Morgunblaðið - 24.06.1978, Blaðsíða 10

10
MORGUNBLAÐIÐ, LAUGARDAGUR 24. JÚNÍ 1978
Frost á hálendinu
— eitthvað hlýnar
á næstu dögum
— Það cr víst óhætt að segja
það. að langt er síöan jafn
langvarandi kuldakast hcfur
komið svona síðla júnímánaðar,“
sagöi Guðmundur Hafsteinsson
veðurfræðingur þegar Morgun-
blaðið ræddi við hann í fyrradag.
— Það var frost á hálendinu kl.
9 í gærmorgun og á Grímsstöðum
á Fjöllum var hitinn um frost-
mark. Á öllu norðanverðu landinu
hefur verið rigning og slydda og
hefur slyddan náð allt suður í
Sandbúðir og að Hveravöllum, en
þar fyrir sunnan hefur veður verið
bjart, sagði Guðmundur.
Guðmundur sagði, að útlit væri
fyrir að norðanáttin héldist eitt-
hvað áfram, en þess væri að vænta
að kuldinn yrði ekki eins mikill.
Vaxandi lægð væri yfir Bretlands-
eyjum og þegar hún væri farin að
virka, mætti búast við að áttin
yrði austanstæðari, sem þýddi að
veður hlýnaði eitthvað.
Ingvar Axelsson hjá garðyrkju-
deild Reykjavíkurborgar sagði
þegar Morgunblaðið ræddi við
hann, að gróður tæki mjög hægt
við sér, enda hefði hiti verið við
frostmark við jörðu í Reykjavík
síðustu nætur, en ekki hefðu menn
þó orðið varir við skemmdir á
gróðri. Ef gras ætti eitthvað að
spretta í sumar og skrautblóm að
blómstra þá þyrfti að hlýna í veðri
á næstunni.
Kvað Ingvar marga hafa gripið
til þess ráðs að breiða plastdúka
yfir garða í garðlöndum borgar-
innar í þeirri von að eitthvað
sprytti betur undan þeim.
L dP J
i * 1 /j \ <
M -‘i § , 1:1
r „.. y, i 11 |;| | 1 1)
Imr ^

Höggmynd Gerðar
í Austurstræti
Vegfarendur um Austurstræti,
sem voru býsna margir á fimmtu-
dag veittu athygli stórri bronz-
styttu, sem komið hefur verið fyrir
í Austurstræti.
Þetta er skúlptúr eftir Gerði
Helgadóttur myndhöggvara.
Myndina gerði hún úr steinsteypu
í þessari stærð og var hún flutti
heim eftir lát hennar. Þangað til
hafði styttan staðið í garði í
Cheval Mort austan við París.
Reykjavíkurborg keypti stytt-
una og lét steypa hana í bronz í
Noregi. Hefur henni nú verið
komið fyrir til frambúðar á
göngugötunni í Austurstræti.
Ljósm. Ól.K. Mag.
Yfirvinnubann boð-
að í Siglufirði
Sijfluíirði 22. júní
VERKALÝÐSFÉLAGIÐ Vaka
hefur boðað yfirvinnubann hjá
þeim fyrirtækjum. sem ekki
greiða nú fullar vísitiiiubætur frá
og með 1. júlí n.k. Kemur
yfirvinnubannið til framkvæmda
hjá fyrirtækjum eins og Siglósfld,
Sfldarverksmiðjum ríkisins og
Þormóði ramma. Önnur fyrirtæki
í bænum hafa yfirlcitt samið um
greiðslu á vísitölubótum eftir
þeim kröfum. sem Verkamanna-
samband íslands setti fram á
sínum tíma. Ennfremur hefur
Siglufjarðarkaupstaður samið
við sína starfsmenn á sömu
forsendum og Reykjavíkurborg
við sitt starfsfólk.
- mj.
Sviðsmynd úr leiksýningu Nemendaieikhússins á Pilsaþyt.
„Reynum að ná
suðrænum skap-
hita í sýninguna”
Fylgzt med æfingu Leiklistarskóla
nema á ítölsku 18. aldar leikriti
„Kveníólk! Það ætti að
kála þeim öllum og brytja
þær í beitu.“
Á sviðinu í Lindarbæ er
allt snælduvitlaust og
setningum sem þessari
rignir úr allri ringul-
reiðinni út í salinn. Fjórði
bekkur S í Leiklistarskóla
Islands er á síðasta
snúningi með æfingar á
ítölsku leikriti frá 18. öld,
Pilsaþyt eftir Carlo
Goldoni. Og snúnings-
hraðinn er mikill.
Sýningar Nemendaleik-
hússins hafa öðlast fastan sess
í leikhúslífi höfuðborgarinnar.
Bæði eru þær kjörinn vettvang-
ur fyrir nemendur til að sýna
afrakstur náms síns, og jafn-
framt, ef vel tekst til, gustar frá
þeim þörfum ferskleik í leikíist-
ina. Þessi sami bekkur hefur í
vor glímt við þrjú ólík verkefni,
Fansjen, sem sýnt var í Lindar-
bæ, sjónvarpsverkefni með
Ágúst Guðmundssyni kvik-
myndagerðarmanni og nú Pilsa-
þyt. Það er Þórhildur Þorleifs-
dóttir sem leikstýrir verkinu, og
hún hefur sem oftar fengið
Messíönu Tómasdóttur til þess
að gera leikmynd og búninga.
Leikurinn gerist í ítölskum
bæ. Konurnar bíða þess að
karlmennirnir komi að landi
með aflann. Allt tal þeirra yngri
mótast af baráttunni um karl-
menn staðarins. Og þegar
mennina ber að landi með
fiskinn, flækjast þeir í net
þessarar valdabaráttu afbrýði-
seminnar. Þessu fylgir blóðheit
ringulreið með misskilningi í
kross eins og í frönskum farsa,
þó að tónninn sé kannski öllu
naprari. Loks kemur málið fyrir
fulltrúa dómarans, sem er
áhrifamikill á staðnum. Hann
reynir að greiða úr vandanum,
en ekki af manngæskunni einni,
„Ég er heiðvirður og á að fá að
njóta þess.“
Staða konunnar á 18. öld.
„Leikritið er skrifað í kring-
um 1760,“ tjáði okkur Þórhildur
Þorleifsdóttir, leikstjóri. „Það lá
fyrir höfundinum að lýsa stöðu
konunnar á þeim tímum. Hann
starfaði sjálfur sem fulltrúi hjá
dórpara og skynjaði vel þennan
stéttamun, sem lýst er í leikrit-
inu. Hann talar einmitt í
formála fyrir verkinu um
ástandið í bænum, þar sem
margar konur neyðast til að
berjast um fáa karlmenn til að
hljóta viðurkenningu. Hann
lýsir mikilli samúð með alþýðu-
fólki í slíku samfélagi, þar sem
algengt var að heldri menn
hefðu greiðan aðgang að ungum
alþýðustúlkum og kæmu fram
sem nokkurs konar verndarar
þeirra. í áðurnefndum formála
kemur Goldoni fram með mjög
athyglisverðar skoðanir fyrir
þennan tíma á leikritun. Hann
vill sýna alþýðufólk í skilnings-
ríku ljósi."
Á hvað leggið þið einkum
áherzlu í uppfærslunni?
„Við erum að reyna að ná
þessum suðræna skaphita í
sýninguna. Ég vona að engum
sem sér sýninguna detti í hug að
hún gæti gerzt í sveitaþorpi á
íslandi. Éinnig lögðum við
áherzlu á að konurnar í verkinu
yrðu ekki fráhrinandi þó að þær
höguðu sér illa. Það má ekki
gera fólk hlægilegt á kostnað
þess sjálfs."
„Þetta verkefni er ólíkt því
sem krakkarnir hafa nokkurn
tíma gert, þau hafa aldrei áður
fengizt við kómedíu. En þetta er
einmitt eitthvert erfiðasta leik-
listarform sem til er; það reynir
kannski meira en nokkurt annað
form á tækni leikaranna, þó að
gamanleikir þyki oft ófínni en
alvarleg yerk.“
Fólk ætti að flykkjast á
sýningar.
Erfitt hlýtur það að vera. Það
gengur mikið á allt til loka
leiksins. Hinum suðræna blóð-
hita er mikið lýst með táknræn-
um hreyfingum og leikarar eru
á stöðugum þeysingi um allt
sviðið, út og inn. Og heitu orðin
þyrlast í allar áttir.
Að lokinni æfingu lítum við
sem snöggvast á bak við. Þar er
vart runninn af leikendum
móðurinn, og brátt eru
setningarnar farnar að fljúga í
grunsamlega miklu samræmi
við leikritið:
— Þetta er fyrst og fremst
skemmtilegt sem nemendaverk.
— Það hentar mjög vel fyrir
hópinn.
— Eins og reyndar hin verk-
efnin sem við höfum tekið.
— Þetta er mjög fjölhæfur
flokkur.
— Næst tökum við kabarett.
— Fólk ætti aö flykkjast á
sýningar hjá okkur.
— Það verður svo lítið um
leikhús í sumar. Það er lélegt í
bíó. Úti er rigning, en hér er sól.
Þetta er eiginlega á við för til
Lignano.
Leikritið Pilsaþytur verður
frumsýnt í Lindarbæ á mánu-
dagskvöldið, 26. júní.
Úti í sal fylgist leikstjórinn, Þórhildur Þorleifsdóttir, með gangi
mála ásamt Messfönu Tómasdóttur og Olafi Erni Thoroddsen.