Morgunblaðið - 24.06.1978, Blaðsíða 24

24
MORGUNBLAÐIÐ, LAUGARDAGUR 24. JÚNÍ 1978
Útgefandi mfrlnfrifr hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Ritstjórnarfulltrúi Þorbjörn Guðmundsson.
Fréttastjóri Björn Jóhannsson.
Auglýsingastjóri Baldvin Jónsson
Ritstjórn og afgreiósla Aðalstræti 6, sími 10100.
Auglýsingar Aðalstræti 6, sí ni 22480.
Áskriftargjald 2000.00 kr. 6 mánuði innanlands.
1 lausasölu 100 kr. eintakiö.
Vinstristjórn í Reykjavík
— verjum ísland
Nú degi fyrir kjördag er ástæða til að hvetja kjósendur til að hugsa um
þær meginstefnur, sem við blasa í íslenzkum stjórnmálum. Fyrir mánuði
gerðist sá örlagaríki atburður, að vinstri stjórn tók við völdum í Reykjavík.
Þessi vinstri stjórn lýtur ótvíræðri forystu Alþýðubandalagsins, sem hefur á
stefnuskrá sinni að umbylta íslenzku þjóðfélagi gersamlega og taka uþþ
sósíalíska stjórnarhætti. Fyrirmyndir að slíkum stjórnarháttum er að finna í
Sovétríkjunum og öðrum A-Evrópulöndum, Kína og Kúbu, svo að nokkur
dæmi séu nefnd.
Úrslitin í Reykjavík og sú sigurvissa og sá hroki, sem einkennt hefur
málflutning Alþýðubandalagsins síðan, vissa þess að því séu allir vegir færir
nú, gera það að verkum, að kosningarnar á morgun eru stórpólistískustu
kosningar, sem fram hafa farið á íslandi áratugum saman. Nú er tekizt á um
meginstefnur í íslenzkum stjórnmálum, stefnu frjálshyggju og einkaframtaks
eða sósíalisma, eins og Birgir ísl. Gunnarsson benti á í ræðu á útifundi.
sjálfstæðismanna í fyrradag. Nú er kosið um lífsviðhorf, eins og Ragnhildur
Helgadóttir sagöi á sama útifundi. Vinni Alþýðubandalagiö og aörir þeir
flokkar, sem með einum eða öðrum hætti boða sósíalisma sigur á ný, er hætta
á því að ísland „sigli hraöbyri til sósíalísks stjórnarfars," eins og Birgir ísl.
komst að orði á fyrrnefndum fundi.
Það er um þessar meginlínur, sem kjósendur þurfa að hugsa þar til þeir
greiða atkvæði sitt á morgun. Ef þeir vilja í raun bylta íslenzku þjóðfélagi
og taka upp sósíalískt þjóðskipulag á íslandi hljóta þeir að kjósa
Alþýðubandalagið eða aðra flokka, sem hafa sósíalisma á stefnuskrá sinni.
Vilji þeir hins vegar ekki gjörbylta þjóðfélagi okkar og kalla yfir sig sósíalískt
gerræði þurfa kjósendur að víkja burt óánægju með einstakar stjórnarathafnir
eða vonbrigðum yfir takmörkuðum árangri í baráttunni gegn verðbólgunni
og styðja þann eina flokk, sem hefur vilja og af! til þess að standa gegn
sósíalisma. Sá flokkur er Sjálfstæðisflokkurinn.
Geir Hallgrímsson, formaður Sjálfstæðisflokksins, benti á í ræðu sinni á
útifundi sjálfstæðismanna, að í kosningunum á morgun þyrftu Reykvíkingar
að koma í veg fyrir, að vinstri stjórn héldi innreið sína í landsstjórnina eins
og gerzt hefði í borgarstjórn. Þetta er kjarni málsins. Ef vinstri stjórn tæki
við á landsmælikvarða eftir valdatöku vinstri flokkanna í Reykjavík mundi
Alþýðubandalagið verða allsráðandi í málefnum lands og þjóðar. Kjósendur
þurfa að hugleiða, hvort þeir telja það farsæla niðurstööu þessara kosninga.
Reyk j anesk j ör dæmi
Staðan í kosningabaráttunni í Reykjaneskjördæmi er nú þannig, að barizt
er um það, hvort Sjálfstæðisflokkurinn heldur þremur kjördæmakosnum
þingmönnum og Suðurnesjamanninum Eiríki Alexanderssyni verði þar með
tryggð þingseta, eða hvort þriðji maður Sjálfstæðisflokksins fellur og þar með
vonin um þingsæti fyrir Suðurnesjamann af lista Sjálfstæðisflokks.
Ólafur G. Einarsson, sem skipar 3. sæti á lista Sjálfstæðisflokksins í
kjördæminu, segir í viötali við Morgunblaðið í gær, að miðað við úrslit
sveitarstjórnakosninga vinni Alþýðuflokkurinn mann af Sjálfstæðisflokknum
en Ólafur segir: „Ég hef hins vegar ástæðu til að ætla að óvenju vel sé unnið
í kjördæminu af stuðningsmönnum Sjálfstæðisflokksins og því fer fjarri að
við höfum lagt árar í bát. Við ætlum okkur að ná þriðja kjördæmakjörna
fulltrúanum og þar með að tryggja að fulltrúi Suðurnesja, Eiríkur
Alexandersson, komist á þing.“
Að þessu marki þurfa allir stuðningsmenn þeirra lífsviðhorfa sem
Sjálfstæðisflokkurinn berst fyrir að vinna.
Suðurland
ISuðurlandskjördæmi hefur Sjálfstæðisflokkurinn haft þrjá þingmenn
kjörna. Þar eins og annars staðar sækir Sjálfstæðisflokkurinn fram þrátt
fyrir mótbyr vegna erfiðleika undanfarinna ára. í þriðja sæti á lista
Sjálfstæðisflokksins í kjördæminu er Steinþór Gestsson alþingismaður,
glæsilegur fulltrúi bænda á Alþingi, sem að auki hefur getið sér sérstakt orð
fyrir störf sem formaður fjárveitinganefndar.
Til þess að Steinþór Gestsson sé öruggur um endurkjör þurfa kjósendur
í Suðurlandskjördæmi að standa fast með lista Sjálfstæðisflokksins því að
sótt er að honum úr ýmsum áttum. Um horfurnar í kjördæminu sagði Steinþór
Gestsson í samtali við Morgunblaðið í gær: „Mér sýnist að staðan sé mun
léttari, þegar líður á kosningabaráttuna og þykist þess fullviss, að við höldum
okkar hlut fyllilega.“
Vesturland
Jóseþ Þorgeirsson, sem skipar 2. sæti á framboðslista Sjálfstæðisflokks-
ins í Vesturlandskjördæmi lýsir stööunni þar með svofelldum orðum í
Morgunblaðinu í gær: „Baráttan hér er ákaflega tvísýn og engan veginn hægt
að fullyrða um hverjar lyktir verða.“
Ekki má mikið út af bregða í Vesturlandskjördæmi til þess að annar maður
ista sjálfstæðismanna verði í hættu. Jósep Þorgeirsson gjörþekkir athafnalíf
isturlandskjördæmi og er einn þeirra frambjóðenda Sjálfstæðisflokksins,
hefur þekkingu á atvinnurekstri af eigin raun. Að slíkum manni er fengur
Mþingi, þegar sífellt færri þingmenn koma úr röðum atvinnulífsins. Þess
egna er ástæöa til að hvetja kjósendur í Vesturlandskjördæmi til þess að
veita Sjálfstæðisflokknum öflugan stuðning.
Geir Hallgrímsson, forsætisráðherra:
Dugnaður einstakl-
inganna lyftir
lífskiörum fólksins
í sjónvarpskynningu Sjálf-
stæðisflokksins 5. júní s.l. sat
Geir Hallgrímsson formaður
flokksins fyrir svörum. Spurn-
ingarnar snerust ekki síst um
stöðu Sjálfstæðisflokksins í
fslensku stjórnmálalífi. Hér á
eftir fara þrír kaflar viðtalsins.
Sjálfstæðisflokkur-
inn og unga fólkið
Pyrirspyrjendur vörpuðu því
fram, að sú mynd væri dregin af
Sjálfstæðisflokknum, að hann
væri flokkur gróðahyggju, þar
sem hver og einn hugsaði um
það eitt að mata krókinn, og
spurðu síðan á hvern hátt
Sjálfstæðisflokkurinn höfðaði
til unga fólksins.
Geir Hallgrímsson svaraði á
þessa leið:
— Eg er í engum vafa um
það, að unga fólkið sem nú
gengur í fyrsta sinn að kjör-
borðinu hefur e.t.v. mestan
áhuga á því að hafa frelsi til
athafna; hafa frelsi til þess að
velja sér námsleið; hafa frelsi til
þess að velja sér starf og hafa
frelsi til þess að beita sér í námi
og starfi og finna kröftum
sínum viðnám. Ég er þess vegna
í engum vafa um það að það
stefnumark Sjálfstæðisflokks-
ins, sem hann hefur umfram
aðra flokka, að berjast fyrir
einstaklingsfrelsi, á erindi til
þeirra kjósenda, sem nú ganga
í fyrsta sinn að kjörborðinu.
Unga fólkið vill fá að glíma
við vandamálin sjálft og leysa
þau. En auk þess hefur Sjálf-
stæðisflokkurinn það á stefnu-
skrá sinni t.d. að gera unga
fólkinu kleift að koma þaki yfir
höfuðið. Og hann hefur það
blátt áfram á stefnuskrá sinni,
að sem flestir eigi sínar eigin
íbúðir. Sjálfstæðisflokkurinn
vill opna námsleiðir. Sjálfstæð-
isflokkurinn vill opna tækifær-
in.
Ef við tölum um gróðann, sem
minnst var á í spurningunni, þá
vildi ég láta það koma hér skýrt
og greinilega fram, að Sjálf-
stæðisflokkurinn telur, að reka
eigi fyrirtæki með ágóða og
telur enga synd í því fólgna, —
telur ekki í því fólgið arðrán
eins og andstæðingar okkar
segja.
Við skulum taka dæmi af
tveimur fyrirtækjum, af sams
konar fyrirtækjum sem eru
rekin hlið við hlið, annað
græðir, hitt tapar. Ég held að
það sé frekar fyrirtækið sem
tapar sem arðrænir fólkið held-
ur en fyrirtækið sem græðir. En
hvaðan er gróðinn tekinn? Ekki
frá neinum, vegna þess að
gróðinn er sjálfstæð verðmæta-
sköpun dugmikilla athafna-
manna. Og við vitum um dæmi
eins og t.d. úti á landi, þar sem
erfiðleikar hafa steðjað að og
hallarekstur hefur verið á
frystihúsum eða útgerð, en
blaðinu hefur e.t.v. verið snúið
við með tilkomu dugmikils
stjórnanda.
Þarna sjáum við svart á hvítu
hvað einkaframtakið hefur
mikla þýðingu í verðmætasköp-
un þjóðarinnar og hvað einka-
framtakið og dugnaður einstakl-
inganna lyftir lífskjörum fólks-
ins í landinu og er í þágu
launastéttanna. Énda er það
svo, að um leið og Sjálfstæðis-
flokkurinn le'ggur áherslu á að
skapa atvinnurekstrinum og
fyrirtækjunum skilyrði, ekki
vegna atvinnurekendanna held-
ur vegna hagsmuna launþega,
getum við líka haldið því fram,
að hlutur launþeganna í þjóðar-
tekjunum hér á Islandi sé hærri
en í flestum öðrum löndum.
Er stefna flokksins
óljós?
Þá var formaður Sjálfstæðis-
flokksins spurður álits á þeirri
skoðun, að mikið fylgi Sjálf-
stæðisflokksins væri keypt því
verði, að stefnan væri óljós og
flokkurinn of sveigjanlegur í
mörgum málum.
Geir Hallgrímsson, svaraði:
— Ég er ekki sammála þessu
vegna þess, að ef við viljum lifa
saman í friði og sátt í þessu
landi, þá verðum við að sætta
andstæða hagsmuni stétta á
milli, landshluta á milli o.s.frv.
Sjálfstæðisflokkurinn er skip-
aður fólki úr öllum stéttum og
úr öllum landshlutum og vill
samræma þessa hagsmuni og
áhugamál og hugsjónir þessa
fólks. Ég tel að það sé unnt og
raunar að Sjálfstæðisflokkurinn
sé best fær um það»og um það
snýst í raun og veru stjórnmála-
baráttan.
Sjálfstæðisflokkurinn er fast-
ur fyrir þegar um mannréttindi,
Geir llallgrimsson
mannhelgi og frelsi einstaklings
er að ræða og við leggjum
áherslu á það, að fólk fái að
njóta framtaks síns og gáfna.
Við leggjum áherslu á það, að
sköpunargáfa listamannsins fái
að njóta sín. Við bendum á það,
að alls staðar þar sem sósíalist-
ísku skipulagi hefur verið komið
á, þar er sköpunargáfan kæfð.
Listamennirnir fái ekki að njóta
sín, njóti ekki tjáningarfrelsis
en það er nauðsynlegt fleirum
en listamönnum. Það er nauð-
synlegt öllum mönnum hvaða
starf sem þeir vinna.
Hvers vegna
á að kjósa
Sjálfstæðisflokkinn?
Loks var Geir Hallgrímsson
spurður, hvers vegna fólk ætti
að kjósa Sjálfstæðisflokkinn og
svarið var á þessa leið:
— Við skulum rifja upp hver
voru helstu baráttumálin í
síðustu alþingiskosningum. Þá
var deilt um það, hvort flytja
skyldi varnarliðið af landi brott
í áföngum á því tímabili sem þá
var að líða. Það var komið í veg
fyrir það. Þá var deilt um það
hvort við ættum að staðfesta
þátttöku okkar í Atlantshafs-
bandalaginu. Við myndun nú-
verandi ríkisstjórnar var hvor
tveggja stefnan staðfest, varn-
arsamningurinn við Bandaríkin
og þátttakan í Atlantshafs-
bandalaginu. Þetta er okkur
íslendingum nauðsynlegt engu
síður en öðrum þjóðum ef við
viljum vernda sjálfstæði okkar
og sjálfsákvörðunarrétt. Við
þurfum að véra á verði varðandi
öryggi okkar alveg eins og allar
aðrar sjálfstæðar þjóðir í heim-
inum.
Þá komu sjálfstæðismenn í
síðustu kosningum með stefn-
una um 200 mílna fiskveiðilög-
sögu. Þá gerðu andstæðingar
okkar lítið úr þeirri stefnumörk-
un 'og vildu segja sem svo, að
það væri nægilegt að vinna að
sigri í 50 mílunum. Þegar
núverandi stjórn tók við völdum
þá var enn barist um 50
mílurnar. Nú erum við búin að
ná fullnaðarsigri í 200 mílna
fiskveiðilögsögu. Allar þjóðir
virða fiskveiðilögsöguna. Við
höfum fylgt fram verndunarað-
gerðum undir forystu Sjálfstæð-
isflokksins og sótt í nýja fisk-
stofna. Þetta hefur geysilega
þýðingu til að byggja upp
afkomu okkar í framtíðinni.
Þriðja baráttumálið voru
efnahagsmálin. Þá var allt að
fara í kalda kol, atvinnurekstur-
inn var rekinn með svo miklum
halla að atvinnuleysi blasti við.
Ymsar opinberar stofnanir
vantaði milljarða króna í sjóði
sína. Þessi aðkoma gerði það að
verkum, að baráttan gegn verð-
bólgunni varð geysilega lang-
dregin, slóði verðbólgunnar í tíð
vinstri st.jórnarinnar náði langt
inn á stjórnartímabil okkar
stjórnar. Nú höfum við náð þeim
árangri að tryggja atvinnu, fulla
atvinnu og atvinnuöryggi allan
okkar stjórnartíma, á mcðan
atvinnuleysi er í öðrum ríkjum.
Við biðjum um umboð til þess
að halda áfram þessari stefnu
og að tryggja fulla atvinnu,
tryggja viðskiptajöfnuð við út-
lönd, stöðva erlenda skuldasöfn-
un og verðbólguna. Ég held, að
í þessu sambandi verði fólk að
gera sér grein fyrir að þetta
verður ekki gert nema að aðrir
en hinir lægstlaunuðu færi
einhverjar fórnir. Ef mönnum
er alvara að berjast gegn
verðbólgunni, hljóta menn að
gera sér grein fyrir þessu þótt
það sé ekki rétt, að ríkisstjórn-
arflokkarnir ætli sér að skerða
lífskjörin eftir kosningar eins og
haldið er fram.
Við skulum gera okkur grein
fyrir því, að ef við viljum vinna
að fjölmörgum framfaramálum
í landinu eins og t.d. í sam-
göngumálum, byggingu varan-
legs gatnakerfis og vegakerfis
um land allt, ef við viljum vinna
að endurbótum í félagsmálum,
heilsugæslu, sjúkrahúsmálum,
ef við viljum vinna að endurbót-
um í menntamálum, þá þurfum
við að koma efnahagsmálunum
í jafnvægi og vinna bug á
verðbólgunni.
Ég treysti því, að þið góðir
landsmenn, veitið Sjálfstæðis-
flokknum styrk svo að Sjálf-
stæðisflokkurinn haldi áfram að
marka stefnuna í landsmálum
og við taki ekki vinstri stjórn,
svo hörmuleg reynsla sem af
fyrri vinstri stjórnum hefur
orðið. Við heitum því sjálfstæð-
ismenn að gera okkar besta og
óskum eftir samstarfi við lands-
menn alla.