Morgunblaðið - 30.08.1977, Page 31

MORGUNBLAÐIÐ, ÞRIÐJUDAGUR 30. AGUST 1977
31
og mannvirkja verður hvorki
stundaður framleiðsluiðnaður,
sjávarútvegur né framleidd raf-
orka. Dragist greinar eins og
málmiðnaður og byggingariðn-
aður aftur úr í uppbyggingunni
vegna skilningsleysis á mikil-
vægi þeirra, mun það orsaka
dýrari og lakari vörn og þjón-
ustu þessara greina. Ef þróunin
verður þessi bitnar það beint
eða óbeint á framleiðslunni,
sem þá verður verr sam-
keppnisfær við erlenda keppi-
nauta. Afleiðing af hærri fram-
leiðslukostnaði en vera þyrfti
er einfaldlega minni verðmæta-
sköpun og lakari lífskjör en
ella.
FRUMVARPTIL
NÝRRA
IÐNAÐARLAGA,
FRÆÐSLUMAL O.FL.
Af öðrum málum, sem fyrir
þessu þingi liggja, vil ég sér-
staklega geta frumvarps til
nýrra iðnaðarlaga, en samstaða
hefur náðst um þessi frum-
varpsdrög í nefnd þeirri, sem
iðnaðarráðherra skipaði til að
endurskoða lögin um iðju og
iðnað. Með þessari breytingu,
ef að lögum verður, eru tekin
til endurskoðunar lög, sem að
stofni tii eru frá árinu 1927 og
þeim breytt i samræmi við nýja
tima og breytta þjóðfélags-
hætti. Hér er ekki um bylting-
arkenndar breytingar að ræða
og ég dreg enga dul á þá skoðun
mína, og sú skoðun er raunar í
samræmi við ályktanir siðasta
Iðnþings, að þessi lög séu og
hafi verið hornsteinn undir
verkmenningu og uppbyggingu
iðnaðar í landinu og að varlega
verði að fara í að breyta þeim.
Það eru hvorki rök með né á
móti breytingum, að lögin séu
gömul, heldur verður þar að
byggja á mati fenginnar
reynslu og þörfum fyrir breyt-
ingar vegna þeirrar stefnu, sem
við óskum að beina iðnþróun
inn á í framtíðinni. Ég held
ekki að lögin um iðju og iðnað
hafi á neinn hátt verið Þrándur
i Götu iðnþróunar á íslandi,
enda hafa menn átt erfitt að
benda á dæmi slíks. Þær auknu
kröfur til þeirra er að iðnaði
starfa, sem ráðgerðar eru i
frumvarpsdrögunum tel ég
einnig til bóta og i samræmi við
kröfur timans.
Landssamband iðnaðar-
manna hefur allt frá upphafi
haft afskipti af fræðslumálum
og barist fyrir úrbótum á sviði
verkmenntunar. Enn eru þessi
mál til umræðu og þá sérstak-
lega vegna framkomins frum-
varps til laga um framhalds-
skóla. Stjórn Landssambands
iðnaðarmanna hefur sent frá
sér umsögn um þetta frumvarp,
þar sem talið er mjög óráðlegt
að samþykkja það óbreytt, en
það myndi m.a. hafa i för með
sér, að verkfræðsluskólarnir
myndu áfram starfa í því rúmi
upplausnar, sem ríkt hefur í
þessum málum að undanförnu.
Skólarnir myndu halda áfram
að þreifa fyrir sér, hver fyrir
sig, varðandi námsefni og fyrir-
komulag námsbrauta. Þetta
hefur gengið svo langt að sumir
þeirra útskrifa nemendur án
þess að geta gefið fyrirheit um
að námið veiti nemendum nein
réttindi. Með frumvarpinu er
að auki dregið verulega úr
möguleikum atvinnulifsins til
að hafa áhrif á þróun og fram-
kvæmd verkfræðslunnar í land-
inu. Þessa breytingu lit ég á
sem hreina öfugþróun og tel að
þvert á móti væri ástæða til að
auka þessi áhrif og bendi á
reynslu undanfarinna ára sem
víti til varnaðar.
Stjórn Landssambandsins
óskaði svara menntamálaráðu-
neytisins við fyrirspurnum og
athugasemdum, sem gerðar
voru við umrætt frumvarp,
þannig að hægt væri að fjalla
nánar um málið hér á Iðnþingi,
en engin svör hafa borist. Ég
hlýt því að játa að mikil óvissa
ríkir enn um þessi mál, sem
jafnframt kallar enn frekar á
um einbeitta afstöðu og skýra
tillögugerð okkar samtaka.
Aðstöðumál iðnaðarins hafa
undanfarið ár verið mjög til
umræðu og þá sérstaklega
vegna Iðnkynningar, sem nú
hefur staðið í eitt ár með ágæt-
um árangri. Ég mun þvi ekki
gera hér sérstaklega grein fyrir
þeim, en læt nægja að geta þess
að lánamál iðnaðarins munu
hér verða sérstaklega í brenni-
depli, en úrbætur á sviði lána-
mála og jöfnun lánskjara eru
skiljanlega eitt helsta hags-
munamál iðnaðarins í dag.
Þegar ákveðið var að efna til
samstarfs á breiðum grundvelli
um herferð til kynningar ís-
lenskum iðnaði, var um það al-
gjör samstaða í stjórn Lands-
sambandsins að láta sitt ekki
eftir liggja í þessu samstarfi.
Kynningu þessari er nú senn
lokið og er hægt að fullyrða að
árangur hefur orðið umtals-
verður, bæði í breyttri hegðan
við vöruval, svo og aukinn
skilningur á þýðingu islensks
iðnaðar fyrir þjóðfélagið.
Þátttaka iðnmeistara i Degi
iðnaðarins á þeim stöðum, sem
Iðnkynning hefur farið fram,
hefur verið mikil og almenn og
vakið athygli.
Hefur þar greinilega komið í
ljós hve þáttur iðnaðarmanns-
ins er fjölbreyttur og mikill í
atvinnulífi staðarins og þýðing-
armikill þáttur í uppbyggingu
atvinnulífsins og ekki síst i því
að skapa atvinnuöryggi.
Einn megintilgangur ís-
lenskrar iðnkynningar er að
hvetja íslenska stjórnmála-
menn og aðra áhrifaaðila til
þess að búa betur að iðnaðin-
um, taka aukið tillit til hans og
vinna að eflingu hans. Iónkynn-
ingin hefur beitt sér fyrir að
þau samtök, sem að henni
standa, hefðu með sér sem
besta samvinnu og komi opin-
berlegba fram sem einn aðili.
Það hefur verið íslenskum iðn-
aði mikill styrkur að þetta hef-
ur verð gert og að samtökin
hafa komið sameiginlega fram
gagnvart opinberum aðilum og
knúið sameiginlega á um ýmsar
úrbætur í málefnum er varða
starfsskilyrði íðnaðarins.
Eg lýsi ánægju minni með
Iðnkynninguna, og vil þakka
öllum sem þátt hafa tekið í að
skapa þá hugarfarsbreytingu,
sem telja má að orðið hafi. En
vill jafnframt benda á, að hér á
ekki að vera um stundarfyrir-
bæri að ræða. Iðnaðarmenn
hver og einn verða að fylgja
með, skoða sjálfa sig og gagn-
rýna, endurbæta og skipu-
leggja, og umfram allt vanda
sitt verk.
Um síðustu áramót má segja,
að skammt hafi verið milli stór-
tíðinda á sviði aðstöðumála iðn-
aðarins. Lögð var fram og sam-
þykkt ný tollskrá, sem ég vil
telja að marki að mörgu leyti
tímamót varðandi stefnuna í
tollamálum, en þar á ég við
stiglækkandí tolla af efni til
bygginga og lagfæringu ýmis
konar misréttis varðandi toll af
aðföngum til iðnaðar. Enn eru
þó mörg óleyst vandamál og
misrétti á sviði tollamála, sem
þarfnast leiðréttinga og vil ég
þar sérstaklega tilnefna málm-
iðnaðinn í því sambandi.
Um sxðustu áramót var einnig
lagt fram nýtt skattalagafrum-
varp og samtökin fengu til
skoðunar drög að frumvarpi til
nýrrar verðlagslöggjafar. Þessi
mál eru bæði óafgiæidd enn.
Um þau hefur verið fjallað af
stjórn Landssambandsins, sem
lagt hefur fram sínar tillögur í
formi umsagna og þau eru hér
til umræðu á þessu Iðnþingi,
sem móta mun stefnu okkar
næstu tvö árin.
Mörg fleiri mál mætti nefna,
sem hér vei’ða tekin fyrir og
snerta iðnaðinn i heild, svo og
innri málefni Landssambands-
ins sjálfs, en ég læt hér staðar
numið, og óska að Iðnþing megi
takast, að afgreiða þau margvis-
legu mál, sem fyrir það eru lögð
af víðsýni og marki þannig
nokkur spor fram á við þjóðinni
til farsældar.
Eg vil að lokum þakka öllum
þeim, sem unnið hafa að undir-
búningi þessa Iðnþings.
37. Iðnþing Islendinga er
sett.
Husqvarna ©
Husqvarna er heimilisprýði ógunnai Sfygeiióóon k.f
Husqvarna heimilistæki
þekkja allir og að góðu einu
☆ ELDAVÉLAR
☆ HELLUR—OFNAR
☆ U PPÞVOTTAVÉLAR
☆ KÆLISKÁPAR
☆ FRYSTISKÁPAR
☆ ELDHÚSVIFTUR
o.fl.
LEITIÐ UPPLÝSINGA
KOMIÐ - HRINGIÐ - SKRIFIÐ
Sjalfhreinsandi ofn
Innbyggður „Steikar hitamælir ",
Grillteinn fylgir. Mjög góður.
Hita og steikaraofn í eldavél.
TIL LEIGU
Hús þetta að Skaftahlíð 24
er til leigu nú þegar.
Húsið er nú því sem næst tilbúið undir tréverk
og hentar það vel fyrir margskonar starfsemi,
s.s. skrifstofur, skóla, opinbera umsýslu, versl-
anir, banka, verkfræðistofur, læknamiðstöð,
fyrir félagasamtök, hótel.
Húsið er fjórar hæðir og kjallari. Hver hæð er að
flatarmáli 465 fm. og kjallarinn er 650 fm.
Innkeyrsla er í kjallarann og 1. hæð hússins.
Lóð hússins er frágengin og bifreiðastæði, sem
rúmar um 100 bíla, er malbikað.
Húsið leigist í einu lagi eða stökum hæðum,
tilbúið undir tréverk eða lengra komið. Stór
lyfta fylgir uppsett.
Um langtíma leigu getur verið að ræða.
Nánari upplýsingar veitir Einar I. Halldórsson
á skrifstofu félagsins í síma 21120.
m
Laugaveqi 178, Reykjavík . Sími 21120