Morgunblaðið - 14.09.1979, Blaðsíða 46

46
MORGUNBLAÐIÐ, FÖSTUDAGUR 14. SEPTEMBER 1979
Botninn datt ur leik
íslenska liðsins
í síðari hálfleik
ÍSLENDINGAR töpuðu síðari leik sínum i Evrópukeppni landsliða á
móti Austur-Þjóðverjum 3—0 á LauKardalsvellinum á miðvikudags-
kvöld. Fyrri leik liðanna sem fram fór i Magdeburg lauk einnig með
sigri Þjóðverja 3—1. Nú á islenska landsliðið aðeins eftir einn leik í
sinum riðli keppninnar á móti Pólverjum 10. okt. næstkomandi, og fer
sá leikur fram i Póllandi. í þeim sjö leikjum sem islenska landsliðið
hefur leikið hefur það fengið á sig 18 mörk en skorað tvö, eitt á móti
Sviss hér heims, það skoraði Janus Guðlaugsson, og svo eitt á móti
Austur-Þjóðverjum og skoraði Pétur Pétursson það úr vitaspyrnu.
Allir leikirnir hafa tapast.
En snúum okkur að leik Islands
og Austur-Þjóðverja. Fyrri hálf-
leikur var nokkuð vel leikinn af
hálfu íslenska liðsins, og þá sér-
staklega fyrstu 15 mínútur leiks-
ins, en þá sóttu íslendingar mun
meira og áttu nokkur góð mark-
tækifæri. Strax á 5. mínútu leiks-
ins kom eitt besta marktækifæri
íslendinga. Ásgeir Sigurvinsson á
gullfallega sendingu fyrir mark
Þjóðverja beint á kollinn á Guð-
mundi Þorbjörnssyni sem skallaði
rétt framhjá markstönginni.
Fyrri hálfleikur var allan tím-
ann nokkuð jafn og skiptust liðin
á að sækja. Á 18. mínútu bjargar
Þorsteinn markvörður vel, er
hann ver hörkuskot eftir auka-
spyrnu, svo fast var skotið að
Þorsteinn hélt ekki boltanum, en
náði að kasta sér á hann áður en
Þjóðverjum tókst að nýta sér
tækifærið.
Eftir góðan fyrri hálfleik veltu
margir því fyrir sér í leikhléi,
hvort það sama yrði upp á ten-
ingnum í síðari hálfleik og kom
fyrir á móti Hollendingum: Að
botninn dytti úr leik íslenska
liðsins. Fyrstu mínútur hálfleiks-
sins gáfu vonir um að svo yrði
ekki, en er líða tók á, kom í ljós að
leikgleði og baráttuvilja skorti.
Fyrsta mark Þjóðverja kom á
62. mínútu. Riediger komst í
gegnum vörnina en virtist ekki
vera í góðu marktækifæri og auk
þess að því kominn að missa
jafnvægið er Þorsteinn markvörð-
ur kastaði sér fyrir fætur hans og
greip um fætur hans og felldi
hann. Dómarinn dæmdi réttilega
vítaspyrnu og úr henni skoraði
Gerd Weber af öryggi. Mark þetta
virtist koma íslenska liðinu úr
jafnvægi. Þrem mínútum síðar
skall hurð nærri hælum við ís-
elnska markið en Örn Óskarsson
bjargaði snilldarlega á línu. En
það var skammgóður vermir. Á 70.
mínútu fá Þjóðverjar hornspyrnu,
og Gerd Weber nær að skora
laglega af stuttu færi.
Sex mínútum síðar kemur svo
þriðja markið. Hinn frægi leik-
maður Joachim Streich skaut
þrumuskoti af um 20 metra færi
og hafnaði knötturinn í horninu
fjær. Þarna var íselnska vörnin
illa á verði, eins og reyndar oft í
síðari hálfleik.
Eitt besta marktækifæri ís-
lands kom á 75. mínútu er Ásgeir
Sigurvinsson skaut föstu skoti að
marki Þjóðverja en markvörður-
inn varði fallega.
Austur-þýska landsliðið átti
engan snilldarleik, en engu að
síður er ljóst að þarna voru á
ferðinni þrautþjálfaðir atvinnu-
menn með góða knattmeðferð og
mikinn hraða. Besti maður liðsins
var kantmaðurinn Hans Jurgen
Riediger.
íslenska liðið átti góðan fyrri
hálfleik, og voru það því mikil
3ílori)imliInbií»
vonbriði hversu illa gekk í þeim
síðari. En Austur-Þjóðverjar eru
hátt skrifaðir sem knattspyrnu-
þjóð og í sjálfu sér engin skömm
að tapa fyrir þeim. En ljóst er að
íslenska liðið getur sýnt mun
meira en það gerði í leiknum á
móti þeim.
Besti maður íslenska liðsins var
Örn Óskarsson, barðist allan tím-
ann vel og gaf aldrei eftir. Ásgeir
Sigurvinsson átti góða spretti og
margar sendingar hans voru
hreinasta snilld. Hörður Hilmars-
son kom einnig ágætlega frá
leiknum, svo og Guðgeir Leifsson
sem þó vantar greinilega meira
úthald. En leikni hans með knött-
inn er hin sama. Það vakti nokkra
furðu undirritaðs að landsliðs-
þjálfarinn skyldi ekki skipta inn á
í síðari hálfleik. Greinilegt var að
Atli Eðvaldsson, sá snjalli leik-
maður, fann sig ekki í leiknum og
litið kom út úr leik hans, það sama
var upp á teningnum með Sigur-
lás. Miðverðirnir Jóhannes og
Marteinn virkuðu báðir þungir, þó
sérstaklega Jóhannes. Þá var
áberandi hversu oft Árni Sveins-
son lenti í hreinustu vandræðum,
en sökin var ekki öll hans, oft var
hann með tvo menn þar sem
tengiliðirnir og þá sérstaklega
Atli léku ekki nægilega vel.
En þrátt fyrir mótlætið er ekki
ástæða til að vera svartsýnn, nú
reynir á að byggja upp að nýju, og
vonandi finnur landsliösnefnd
KRÍ út hvar misbresturinn liggur.
—þr.
Gerd Weber skoraði tvö mörk í leiknum. hér skorar hann síðara mark sitt eftir
hornspyrnu. Eins og sjá má á myndinni sýnir kappinn glæsileg tilþrif, í skoti sínu.
Ljósm.: Kristján.
Ásgeir Sigurvinsson ieikur á austur-þýskan leikmann, Ásgeir sýndi
snilldartakta i leiknum og átti gullfallegar sendingar á samherja
sina. Ljósm.: Emilía.
íslandsmet
JÓN Diðriksson setti nýtt íslandsmet í 1500 metra hlaupi á
frjálsiþróttamóti í Koblenz i Vestur-Þýzkalandi i fyrri viku. Hljóp Jón
á 3:42,7 sekúndum. Sjálfur átti hann fyrra metið, en það var 3:43,2
minútur, sett i Köln þar sem Jón er við nám.
Þá setti Þórdis Gisladóttir ÍR íslandsmet i hástökki fyrir skömmu
stökk 1.80 m.
Jafntefli Skota
og Perúmanna
SKOTAR og Perúmenn skildu jafnir í vináttulandsleik i knattspyrnu
sem fram fór í Glasgow i fyrrakvöld, hvort lið skoraði eitt mark. í
siðustu HM keppni, i Argentinu 1978 unnu Perúmenn Skota mjög
óvænt 3—1 og Skotarnir voru hársbreidd frá því að hefna fyrir
ófarirnar, því að það voru aðeins 4 mínútur til leiksloka þegar
German Leguia skoraði jöfnunarmark Perú. Asa Hartford skoraði
mark Skota á 3. minútu leiksins.
Skotarnir sóttu iinnulitið allan leikinn, en gekk ömurlega uppi við
mark andstæðinganna, þar sem markvörðurinn Acasuzo varði hvað
eftir annað af mikilli snilld. Hann varði m.a. vitaspyrnu John Warks.
Pólland skellti Sviss
SVISS og Pólland mættust í landsleik í knattspyrnu i fyrrakvöld en
leikurinn var liður i Evrópukeppni landsliða. Báðar þjóðirnar leika i
sama riðli og ísland og Holland. Pólverjar unnu öruggan sigur, 2—0,
eftir að staðan í hálfleik hafði verið 1—0.
Pólverjar, sem unnu einnig fyrri viðureign sína gegn Sviss 2—0,
höfðu yfirburði i leiknum og það kom ekki á óvart þegar Stanislav
Terlecki skoraði fyrsta markið á 35. minútu. Terlecki var aftur á
ferðinni á 63. minútu með þrumuskot aí 20 metra færi. Pólverjar hafa
nú hlotið 8 stig úr fjórum leikjum og stendur slagurinn milli þeirra og
Hollendinga, sem hafa tveim stigum meira, en fleiri leiki.
Heppnissigur Belga
BELGAR unnu heppnissigur á Norðmönnum i landsleik i knattspyrnu
sem fram fór í Ósló i fyrrakvöld. Liðin leika i 2. riðli Evrópukeppninn-
ar. Lokatölur urðu 2—1, en staðan í haiflcik var 1 — 1.
Jakobsen skoraði fyrir Norðmenn þegar á 8. minútu og Norðmenn
voru þá öllu friskari aðilinn i leiknum. Jansens jafnaði á 31. minútu
eftir slæm varnarmistök Norðmanna og á 75. minútu skoraði hinn
snjalli Van Der Elst það sem reyndist vera sigurmark Belga i
leiknum. Norðmenn fóru illa með f jölda góðra marktækifæra og guldu
þess illa, þegar Belgar geystust fram völlinn í skyndisóknum sinum.
Voru Norðmenn þá oft flestir á vallarhelmingi Belga og fátt um
varnir. Miðað við gang leiksins, voru Norðmenn þó óheppnir að vinna
ekki öruggan sigur.
Belgar eiga nú möguleika á þvi að sigra i sinum riðli, eru aðeins
einu stigi á eftir næstefsta liðinu sem er Portúgal. Portúgalir hafa
hins vegar leikið einm leik færra. Belgar hafa hlotið 6 stig i 5 leikjum,
en Portúgalir 7 stig i 5 leikjum. Efsta liðið, Austurriki, hefur hins
vegar hiotið 8 stig i 6 leikjum.