Morgunblaðið - 12.02.2013, Blaðsíða 38
38 MENNING
MORGUNBLAÐIÐ ÞRIÐJUDAGUR 12. FEBRÚAR 2013
Menntamálaráðuneytið hefur að til-
lögu tónlistarráðs úthlutað styrkjum
úr tónlistarsjóði fyrir fyrri helming
þessa árs. Alls bárust 104 umsóknir
frá 94 aðilum þar sem samtals var
sótt um 71 milljón króna. Heildar-
ráðstöfunarfé tónlistarsjóðs á þessu
ári er 81 milljón króna, en að þessu
sinni voru veittir styrkir til 57 verk-
efna og eins samnings að heildar-
fjárhæð rúmar 24 milljónir kr. Að
auki felur skuldbinding til fyrri
samninga í sér upphæð sem nemur
19,5 milljónum kr. Alls var því út-
hlutað nú úr tónlistarsjóði rúmum
46,5 milljón kr. Auglýst verður eftir
umsóknum fyrir verkefni á síðari
hluta ársins í apríl nk.
Fjárhæð einstakra verkefnis-
styrkja eru á bilinu 60 til 1.000 þús-
und krónur. Meðal styrkþega sem
fengu eina milljón króna voru Ís-
lensku tónlistarverðlaunin, tónlist-
arhátíðin Við Djúpið og Friðrik Erl-
ingsson vegna óperunnar
Ragnheiður. Lin Wei Sigurgeirsson
fékk 800 þúsund kr. vegna Alþjóð-
legu tónlistarakademíunnar í Hörpu
og Listvinafélag Hallgrímskirkju
fékk sömu upphæð til tónleikahalds.
Nordic Affect fékk 600 þúsund kr.
vegna tvennra tónleika og sömu
upphæð fékk Eydís Franzdóttir
vegna 15:15 tónleikasyrpunnar.
Hálfa milljón fengu Tónlistarfélag
Ísafjarðar vegna tónleikaraðar,
Menningarmálanefnd Skaftár-
hrepps vegna Kammertónleika á
Kirkjubæjarklaustri, Gunnsteinn
Ólafsson vegna Sinfóníuhljóm-
sveitar unga fólksins, Kammersveit
Reykjavíkur til útgáfumála, Hafnar-
borg menningar- og listamiðstöð
vegna tónleikaraðar, Pamela De
Sensi vegna Töfrahurðarinnar og
Laufey Sigurðardóttir vegna Mús-
íkur í Mývatnssveit.
Níu hópar eða hátíðir eru með
samning til þriggja ára og nema
styrkirnir á bilinu 500-4.000 þúsund
kr. Fjórar milljónir falla í skaut
Kammersveitar Reykjavíkur og Ca-
put. Þrjár milljónir koma í hlut Tón-
skáldafélags Íslands vegna Myrkra
músíkdaga, Stórsveit Reykjavíkur,
Sumartónleika í Skálholtskirkju og
Jazzhátíðar í Reykjavík.
Í tónlistarráði eru Arndís Björk
Ásgeirsdóttir formaður og Árni
Matthíasson, sem bæði eru skipuð
án tilnefningar, og Sigrún Hjálmtýs-
dóttir tilnefnd af Samtóni.
Morgunblaðið/Árni Sæberg
Styrkþegar Scola Cantorum og Caput æfa í Hallgrímskirkju, undir stjórn
Harðar Áskelssonar. Listvinafélag kirkjunnar fær styrk til tónleikahalds.
Styrkir veittir til
57 verkefna
Rúmar 46,5 milljónir króna veittar úr
Tónlistarsjóði fyrri helming þessa árs
AF MÁLMI
Friðjón Fannar Hermannsson
fridjon@mbl.is
Nýlega gaf hljómsveitin Skálmöld út
sína aðra breiðskífu og ber hún nafn-
ið Börn Loka. Líkt og á fyrstu plötu
þeirra er sögð saga einstaklings sem
leggur af stað í erfiða vegferð með
hugrekkið að vopni. Af því tilefni
voru þeir félagar með útgáfutónleika
í Háskólabíói á laugardagskvöldið.
Salurinn var fullur af dyggum aðdá-
endum sem biðu eftir að geta hyllt
goðin sín í Skálmöld.
Opnunaratriði tónleikanna var í
höndum Guðna Franzsonar þar sem
hann spilaði á ljóðalurk (didgeridoo)
og bassaklarinett meðan fugla-
söngur og náttúruhljóð hljómuðu
undir. Það var ótrúlega magnað að
heyra hvernig Guðna tókst að skapa
ískalt en jafnframt angurvært lands-
lag í huga tónleikagesta sem fram-
kallaði réttu stemninguna fyrir tón-
leika kvöldsins.
Söguhetja plötunnar er Hilmar
Baldursson og fjallað er um baráttu
hans við Börn Loka sem eru Mið-
garðsormurinn, Fenrisúlfur og Hel.
Tónleikarnir hófust á laginu „Óðinn“
og var kammerkórinn Hljómeyki
virkilega flott viðbót við framúrskar-
andi bakraddir drengjanna í Skálm-
öld. Gunnar Ben, hljómborðsleikari
Skálmaldar, hefur unnið mikið og
gott verk við allar raddútsetningar
og skapar hann Skálmöld ákveðna
sérstöðu með þjóðlegum útsetn-
ingum. Hverju lagi fylgdi inngangur
þar sem sögumaður leiddi áhorf-
endur inn í söguna á bak við lögin og
um leið var varpað á kvikmyndatjald
Háskólabíós myndefni sem studdi
við söguna. Þessir tónleikar voru því
miklu nær því að vera söngleikur/
kvikmynd en hefðbundnir útgáfu-
tónleikar. Í laginu „Fenrisúlfur“ var
ótrúlegt að heyra raddútsetningar
Gunnars takast á við ómennsk öskur
Baldurs Ragnarssonar gítarleikara
og Björgvins Sigurðssonar söngv-
ara. Þráinn Árni Baldvinsson gítar-
leikari átti líka óaðfinnanlegt kvöld
og ósanngjarnt væri að minnast ekki
á Jón Geir Jóhannsson trommara
sem barði sveitina áfram af mikilli
elju. Edda Tegeder Óskarsdóttir
átti sterka og mikla innkomu þegar
hún steig á svið og rumdi mikinn í
Bræðralög og goðsagnaverur
Morgunblaðið/Eggert
Hljómmikið Kammerkórinn Hljómeyki tók undir með Skálmaldarmönn-
um í tveimur lögum plötunnar og úr varð magnaður hljómaseiður.
laginu „Hel“. Þessi plata er stór-
brotið tónlistarverk þar sem sögu-
sviðið er forna Ísland, þar leika vík-
ingar og aðrar kynjaverur lausum
hala. Snæbjörn „Bibbi“ Ragnarsson,
bassaleikari Skálmaldar, semur alla
texta plötunnar og skapar í raun alla
söguna og fyrir það er hann til-
nefndur til íslensku tónlistarverð-
launanna. Þegar þeir félagar höfðu
spilað nýju plötuna var gert stutt hlé
og því næst tóku þeir til við að spila
lög af fyrstu plötunni sinni Baldri.
Höfðu þeir á orði að á fyrstu útgáfu-
tónleikunum þeirra hefðu þeir ekki
átt nein uppklappslög og því væri
bætt upp fyrir það nú.
Það sýnir líklega best einhug og
heilindi drengjanna í Skálmöld að
strax að loknum tónleikunum stigu
þeir fram í anddyri og buðu gestum
að árita veggspjöld og diska.
Þessir drengir eru snillingar og
tek ég hatt minn ofan fyrir þeim og
segi:
Skemmtilegustu og metnaðar-
fyllstu útgáfutónleikar sem ég hef
séð á Íslandi!
» Þessi plata er stór-brotið tónlistarverk
þar sem sögusviðið er
forna Ísland, þar leika
víkingar og aðrar kynja-
verur lausum hala.
Heljartök Edda Tegeder Óskarsdóttir úr Angist var gestasöngkona á
tónleikunum og brá sér í hlutverk Heljar í dúett með Björgvini Sigurðssyni.
Kvikmyndin um nornaveiðimenn-
ina Hans og Grétu, eða Hansel og
Gretel eins og saklausu börnin í æv-
intýrinu heita upp á ensku, skaust
beint á toppinn um helgina. Enda
Grimmsævintýrin og spunaverk-
efni þeim tengd efniviður sem lista-
menn virðast endalaust geta moðað
úr. Um tvö þúsund manns sáu
myndina um helgina. Rétt á hæla
hennar í aðsókn um helgina kemur
vestri Quentins Tarantionos,
Django Unchained, en á síðustu
fjórum vikum hafa nær 22 þúsund
manns séð kvikmyndina sem hlaut
BAFTA-verðlaun um helgina, fyrir
besta frumsamda handritið auk
þess sem Christoph Waltz var val-
inn besti leikarinn í aukahlutverki.
Bíóaðsókn helgarinnar
Bíólistinn 8.-10. febrúar 2013
Nr.
Var
síðast
Vikur
á listaKvikmynd
Hansel and Gretel - Witch Hunters
Django Unchained
Parker
Zero Dark Thirty
The Last Stand
Vesalingarnir (Les Misérables)
Bullet To The Head
Gangster Squad
Lincoln
Life of Pi
Ný
1
2
Ný
3
6
Ný
4
8
10
1
4
2
1
2
3
1
3
2
9
1
2
3
4
5
6
7
8
9
10
Myrkt ævintýri á toppinn
Veiðimaður Nú eru Hans og Gréta
farin að elta uppi og veiða nornir.
BJÓÐUM NOKKRAR GER
ÐIR AF
FERMINGARBORÐUM.
Fjölbreyttir réttir smáréttab
orðanna
okkar henta bæði í hádegi
s- og kvöldveislur.
Steikarhlaðborðin eru allta
f vinsæl, sérstak-
lega ef um kvöldveislu er a
ð ræða. Bjóðum
upp á tvær gerðir kaffihlað
borða, en einnig
er í boði að panta einstaka
hluta úr þeim. t.d
Kaffisnittur, fermingartertu
r. Pinnahlaðborð
eru þægileg og slá hvenær
sem er í gegn.
Hólshraun 3 · 220 Hafnarjörður · Símar: 555-1810, 565-1810
Fax: 565-2367 · Netfang: veislulist@veislulist.is · www.veislulist.is
æðisleg
veislan
verður
Fermin
gar-
Góð ferm
ingar-
veisla lifi
r lengi
TapasSmáréttir Kalt borð
Pinnamatur
SÚPA BRAUÐ OG SMÁRÉ
TTIR
Hádegisveisla á milli kl 12
- 14
Verð frá kr. 2.412
TAPASVEISLA 9 RÉTTIR
Síðdegisveisla 16 -19
Verð frá kr. 3.095
TERTU OG TAPASBORÐ.
Miðdegisveisla 13 - 15
Verð frá kr. 3.222
STEIKARBORÐ
Kvöldveisla 17 - 20
Verð frá kr. 3.095
FERMINGARKAFFIHLAÐB
ORÐ
Miðegisveisla 14 - 17
Verð frá kr. 2.090
LÉTTIR FORRÉTTIR OG
STEIKARBORÐ
Verð frá kr. 3.640
PINNAMATUR
Miðdegisveisla 14-17
Verð frá kr. 2.460
KALT HLAÐBORÐ
FISKRÉTTIR
Verð frá kr. 4.687