Morgunblaðið - 18.04.1979, Side 23
MORGUNBLAÐIÐ, MIÐVIKUDAGUR 18. APRÍL 1979
31
Hávaðarok var á Þingvöllum og
vart stætt á barmi Almannagjár
er Mondale staldraði þar við áður
en hann brá sér niður að Lögbergi.
Þar lét hann þau orð falla að hefðu
íslendingar haldið þing sitt til
forna að vetri til hefðu þingræður
án nokkurs vafa verið í styttra
lagi.
Áður en haldið var aftur til
Reykjavíkur skoðaði Mondale
kirkjuna á Þingvöllum í fylgd séra
Eiríks J. Eiríkssonar. Eiríkur tjáði
Mondale m.a. að messa félli aldrei
niður í kirkjunni nema ef veður
hamlaði, og kom Mondale það m.a.
spánskt fyrir sjónir að veður gæti
orðið miklu verra en það var úti
fyrir kirkjudyrum í það skiptið.
Við komuna frá Þingvöllum hitti
Walter Mondale Geir Hallgríms-
son formann Sjálfstæðisflokksins
að máli, en Geir var forsætisráð-
herra þegar Mondale kom hingað
til lands fyrir um tveimur árum,
þá nýskipaður varaforseti Banda-
ríkjanna. Óskaði Mondale sérstak-
lega eftir þessum fundi.
I kvöldverðarboði til heiðurs
Mondale sagði bandaríski varafor-
setinn að það væri sér sérstakur
heiður að vera staddur á Islandi,
og hefðu þau hjónin notið dvalar-
innar á Islandi einkar vel. Islend-
ingar og Bandaríkjamenn ættu
margt sameiginlegt þar sem ís-
lendingar hefðu fyrst fundið
Ameríku og síðar flutzt þangað og
lagt sitt að mörkum til þeirrar
menningar sem Bandaríkjamenn
byggju við í dag.
Mondale vitnaði í ummæli Þor-
geirs Ljósvetningagoða á Þingvöll-
um árið 1000 þegar hann úrskurð-
aði að íslendingar skyldu taka
kristni til að varðveita friðinn í
landinu, en þeim sem blótuðu á
laun yrði þó ekki refsað. „Ég
undrast að það voru ekki Islend-
ingar sem sömdu um frið í
Miðausturlöndum, þar sem þeir
ráða yfir stjórnkænsku af þessu
tagi,“ sagði Mondale.
I skálaræðu sinni komst Ólafur
Jóhannesson forsætisráðherra, en
hann var gestgjafi í kvöldverðar-
boðinu, m.a. svo að orði:
Ég hika ekki við að staðhæfa,
herra varaforseti, að með okkur
Islendingum, sem rekjum ættir
okkar til Noregs, vekur það
ánægju og stolt, að bandaríska
stórþjóðin hefur kjörið í annað
æðsta embætti ríkis síns afkom-
anda norrænna landnema. Það
hefur haft og hefur enn gífurleg
áhrif á framvindu sögunnar, að við
lýði er, beggja vegna Norður-At-
lantshafs, samfélag þjóða, sem
aðhyllast rótgróna lýðræðishefð
og lögbundna stjórn. Þið Banda-
ríkjamenn hélduð nýverið hátíð-
legt tveggja alda afmæli sjálf-
stæðisyfirlýsingarinnar. Sú þrótt-
mikla tjáning frelsisanda hefur
bergmálað öld fram af öld.
Dvöl erlends herliðs í landi setur
bæði heimafólk og komumenn í
vandasama aðstöðu, sem felur í
sér hættu á ýfingum. Mér er engin
launung á því, að af fenginni
reynslu tel ég æskilegt að Banda-
ríkin leggi til liðsaflann, meðan
þörf er á dvöl varnarliðs á íslandi.
Áður en Walter Mondale hélt
frá Keflavíkurflugvelli að morgni
föstudagsins langa staldraði hann
við í varnarstöðinni þar og fögn-
uðu bandarísku hermennirnir hon-
um þar innilega og færðu að gjöf
leðurstakk alsettan merkjum og
fánum sem eru táknrænir fyrir
varnarstöðina í Keflavík.
Meðan varaforsetinn átti við-
ræður við ráðamenn, litaðist um á
Þingvöllum og rabbaði við Geir
Hallgrímsson, skoðaði Joan kona
hans sig um í Listasafni íslands og
einnig heimsótti hún listamennina
Steinunni Marteinsdóttur að
Hulduhólum í Mosfellssveit og
Sigurjón Ólafsson í Laugarnesinu.
Frá íslandi héldu þau hjónin í
opinbera heimsókn til Noregs, og
sem kunnugt er vörðu þau páska-
helginni í Mundal í Vestur-Noregi,
en þaðan eru langfeðgar varafor-
setans runnir.
— ágás.
Joan Mondale með Sigurjóni ólaíssyni myndhöggvara í vinnustofu Sigurjóns. Ljósm. Mbl. Kmllía.
Varaforsetafrú Bandaríkjanna. Joan Mondale, í heimsókn hjá Steinunni Marteinsdóttur listakonu að
Hulduhólum í Mosfellssveit. . iAsm Fmil(.
Mondale
fullvissar
Norðmenn
Ósló. 17. aprfl. AP.
WALTER Mondale vara-
forseti Bandaríkjanna
átti í dag fund með norsk-
um ráðamönnum og full-
vissaði þá um stuðning og
áhuga Bandaríkjastjórn-
ar á velferð þessarar
dyggu aðildarþjóðar
Atlantshafsbandalagsins.
Skýrði Mondale Norð-
mönnum frá því að
Bandaríkjamenn myndu
reyna til þrautar að ná
afvopnunarsamningum
við Sovétríkin.
Á blaðamannafundi í
morgun eftir fund hans og
Odvar Nordlis forsætisráð-
herra sagði varaforsetinn
að samskipti Bandaríkj-
anna og Noregs „gætu ekki
verið betri“. Hann lofaði
Norðmenn ekki aðeins fyrir
að hafa sýnt Sovétmönnum
fulla einurð í lagadeilum í
Ishafinu heldur einnig fyrir
að „taka sífellt ríkari þátt í
alþjóðaumræðu".
Mondale heldur til
Danmerkur á morgun,
miðvikudag, en fyrirhugað
er að hann komi einnig við í
Svíþjóð, Finnlandi og
Hollandi á ferð sinni.
Franska vikan að Hótel Loftleiðum
Við kynnum
Franskan mat!
Franski matreiðslumaðurinn J.J. Moulinier
velur matseðilinn og stjórnar matargerð-
inni. Með matnum gefst kostur á frönskum
vínum og tilheyrandi.
Franska skemmtikrafta!
Sex listamenn frá París sýna látbragðs-
leiki, gamanþætti, Can Can dansa, ofl.
Einnig verða sýndir franskir þjóðdansar.
Frakklandsferðir
Kvikmyndasýningar á hverjum degi í ráð-
stefnusalnum, kl. 17 til 19:30. Myndirnar
eru nýkomnar frá Frakklandi í tilefni
Frönsku vikunnar.
Happaferð
Hótel Loftleiðir býður heppnum gesti í
Frakklandsferð með sérstöku gestahapp-
drætti.
KOMIÐ, BORÐIÐ, DANSIÐ OG SKEMMTIÐ
YKKUR á la francaise!
HÓTEL LOFTLEIÐIR
„Litla París á íslandi!"