Morgunblaðið - 18.04.1979, Blaðsíða 29

MORGUNBLAÐIÐ, MIÐVIKUDAGUR 18. APRÍL 1979
37
Eiríkur Benjamínsson
frá Hesteyri - Minning
Fæddur 15. desember 1890.
Dáinn 3. apríl 1979.
Hugur minn reikar norður í
Jökulfirði. Þar var blómleg byggð
fram eftir þessari öld. I Jökul-
fjörðum voru um skeið tvær hval-
veiðistöðvar. Seinna var annarri
þessara hvalveiðistöðva breytt í
síldarverksmiðju, þeirri fyrstu í
eigu íslendinga. Heyrt hef ég, að í
þessari byggð vaxi skarfakál það
er læknar skyrbjúg meir og betur
en annars staðar. Það má með
nokkrum rökum halda því fram,
að stóriðja og velsæld á Islandi
hafi átt rætur að rekja til þessarar
horfnu byggðar.
Það var á þessum slóðum, sem
afi minn, Eiríkur Benjamínsson,
fæddist og ól sinn starfsaldur.
Hann var sonur hjónanna Han-
sínu Tómasdóttur og Benjamíns
Einarssonar, sem bjuggu að Marð-
areyri í Veiðileysufirði. Afi minn
var yngstur af sjö börnum þeirra
hjóna. Öll systkini hans eru nú
löngu látin. Þegar afi var tæpra
þriggja mánaða gamall drukknar
faðir hans ásamt öðrum manni af
báti fyrir framan Marðareyri. Er
mér sagt, að Hansína langamma
mín hafi sjálf rennt fram báti er
hún varð slyssins vör en allt kom
fyrir ekki. Hansína giftist aftur
1893. Seinni maður hennar, Jón
Guðmundsson, drukknaði ásamt
fjórum hásetum sínum nokkrum
mánuðum eftir að þau giftust. Afi
átti því í raun aldrei neinn föður,
því hann var alltaf með móður
sinni, sem hélt áfram búskap þrátt
fyrir áföll.
Seinna fluttust þau mæðgin yfir
til Hesteyrar. Þar bjó afi minn allt
til ársins 1947 að undanskildum
nokkrum árum sem hann var í
siglingum á norskum skipum og
fyrsta hjúskaparári sínu sem hann
bjó á Isafirði. í siglingunum gerð-
ist afi víðförull, komst til Spánar
og sá á land í Afríku. Hann
hafnaði hins vegar boði um að
gerast hvalveiðimaður í Suður-Af-
ríku, en þangað hafði systursonur
hans farið.
Eftir siglingarnar og stutta dvöl
á Isafirði sezt afi að á Hesteyri.
Var hann formaður á bátnum,
lengst eigin útgerð, jafnframt því
sem hann átti nokkrar kindur. Má
segja að starfsheiti hans hafi verið
útvegsbóndi. Auk þessa starfaði
afi oft sem vélgæzlumaður í síld-
arverksmiðjunni á Hesteyri. Afi
var eftirsóttur til vinnu vegna
dugnaðar og hreysti, jafnframt því
sem hann vakti yfir því sem
honum var trúað fyrir.
Haustið 1912 kvæntist afi Elísa-
betu Önnu Halldórsdóttur frá
Neðri-Miðvík í Aðalvík. Bjuggu afi
og amma saman í tæp 60 ár eða
þar til vorið 1972 að amma dó.
Amma var mikil mannkostakona.
Hændist ég mjög að henni, bæði
þegar hún kom í heimsðkn til
dóttur sinnar og ekki þótti mér
síður gott að eiga athvarf í bæjar-
ferðum hjá henni á Laugavegin-
um. Amma var há og spengileg og
bar hún íslenzka búninginn sinn af
mikilli reisn við hátíðleg tækifæri.
Hún var ein þeirra kvenna, sem
unnu verk sín á traustan og
hljóðlátan hátt.
Afi og amma áttu þrjár dætur,
sem allrar fæddust á Hesteyri.
Þær eru: Martha Guðrún, giftist
Sæbirni Magnússyni, lækni, sem
dó langt fyrir aldur fram 1944.
Kristín, gift Bjarna Vilhjálmssyni
þjóðskjalaverði. Jóhanna Krist-
jana, sem dó tæplega tvítug 1941.
Martha og Kristín eru báðar bú-
settar í Reykjavík. Auk dætranna
átti afi son áður en hann kvæntist,
Benjamín, sem kvæntur er Krist-
ínu Árnadóttur. Þau eru búsett í
Bolungarvík.
Um 1940 hverfur síldin og jafn-
framt minnkar fiskigengd á
grunnmiðum. Tekur þá fólki að
fækka í Sléttuhreppi. Afi og amma
flytjast til Isafjarðar 1947 og
tveimur árum síðar taka þau sig
aftur upp og flytjast til Reykjavík-
ur. Þar starfaði afi lengst af hjá
Byggingarfélaginu Brú h.f. eða til
ársins 1966, en þá hætti bygging-
arfélagið störfum og jafnframt
var afi orðinn fótveikur. Hjá Brú
h.f. starfaði hann sem vélgæzlu-
maður á loftpressu. Á þessum
árum tók hann þátt í byggingu
ýmissa meiriháttar mannvirkja
eins og Borgarspítala, Laugardals-
laugar, ýmissa skóla, svo og Miklu-
brautar. Þótti afa sárt að þurfa að
hætta að vinna, því hann þekkti
tæpast nokkuð annað. Ó1 afi alltaf
þá von í brjósti að hann mundi
byrja að vinna aftur. Það var ekki
fyrr en amma dó, að afa fannst
hann verða gamall.
Á efri árum rifjaði afi oft upp
sína gömlu góðu daga á Hesteyri
og Marðareyri. Þrátt fyrir háan
aldur hafði afi engu gleymt og
mundi atburðina sem nýskeða.
Sumarið 1973 fór afi vestur á
Isafjörð og til Bolungarvíkur í
síðasta skipti. Þá fór hann með
vini sínum, Jóni Helgasyni á ísa-
firði, yfir til Hesteyrar. Þangað
hafði afi ekki komið frá því hann
fluttist til Reykjavíkur. Mér
fannst afi yngjast upp þegar við
stigum á land á Hesteyri. Þann
dag skein sól og • logn var svo
mikið, að ekki sást gára á öllu
djúpinu. Daginn eftir var rigning.
Afi lifði lengi á þessari ferð.
Svo fer oft, að elliárin verða
okkur mannfólkinu erfið. Afi bjó
einn í tæp 7 ár. Hann sótti í
matinn og sá að milu leyti um sig
sjálfur. Það var eiginlega ekki
nema vetur sá er nú er að líða, sem
var afa verulega þungbær. Dvaldi
hann nokkrum sinnum á sjúkra-
húsum, en jafnskjótt og hann varð
einhvers bata var, vildi hann fara
heim. Þangað heímsóttu afa vinir
og kunningjar eins og á sjúkrahús-
in. Held ég, að á enga sé hallað þó
nefndir séu tveir Hesteyringar,
Bjarni Guðmundsson og Hallgrím-
ur Pétursson. Þeir reyndust afa
tryggðartröll til hinztu stundar.
Ég er forsjóninni þakklátur
fyrir að hafa átt afa og ömmu í 27
ár.
Vilhjálmur Bjarnason.
Ef yður vantar rafritvél fyrir
heimilið eða skrifstofuna er
rétta vélin.
Gott verð. Mikil gæði.
Skipholti 21. Reykjavlk,
sfmi 23188.
Bróöir okkar, + GEIR ÁSGEIRSSON,
•kipstjóri,
andaöist í Boston 11. apríl. Hulda Ásgeirsdóttir, Jóhanna Áagairadóttir.
+
Móöir okkar,
JÓHANNA K. HALLGRÍMSDÓTTIR,
Garóaatrati 47,
andaðist i Landspítalanum aö kvöldi páskadags.
Jaröarförin auglýst siöar.
Börn hinnar látnu.
t
Bróöir okkar,
REIMAR SIGURDSSON,
lézt aö heimili sínu Hátúni 12, sunnudaginn 15. þ.m.
ina Dóra Siguröardóttir,
Rafn Sigurósson,
Randý Siguröardóttir.

VIÐTALSTIMI
Alþingismanna og
borgarfulltrúa
Sjálfstæðisflokksins
í Reykjavík
Alþingismenn og borgarfulltrúar Sjálfstæðis-
flokksins verða til viötals í Valhöll, Háaleitisbraut 1
á laugardögum frá kl. 14.00—16.00.
Er þar tekiö á móti hvers konar fyrirspurnum og
ábendingum og er öllum borgarbúum boðiö að
notfæra sér viðtalstíma þessa.
Laugardaginn 21. apríl veröa til viötals
Elín Pálmadóttir og Valgarö Briem.
Elín er í fræðsluráöi og umhverfismálaráöi.
Valgarö er í stjórn Innkaupastofnunar Reykja-
víkurborgar.
Góö bílakaup
helmingur út
og rest á 6-8
mánuðum
Viö tökum notaða bíla upp í nýja og
margir hafa þann hátt, aö skipta árlega
og eru því ævinlega á nýjum bílum.
Þarna veröa því oft mjög góö bílakaup
á nýlegum bílum, sem viö seljum með
vildarkjörum.
Komið og skoðiö bílana
og sannreynið pá.
FÍAT EINKAUMBOÐ Á ÍSLANDI
DAVÍD S/GURDSSON hf.
SfÐUMÚLA 35. StMI 85855
Dorset-leirtau
nýkomió
Litir:
Blátt
Grænt
Verð:
Djúpur diskur 1.195.
Grunnur diskur 1.195.
Bollapar 1.410.
Kökudiskur 720.
Sendum í póstkröfu
Búsáhöld og gjafavörur,
Miðbæ, sími 35997. Glæsibæ sími 86440.