Morgunblaðið - 05.04.1977, Blaðsíða 39
MORGUNBLAÐIÐ FIMMTUDAGUR 7. APRÍL 1977
39
af stað sina eigin gróðurhúsa-
framieiðslu í Hveragerði, en það
var í byrjun fimmta áratugarins
sem Garðyrkjustöðin Álfafell í
Hverahvammi tók til starfa.
Gunnar var hreint ekki maður
einn, þegar hér var komið sögu.
Það má segja að námsför hans
„heim að Hólum“ — i Hjaltadal
hafi orðið honum ómæld gæfa.
Þar bindast þau lifstíðarböndum
Ingimaría Karlsdóttir, (Inga) frá
Draflastöðum i Fnjóskadal og
hann.
Þau gifta sig 14. nóvember 1939
eða um tveim árum áður en þau
hefja byggingar- og ræktunar-
framkvæmdir við garðyrkjustöð-
ina. En þessi stöð, er nú með
stærstu stöðvum hér á landi, —
eða nær 3000 ferm. og sú lang
stærsta sem hefur sérhæft sig i
ræktun á pottaplöntum.
Gunnar lét félagsmál nokkuð til
sín taka, — þó sérstaklega sérmál
gróðurhúsaframleiðgnda. í sveit-
arstjórn var Gunnar nokkur ár.
Þótti hann samstarfsfús og glögg-
skyggn einnig á þeim vettvangi.
En þegar við samtíðarkynslóð
og vinir þeirra hjóna virðum fyrir
okkur, að leiðarlokum Gunnars,
hvað það er sem hæst ber og lýsir
best mannkostum hans, þá verður
manni fyrst á að hugsa til þeirrar
óþrjótandi siglu og starfsgleði,
sem einkenndi lif hans.
Gróðurríkið, húshverfingin í
hvamminum við Varmármela og i
hlíðinni vestan vegar er þjóðlegur
minnisvarði, um hvað tveir sam-
hentir ástvinir geta þokað landi
sinu frammá við til bættra lifs-
möguleika fyrir komandi kynslóð-
ir.
Það er samstarf, samhugur og
óþrjótandi starfsorka þeirra
hjóna, sem hefur grætt upp þann
sanna ræktunaranda er svífur yf-
ir Garðyrkjustöðinni i Álfafelli og
heimili fjölskyldunnar.
Það eru aðeins „drengir góðir"
og ósérhlifnir atorkumenn sem
skilja eftir sig, því líkt ævistarf í
verki og raun.
Megi bændastéttinni íslensku
og þjóðinni allri auðnast að fá
sem flesta slika, dugandi en hóf-
sama þegna og Gunnar Björnsson
garðyrkjubóndi var, þá mun
margt betur fara i þjóðfélagi okk-
ar.
Utför Gunnars verður geró frá
Fossvogskirkju i dag.
Blessuð sé minning hans.
E.B. Malmquist.
Skuttogarinn Klakk-
ur kominn til Eyja
Skuttogarinn Klakkur við Básaskersbryggjuna I Eyjum.
KLAKKUR VE 103, hinn nýi
skuttogari frystihúsanna f Eyj-
um, kom til Vestmannaeyja f
vikunni, en skipið er nýsmfðað
f Póllandi, 500 tonn að stærð.
M/s. Klakkur VE 103 er eign
hlutafélagsins KLAKKS i Vest-
mannaeyjum, stærstu hluthaf-
ar eru Fiskiðjan h.f., Isfélag
Vestmannaeyja h.f. og Vinnslu-
stöðin h.f.
Skipið er tveggja þilfara
skuttogari útbúinn fyrir botn-
vörpu og flotvörpuveiðar.
Lestin er kæld í 0°C og ein-
angruð með plastfroðu, en
klædd að innan með stálplöt-
um. Lestin er útbúin fyrir
kassafisk, og stærð hennar er
460 rúmmetrar. Yfir lest á efra
þilfari er ísvél og undir henni
ísgeymsla, en I lest er dreifi-
kerfi fyrir ísinn.
Aftast í skipinu, milli aðalþil-
fars og efra þilfars báðum meg-
in við fiskmóttöku, eru neta-
geymslur með lúgum á efra þil-
fari.
Ibúðir eru fyrir 16 menn, 10
menn I tveggja manna klefum
og 6 menn I einsmanns klefum.
Skipstjóraklefi er með sér-
snyrtingu, klefar stýrimanna
og vélstjóra eru í yfirbyggingu
á efra þilfari, en aðrar íbúðir
neðar á aðalþilfari. Þar eru
snyrtiklefar með sturtubaði. Á
milli vinnslusalar og íbúða er
snyrtiklefi og stakkageymsla.
Ibúðir eru hitaðar upp með raf-
magnsofnum og allar fbúðir
loftræstar með vélblæstri.
Matvælageymslur með kæli-
rúmi og frysti eru rúmgóðar og
eldhús er búið rafmagnseldavél
og nýtísku tækjum.
I skipinu eru öll fullkomn-
ustu siglingar- og fiskileitar-
tæki, svo sem 2 ratsjár, sjálf-
virk miðunarstöð, Loran C með
skrifara, veðurkortariti, raf-
magnsvegmælir, gíróáttaviti
með sjálfstýringu, 2 fiskileitar-
dýptarmælar og flotvörpu-
mælir. Þá eru 2 talstöðvar, önn-
ur fyrir örbylgju- og neyðartal-
stöð. I skipinu er kall- og tal-
kerfi, sjónvarp með myndsegul-
bandi, útvarpstæki, auk neyðar-
sfhia og hátalarakerfis fyrir út-
varp.
Skipstjóri er Guðmundur K.
Jónsson, 1. vélstjóri Jón Sig-
urðsson og 1. stýrimaður Helgi
Ágústsson.
Helgi Agústsson I. stýrimaður á Klakk og Guðmundur K.
Jónsson skipstjórí t.h. Ljósmyndir Mbl. Sigurgeir I
Eyjum.
Guðjón Bj. Guðlaugs-
son - Nokkur kveðjuorð
Guðjón Bj. Guðlaugsson húsa-
smíðameistari er fallinn frá 70
ára að aldri.
Þegar Guðjón fluttist til
Reykjavikur ungur maður, gekk
hann fljótlega i KR og iðkaði
sund, aðallega í sjónum, eins og
tíðkaðist mest á þeim árum. Nú
sjáum við á bak elsta félaga sund-
deildar KR. Guðjón var mjög
félagslyndur maður og var honum
sérlega annt um velferð unga
fólksins. Guðjón heitinn var :1-
gjör bindindismaður alla ævi,
enda var hann virkur starfskraft-
ur í Góðtemplarareglunni.
Guðjón var ætíð traustur félagi
hvar sem hann starfaði. Til marks
um það vil ég minnast þess að árið
1959 þá er Guðjón var 53 ára
gamall synti hann Viðeyjarsund i
virðingarskyni við félag sitt KR,
sem varð 60 ára á því ári. Þetta
var mikið afrek, þar sem sjávar-
hiti var 8 gráður og synti Guðjón
ósmurður.
Sunddeild KR hefur verið
gæfusöm að hafa átt Guðjón í
sínum röðum. Guðjón var sannur
heiðursmaður, drengur góður.
Síðasta framlag Guðjóns til KR
var ræða, sem hann flutti á sið-
asta aðalfundi KR, sem haldinn
var aðeins 5 vikum fyrir andlát
hans.
Guðjóni mæltist vel og bar ræð-
an því vitni hve góðan hug hann
bar til æskufólksins. Hann hreifst
af góðu uppbyggingarstarfi
félagsins og hvatti KR-inga til enn
frekari dáða.
Nú við andlát Guðjóns kveðjum
við KR-ingar hann með þakklæti.
Ekkju hans og fjölskyldu sendum
við bestu kveðjur.
Jón Otti Jónsson.
...hvertmeð
sínumótl.
FYRIR FEITTHÁR
MSSl-
h
Lau9ave®'
Sértilboð
Sykur 1 kg. 95 kr.
Smjörlíki 1 stk. 149 kr.
Nautahakk 1 kg. 690 kr.
ís 1 lítri
kr.
Coctail-perur —
ferskjur 1/1 ds. 348 kr.
Hlíðarkjör,
Eskihlíð 10, sími 11780.