Morgunblaðið - 14.09.1979, Blaðsíða 2
2
MORGUNBLAÐIÐ, FÖSTUDAGUR 14. SEPTEMBER 1979
Grafískir fengu 3%
meðaltalshækkun
SAMNINGAR tókust í íyrrinótt
milli Grafíska sveinafélagsins og
Félags íslenzka prentiðnaðarins.
Kauphækkunin, sem um samdist,
er innan ramma 3% kauptaxta-
hækkunar, en er deilt niður á
launaflokka innan 3% markanna.
Því er launahækkun til félags-
manna Grafíska sveinafélagsins
frá 0% og upp í 5,1%. Grafískir
samþykktu samningana á félags-
fundi í gær með 37 atkvæðum
gegn 13, en í Félagi prentiðnað-
arins voru þeir samþykktir ein-
róma.
Samkvæmt upplýsingum Har-
alds Sveinssonar, formanns FÍP,
Þessi
vitleysa
getur ekki
haldið
áfram...”
„ÞESSI vitleysa getur ekki
haldið áfram marga mánuði
í viðbót,“ sagði Ólafur Ragn-
ar Grímsson, formaður
framkvæmdastjórnar Al-
þýðubandalagsins, í gær, er
Morgunblaðið spurði, hvort
samstarf stjórnarflokkanna
væri að bresta.
I febrúar og marz kvað Ólaf-
ur Alþýðuflokk og Framsókn-
arflokk með meirihlutavaldi
hafa knúið fram ákveðna efna-
hagsstefnu. Síðastliðinn mánu-
dag hafi verið haldinn ítarleg-
ur fundur í þingflokki, fram-
kvæmdastjórn og verkalýðs-
málaráði Alþýðubandalagsins.
Ólafur sagði: „Meginniður-
staða þess fundar var, að efna-
hagsstefnan, sem fólst í Ólafs-
lögum, hefði reynzt bæði ónýt
og hefði frekar aukið verð-
bólguvandann en dregið úr
honum."
„Ef Alþýðubandalagið á að
verða áfram í þessari ríkis-
stjórn," sagði Ólafur, „þá verð-
ur það að knýja fram breyting-
ar á þeirri efnahagsstefnu, sem
kemur fram í Ólafslögum.“
gilda samningarnir frá 25. júní til
áramóta en þeir, sem fengu hæsta
prósentuhækkun, eru að sögn
Haralds vaktavinnumenn, sem
vinna á dagblaðapressunum.
Ársæll Ellertsson, formaður
Grafíska sveinafélagsins, kvað
þessa samninga ekki til þess að
hrópa húrra yfir. Nánast væru
samningarnir útfærsla á þremur
prósentunum, sem yki vægi þeirra
fyrir einstaka félagsmenn, og
nýttust þannig betur. Frá 25. júní
kvað hann koma 3% álag á heild-
arlaunagreiðslur, en frá deginum í
dag eru sett 3% á fyrsta árs
taxtann til þess að nemar fái hið
sama. Mikilvæga launataxta kvað
hann vera 3ja og 5 ára taxta og
hækkuðu þeir um 4%. Á blaða-
taxtann kæmi síðan 5,1%.
Samkvæmt fréttatilkynningu,
sem Morgunblaðinu barst í gær
frá Vinnuveitendasambandi ís-
lands, aflýsti það í gær verkbanni
á Grafíska sveinafélagið, svo og
samúðarverkbönnum, er boðuð
höfðu verið gagnvart öðrum
starfsgreinum innan prentiðnað-
arins.
Allir á kafi í
síldinni á Höfn
Síld landað úr Gissuri hvita á Höfn i Hornafirði.
Höfn, Hornafirði, 13. september.
HÉR ERU nú komnar á land
6800 tunnur af síld, en hér
leggja upp á milii 25 og 30
reknetabátar. Fiskimjölsverk-
smiðjan hefur tekið á móti 3255
tunnum og saitað í 2230 tunn-
ur, hjá frystihúsi KASK hafa
1700 tunnur verið frystar og
hjá Söltunarstöðinni Stemmu er
búið að taka á móti 1800 tunn-
um og salta i 1200 tunnur.
Síldveiði var treg síðastliðna
nótt og lögðu nokkrir bátanna
ekki netin. Þeir sem mest fengu
komu með um 100 tunnur. Full-
mannað er nú í síldarvinnuna
og hefur heimafólk sjaldan ver-
(Ljósm.: Jens)
ið eins margt í þessari vinnu og
nú. Eitthvað er þó um aðkomu-
fólk í sildinni. Margir aðkomu-
bátar leggja hér upp síld og
heimabátar eru allir á síld, að
einum undanskildum, Jakobi
SF, sem er á línu.
— Jens.
Bráóabirgdalög ríkisstjórnarinnar
16 milljarða króna nýj-
ar álögur á almenning
Formaður framkvæmdastjómar Alþýðubandalagsins greiddi atkvæði gegn lögunum
BRÁÐABIRGÐALÖG ríkisstjórnarinnar, sem sett voru
síðastliðinn mánudag, fela í sér 16 milljarða króna
nýjar álögur á almenning fram til áramóta og á næsta
ári. Fram til áramóta eru álögurnar 2,5 milljarðar
króna, en á næsta ári nema þær 13,5 milljörðum. Tékjur
ríkissjóðs í samtals 15 mánuði eru því að ineðaltali
rúmur milljarður króna á mánuði. Lög þessi munu
hækka verðbótavísitöluna hinn 1. desember næstkom-
andi um 0,8%.
í lögunum er ríkissjóði heimilað notað til þess að greiða halla
að taka að láni skammtímalán hjá ríkissjóðs fram til áramóta, þar eð
Seðlabanka íslands að upphæð 4,5 lögin veita ríkissjóði fram til þess
milljarðar króna. Þetta lán er tíma aðeins 2,5 milljarða kr. tekj-
ur. Lánið greiðist
næsta ári.
síðan niður á
Inntak bráðabirgðalaganna er
að söluskattur hækki úr 20% i
22% og vörugjald, sem áður var
18%, verði 24%. Áfram gildir 30%
vörugjald, sem núverandi ríkis-
stjórn bjó til með bráðabirgðalög-
um fyrir ári. Þó munu einstaka
vöruflokkar, sem áður voru í 30%
flokknum, felldir niður úr honum.
Má þar m.a. nefna vörur eins og
hljómplötur, hljóðfæri og sport-
vörur.
Matthías Á. Mathiesen um bráðabirgðalögin:
Allt að 500 þús. kr. skatta-
hækkun á 5mannafjölskyldu
Kaupmáttur rýrnar, verðbólga
verður 54%, ríkisútgjöld hækka
20 milljarða nýir skattar
„NÝIR skattar sem vinstri stjórnin hefur lagt á þýða um 500
þúsund króna skattahækkun fyrir hverja fimm manna fjölskyldu í
landinu, auk þess sem íbúar Reykjavíkur verða að greiða enn
hærri skatta vegna skattheimtu vinstri flokkanna í borgarstjórn,
eða um 650 til 700 þúsund krónur á hverja fimm manna
fjölskyldu,“ sagði Matthías Á. Mathiesen alþingisntaður og
fyrrverandi fjármálaráðherra í samtali við Morgunblaðið í gær, er
hann var inntur álits á bráðabirgðalögum ríkisstjórnarinnar.
Matthías sagði ennfremur, að
athyglisvert væri að ríkisstjórn-
in gripi nú til þess ráðs að setja
bráðabirgðalög rétt áður en Al-
þingi kemur saman, en það væri
mjög óvenjulegt. Þá væri það
einnig athyglisvert, að hér væri
ríkisstjórnin enn að gera bráða-
birgðaráðstafanir, og enn örlaði
ekki á neinum heildarráðstöfun-
um í efnahags- og fjármálum.
Áframhald virtist því ætla að
verða á því stjórnleysi sem hér
hefur ríkt í meira en ár.
Matthías sagði að þrátt fyrir
þau loforð ríkisstjórnarinnar að
koma verðbólgunni niður í 30%,
þá stefndi nú í meiri óðaverð-
bólgu en nokkru sinni áður, eða
allt að 54% að mati Þjóðhags-
stofnunar. Matthías sagði einnig
að ríkisstjórnin hefði ekki staðið
við þau fyrirheit að minnka
ríkisútgjöldin, þau stefndu nú í
að verða 30% af þjóðarfram-
leiðslu, en voru árið 1977 komin
niður í 27%. Þá sagði hann
einnig, að nú færi kaupmáttur
rýrnandi, þrátt fyrir loforðin um
„samningana í gildi". Enn mætti
nefna, að stefnt væri í meiri og
hærri skatta en nokkru sinni
fyrr, þar sem þeir yrðu nú 29%
af þjóðarframleiðslunni, en
hefðu hæst verið 25.6% í sinni
tíð sem fjármálaráðherra. Á
næsta ári sagði Matthías að nýir
skattar vinstri stjórnarinnar
yrðu yfir 20 milljarðar króna.
„Það liggur því ljóst fyrir, nú
eftir eins árs valdatíma vinstri
stjórnarinnar, að hún hefur eng-
in tök á stjórn ríkisins, og henni
hefur mistekist allt það sem
lofað var þegar hún tók við. í
stað þess að leggja nú enn á ný
þunga skatta á landsmenn, á
ársafmæli stjórnarinnar, hefði
ríkisstjórnin átt að segja af sér
og rjúfa þing og boða til kosn-
inga. Það hefði verið afmælis-
gjöf sem fólkið hefði þegið, en
stjórnarherrarnir höfðu ekki
kjark til þess, þar sem þeir
óttast nú dóm kjósenda," sagði
Matthías Á. Mathiesen að lok-
um.
í ríkisstjórnarflokkunum urðu
allmiklar deilur um þessi lög og
greiddi m.a. Ólafur Ragnar
Grímsson, formaður fram-
kvæmdastjórnar Alþýðubanda-
lagsins, atkvæði gegn lögunum.
Hann sagði aðspurður í gær, að
það hefði hann gert vegna þess, að
hann var algjörlega andvígur því
að neyzluskattar yrðu hækkaðir
og taldi hann að nær væri „að
fjármálaráðherra framkvæmdi
þær samþykktir, sem ríkisstjórn-
arflokkarnir stóðu að í desember
um hert skattaeftirlit. T.d. eru
skattsvikin í söluskattinum mjög
mikið vandamál og ennfremur
vildi ég taka fyrir aðra þætti, sem
væru framhald af því að flytja
byrðarnar til í þjóðfellaginu eins
og ákveðið var í desember. En það
að hverfa aftur til almennra
neyzluskatta væri á engan hátt
tæki til baráttu gegn verðbólgunni
— að hækka söluskatt og vöru-
gjald — og væri fráhvarf frá þeim
grundvallarsjónarmiðum, sem við
hefðum fylgt.“
í þingflokki Alþýðubandalags-
ins greiddi Jónas Árnason einnig
atkvæði gegn bráðabirgðalögun-
um.
Fíkniefnamál:
Islendingar
teknir í Sví-
þjóð og Noregi
í BYRJUN þessa mánaðar voru
þrír Islendingar handteknir í
Helsingborg i Svíþjóð. íslending-
arnir, tveir piltar og ein stúlka,
voru með fíkniefni í fórum sínum.
Ekki var samt um mikið magn að
ræða og var þeim sleppt eftir tvo
daga. Þá var islenzkur karlmaður
handtekinn í Ósló í Noregi i
ágústmánuði s.l. vegna fíkniefna-
meðhöndlunar. Sat hann inni í
mánuð en var að því búnu sleppt
úr fangelsi.