Morgunblaðið - 24.06.1978, Blaðsíða 33
MORGUNBLAÐIÐ, LAUGARDAGUR 24. JÚNÍ 1978
33
Málefni sjávarútvegs á Alþingi:
Menntun, starfsskilyrði
og öryggi sjómanna
Fiskvernd og hagkvæm nýting fiskafla
Sjálfstæöisflokkurinn hefur haft á hendi ráðuneyti sjávarútvegsmála í núverandi
ríkisstjórn og fylgt þar eftir stefnumálum sínum í formi stjórnarfrumvarpa og annarra
þingmála m.a. um útfærslu fiskveiðilandhelgi í 200 sjómflur, margs konar ákvæði um
fiskvernd og málefni útgerðar og fiskvinnslu. Einstakir þingmenn flokksins hafa einnig
látið til sín taka í málefnum sjávarútvegs. Hér á eftir verður lauslega rakinn hluti af
þessum sjávarútvegsmálum einstakra þingmanna Sjálfstæðisflokksins.
Verðmæti í þjóðarbúið sótt í sjávardjúp.
Rannsóknaskip
í sjávarútvegi
Sverrir Hermannsson og Hall-
dór Blöndal fluttu tillögu á
Alþingi 1974 um byggingu nýs
rannsóknaskips af skuttogaragerð,
500 smál. eða stærra, knúið a.m.k.
2000 ha. aðalvél. í greinargerð er
lögð áherzla á gildi fiskrannsókna
og starfsaðstöðu vel menntrar
fiskifræðingastéttar þjóðarinnar.
Meðferð
fiskleitar og
siglingatækja
Sama ár flytja sömu þingmenn,
ásamt Lárusi Jónssyni, tillögu til
þingsályktunar um farkennslu í
meðferð fiskleitar- og siglinga-
tækja. Skv. tillögunni átti tækni-
deild Fiskifélags Islands að annast
þetta verkefni í samráði við
skólastjóra Stýrimannaskólans.
Tillagan varð ekki útrædd.
Verkleg kennsla
í sjómennsku
Sverrir Hermannsson er með-
flutningsmaður að tiliögu til
þingsályktunar um verklega
kennslu í sjómennsku og fiskveið-
um og um útgerð fiskiskipa.
Tillagan fjallar og um rekstur
skólaskipa. Tillagan varð ekki
útrædd.
Sjóvinnuskóli íslands
Pétur Sigurðsson flytur frv. til
laga um Sjóvinnuskóla íslands á
þinginu 1975 — farskóla í verk-
legri sjóvinnu.
Beitningavél
Þorvaldur Garðar Kristjánsson
gerir fyrirspurn um íslenzka
uppfinningu — beitningavél, —
um aðgerðir til að flýta fyrir að
fullgera og sannprófa þá vél, sem
hafnfirzkur hugvitsmaður, Garðar
Ástvaldsson, hafi unnið að. í svari
ráðherra kom fram að Fiskimála-
sjóður hafi veitt styrki til þessa
starfs um árabil. Sagði ráðherra
að miklar vonir væru bundnar við
þessa uppfinningu og að hann
hefði, sem stjórnarmaður í Fiski-
málasjóði átt hlut í að styðja þetta
mál.
Lánveitingar úr
Fiskveiðasjóði
Pétur Sigurðsson spurðist fyrir
um lánveitingar úr Fiskveiðasjóði
Islands. I ljós kemur að á árunum
1972, 1973 og 1974 hafa verið
lánaðar rúmar 6000 m. kr. úr
sjóðunum. 1974 vóru t.d. lánaðar
42.6 m. kr. til Reykjavíkur, 430.8
m. kr. til Reykjaness, 411.6 m. kr.
til Vesturlands, 645.1 m. kr. til
Vestfjarða, 118.9 m. kr. til Norður-
lands vestra, 843.2 m. kr. til
Norðurlands eystra og 90.0 m. kr.
til Suðurlands.
Lánveitingar úr
Hafnarbótasjóði
Pétur Sigurðsson spyrst fyrir
um lánveitingar úr Hafnarbóta-
sjóði. I ljós kemur að árið 1974 var
lánað úr sjóðnum: Vesturland 14.0
m. kr., Vestfirðir 38.0 m. kr.,
Norðurland vestra 17.7 m. kr.,
Norðurland eystra 47.3 m. kr.,
Austurland 36.8 m. kr., Suðurland
8.0 m. kr., Reykjanes 16.5 m. kr.,
Reykjavík ekkert.
Sjávargróður
við ísland
Þorvaldur G. Kristjánsson, Pét-
ur Sigurðsson, Jón heitinn Árna-
son, Guðlaugur Gíslason og Sverr-
ir Hermannsson flytja tillögu til
þingsályktunar um rannsóknir og
hagnýtingu á sjávargróðri við
Island. Tillagan fól í sér aðgerðir
til eflingar á slíkum rannsóknum,
annars vegar með tilliti til uppeld-
isstöðva nytjafiska og hins vegar
með hagnýtingu sæþörunga fyrir
augum.
Takmörkun
þorskveiða
Oddur Ólafsson flytur tillögu
um takmörkun þorskveiða. Lagt er
til í tillögunni að ríkisstjórninni
verði falið að sjá svo um að ekki
verði veiddar meira en 250 þúsund
lestir af þorski á Islandsmiðum
1976. Tillagan varð ekki útrædd.
Staða hafnarsjóða
Sigurlaug Bjarnadóttir o.fl.
fluttu tillögu til þingsályktunar
um stöðu hafnarsjóðs. Tillagan fól
í sér athugun á hlutdeild ríkisins
í stofnkostnaði hafnarmannvirkj a,
mismunandi aðstöðu hafna vegna
náttúruskilyrða, arðsemi hafna
með tilliti til framleiðslu og
verðmætasköpunar, athugun á
ráðstöfunum til að létta greiðslu-
byrði hafnarsjóða, sem verst eru
settir, o.fl. Tillaga þessi hlaut ekki
afgreiðslu.
Útgáfa fiskikorta
Sverrir Hermannsson flytur
tillögu um útgáfu fiskikorta á
þinginu 1976. Er þar gert ráð fyrir
undirbúningi að útgáfu fiskikorta
með Loran-C staðarlínum og
öðrum þeim upplýsingum, sem að
gagni mega koma við fiskveiðar.
Nýting á
lifur og hrognum
Sigurlaug Bjarnadóttir og Jón
heitinn Árnason flytja tillögu til
þingsályktunar árið 1976 um
nýtingu á lifur og hrognum,
hvernig fullnýta megi lifur úr
fiskafla landsmanna, sem nú „er
að mestu fleygt fyrir borð á
skuttogurum"; hvern veg bæta
megi aðstöðu í fiskiskipum og í
landi til nýtingar og vinnslu
þessara verðmæta. í grg. kemur
fram að um 10.000 tonnum af lifur
sé árlega fleygt, sem á verðmæti
þess tíma var talið 250 m. kr. í
hráefninu einu, en verðmæti lifr-
arinnar að sjálfsögðu margfalt
meira fullunninnar.
Tilkynningar-
skylda skipa
Pétur Sigurðsson flytur frv. til
laga um tilkynningarskyldu ís-
lenzkra skipa. Þar vóru settar
fram nákvæmar reglur um þetta
atriði, skiptingu hafsvæða um-
hverfis landið í tilkynningarreiti,
starfsemi strandstöðva að öryggis-
eftirliti, framkvæmd þess og
tilkynningarskyldu o.fl. Frum-
varpið var í meginefnum sniðið
eftir reglugerð um tilkynningar-
skyldu en hefur að auki að geyma
það nýmæli að bæta aðdtöðu með
uppsetningu nýrra strandstöðva
og staðfesta stjórnunarlegan rett
Slysavarnafél. Islands í þessum
málum.
Tollfrjáls
„nýjung“ til
fiskvinnslu
Albért Guðmundsson flytti frv.
til laga um breytingu á lögum um
tollskrá o.fl., sem var samþykkt,
og fól í sér niðurfellingu innflutn-
ingstolla á til þess gerðum vöru-
pöllum úr plasti, sem nýttir eru í
fiskiðnaði.
Lífeyris-
sjóður sjómanna
Pétur Sigurðsson o.fl. flytja frv.
til laga um breytingu á lögum um
Lífeyrissjóð sjómanna,' er færa
lánareglur sjóðsins til samræmis
við lánareglur annarra lífeyris-
sjóða. Frv. var flutt að ósk
stjórnar lífeyrissjóðsins.
Stærð þorskstofns
Guðlaugur Gíslason ber fram
fyrirspurnir um áætlaða stærð
þorskstofnsins o.fl. hann varðandi.
I svari ráðherra kemur fram að
veiðanlegur þorskstofn (þ.e. 3ja ári
og eldri) hafi verið talinn 1976 642
milljónir fiska eða 1237 þúsund
tonn að þyngd. Hrygningarstofn
þorsksins (7 ára og eldri) hafi
verið talinn á sl. ári 210 þúsund
lestir eða minni en nokkru sinni
fyrr. Ráðherra fór og ítarlega út
1 fiskverndaraðgerðir, starfsemi
Hafrannsóknastofnunar, rann-
sóknir á hrygningar- og uppeidis-
stöðvum o.fl., sem of langt mál er
fram að telja í slíku yfirliti sem
þessu.
Öryggi smábáta
Pálmi Jónsson flytur tillögu um
öryggisbúnað smábáta. Tillagan
felur ríkisstjórn að beita sér fyrir
að settar verði reglur um öryggis-
búnað smábáta og eftirlit með
þeim. í greinargerð segir að engar
lágmarkskröfur hafi enn verið
gerðar af hálfu opinberra aðila um
flothæfni og öryggisbúnað smá-
báta (6 metra langir milli stafna
eða minni). Bátar af þessari stærð
hafi alla tíð verið notaðar af
þjóðinni á sjó, ám og vötnum í
margvíslegum tilgangi. Sú notkun
virðist fara í vöxt. Með hliðsjón af
slysasögu síðari ára sé nauðsyn-
legt, að setja öryggisreglur í þessu
efni, raunhæfar og meðfærilegar í
framkvæmd.
Borgarspítalanum faerð
tölva til úrvinnslu
heyrnarmælinga
EFTIRFARANDI fréttatilkynn-
ing barst Morgunblaðinu fyrir
skömmu frá Borgarspítalanum.
SKRIFVÉLIN H/F, Suður-
landsbraut 12, Reykjavík hefur
nýverið fært Háls-, nef- og
eyrnadeild Borgarspítalans að
gjöf tölvu, sem nota á við
úrvinnslu niðurstaðna sérstakra
heyrnarmælinga, svonefndra
ERA-heyrnarmælinga, sem ný-
lega er farið að framkvæma á
deildinni, og er nýjung hér á
landi.
Er hér um að ræða flókna
tækjasamstæðu, sem gerir
læknum og starfsliði deildarinn-
ar mögulegt að mæla heyrn á
sjúklingum þeim, sem ekki geta
aðstoðað við venjulegar heyrn-
armælingar, svo sem fávitum,
vangefnum eða ómálga börnum.
Tölvan var afhent af Erni
Jónssyni forstjóra SKRIFVÉL-
ARINNAR H/F þann 18.05.78 í
Borgarspítalanum, að viðstödd-
um stjórnarmeðlimum stjórnar
Sjúkrastofnana Reykjavíkur-
borgar, læknum Háls-, nef- og
eyrnadeildar ásamt öðru starfs-
liði.
Þetta er sjötta stórgjöfin, sem
Háls-, nef- og eyrnadeild Borg-
arspítalans hefur fengið síðan
að hún tók til starfa fyrir
rúmum 8 árum síðan, en hún er
eina deild sinnar tegundar á
íslandi.
Öllum velunnurum deildar-
innar bæði fyrr og síðar færir
stjórn Sjúkrastofnana Reykja-
víkurborgar hinar beztu þakkir.
Mynd þessi var tekin er gjöfin var afhent.