Breiðfirðingur - 01.04.1977, Síða 64

62
BREIÐFIRÐINGUR
dala á íslandi — en þannig er Saurbærinn kostum búinn
— átti Óskar sína bernsku og æsku.
Guðrún er fædd á Sauðafelli 4. september 1901 dóttir
sýslumannshjónanna þar Björns Bjarnasonar og Guðnýjar
dóttur Jóns Borgfirðings. Og á þessu fræga sagnasetri Dal-
anna átti hún sína bernsku og æsku, unz þau hurfu þaðan,
er hún var 18 ára að aldri. Hún mun nú ein á lífi systkin-
anna átta frá Sauðafelli.
Lengra verður ævisaga þeirra ekki rakin hér. En sann-
arlega má um þau segja að þar:
„Bera hugur og hjarta
síns heimalandsmót.“
1 litla húsinu Bergstaðastræti 21 hafa þau átt heima í
46 ár.
Það er autt, eftir að þau fluttu í fallegt einbýlishús í
Fossvognum á þessu ári. Það hæfir þeim vissulega vel.
Fossvogsdalur er eitt hið fegursta svæði borgarinnar og
verður vonandi varðveitt í anda þeirra hugsjóna, sem þessi
hjón hafa helgastar átt.
Oskar Bjartmarz hóf starf hjá Löggildingastofnuninni
árið 1920. Fyrst sem eftirlitsmaður með vogum, mælitækj-
um og benzínafgreiðslum á öllu landinu.
Ferðaðist hann um allt Island á hestum og kom í hverja
sveit og byggðarlag.
Mætti segja mér, að slíkt væri einstætt afrek eins manns,
miðað við þá vegi og samgöngur, sem voru fyrir meira en
hálfri öld. — Munu dagbækur Óskars frá þessu starfi hin-
ar merkustu.
Nokkru síðar gerðist hann forstjóri þessarar mælitækja-
stofu og var það samfellt um nær hálfrar aldar skeið eða