Morgunblaðið - 16.09.1975, Blaðsíða 13

MORGUNBLAÐIÐ. ÞRIÐJUDAGUR 16. SEPTEMBER 1975
13
ast við slíku sem þessu og
einhvers konar vandamál
hafa alltaf komið upp,
þar sem virkjað hefur
verið á þennan hátt.
Krafturinn i holunni er
gífurlegur, sem sést af
því mikla hitastigi, sem
er í henni, 310 gráður.
Þetta er heitasta hola,
sem boruð hefur verið
hérlendis eða jafnvel í
öllum heiminum og á
hitastiginu byggist það
mikla afl og sá mikli
þrýstingur, sem fæst úr
holunni. Sú hola, sem áð-
ur var heitust, var bor-
hola á Reykjanesi, sem
gaf 289 gráðu hita, en
þriðja heitasta holan er í
Námafjalli 281 gráða.
Við spurðum þá næst
um jarðskjálftana á
svæðinu og hugsanlegar
afleiðingar þeirra. Karl
Ragnars sagði: — Það
eru jarðskjálftamælar
hér allt í kring, í Reykja-
hlíð, Húsavík og á Gríms-
stöðum. Hafa mælzt hér
talsverðar hræringar í
sumar og ég get ekki sagt
um það, hvort það sé
óeðlilega mikið. Sumir
telja að jarðhræringar
séu hér meiri vegna bor-
ananna, sem gerðar hafa
verið í sumar. Nú skal
tekið fram að ég er ekki
jarðskjálftafræðingur og
ég veit að haft hefur ver-
ið aftir Páli Einarssyni,
jarðskjálftafræðingi, að
boranir kynnu að geta
valdið þessu, en leik-
mannsskoðun mín er sú
að slíkt komi varla til
greina. Jarðhitasvæði og
jarðskjálftar eru ekkert
skyld fyrirbæri, en menn
verða að minnast þess að
við erum hér staddir í
jaðri eins mesta jarð-
skjálftasvæðis landsins
og því er ekki undarlegt,
þótt jarðhræringar verði
hér. Ég veit ekki til þess
að jarðskjálftar hafi haft
áhrif á háhitasvæði, en
þeir hafa hins vegar haft
áhrif á hveri og lindir,
ekki vegna þess að eðli
hitasvæða hafi breytzt,
heldur vegna þess að
vatnsrásir í jarðvegi
hrynja saman.
Holan, sem erfiðleikun-
um hefur valdið, er þegar
fóðruð niður að því
marki, sem vatnið fór út
úr henni við 700 metra
dýpt. Fyrirhugað er að
fóðra hana enn lengra
niður. Karl sagði að jafn-
vel þótt það tækist ekki,
ætti ekki að vera nein
hætta því samfara. Hann
sagði að þegar holan yrði
opnuð á ný, myndi gufan
leita stytztu leið upp á við
og taldi hann að þá
myndi hið yfirþrýsta
vatn hætta að fara út úr
holunni við 700 metra
dýpt. Þrýstingurinn leit-
ar auðveldustu leið upp
úr holunni.
Við Kröfluframkvæmdir
vinna nú að staðaldri um
100 manns. Frá Orku-
stofnun eru um 20
manns, en aðrir vinna
fyrir Miðfell, sem er
verktaki Kröflunefndar.
Kröflunefnd hefur með
höndum byggingu stöðv-
arhúss og orkuversins
sjálfs, en Orkustofnun
sér um framkvæmdir við
boranirnar og aðveitu-
kerfi gufunnar. Raf-
magnsveitur ríkisins sjá
Bormastrið að hálfu leyti hulið gufumekki.
Þar sem gufan þrýstist upp um borhoiuna, heyrir maður vart til sjáifs sfn. f frostinu, sem þarna var á
föstudag, mynduðust allmyndarieg grýiukerti á borútbúnaðinum.
Fyrri borholan, sem blæs af miklu afli og bfður þess að geta knúið rafala virkjunarinnar.
Séð ofan frá borunarsvæðinu að stöðvarhúsinu f byggingu. Fjærst er svefnskálahverfl starfsmanna.
síðan um línulögn frá
Kröflu til Akureyrar.
Fyrirhuguð virkjun
verður 60 megawött og
áætlað er að önnur af vél-
um virkjunarinnar, 30
megawött taki til starfa
um áramótin 1976 til
1977. Til þessa hafa verið
boraðar tvær holur, hin
fyrri 1600 metrar að dýpt
og þessi viðburðarríka
hola, sem er 2000 metrar.
í fyrra voru boraðar
tvær tilraunaholur, 1100
metrar hvor.
Nú er unnið að því að
gera stöðvarhús fokhelt
fyrir veturinn, svo að
vinna geti haldið áfram
innanhúss i vetur, en þá
munu boranir liggja
niðri. Stöðvarhúsið
stendur niður í dal og
holurnar eru i hæðunum
fyrir ofan. Verður guf-
unni safnað saman í f jór-
ar miklar aðveitupípur,
sem liggja að stöðvarhús-
inu. Stöðvarhúsið er
sjálft húslaga, en við hlið
þess verður síðan reistur
húslaga kassi, sem verð-
ur kæliturn gufunnar,
þar sem vatnið hríslast
niður og kólnar.