Morgunblaðið - 18.04.1979, Blaðsíða 31

Morgunblaðið - 18.04.1979, Blaðsíða 31
MORGUNBLAÐIÐ, MIÐVIKUDAGUR 18. APRÍL 1979 31 Hávaðarok var á Þingvöllum og vart stætt á barmi Almannagjár er Mondale staldraði þar við áður en hann brá sér niður að Lögbergi. Þar lét hann þau orð falla að hefðu íslendingar haldið þing sitt til forna að vetri til hefðu þingræður án nokkurs vafa verið í styttra lagi. Áður en haldið var aftur til Reykjavíkur skoðaði Mondale kirkjuna á Þingvöllum í fylgd séra Eiríks J. Eiríkssonar. Eiríkur tjáði Mondale m.a. að messa félli aldrei niður í kirkjunni nema ef veður hamlaði, og kom Mondale það m.a. spánskt fyrir sjónir að veður gæti orðið miklu verra en það var úti fyrir kirkjudyrum í það skiptið. Við komuna frá Þingvöllum hitti Walter Mondale Geir Hallgríms- son formann Sjálfstæðisflokksins að máli, en Geir var forsætisráð- herra þegar Mondale kom hingað til lands fyrir um tveimur árum, þá nýskipaður varaforseti Banda- ríkjanna. Óskaði Mondale sérstak- lega eftir þessum fundi. I kvöldverðarboði til heiðurs Mondale sagði bandaríski varafor- setinn að það væri sér sérstakur heiður að vera staddur á íslandi, og hefðu þau hjónin notið dvalar- innar á íslandi einkar vel. íslend- ingar og Bandaríkjamenn ættu margt sameiginlegt þar sem ís- lendingar hefðu fyrst fundið Ameríku og síðar flutzt þangað og lagt sitt að mörkum til þeirrar menningar sem Bandaríkjamenn byggju við í dag. Mondale vitnaði í ummæli Þor- geirs Ljósvetningagoða á Þingvöll- um árið 1000 þegar hann úrskurð- aði að íslendingar skyldu taka kristni til að varðveita friðinn í landinu, en þeim sem blótuðu á laun yrði þó ekki refsað. „Ég undrast að það voru ekki íslend- ingar sem sömdu um frið í Miðausturlöndum, þar sem þeir ráða yfir stjórnkænsku af þessu tagi," sagði Mondale. I skálaræðu sinni komst Ólafur Jóhannesson forsætisráðherra, en hann var gestgjafi í kvöldverðar- boðinu, m.a. svo að orði: Ég hika ekki við að staðhæfa, herra varaforseti, að með okkur íslendingum, sem rekjum ættir okkar til Noregs, vekur það ánægju og stolt, að bandaríska stórþjóðin hefur kjörið í annað æðsta embætti ríkis síns afkom- anda norrænna landnema. Það hefur haft og hefur enn gífurleg áhrif á framvindu sögunnar, að við lýði er, beggja vegna Norður-At- lantshafs, samfélag þjóða, sem aðhyllast rótgróna lýðræðishefð og lögbundna stjórn. Þið Banda- ríkjamenn hélduð nýverið hátíð- legt tveggja alda afmæli sjálf- stæðisyfirlýt.ingarinnar. Sú þrótt- mikla tjáning frelsisanda hefur bergmálað öld fram af öld. Dvöl erlends herliðs í landi setur bæði heimafólk og komumenn í vandasama aðstöðu, sem felur í sér hættu á ýfingum. Mér er engin launung á því, að af fenginni reynslu tel ég æskilegt að Banda- ríkin leggi til liðsaflann, meðan þörf er á dvöl varnarliðs á íslandi. Áður en Walter Mondale hélt frá Keflavíkurflugvelli að morgni fóstudagsins langa staldraði hann við í varnarstöðinni þar og fögn- uðu bandarísku hermennirnir hon- um þar innilega og færðu að gjóf leðurstakk alsettan merkjum og fánum sem eru táknrænir fyrir varnarstöðina í Keflavík. Meðan varaforsetinn átti við- ræður við ráðamenn, litaðist um á Þingvöllum og rabbaði við Geir Hallgrímsson, skoðaði Joan kona hans sig um í Listasafni íslands og einnig heimsótti hún listamennina Steinunni Marteinsdóttur að Hujduhólum í Mosfellssveit og Sigurjón Ólafsson í Laugarnesinu. Frá íslandi héldu þau hjónin í opinbera heimsókn til Noregs, og sem kunnugt er vörðu þau páska- helginni í Mundal í Vestur-Noregi, en þaðan eru langfeðgar varafor- setans runnir. — ágás. Joan Mondale með Sigurjóni Óiaíssyni myndhöggvara ívinnustofu Sigurjóns. Ljtom. Mbl. Emllía Varaforsetaírú Bandaríkjanna, Joan Mondale, í heimsókn hjá Steinunni Marteinsdóttur Hstakonu að Hulduhólum í Mosfellssveit. Ljósm Emi|w. Mondale fullvissar Norðmenn Óstó. 17. aprfl. AP. WALTER Mondale vara- forseti Bandaríkjanna átti í dag fund með norsk- um ráðamönnum og full- vissaði þá um stuðning og áhuga Bandaríkjastjórn- ar á velferð þessarar dyggu aðildarþjóðar Atlantshafsbandalagsins. Skýrði Mondale Norð- mönnum frá því að Bandaríkjamenn myndu reyna til þrautar að ná afvopnunarsamningum við Sovétríkin. Á blaðamannafundi í morgun eftir fund hans og Odvar Nordlis forsætisráð- herra sagði varaforsetinn að samskipti Bandaríkj- anna og Noregs „gætu ekki verið betri". Hann lofaði Norðmenn ekki aðeins fyrir að hafa sýnt Sovétmönnum fulla einurð í lagadeilum í íshafinu heldur einnig fyrir að „taka sífellt ríkari þátt í alþjóðaumræðu". Mondale heldur til Danmerkur á morgun, miðvikudag, en fyrirhugað er að hann komi einnig við í Svíþjóð, Finnlandi og Hollandi á ferð sinni. Franska vikan að Hótel Loftleíðum Við kynnum: Franskan mat! Franski matreiðslumaðurinn J.J. Moulinier^ velur matseðilinn og stjórnar matargerð- inni. Með matnum gefst kostur á frönskum vínum og tilheyrandi. Franska skemmtikrafta! Sex listamenn frá París sýna látbragðs- leiki, gamanþætti, Can Can dansa, ofl. Einnig verða sýndir franskir þjóðdansar. Frakklandsferðir Kvikmyndasýningar á hverjum degi í ráð- stefnusalnum, kl. 17 til 19:30. Myndirnar eru nýkomnar frá Frakklandi í tilefni Frönsku vikunnar. Happaferð Hótel Loftleiðir býður heppnum gesti í Frakklandsferð með sérstöku gestahapp- drætti. KOMIÐ, BORÐIÐ, DANSIÐ OG SKEMMTIÐ YKKUR á la francaise! HÓTEL LOFTLEIÐIR „Litla París á Islandi FRONSK VIKA la Frangaise 17-25 APRÍL 1979

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.