Morgunblaðið - 14.09.1979, Blaðsíða 3
MORGUNBLAÐIÐ, FÖSTUDAGUR 14. SEPTEMBER 1979
3
Sighvatur Björgvinsson formaður
þingflokks Alþýóuflokksins:
Þessi ákvörðun
styðst við minni-
hluta Alþingis
„ÉG LÝSI fullri ábyrgð á hendur
Alþýðubandalaginu og Fram-
sóknarflokknum vegna þessarar
hækkunar á landbúnaðarvörum,
sem að minu mati er ekkert
annað en hrein stríðsyfirlýsing
við verkalýðshreyfinguna í land-
inu,“ sagði Sighvatur Björgvins-
son formaður þingflokks Alþýðu-
flokksins í samtali við Mbl. í gær.
Spurningu Mbl. um það, hvort
hann teldi að stríðshanzkanum
hefði þá verið kastað fyrir Al-
þýðuflokkinn í ríkisstjórnarsam-
starfinu svaraði Sighvatur á
þessa leið: „Ég veit engin dæmi
þess, að svona stór mál hafi verið
samþykkt í ríkisstjórn með ein-
faldri atkvæðagreiðslu og síðan
framkvæmd af ráðherrum, sem
ekki hafa þingmeirihluta á bak
við sig. Þessi ákvörðun styðst við
minnihluta Alþingis.“
Sighvatur sagði andstöðu Al-
þýðuflokksins við þessa verð-
ákvörðun byggjast á því, að einni
stétt, sem að sögn eigin reikni-
stofnunar hefði haft 111% tekju-
hækkun á síðasta ári og 65%
hækkun á árinu þar á undan, væri
nú heimiluð 16,7% tekjuhækkun á
sama tíma og aðrir yrðu að sætta
sig við 12,4%. „Ég get ekki séð, að
ríkisstjórn sem hagar sér svona
geti ætlast til þess að sjónarmið
hennar njóti stuðnings forystu-
manna verkalýðshreyfingarinn-
ar,“ sagði Sighvatur. „Þessi
ákvörðun er sérstaklega alvarleg
þegar það er haft í huga, að
launagrundvöllur , landbúnað-
arverðsins hefur hækkað um það
bil um 200 prósentu stig fram yfir
launahækkanir sjómanna, verka-
manna og iðnaðarmanna frá árinu
1974 og hefur hækkað langt um-
fram vísitölur framfærslukostn-
aðar og byggingarkostnaðar."
Ólafur Ragnar Grímsson, formaður
framkvæmdastjórnar Alþýðubandalagsins:
Framsóknarflokk-
urinn barði fram
búvöruhækkunina
„ÉG TEL, að Tómas Árnason,
fjármálaráðherra, hafi brugðizt
algjörlega i öðrum meginþætti
tillagna, sem skattanefnd ríkis-
stjórnarinnar gerði í desember,"
sagði ólafur Ragnar Grímsson,
alþingismaður og formaður
framkvæmdastjórnar Alþýðu-
bandalagsins, i samtali við Morg-
unblaðið í gær, er það ræddi m.a.
bráðabirgðalög rikisstjórnarinn-
ar frá siðasta mánudegi.
„í sáttmála ríkisstjórnarinnar,“
sagði Ólafur, „segir að gera eigi
meiriháttar átak gegn misrétti í
skattamálum, sem er margvíslegt
vandamál í þessu þjóðfélagi. Við
lögðum til ítarlegar tillögur sem
lögðu til aðgerðir bæði i banka-
kerfi, dómstólakerfi, innheimtu-
kerfi rikisins og á fjölmörgum
öðrum sviðum. Tómas hefur nán-
ast ekkert gert af þessu. Ég er
algjörlega andvígur því að fjár-
málaráðherra, sem rekur ríkissjóð
illa, geti bara komið eftir hálft ár,
þegar hann hefur ekki staðið í
stykkinu, til almennings í landinu
og sagt: Nú eigið þið að borga
meira. Þar að auki er ljóst að
verulegur hluti þessarar skatta-
hækkunar og þeirrar fjárþarfar,
412 hvalir
veiddir
IIVALVEIÐARNAR hafa gengið
mjög vel í sumar að sögn Kristj-
áns Loftssonar forstjóra Hvals
hf. Veiðst hafa 412 hvalir en á
sama tima i fyrra höfðu veiðst
362 hvalir og hófust þó veiðarnar
10 dögum seinna i ár en i fyrra.
Skiptingin í sumar er sú að
veiðst hafa 256 langreyðar, 72
búrhvalir og 84 sandreyðar en í
fyrra hafði á sama tíma veiðst 231
langreyður, 124 búrhvalir og 7
sandreyðar.
Hvalvertíðinni lýkur væntan-
lega um eða upp úr 20. september
n.k.
sem þarna var, stafar af vaxta-
hækkun Framsóknarflokksins og
Alþýðuflokksins — og er stefna,
sem Alþýðubandalagið er og hefur
verið andvígt. Er það algjörlega
hróplegt að sömu mennirnir sem
stóðu að þessari hávaxtastefnu og
ætla almenningi að borga þau lán,
geti svo ekki tekið svo til heima
hjá sér í ríkisbúskapnum, að þeir
sjái fyrir þeirri sparnaðarþörf út
af vaxtahækkuninni, sem allur
almenningur verður að gera
heima hjá sér.“
„Við samþykktum í marz og
apríl,“ sagði Ólafur, „eftir harða
rimmu, sem öllum er í fersku
minni, tillögur, sem Alþýðuflokk-
ur og Framsóknarflokkur stóðu
að. Við gerðum það vegna þess að
við vildum reyna þetta stjórnar-
samstarf. Það hefur hins vegar
komið í ljós að höfuðþættirnir í
þessari efnahagsstefnu hafa
magnað hér verðbólgu upp úr öllu
viti. Ég er því ekki tilbúinn til að
leggja skatta á almenning í land-
inu til þess að borga fyrir þessa
vitleysu."
ólafur kvaðst mundu strax í
þingbyrjun krefja Tómas Árnason
sagna um það, hvers vegna hann
hefði ekki framkvæmt þá stefnu,
sem ríkisstjórnarflokkarnir hefðu
staðið að í desember. Ólafur kvað
Alþýðubandalagið í gær hafa haft
í frammi tilraun innan ríkis-
stjórnarinnar til þess að stöðva
hækkun landbúnaðarvaranna. Þar
lögðu ráðherrar flokksins fram
tillögu um að hækkunin yrði um
12% og mismuninum yrði frestað
og teknir upp beinir samningar
milli ríkisvalds og bænda. „En
Framsóknarflokkurinn hafnaði
því og Tómas Árnason var þar í
fararbroddi. Þannig hefur hann á
jafn löngum tíma og drottinn
skapaði heiminn komið því í verk
að stórhækka almenna neyzlu-
skatta í landinu og stórhækka
landbúnaðarvörur. Svo þykist
þessi maður vera að berjast gegn
verðbólgunni," sagði Ólafur Ragn-
ar Grímsson að lokum.
VERÐTRYGGÐ
SPARISKÍRTEINI
1979 - 2, fl.
gen? kunntígt,
crð honn skulclor
EITT HUNDRAÐ ÞÚSUND KRÓNUR
Spariskírtetni þetta er gefið út somkvoBmi LXIV. lið 6. gr. fjarlogö
fyrir órid 1979, um heimild fyrír fjórmábróðherro fyrir hönd rikissjóds
að gefo út rikissfeuldabréf eða spariskírteini til sölu snnanlands,
ouk þess sem notoðar eru heímildir eldri logo um útgófu verð-
tryggðro spariskirteino, eftir því sem ó þorf ab haldo, i stad þeirra.
sem upphaflega voru útgefin og Innleyst Hofa verið, oð viðbœttum
verðbótum, sbr. og !ög nr. 7 fró 13. mors 1974, um skattalego
meðferð verðbréfa o.fl., sem ríkissjóður selur innanionds.
Um innbusn skírteinisins og vaxtokjör fer somkvœmt hins vegor
greindum skilmóium.
Skírteinið skal skráð á rtafn, sjó t. gr. skilmdb ó bakhlíð.
Auk höfuðstóls og vaxto greiðir rikissjóður verðbœtur af skirteininu,
sem fylgja hœfekun, er konn að verðo ó joeirri visitölu byggtng-
arkostnaðar, er tekur gtldi 1. október 1979, til gjatddaga þess,
samkvœmt nónari ókvaedum 3. gr. skilmóla ó bokhlið. Um skatt-
lagningn og fromtolssfeyldu visost til 6. gr. skilmóla ó bafehlið.
Reykjavik, í september 1979
H. RÍKIS&Jéföfe ÍSLAND§<?
siífKef t a
Eitt hinna verðtryggðu spariskírteina rikissjóðs sem'byrjað var að selja í gær. Sölu var siðan hætt,
þar sem í liós kom að undirskriftin var Matthíasar Á. Mathiesens fyrrum fjármálaráðherra, en ekki
Tómasar Árnasonar núverandi fjármálaráðherra! — Morgunblaðið fékk að taka þessa mynd af
skírteininu hjá einum þeirra er keyptu það áður en mistökin uppgötvuðust, en Seðlabankinn neitaði
að leyfa myndatöku af skírteinunum.
Sala spariskírteina stöðvuð í gær:
V oru með undirskrif t
Matthíasar Á. í stað
Tómasar Arnasonar!
ÞEGAR sala var nýhafin á
verðtryggðum spariskírteinum
rikissjóðs hjá Seðlabankanum í
gær, kom í ljós að röng undir-
skrift var á skirteinunum, þar
sem á þeim var nafn Matthiasar
Á. Mathiesen fyrrverandi fjár-
málaráðherra í stað nafns og
undirskriftar Tómasar Árna-
sonar fjármálaráðherra. Var
sölu skírteinanna hætt þegar í
stað, og aðeins selt gegn kvitt-
unum eftir það, en áður höfðu
þó um tuttugu aðilar fengið
afhent skirteini með skakkri
undirskrift, að því er Stefán
Þórarinsson rekstrarstjóri
Seðlabankans sagði i samtali
við blaðamann Morgunblaðsins
síðdegis i gær.
Stefán sagði að þessi mistök
hefðu komið starfsmönnum
Seðlabankans í opna skjöldu, þar
sem aldrei hefðu nein slík mis-
tök átt sér stað allt frá árinu
1964 er byrjað var að skipta við
seðlaprentun Finnlandsbanka í
Finnlandi sem prentaði umrædd
skírteini. Stefán sagði einnig, að
áður hefðu komið tveir flokkar
spariskírteina með undirskrift
Tómasar Árnasonar, það er 2.
flokkur 1978 og 1. flokkur 1979.
Nú kæmi svo allt í einu 2.
flokkur 1979 þar sem notuð hefði
verið röng klisja, með nafni
Matthíasar Á. Mathiesen í stað
Tómasar.
Stefán sagði að þau skírteini
sem seldust áður en mistökin
uppgötvuðust yrðu innkölluð,
enda væru þau ógild, og á meðan
þess væri þeðið að ný kæmu til
landsins yrðu þau seld gegn
kvittunum. Salan þyrfti því ekki
að tefjast eða stöðvast vegna
þessara mistaka. Gæti jafnvel
svo farið að ný kæmu til lands-
ins fyrir næstu helgi. Spariskír-
teini þau sem byrjað var að selja
komu ekki til landsins fyrr en á
miðvikudaginn, eða degi áður en
sala átti að hefjast, og því var
ekki ráðrúm til að fá ný áður en
sala hófst, auk þess sem mistök-
in uppgötvuðust ekki fyrr en
eftir að sala var hafin sem fyrr
segir.
Morgunblaðið fékk ekki leyfi
til að taka myndir af umræddum
skírteinum, þar sem Seðlabank-
inn vildi ekki láta birta myndir
af ógildum skjölum eins og það
var orðað.
Aukafundur um fjárlagafrumvarp
FJÁRLAGAFRUMVARPIÐ, sem
rikisstjórnin heíur verið með til
meðferðar á ailmörgum undan-
förnum fundum sinum, varð ekki
endanlega afgreitt frá henni á
fundi í gær. Fyrirhugað er að
f jalla um það á aukafundi i dag og
er þess vænzt að þá verði það
endanlega aígreitt frá rikisstjórn-
inni. Þó munu stjórnarflokkarnir
setja ýmsa fyrirvara við af-
greiðslu þess á Alþingi.
Stefnt er að því, að frumvarpið
geti farið í prentun strax eftir
helgi. Niðurstöðutölur fjárlaga-
frumvarpsins eru algjört trúnaðar-
mál, en sagt hefur verið, að þær séu
rúmlega 300 milljarðar króna og
hækki frá því í fyrra á sjötta tug
prósenta.