Morgunblaðið - 18.04.1979, Blaðsíða 22
30
MORGUNBLAÐIÐ, MIÐVIKUDAGUR 18. APRÍL 1979
Heimsókn
Walters
Mondale
*
til Islands:
VEÐURGUÐIRNIR voru
ekki sérlega hliðhollir
Walter Mondale varafor-
seta Bandaríkjanna er
hann dvaldist í opinberri
heimsókn hér á landi í
síðustu viku. Norðan
strekkingur blés beint í
fang varaforsetans er hann
sté út úr þotu embættis
Bandaríkjaforseta, Air
Force two, á Keflavíkur-
flugvelli, og hélst sami
vindstrekkingurinn og
sami næðingurinn allt
fram yfir brottför varafor-
setans á föstudaginn
langa, en hann kom til
landsins á miðvikudags-
kvöld.
Á Keflavíkurflugvelli tóku,
ásamt fleirum, Ólafur Jóhannes-
son forsaetisráðherra og Benedikt
Gröndal utanríkisráðherra á móti
Mondale og eiginkonu hans, Joan.
Árla á skírdag átti Mondale
viðræður við Ólaf Jóhannesson og
aðra ráðamenn í ráðherrabústaðn-
um við Tjarnargötu. Á stuttum
fundi með blaðamönnum að lokn-'
um fundinum skýrði Mondale frá
því að viðræðurnar hefðu helzt
snúist um gagnkvæm samskipti
landanna tveggja á sviði menning-
ar og viðskipta, en einnig hefði
aðild landanna að NATO verið
rædd og loks skýrði Mondale ís-
lenzkum ráðamönnum frá gangi
afvopnunarviðræðna Bandaríkja-
manna og Sovétmanna.
Mondale sagði það sér einkar
ánægjulegt að skýra frá því að
sambúð íslendinga og Bandaríkja-
manna væri og hefði verið með
stökustu ágætum. Engin ágrein-
ingur væri á milli landanna í
grundvallaratriðum.
Aðspurður sagði Mondale að
íslenzka ríkisstjórnin hefði verið
einkar hliðholl veru bandaríska
varnarliðsins á Keflavíkurflug-
velli. „Og ég færði forsætisráð-
herra persónulegt þakkarbréf frá
Jimmy Carter forseta, þar sem
þakkaður er stuðningur forsætis-
ráðherra, utanríkisráðherra og
íslenzku ríkisstjórnarinnar við
Keflavíkurstöðina.
Varnarstöðin á Keflavíkuflug-
velli er sérlega mikilvæg, og má
það m.a. ráða af því að þar er að
finna útbúnað og flugvélar af
fullkomnustu gerð. Við kunnum
vel að meta stuðning íslenzku
ríkisstjórnarinnar og Íslendinga
við þessa stöð, en hún gegnir
mikilvægu eftirlitsstarfi í Norður-
höfum."
Fram kom hjá Mondale að fisk-
veiðimál og hafréttarmál hefði
borið á góma í viðræðum hans og
íslenzkra ráðamanna._ Rætt hefði
verið almennt um stöðu þeirra
mála á alþjóðavettvangi í dag,
einkum um málefni málmvinnslu
á úthöfunum. Ekki væri hægt að
segja með vissu um hvort nýr
Walter Mondale og Geir Hallgrímsson í upphaíi fundar þeirra. Mondale óskaði sérstaklega eftir þvf að
hitta Geir að máli í opinberri heimsókn sinni hingað til lands. LJósm. ÓI.K.M.
„Tel æskilegt að Banda-
ríkin leggi tíl liðsaflann”
— sagði Ólafur Jóhannesson, forsætisráðherra, í veizlu ríkisstjómarinnar
Á barmi Almannagjár. í fremstu röð fer ólafur Jóhannesson forsætisráðherra, en þar á eftir koma m.a. Walter Mondale og Benedikt
Gröndal utanríkisráðherra. Eins og myndin gefur til kynna var hávaðarok á Þingvöllum þegar varaforseti Bandaríkjanna staldraði þar
við. LJósm. Mbl. Ó1.K.M.
Eiríkur J. Eirfksson þjóðgarðsvörður leiddi Walter Mondale í allan sannleikann um kirkjuna á
Þingvöllum. Eins og sjá má hefur varaforsetanum stokkið bros á vör við einhverju afþvísem séra Eirfki
hefur hrokkið af munni. Liólim Mw ó, K M
hafréttarsáttmáli yrði að veru-
leika, en íslenzku ráðamennirnir
væru bjartsýnir í þeim efnum.
Mondale sagði að íslendingar ættu
á að skipa einum fremsta sérfræð-
ingi á sviði hafréttarmála, en þar
væri um að ræða Hans G. Ander-
sen sendiherra í Washington.
Að loknum fundinum í ráð-
herrabústaðnum skoðaði Walter
Mondale stofnun Árna Magnús-
sonar í fylgd Ólafs Halldórssonar
handritafræðings og Ragnars
Arnalds menntamálaráðherra.
Þar skoðaði Mondale m.a. Kon-
ungsbók Eddukvæða, Flateyjarbók
og Möðruvallabók. Heyra mátti að
varaforsetinn var sæmilega vel að
sér í sagnaritun norrænna manna
til forna og handritagerð, enda
sjálfur af norsku fólki kominn. I
gestabók Árnasafns í lok heim-
sóknarinnar reit Mondale: „Hafið
þakkir fyrir þá innsýn sem ég hef
fengið í hina miklu sögu forfeðra
vorra."
Walter Mondale og frú þágu
hádegisverðarboð íslenzku forseta-
hjónanna að Bessastöðum, en
þaðan var farið með varaforsetann
bandariska í skoðunarferð til
Þingvalla.
Mondale virðir fyrir sér
Konungsbók eddukvæða í
sýningarkassa í stofnun Árna
Magnússonar. ólafur Halldórs-
son handritafræðingur og Ragn-
ar Arnalds menntamálaráðherra
eru varaforsetanum innan
handar. LJfom. Mbl. ÓI.K.M.