarpinu, líkt og
haldið hefur verið fram. Ljúka eigi
stjórnarskrármálinu fyrir þinglok.
Hann svaraði ekki skilaboðum í gær.
Jóhanna Sigurðardóttir forsætis-
ráðherra var líka fámál þegar hún
gekk greiðlega að anddyrinu og sótti
kápu sína. Fór svo sömu leið og Árni
Páll án þess að gefa kost á viðtali.
Samfylkingarþingmennirnir
Kristján Möller, Oddný Harðardótt-
ir, Mörður Árnason, Helgi Hjörvar,
Lúðvík Geirsson og Skúli Helgason
vildu heldur ekki ræða við blaða-
menn né heldur Össur Skarphéðins-
son utanríkisráðherra sem bauðst þó
til að ræða utanríkismál er hann
hvarf upp stigann.
Sáttavilji í stiganum
Tveir þingmenn Hreyfingarinnar,
Þór Saari og Birgitta Jónsdóttir,
komu svo úr sínu fundarherbergi og
lýstu yfir óánægju sinni með gang
mála, líkt og rakið er hér til hliðar.
Mörður og Skúli leiddu svo Birgittu
upp stigann og mátti heyra á máli
þeirra að þeir væru að leita sátta.
Steingrímur J. Sigfússon, formað-
ur Vinstri grænna, vildi ekki ræða
stjórnarskrármálið að sinni.
Valgerður Bjarnadóttir, formaður
stjórnskipunar- og eftirlitsnefndar,
bauðst hins vegar til að ræða málið
og sagði við það tilefni að í engu hefði
verið hvikað frá þeim ásetningi að af-
greiða stjórnarskrárfrumvarpið á
þessu þingi. „Við fáum álit Feneyja-
nefndarinnar á hverri stundu. Málið
er statt þar,“ sagði Valgerður og
gagnrýndi fjölmiðla fyrir þann
fréttaflutning um liðna helgi að hætt
hefði verið við að afgreiða frumvarp-
ið í heild. „Það hefur aldrei neitt ann-
að staðið til frá því fyrir helgi. Ég
skil ekki af hverju þið voruð með
þessar fréttir um helgina. Það er
mér óskiljanlegt,“ sagði Valgerður.
Fiskveiðistjórnunarfrumvarpið
fór til umræðu á Alþingi í gær á
kostnað stjórnarskrárfrumvarpsins
sem sett var til hliðar. Spurð um
þessa forgangsröðun sagði Ásta
Ragnheiður Jóhannesdóttir, forseti
Alþingis, þetta fyrirkomulag hafa
orðið ofan á að kröfu formanna ríkis-
stjórnarflokkanna. Ráðstöfunin væri
liður í að koma fiskveiðimálinu svo til
nefndar til frekari afgreiðslu.
Þegar spurt var hvenær stjórnar-
skrárfrumvarpið kæmist inn í þingið
sagði þingforseti „að það yrði að
koma í ljós“. Hún kvaðst aðspurð
binda vonir við að dagskrá Alþingis
héldi þannig að þingstörfum ljúki 15.
mars nk. „Við verðum að vona það.
Forseta þingsins ber að standa vörð
um starfsáætlun og svo verður að
meta þau tilvik sem geta breytt því,“
sagði Ásta Ragnheiður um stöðuna.
Nokkrum mínútum síðar lagði Þór
Saari fram tillögu á þinginu um að
stjórnarskrármálið kæmist á dag-
skrá í dag, þriðjudag.
Tillagan hlaut ekki brautargengi,
var felld með 5 atkvæðum gegn 28.
15 þingmenn sátu hjá. Allir þrír
þingmenn Hreyfingarinnar studdu
tillöguna líkt og Guðmundur Stein-
grímsson og Róbert Marshall, þing-
menn Bjartrar framtíðar.
Lykilatkvæði í hættu
Afstaða þessara 5 þingmanna mun
ráða úrslitum um framhald stjórnar-
skrármálsins á þingi, enda er einboð-
ið að þingmenn Sjálfstæðisflokks og
Framsóknarflokks styðji ekki frum-
varp stjórnlagaráðs.
Ríkisstjórnarflokkarnir hafa 30
þingmenn, Samfylking 19 og VG 11,
og geta því ekki náð stjórnlagamál-
inu í gegn á eigin spýtur. Hreyfingin
hefur 3 þingsæti og getur því mynd-
að 33 sæta meirihluta á þingi ásamt
stjórnarflokkunum í málinu. Gangi
Hreyfingin úr skaftinu þurfa
stjórnarflokkarnir 2 þingsæti og
geta þau komið frá jafn mörgum
þingmönnum Bjartrar framtíðar.
Þá eykur það þrýstinginn á ríkis-
stjórnina að afgreiða málið að Þráinn
Bertelsson, áður Hreyfingunni en nú
þingmaður VG, kveðst aðspurður
ekki munu styðja stjórnina ef
stjórnarskrármálið verður ekki af-
greitt. „Ég hef áhyggjur af gangi
þessa máls. Það hefur tekið mjög
langan tíma að vinna í þessu. Nú er
komið alveg prýðilegt frumvarp.
Annaðhvort fer það í gegn og verður
lagt fyrir þjóðina eins og þjóðin fór
fram á og á heimtingu á, eða þá að ég
sé ekki mikinn tilgang í að þessi
stjórn sitji öllu lengur. Ef hún hefur
ekki bolmagn til að koma þessu í
gegn þá er nú ekki mikilla afreka að
vænta og tímabært að fara að huga
að næstu ríkisstjórn með kosning-
um,“ sagði Þráinn sem kvaðst ekki
hafa hugað að því hvort hann gerist
óháður þingmaður ef svo fer.
Titringur vegna stjórnarskrár
Hreyfingin krefst þess að stjórnarskrárfrumvarp fari inn í þingið Formaður stjórnskipunar- og
eftirlitsnefndar segir ekkert hafa breyst í málinu Þráinn Bertelsson vill kosningar ef málið tapast
Morgunblaðið/Golli
Úr þingsalnum Hart er tekist á um stjórnarskrármálið. Þau tíðindi urðu á þingi að Arndís Soffía Sigurðardóttir,
VG, kom inn á þing fyrir Atla Gíslason, sem er óháður, en aðeins til 19. febrúar. Það hefur því ekki áhrif í málinu.
16 FRÉTTIRInnlent
MORGUNBLAÐIÐ ÞRIÐJUDAGUR 12. FEBRÚAR 2013
Gylfaflöt 16-18 •112 Reykjavik • Sími 553 5200 • solo.is
Íslensk hönnun og framleiðsla
A81
Hönnuðir: Atli Jensen og
Kristinn Guðmundsson
Verð frá: 27.800,-
www.facebook.com/solohusgogn
„Við höfum talið það mikilvægt að
ríkisstjórnin sæti áfram ef hún ætl-
aði að ljúka stjórnarskrármálinu. Ef
að hún ætlar ekki að klára stjórnar-
skrána horfir málið öðruvísi við. Við
viljum fá svör við því á morgun eða
hinn hvað þau ætla að gera,“ sagði
Þór Saari, þingmaður Hreyfingar-
innar, og átti við daginn í dag og
morgundaginn.
Hann segir aðspurður að úr-
slitastund sé að renna upp á þingi.
„Já, það er úrslitastund. Það er
mikið stress hér í gangi í þinghús-
inu alls staðar.“
– Mun Hreyfingin hætta að
styðja ríkisstjórnina ef stjórnar-
skrármálið nær ekki fram að
ganga?
„Við styðjum ekki ríkisstjórnina.
Við höfum aldrei gert það.“
– Nú er kjörtímabilið næstum á
enda. Ríkisstjórnin lagði áherslu á
að skipta um gjaldmiðil, ganga í
ESB, breyta fiskveiðistjórnunar-
kerfinu, ráðast í aðgerðir til handa
skuldurum og breyta stjórnar-
skránni. Hvernig finnst þér ríkis-
stjórnin hafa staðið sig?
„Mjög illa. Hreint afleitlega. Ég
held að þetta sé með verstu ríkis-
stjórnum sem nokkurn tímann hafa
verið á landinu. Hún hefur enda
ekki gert nokkurn skapaðan hlut til
þess að leiðrétta hrunið.“
Ótímabært að ræða áhrifin
Birgitta Jónsdóttir, þingmaður
Hreyfingarinnar, sagði flokkinn
hafa stutt ríkisstjórnina í þessu
máli eins og hann hefði stutt
stjórnarandstöðuna í Icesave.
Spurð hvaða afleiðingar það
muni hafa fyrir afstöðu Hreyfingar-
innar til ríkisstjórnarinnar ef stjórn-
arskrármálið fer í þann farveg að
tilteknar greinar verði valdar út en
annað sett til hliðar, sagði Birgitta
að það myndi koma í ljós.
„Það er ekki tímabært að ræða
það strax. Ef ég gæti komið fram
með hefðbundið vantraust myndi
ég koma með vantraust á forseta
þingsins. Það er sá aðili sem stend-
ur í vegi fyrir að við fáum að klára
þetta mál,“ segir Birgitta og tekur
fram að það sé ekki hægt að leggja
fram vantraust á forseta þingsins. „
Ef forseti þingsins heimilar ekki
að einu stærsta máli stjórnarflokk-
anna verði hleypt í eðlilega umræðu
verður að setja hann af. Ég var að
koma af þingflokksformannafundi
þar sem þrír formenn af fimm báðu
um lengdan fundartíma, að við
myndum funda á föstudögum og
laugardögum, enda væri svo mikið í
gangi á þinginu, en hún neitar því.
Það er verið að setja ýmis mál á
dagskrá sem er engin þörf á að
setja á dagskrá í þessari viku, eins
og boð með sendiherrum. Mér
finnst stórfurðulegt að sendiherra-
boð sé mikilvægara en að ræða nýja
stjórnarskrá.“
„Úrslitastund“ að renna upp á þingi
HREYFINGIN KREFST NÝRRAR STJÓRNARSKRÁR
Birgitta
Jónsdóttir
Þór
Saari