Morgunblaðið - 12.02.2013, Blaðsíða 24
24 UMRÆÐAN
MORGUNBLAÐIÐ ÞRIÐJUDAGUR 12. FEBRÚAR 2013
Halldór Gunnars-
son, fyrrverandi sókn-
arprestur í Holti,
skrifaði grein í Morg-
unblaðið 6. febrúar sl.
þar sem hann hvetur
til þess að ný forysta
verði kosin á lands-
fundi Sjálfstæðis-
flokksins sem settur
verður 21. febrúar nk.
Hann segir stöðu formannsins vera
veika. Hann virðist gleyma því að
Bjarni Benediktsson fór í gegnum
þrennar formannskosningar á
þremur árum, árin 2009-2011. Lík-
lega hefur enginn formaður Sjálf-
stæðisflokksins þurft að taka þátt í
jafnmörgum kosningum um stól
sinn á jafnskömmum tíma.
Eins og kunnugt er vann formað-
urinn allar þær kosningar, síðast
gegn mjög atkvæðamiklum oddvita
flokksins í borgarstjórn. Hvernig er
hægt að halda því fram að staða
þess sem sigrar þrisvar í röð, nú síð-
ast öflugan mótframbjóðanda, sé
veik? Um ummæli Halldórs um að
80% manna á einhverjum ótil-
greindum fundi hafi verið andsnúin
forystunni þarf ekki að fjölyrða,
enda augljóslega ómarktæk.
Skuldir heimilanna
Halldór segir forystuna tala með
loðnum hætti um skuldastöðu heim-
ilanna. Staðreyndin er hinsvegar sú
að það eru ekki til neinar töfra-
lausnir þegar skuldir heimilanna
eru annars vegar. Þeir stjórn-
málamenn sem eru með digur-
barkalegar yfirlýsingar, til dæmis
um að afnema verðtrygginguna,
fara fram með mjög óábyrgum
hætti og búa til falskar vonir í huga
almennings. Þingflokkur Sjálfstæð-
isflokksins lagði á síðasta þingi fram
mjög ítarlegar efnahagstillögur þar
sem m.a. voru 13 tillögur um hvern-
ig ætti að bæta fjármál heimilanna.
Þessar tillögur voru bornar út í
hvert einasta hús á landinu.
Kannski hefur pósturinn ekki skilað
sér í Holt þann daginn.
Raunhæft fylgi
Halldór segir Sjálfstæðisflokkinn
mælast með um 32%-35% fylgi. Það
er rangt. Samkvæmt nýjasta Þjóð-
arpúlsi Capacent, sem er marktæk-
asti mælikvarðinn á fylgi stjórn-
málaflokka, er fylgi flokksins nú
35,5%, og hefur raunar ekki farið
undir 35% þar síðastliðið ár.
Sóknarpresturinn fyrrverandi
endar grein sína á því að segja að
Sjálfstæðisflokkurinn verði að ná
40-45% fylgi. Eins frábært og það
væri er það hvergi nærri raunhæft.
Ef frá er talið árið 1999, þegar Sjálf-
stæðisflokkurinn fékk 40,7% at-
kvæða í þingkosningum, þarf að
fara aftur til ársins 1974 til að finna
kosningar þar sem Sjálfstæðisflokk-
urinn fer yfir 40%. Hagstofan hefur
haldið utan um fylgi flokka í þing-
kosningum frá árinu 1963. Frá þeim
tíma er meðalfylgi flokksins 35,9%
sem er ansi nálægt því sem flokkur-
inn mælist með í dag.
Sjálfstæðismenn mega ekki
gleyma því að það eru ekki nema
rúm fjögur ár síðan Sjálfstæðis-
flokkurinn mældist allt niður í 21%
fylgi. Flokkurinn var í molum eftir
bankahrunið og hafði glatað tiltrú
þjóðarinnar. Uppi voru raddir um
það í flokknum að það þyrfti jafnvel
heila kynslóð Íslendinga til þess að
hann næði sér aftur á strik og sumir
töldu að réttast væri að leggja
flokkinn niður og stofna nýjan.
Öflug stjórnarandstaða
Á þessum tíma tók Bjarni Bene-
diktsson við stjórnartaumunum á
meðan aðrir treystu sér ekki til
þess. Á þeim stutta tíma sem liðinn
er síðan hefur mikill árangur áunn-
ist. Fylgi flokksins hefur aukist upp
í sitt gamla meðalfylgi. Formaður
flokksins hefur haldið uppi öflugri
umræðu í öllum hinum stærstu mál-
um, svo sem landsdómsmálinu,
stjórnarskrármálinu, kvótamálinu,
skattamálum, Icesave-málinu og
eins og áður sagði í efnahagsmálum
og málefnum heimilanna.
Nú þegar rúmlega 70 dagar eru
til kosninga þarf flokkurinn ekki á
því að halda að trúnaðarmenn hans
séu að níða skóinn af forystunni.
Þjóðin þarf á því að halda að Sjálf-
stæðisflokkurinn komi vel út úr
næstu kosningum og leiði næstu
ríkisstjórn.
Til þess að svo megi verða þurf-
um við sjálfstæðismenn að snúa
bökum saman og styðja forystu
okkar til góðra verka.
Snúum bökum
saman
Eftir Davíð Þor-
láksson og Magnús
Júlíusson
Davíð Þorláksson
» Formaður flokksins
hefur haldið uppi
öflugri umræðu í öllum
hinum stærstu málum.
Davíð er formaður SUS og Magnús er
framkvæmdastjóri SUS.
Magnús Júlíusson
Egill Einarsson rit-
höfundur tók til máls
um úthlutun lista-
mannalauna frá ís-
lenska ríkinu í Morg-
unblaðinu síðasta
föstudag (1. febrúar).
Umfjöllunarefni rithöf-
undarins er löngu tíma-
bært innlegg í um-
ræðuna um það
fjársvelti sem óskabörn
þjóðarinnar, listamennirnir okkar,
glíma við og hafa gert til langs tíma.
Um listamannalaun fer eftir lögum
um slík laun en þar kemur m.a. fram
að í þeim tilgangi að efla listsköpun í
landinu veiti Alþingi árlega fé af
fjárlögum til þess að launa lista-
menn. Til að vanda valið hverju sinni
starfa sjö stjórnir og nefndir sem
gera tillögu að úthlutun til óska-
barnanna.
Egill bendir í grein sinni á að fólk
geri sér almennt ekki grein fyrir
þýðingu listarinnar í þágu þjóð-
arinnar. Gagnrýni á listamannalaun
bendi til þess. Óhætt er að taka und-
ir það. Þá nefnir hann nokkur dæmi
um smánarlega lág fjárframlög
skattgreiðenda til listamanna. Sumir
hverjir njóta jafnvel aðeins fjár-
framlaga hluta úr ári! Hvers á fólk
að gjalda í slíkum tilvikum; varla er
ætlast til þess að það fjármagni
áhugamál sín sjálf að hluta, eða
hvað? Af dæmum Egils má t.d. ráða
að kollegi hans Hallgrímur Helga-
son njóti ekki nema tæplega fjög-
urra milljóna frá skattgreiðendum
ár frá ári. Hvernig má það vera að
svo afkastamikill rifhöfundur njóti
svo lágs endurgjalds
fyrir list sína? Ein-
skorðast framlagið við
útgefnar bækur? Ef
svo er þá er ástandið
grafalvarlegt. Framlag
hans er miklu meira en
bara það sem gefið er
út í bókaformi. Þannig
tekur hann sér varð-
stöðu með listum og
menningu með skrif-
um sínum á opinberum
vettvangi um sam-
félagsmál. Ekki má
gleyma málefnalegri hags-
munagæslu Hallgríms stuttu eftir
fjármálahrunið mikla. Hver man t.d.
ekki eftir því þegar Hallgrímur
gætti hagsmuna almennings með því
að trufla tilkynningu þáverandi for-
sætisráðherra um alvarleg veikindi
sín eða þegar hann stjórnaði um-
ferðinni fyrir utan stjórnarráðið af
ró en þeirri festu sem til þurfti. Ekki
er vitað til að þessi kollegi Egils hafi
þegið eða þiggi nokkur laun úr op-
inberum sjóðum fyrir þessi framlög
sín, sem þó varða almannahag
miklu. Að hækka opinbera styrki
myndi án efa auka svigrúm til
áframhaldandi góðra verka.
Þá er ástæða til að taka undir þau
orð Egils að listamenn, sem tengdir
eru tilteknum ráðherrum, eiga ekki
að þurfa þola þá umræðu að tengslin
hafi eitthvað með fjárframlögin að
gera. Slík umræða er ekki aðeins
ómálefnaleg og ósanngjörn, heldur
beinlínis meiðandi, sem slík. Þau
Bjarni Bjarnason, eiginmaður fjár-
málaráðherra, og Jónína Leósdóttir,
eiginkona forsætisráðherra, hafa
löngu sannað þýðingu framlags síns
til listarinnar. Eftir hneykslið árið
2008 þegar þau voru sniðgengin (og
engin bók kom þá út eftir Bjarna)
hefur úthlutunarnefnd listamanna-
launa séð að sér og úthlutað þeim
launum árlega. En betur má ef duga
skal. Hækka þarf greiðslurnar, enda
eru þær einungis í kringum með-
allaun í landinu.
En nóg af neikvæðni. Ekki má
gleyma því jákvæða í garð list-
arinnar. Ráðamenn þjóðarinnar hafa
vissulega lagt ýmis lóð á vogarskálar
til þess að við fáum að njóta lista við
bestu aðstæður. Því má ekki gleyma.
Þannig stuðluðu þeir að því að tón-
listarhúsið Harpa var reist fyrir rétt
um 29 milljarða króna. Sú hamingja
sem húsið hefur veitt þjóðinni verð-
ur ekki metin til fjár. Hver þarf
sjúkrahús þar sem tæki virka þegar
hann hefur slíkt andans hús? Hefur
þjóðin sýnt þakklæti sitt í verki,
enda er hleypt inn í hollum á hvern
listviðburðinn á fætur öðrum. En
gerum betur. Við þurfum að standa
dyggilega vörð um fjárhagslega
hagsmuni okkar fremstu lista-
mannna, á borð við þá sem hér hafa
verið nefndir. Hver á annars að
borga fyrir áhugamál þeirra ef ekki
við sem þjóð?
Orð í tíma töluð
Eftir Eirík Elís Þor-
láksson »Ráðamenn þjóðar-
innar hafa vissulega
lagt ýmis lóð á vogar-
skálar til þess að við
fáum að njóta lista við
bestu aðstæður. Því má
ekki gleyma.
Eiríkur Elís Þorláksson
Höfundur er lögfræðingur.
Stjórnarliði heldur því fram á þingi
að röð atvika og tilviljanir hafi ráð-
ið niðurstöðu Icesave-málsins. Þessi
fullyrðing segir um margt hvernig
ESB-sinnaðir
stjórnarliðar
hugsa þessa dag-
ana. Því spyr ég
hæstvirtan þing-
mann Valgerði
Bjarnadóttir,
sem stendur fyr-
ir hinu af-
spyrnuvandaða
frumvarpi að
nýrri stjórn-
arskrá, hvort af-
leiðingar af röðum atvika og tilvilj-
ana hefðu orðið á annan hátt ef ný
stjórnarskrá hefði gilt:
1. Þar sem ESB hafði til þess
fullan vilja að láta Íslendinga taka
á sig Icesave-skuldbindingirnar,
jafnvel þótt fyrir því væru engin
lagaleg rök, hefði ESB getað sett á
okkur reglur til þess að borga
reikninginn án þess að þjóðin hefði
getað staðið á móti því?
2. Þar sem ráðamenn þjóðar-
innar gáfu fyrirheit, skrifuðu minn-
isblöð og undir samninga sem
hefðu sent reikninginn á Icesave til
íslenskra heimila, hefði það skuld-
bundið heimilin í landinu án þess
að geta borið fyrir nokkrar varnir?
Ef svo, hverjar hefðu þessar varnir
verið?
3. Meirihluti þingmanna sýndi
staðfastan vilja til þess að sam-
þykkja Icesave-samningana í and-
stöðu við þjóðina, hefði þjóðin haft
einhverja leið til þess að mótmæla
þinginu og stöðva málið?
4. Þar sem þjóðin sýndi af sér
staðfestu og mótmælti samningum
og gat komið þeim mótmælum til
forseta Íslands, hvernig hefði sú
aðgerð getað gengið upp með
tryggum hætti?
5. Þar sem forseti Íslands gat
stöðvað málið í tvígang og sent það
til þjóðaratkvæðis, hefði forseti get-
að stöðvað málið?
6. Að lokum, þar sem núverandi
stjórnarskrá reyndist þjóðinni jafn-
gæfurík og raun bar vitni gegn
staðfestum brotavilja ráðamanna
ESB, ráðamanna á Íslandi og þing-
manna, hefði ný stjórnaskrá verið
jafngæfurík og farsæl fyrir þjóð-
ina?
Ég vænti þess að hæstvirtir
þingmenn sem standa að frumvarpi
að nýrri stjórnarskrá geti sýnt okk-
ur hinum hvernig röð tilviljana
hefði orðið mögulega öðruvísi og
hvort þjóðin hefði haft sína gæfu
áfram.
Eða hefði röð atvika og tilviljanir
eða vilji almennings verið betur
undir stjórn valdhafa og einbeittum
og öguðum brotavilja alþjóðlegs yf-
irvalds?
BJÖRN VERNHARÐSSON,
sálfræðingur.
Röð tilviljana og ný stjórnarskrá
Frá Birni Vernharðssyni
Björn Óskar
Vernharðsson
Bréf til blaðsins
Á Krúsku færðu:
heilsusamlegan mat,
kjúklingarétti, grænmetisrétti,
fersk salöt, heilsudrykki,
súkkulaðiköku,
gæðakaffi frá
Kaffitár og
fallega
stemningu.
Suðurlandsbraut 12 l 108 Reykjavík l S. 557-5880 l kruska@kruska.is l kruska.is
OPIÐ VIRKA DAGA FRÁ 11-20 SENDUM Í FYRIRTÆKI
Næring fyrir líkama og sál