Morgunblaðið - 25.01.1979, Blaðsíða 28
28
MORGUNBLAÐIÐ, FIMMTUDAGUR 25. JANÚAR 1979
Öflin á bak við mannlífið
Ungur og horaður blaðamaður
hraðaði för sinni yfír autt portið
við Melaskólann. Gul laufblöð
fitluðu við fætur hans. Hann
krepti hnefa um hálsmálið.
Gustur smaug í gegnum hár
hans. Innan á sér hafði hann
skrifblokk og penna. Frá því
hann hafði verið í barnaskóla
hafði hann dreymt um að verða
rithöfundur en allar þær til-
raunir höfðu aðeins bakað kvöl
og vonbrigði. Flesta unga blaða-
menn dreymir um að verða
miklir rithöfundar þegar fram
líða stundir. Nú ætlaði hann á
fund stjörnuspámenns til að
skrifa grein og láta spá fyrir sér
í leiðinni. Augu hans mændu á
glugga ofarlega á Barnaskólan-
um. Hann hugsaði með sjálfum
sér hvað lífið væri óútreiknan-
legt. Hann var „free-lance
blaðamaður" og ætlaði að eiga
viðtal við stjörnuspeking sem
var hans besti vinur í barna-
skóla. Dularfullt hvernig leiðir
mannanna liggja saman. Líkt og
mennirnir séu á föstum spor-
baugum. Hann skundaði áleiðis
niður í bæ.
Blaðamanninum var boðið
upp á kaffi á heimili vitringsins
og fljótlega færðist líf í kaldan
nefbrodd hans. Stjörnuspeking-
urinn þverneitaði að láta taka
mynd af sér eða láta nafns síns
getið. Hann óskaði ennfremur
að greinin yrði ekki í viðtals-
formi.
Stjörnuspeki er að athuga
afstöðu stjarnanna og segja til
um hvaða áhrif þær hafa á
mannlífið. Fæstir segjast trúa á
stjörnuspeki en allir lesa
stjörnuspá sína í dagblöðunum.
Og oft spyr fólk í hvaða
stjörnumerki hann eða hún sé.
Örlög mannanna eru háð hreyf-
ingu himinntunglanna.
Stjörnuspeki átti sér sigur-
sæla sögu. Löngu fyrir daga
ritmálsins uppgötvaðist að sólin
olli árstíðarbreytingum á jörðu.
A sama hátt áð samhengi var
milli flóðbylgna hafanna og
útlits tunglsins, en það er
aðallega aðdráttarafl tunglsins
sem veldur flóð og fjöru. Bænd-
ur uppgötvuðu að best var að sá
í vissri tunglstöðu. A vorin
verða ungar stúlkur brosmildar,
blíðar og koma út undir bert
Ioft. Skógarþrestir taka að
syngja Iátlaust, grásleppan
gengur inn í firði, menn fyllast
atorku og dytta að húsum
sínum. Skap yfirmanna mildast.
Islendingar fara erlendis og
sleikja sólskinið til að halda
geðheilsu þegar þungskýjað er
hér heima. Sólin hefur allt líf á
valdi sínu. Það er því ekki nema
rökrétt ályktun að reikistjörn-
urnar hafi líka áhrif á mennina.
Ef sólin getur gefið sumar og
vetur, hví skyldi þá Mars og
Venus ekki hafa áhrif á smá-
muni eins og stríð og drepsóttir.
Það eru nær eingöngu reiki-
/
Texti: Asgeir
Gargani
stjörnurnar, stjörnurnar í okkar
sólkerfi, sem hafa áhrif, tunglið
og sólin talið með. Stjörnuspek-
ingar þurfa að þekkja stöðu
reikistjarnanna á öllum tímum
til að geta unnið verk sitt til
hlítar. Slíkt er langt nám. Þetta
krafðist nákvæmra athugana og
skrásetningar. Þær athuganir
eru móðir vísindanna. Stjörnu-
speki var á hátindi frægðar
sinnar í Babýlon u.þ.b. 1000 f.
Kr. Babýlon var borg í
Mesópótamíu. Margir falspá-
menn lögðu þetta f.vrir sig í
auðgunar og valdaskyni. Svo að
um 600 f. Kr. fer að gæta
óvirðingar fvrir Stjörnuspeki.
Stjörnuspekin varð viðskila við
stjörnufræðina, Stjörnuspekin
gleymdist. Spekingurinn okkar
vildi líkja manninum við lítið
barn sem gleymdi sér við nýtt
leikfang.
Vitringarnir þrír frá Austur-
löndum, sem getið er í Nýja
testamentinu, voru án efa
Stjörnuspámenn frá
Mesópótamíu. Þeir hafa reiknað
út að það barn sem mundi
fæðast í Betlehem á þessum
tíma yrði mikill konungur.
Eitthvað hefur Heródes trúað á
slíka vitringa því hann lét eiða
öllum sveinbörnum á svæðinu.
A þeim tíma var gullið, reykels-
ið og mirra tákn þess að
vitringarnir litu á fæðinguna
sem mikin viðburð.
Stjörnuspeki er praktískt
tæki til að þekkja persónu
einkenni. Stjörnurnar hafa
áhrif á aldir kynslóðir og
einstaklinga. Það sem mótar
persónu einstaklingsins eru
erfðaeiginleikar, uppeldi og af-
staða stjarnanna við fæðingu.
Frá stjörnunum berast mismun-
andi geislar sem fara eftir
efnisuppbyggingu hverrar
plánetu og hafa áhrif sem hluti
af umhverfi einstaklingsins.
Himinntunglin valda rythman-
um í lífinu. Sól og tungl skipta
sólarhringnum í dag og nótt.
Reikistjörnurnar valda veikari
sveiflum. Stundum eru menn
slappir og öupplagðir en hina
stundina fullir atorku og hátt
uppi.
Undanfarna áratugi hefur
áhugi verið vaxandi. Sálfræð-
ingar í Bandaríkjunum nota
stjörnuspeki við sjúklinga sína
með góðum árangri. Þeir sam-
eina sálfræði, nútíma vísinda-
hugsun og gömlu stjörnuspek-
ina.
Stjörnuspekingurinn ónefndi
kvaðst stunda þessa fræðigrein
til að verða sjálfum sér sam-
kvæmur. Hafi upphaflega viljað
ganga úr skugga um hvort þetta
væru galdrar eða eitthvað raun-
hæft. Svo hafi hann séð að hægt
yrði að hjálpa fólki með þessu.
Hann kvað ekki hægt að hjálpa
fólki mikið fyrr en eftir tíu ára
nám. En hann kvaðst hafa
stundað nám í sex ár. Sem
stendur getur hann aðeins bent
fólki á hæfileika til starfs, hvort
tvær manneskjur eigi samleið,
hjálpað fólki sem á í hjúskapar-
vanda, hvað menn ættu að
varast og hvaða tímar yrðu
erfiðir. Kennir fólki að haga
seglum eftir vindi. Hann treyst-
ir sér ekki til að spá mikið fram
í tímann. Ef til vill mun hann í
náinni framtíð opna stjörnuspá-
stofu til að hjálpa fólki.
Lífið er hans skóli. Hann
glápir út í loftið og hann glápir
á fólkið. Fólkið kennir honum
hvernig rísandi Venus hagar
sér. Fólk birtir sína eiginleika.
Ein aðalreglan í stjörnuspeki:
„Er fyrir ofan, eins fyrir neðan.“
Hann hefur stjörnukort af
kunningjum sínum og fylgist
með hegðun þeirra samhliða
breytingum á afstöðu stjarn-
anna. Stjörnukort er mynd af
afstöðu stjarnanna við fæðingu
persónunnar. Hann vinnur sem
næturvörður og þar hefur hann
nægan tíma til lestrar. Til eru
skólar erlendis en hann er
sjálfmenntaður. Hann kvartaði
undan bókaskort í bókabúðum
hérlendis. Hann pantar bækur,
aðallega frá Bandaríkjunum.
Nú bað blaðamaðurinn
vitringinn að spá fyrir sér.
Vitringurinn fékk fæðingarár,
dag og tíma sólarhringsins.
Síðan tók vitringurinn að fletta
upp í þykkum töflubókum og
reikna flókin reikningsdæmi.
Svo teiknaði hann stjörnukort
fyrir blm. með sirkli og mislit-
um pennum. Þá horfði hann á
spjaldið og muldraði við sjálfan
sig, líkt og hann ætti erfitt méð
að hugsa í hljóði: „Hrútur,
rísandi sporðdreki."
Vitringurinn taldi að
metnaðargirni væri að drepa
blm. Hann væri ákafur, áræðin
og með gnægð lífsgleði. Ætti að
hafa mikla og tíða dagdrauma.
Sköpunargáfa greinileg. Fjöl-
hæfur. Vitringurinn telur að
haustið ’76 hafi straumhvörf átt
sér stað í lífi blm. Sennilega að
blm. hafi uppgötvað að hann
gæti unnið við annað en það sem
aðeins gæfi peninga. Mjög
jákvætt kort fyrir rithöfund:
„Rithöfundaplánetan er í vinnu-
húsinu." Hann sá góða
krufningarhæfileika og mældi
með að blm. reyndi að skrifa
leynilögreglusögu. Ráðlagði
blm. að reyna ekki að leggja
nein önnur störf fyrir sig.
Vitringurinn sagði að blm.
þyrfti lengi að standa einn uppi
en myndi vinna frægan sigur að
lokum.
Og nú verða lesendu góðir að
fylgjast vel með að sjá hvort úr
rætist.
Þegar blm. skundaði áleiðis
heim í herbergisholuna sína,
þvert yfir nakið Melaskólaport-
ið, var honum heldur hlýrra um
hjartaræturnar.
Sören Bögeskov
bóndi—Minning
Fæddur 22. maí 1893.
Dáinn 17. janúar 1979.
Langur ævivegur er á enda
genginn. Sören Bögeskov er horf-
inn af landi lifenda yfir á land
eilífðarinnar. Fæddur var hann í
Kaupmannahöfn, upp alinn á
Jótlandi, hingað út til Islands kom
hann á þrítugs aldri og lifði hér og
starfaði sem þjóðarþegn alla götu
síðan. Hann var í fari sínu og
skaphöfn allri bóndi fyrst og
fremst — sveitamaður — sem
fyrstu árin eftir komuna til
íslands var vinnumaður á góðbú-
um hér og gerðist síðan sjálfstæð-
ur góðbóndi í útjaðri höfuðborgar-
innar, sem þegar árin liðu varð
ágeng við hans umráðasvæði og
hrakti hann að lokum frá því
ævihlutverki, sem hann hafði valið
sér. Sjálfur sagði hann annars, að
hingað hefði hann komið í fyrstu
til að hafa sumarfrí og það frí hafi
raunar aldrei tekið enda. Og
þeirrar gæfu varð hann aðnjótandi
hér, meðal annars, að eignast
eiginkonu og með henni þrjár
dætur. Bögeskov byrjaði búskap-
inn einn, en fjölskyldan fyilti
hópinn og búið óx og gaf arð í
samræmi við fágæta umhyggju og
alúð í hverju starfi svo að til
fyrirmyndar hlaut að teljast.
Það gerðist skömmu eftir stríðs-
lok, að við komum alflutt frá
útlöndum til Islands og hlutum
heimili í miðju höfuðborgarinnar.
Fljótlega kynntumst við Böge-
skov og fjölskyldu hans og þau
kynni urðu að vináttu, er varað
hefur síðan, eða meira en 30 ár og
kulnar vonandi ekki meðan lifs-
andi er dreginn. En nú er vinurinn
Bögeskov horfinn af vettvangi lífs
og starfs. Götur og troðninga
höfum við gengið samferða. Sam-
skiptin hafa verið ánægjuleg og
lífsvaka gædd, gleðirík, á gæfuveg-
um mörkuð. Að mega fara í „Litlu
sveit“, út á Kringlumýrarblett til
Gústu og Bögeskov og dætranna,
það var ekki bara hátíð, það var
stórhátíð hverju sinni. Þar ríkti
alltaf svo mikil gleði og ánægja.
Það gerði ekkert til þó að vistar-
verur væru í þrengra lagi, þar var
heimilislífið alltaf þrungið unaði
og fögnuði innan fjölskyldunnar
og það var svo gaman að mega
gerast þátttakandi þar sem öll
umönnun inni sem úti var rækt af
natni og umhyggju í öllum störf-
um, í fjósi, grísastíu, hænsnahúsi
og utan dyra.
Bernskuminningar frá þeim
björtu dögum eiga svo djúpar
rætur, að þær visna aldrei og
endast því ævilangt. En nú er
húsbóndinn horfinn.
Að leiðarlokum skal ekki látið
hjá líða að minnast markaðra
spora á vegi lífsins með Sören
Bögeskov. Við þökkum honum
allar gleðistundirnar og öll þau
samskipti, sem tengd eru minn-
ingu hans.
Þau voru með ágætum í öllum
greinum og við þá vegi eru margir
varðar, sem eigi verða máðir úr
hugum fjölskyldunnar.
Samúð okkar allra og kærar
kveðjur skal hér með tjáð eftirlif-
andi eiginkonu, Ágústu Sigurðar-
dóttur, dætrunum þremur og
öllum öðrum aðilum fjölskyldunn-
ar, með þökkum fyrir allt og allt.
Thora — Gísli og börnin.