Morgunblaðið - 16.09.1975, Blaðsíða 31

MORGUNBLAÐIÐ, ÞRIÐJUDAGUR 16. SEPTEMBER 1975
31
aldrei fullmetið eða nógsamlega
þakkað.
Þegar við nú að Ieiðarlokum,
félagar hans, kveðjum hann og
þökkum honum öll hans störf i
okkar félagi biðjum við þess, að
algóður guð blessi hann og að
hann i öðru lifi megi áfram vinna
að hugsjónum sínum og félags-
málum þvi að engum manni hef
ég kynnzt sem sannað hefur það
jafnrækilega og Guðmundur að
með félagshyggjuna að leiðarljósi
hóf hann starfið og hún var hon-
um leiðarljós til leiðarloka.
Að endingu vil ég þakka Guð-
mundi og konu hans allt það sem
þau hafa hvort fyrir sig eða sam-
eiginlega unnið Verkalýðsfélagi
Akraness og málefnum þeim er
það hefur haft á sinni stefnu á
liðnum árum og jafnframt öll fé-
lagsstörfin.
Skúli Þórðarson, Akranesi.
Minninq:
DagurSveinn Jónas-
son skrifstofustjóri
Dagur Jónasson skrifstofustjóri
varnarliðseigna andaðist í Land-
spítalanum 8. sept. s.l. og var til
grafar borinn frá Bústaðakirkju
s.l. laugardag.
Dagur var fæddur að
Yztahvammi í Aðaldal 16. ágúst
1923 og var því rétt 52 ára er hann
andaðist. Foreldrar hans voru
hjónin Jónína Sigtryggsdóttir og
Jónas Sigurbjörnsson bóndi.
Þegar Dagur var á öðru ári andað-
ist faðir hans og brá móðir hans
búi og fluttist með sex börn til
Húsavfkur og ólst Dagur þar upp.
Nærri má geta að þröngt hafi
verið í búi fjölskyldunnar á
kreppuárunum fyrir $trið: Barn-
ungur hóf Dagur að stunda sjó-
mennsku á Húsavík og hugðist
leggja hana fyrir sig og fara í
sjómannaskóla. Raunin varð samt
sú, að hann fór til náms x Héraðs-
skólanum að Laugarvatni og
síðan f Verzlunarskóla tslands og
lauk þaðan prófi vorið 1943. Að
námi loknu starfaði hann f
nokkur ár hjá Upplýsingaþjón-
ustu Bandaríkjanna. Um langt
skeið var hann gjaldkeri hjá
Almennum tryggingum hf. Sfðan
var hann m.a. framkvæmdastjóri
Brauðs hf. i Kópavogi og dag-
blaðsins Vísis. Sfðustu sjö árin
var hann skrifstofustjóri Sölu-
nefndar varnarliðseigna.
Þessi fjölþættu störf vann hann
af miklum dugnaði og trú-
mennsku. Hann setti sig rækilega
inn í öll þau störf, sem hann átti
að annast og kunni á þeim full
skil. Hann gekk að störfum með
kyrrlátri festu, sem sköpuðu
honum tiltrú og traust. Allir sem
áttu við hann viðskípti dáðust að
lipurð hans, velvild og drangskap.
Betri og samvizkusamari starfs-
maður hygg ég hafi verið vand-
fundinn, enda naut hann alla tíð í
ríkum mæli viðurkenningar og
trausts yfirmanna sinna jafnt sem
undirmanna.
Dagur sóttist ekki eftir opin-
berum vegtyllum eða frama.
Hann gekk upp í störfum sínum
af lifandi áhuga og var sívinnandi
til að tryggja hag fjölskyldunnar
sinnar, sem hann lagði allt í söl-
urnar fyrir.
Hann var alinn upp við kröpp
kjör. Það mótaði að vissu leyti
viðhorf hans alla tíð. Að vinna var
honum í blóð borið. Hann hafði
sjálfur kostað nám sitt og staðið á
eigin fótum frá unga aldri. Að
ætla sér af fjárhagslega var ríkt f
eðli hans. Að eiga hæfilega fyrir
sig, án þess að steypa sér í skuldir
var stefna hans. Sýndarmennska
og prjál var honum framandi.
Dagur var félagslyndur maður.
Hann starfaði m.a. í Frímúrara-
reglunni og Lionsklúbbnum
Baldri af miklum áhuga og
dugnaði og var jafnan kvaddur til
ýmissa starfa og forystu í þeim
félögum, sem hann var í. Á yngri
árum stundaði Dagur nokkuð
íþróttir og var m.a. góður fim-
leikamaður og sund iðkaði hann
mikið hin síðari ár. Bar Dagur
þess glögg merki að hann lagði
rækt við heilsu sina. En eigi má
sköpum renna. Þessi hrausti
drengur féll skyndilega fyrir
vágesti, sem harkalega lætur að
sér kveða.
Árið 1944 gekk Dagur að eiga
eftirlifandi konu sína, Önnu Frið-
riksdóttur frá Akureyri, mikla
ágætiskonu. Var hjónaband
þeirra ástríkt mjög, enda jafn-
ræði með þeim hjónum. Þau
eignuðust þrjú elskuleg börn,
Friðrik prentara, Maríu
hjúkrunarkonu og Jón Kristin
menntaskólanema.
v I röskan aldarfjórðung höfum
við Dagur verið kunningjar. Fyrir
tæpum tveimur árum bundumst
við fjölskylduböndum og þá
kynntist ég nýrri hlið á þessum
góða dreng. Betri og elskulegri
heimilisföður hefi ég ekki kynnzt.
Heimilið og fjölskyldan var
honum það dýrmætasta. öllum
frístundum sinum varði hann til
að fegra og bæta heimili sitt að
Litlagerði 10, húsið sem hann átti
sjálfur svo mörg handtökin í.
Dagur var fremur hlédrægur og
hafði sig ekki i frammi á mann-
fundum, sem vel hefði hann mátt,
vegna sinna góðu gáfna. En f góð-
um vinahópi gat hann leikið á
alsoddi og haldið uppi gleði á
gamlan og góðan þingeyskan hátt.
Hann kunni feikn af vísum og
fróðleik, sem hann miðlaði svo
unun var á að hlýða. Hann naut
þess að vera heima. Hvergi var
hann glaðari og hvergi var hinn
fallegi, heiði svipur hans bjartari
en einmitt þar. Þannig skal hans
minnzt. Þannig skal mynd hans
varðveitast um ókomin ár.
I fjölskyldu Dags er nú skarð
fyrir skildi. En það er von mín og
bæn að treginn megi mildast og
söknuðurinn smátt og smátt réna,
vegna dýrmætra minninga um
frábæran mann.
Við Sólveig og fjölskyldan öll
þökkum Degi ógleymanlegar sam-
verustundir og biðjum Guð að
vernda hann og fjölskyldu hans.
Ásberg Sigurðsson.
Kveðja frá vini
Faðir, stundin er komin.
Þessi orð komu fyrst í hug
minn, þegar ég fékk þær fréttir,
að frændi minn og vinur væri
látinn. Dagur Sveinn Jónasson,
kallaður burt frá þessari jörð,
aðeins fimmtiu og tveggja ára
gamall.
Faðir, þinir vegir eru
órannsakanlegir og einnig
óskiljanlegir, en vér trúum á þig
og treystum þér. Verði þinn vilji
svo á jörðu sem og á himni.
Allar kveðjustundir verða oss
eftirminnilegar, hvort sem vér
kveðjumst fyrir langt eða stutt
tlmabil, en sú kveðjustund sem
er, þegar dauðinn aðskilur,
hlýtur að vekja oss til um-
hugsunar um tilgang
og markmið þess veraldlega lífs
sem vér lifum. Enginn getur
efast um, aó tilgangurinn með
veru okkar hér á jörðu er mikil-
vægur. Öll trúum vér að þú einn,
Algóði guð, hafir rétt til að kalla
oss til þín á þeim tíma, sem þú
telur réttan til þroska og eilifs
lífs. Megi skilningur á elsku þinni
verða þjóð vorri og öllum heimin-
um til blessunar.
Mig langar til fyrir mina hönd,
fjölskyldu minnar og ættingja, að
kveðja kæran frænda og þakka
honum fyrir ánægjulega og ham-
Framhald á bls. 27

BANKASTRÆTI
■©-14275
l l >I U\l Al I
50% — 80% verðlækkun
Útsalan i fullum gangi
Ofsalegt úrval af buxum o.fl. o.fl

ímmm

mm
fíA'-fe

Isáisií
,

mMm
'mm
mflm

wmm
■ .. ':'4

■
Igteííi#
■j-
■ ' ■- . • ■ : ■ , . ■ , .- u /
■
wwwsW m ■ s->--

4
EF ÞAÐERFRÉTT-
NÆMTÞÁERÞAÐÍ
MORGUNBLAÐINU

Al (ÍI.VSINGA-
SÍMINN KR:
22480