Morgunblaðið - 26.10.1978, Side 21

MORGUNBLAÐIÐ, FIMMTUDAGUR 26. OKTÓBER 1978
Ólafur Jónsson:
Um sérkennilega
bókmenntakynningu
Mig langar til að þakka með
fáeinum orðum Jóni Björnssyni
rithöfundi fyrir grein hans „Sér-
kennileg bókmenntakynning" í
Morgunblaðinu 21. október. Þar
vekur Jón athygli á nýlegri bók,
Ny litteratur í Norden
1974 —1976. og grein eftir undir-
ritaðan í bókinni um íslénskar
bókmenntir þessi ár.
Bók þessi er gefin út í Stokk-
hólmi af Föreningarna Nodens
Förbund. kom út snemma á þessu
ári og er hin tíunda í sinni röð. I
ritröð þessari hefur sem sé mátt á
þriggja ára fresti fá yfirlit yfir
nýútkomnar norrænar bókmenntir
undanfarin 30 ár. Greinarnar sem
í bókum þessum birtast eru
upphaflega samdar handa
Nordisk tidskriít. tímariti sem
gefið er út af Letterstedtska
föreningen í Svíþjóð í samvinnu
við norrænu félögin, og birtast
þær fyrst í ritinu en eru síðan
endurprentaðar í þessum litlu
bókum. Það er nú efalaust að
áhugafólk um norrænar bók-
menntir getur haft ýmislegt gagn
af bókum þessum og yfirlitinu sem
þar birtist. En hræddur er ég um
að fáir hafi þekkt eða ndtað bækur
þessar hér á landi og hef aldrei
orðið var við að þeim væri neinn
gaumur gefinn. Því finnst mér
framtak Jóns Björnssonar þakkar-
vert, en hann mun raunar áður
hafa reynt að vekja eftirtekt á
bókum úr þessum flokki með
greinum í Morgunblaðinu.
Hitt undrast ég ekki að okkur
Jóni greini á um ýms bókmennta-
leg efni og þar með ýms efnisatriði
í fyrrnefndri grein minni, og ætla
ekki að deila við hann um það.
Aftur á móti kemst ég ekki hjá að
vekja athygli á óhappi sem varð
við útgáfu þessarar síðustu bókar í
umbroti í prentsmiðju. Með ein-
hverju móti hefur sátrið að grein
Ólafur Jónsson
minni ruglast þannig að niðurlag
greinarinnar kemur inni í miðju
máli, og gerir þetta greinina
óneitanlega býsna ruglingslega
fyrir aðgæslulausan lesanda. Ef
einhver skyldu nú taka sig til og
lesa hana, og bókina, vegna
greinar Jóns Björnssonar hér í
Mbl., langar mig til að reyna að
leiðrétta þetta. Kafli sem hefst á
miðri bls. 66 í bókinni, með
umræðu um Jóhann Hjálmarsson
og bók hans Myndin af langafa.
en lýkur efst á bls. 71 með Tryggva
Emilssyni og Fátæku fólki. á sem
sé að koma aftast. Það sem segir
um Thor Vilhjálmsson og hans
síðustu bækur á bls. 71 og áfram
kemur í beinu framhaldi af
umræðu um Guðberg Bergsson á
bls. 65—66, en kafli um Halldór
Laxness og Tryggva Emilsson
lýkur greininni.
En það finnst mér að vísu
slysalegt og skrýtið að áhugasam-
ur lesandi eins og Jón Björnsson
skuli ekki hafa tekið eftir þessum
misfellum — einkanlega jíar sem
hann leggur heilmikið upp úr því í
hvaða röð höfundar og bækur
þeirra eru nefndar í greininni.
Annars ætla ég ekki að ræða
mikið meir um grein Jóns Björns-
sonar, enda svarar hún sér að
mestu leyti sjálf. I yfirliti af þessu
tagi er vitaskuld útilokað að nefna
alla þá höfunda sem gefa út
bækur, en hver greinarhöfundur
verður að velja úr efninu eftir
sínum smekk og skilningi. En af
því að við Jón skrifum báðir í Mbl.
og ein aðfinnsla hans er að
Matthíasar Jóhannessen ritstjóra
sé að engu getið í greininni langar
mig samt til að segja eitt orð enn. I
fyrri grein í sömu ritröð, um
íslenskar bókmenntir 1971 —1973,
ræddi ég sem sé allýtarlega um
21
Matthías og bók hans Mörg eru
dags augu (1972) og fannst í fyrra
að ég hefði litlu við að bæta það
sem þar segir út af þeirri bók
Matthíasar sem þá var ný, Dagur
ei nieir. (1975). En fjarri fer því að
ég „vilji ekki kannast við“
Matthías eins og Jón segir í grein
sinni, og veit raunar ekki hvernig
ég ætti að fara að því þótt ég vildi
það.
Að lokum má geta þess að
Nordisk tidskrift hefur nú breytt
um form á þessari „bókmennta-
kynningu" sinni sem Jón Björns-
son nefnir svo. Hér eftir á yfirlit
um nýjar bókmenntir á Norður-
löndum að koma árlega í ritinu, og
birtast fyrstu greinarnar með
þessum hætti í nýútkomnu hefti,
nr. 4 1978, en ekki er mér kunnugt
um hvort útgáfa þeirra í bókar-
formi fellur niður við svo búið. í
þessu hefti skrifa ég stutt yfirlit
yfir bókmenntir ársins 1977. Það
vona ég af hjarta að Jón Björnsson
sé enn á vaktinni og taki þetta
greinarkorn brátt til rækilegrar
rannsóknar. En það get ég sagt
honum fyrirfram að þar er ekki
getið allra þeirra höfunda sem
gáfu út skáldskap árið 1977. Og
vafalaust er þar lýst ýmsum
skoðunum á bókum og höfundum
sem Jóni eru ekki geðþekkar.
Nýtt fiskverkun-
arhús í Grímsey
— Aflabrögð hafa verið
ágæt, en tíðarfarið ekki
eins gott og undanfarin
sumur, en þá var einmuna-
tíð, sagði Bjarni Magnús-
son hreppstjóri í Grímsey í
viðtali við Mbl. fyrir
skömmu. Bátar hafa ekki
getað sótt eins mikið út á
Stóragrunn og út á Kol-
beinsey, en þar fæst yfir-
leitt stór og góður fiskur.
— Héðan eru gerðir út
14 bátar, þar af fjórir
dekkbátar, ellefu tonn
hver. Á sumrin eru þeir
gerðir út á handfæri, en á
veturna eru flestar trill-
urnar settar á land og þá
fara trillusjómennirnir yfir
á stærri bátana, sem eru
ýmist með línu eða net.
— Fiskurinn er allur
verkaður í salt og hefur það
háð fiskverkuninni að
húsakynni hafa verið lítil
og þröng. En nú er nýtt 300
fermetra saltfiskverkunar-
hús komið undir þak og
bætir það alla aðstöðu í
landi. Lítill fiskur hefur
verið fluttur út á árinu, en
nú er verið að meta hann
allan og hann fer fljótlega.
— Fuglinn hefur frekar
aukizt í eynni og síga menn
eftir eggjum á vorin handa
sjálfum sér og til að gefa
kunningjunum. Fuglaveið-
ar eru lítið stundaðar, en
þó ofurlítið háfaður lundi.
— í sumar hefur ofurlít-
ið verið unnið við dýpkun
hafnarinnar og viðgerðir
hafa farið fram á steyptu
plani á hafnargarðinum og
fyrir framan fiskverkunar-
húsin. Auk þess hefur
nokkurt viðhald farið fram
á hafnarmannvirkjum.
— Flugfélag Norður-
lands flýgur til Grímseyjar
tvisvar í viku allt árið, en
yfir sumarmánuðina er
flogið þó nokkuð meira með
ferðamenn. í haust voru
sett ljós á flugvöllinn.
Þetta var mjög þörf fram-
kvæmd, því að í skammdeg-
inu mátti ekki fljúga á
Rœtt við
Bjarna
Magnússon
hreppstjóra
flugvöllinn nema þrjár eða
fjórar klukkustundir,
þannig að veruleg röskun
varð á áætlunarflugi af
þeim sökum. Yfir vetrar-
mánuðina kemur Drangur
tvisvar í mánuði, en á
sumrin tvisvar í viku og er
önnur ferðin meira hugsuð
fyrir ferðamenn, svokölluð
miðnætursólarferð.
— Læknir kemur til eyj-
arinnar einu sinni í mánuði
og hefur flugvél beðið eftir
honum í þrjá eða fjóra
tíma, en nú er sú skipan að
komast á, að hann hafi
sólarhrings viðdvöl á eyj-
unni og er það mjög til
bóta.
— íbúar í Grímsey eru
tæplega 100 og hefur fjölg-
að á undanförnum árum.
Þannig hafa 8 íbúðarhús
verið byggð sl. þrjú ár og
byrjað verður á nýju í vor.
- H.Bl.
SAMBANDIÐ BYGGINGAVORUR
SUDURLANDSBRAUT 32- EINNIG INNAKSTUR FRAARMULA29
polyvlies
. ÓD.ÝR
GOLFDUKUR
Verö pr. ferm.:
2.160 - 2.248 - 2.824