Morgunblaðið - 14.09.1979, Qupperneq 22

22
MORGUNBLAÐIÐ, FÖSTUDAGUR 14. SEPTEMBER 1979
Amarflug tekur
við af Vængjum
ARNARFLUGI var i vikunni veitt leyíi til flugs á þeim leiðum, sem Vaengir þjónuðu áður, en Arnarflugi
var einnig veitt aukin flugrekstrarheimild. Sex fyrirtæki sóttu um leyfi til samgönguráðuneytisins um flug
á öllum leiðum Vængja eða hluta þeirra.
í lok síðasta mánaðar rann út
heimild sú er Flugfélagið Vængir
hafði til flugreksturs. Þann sama
dag barst samgönguráðuneytinu
tilkynning um, að undirritaðir
hefðu verið samningar milli
íscargo og Vængja um að fyrr-
enfnda félagið keypti húseignir
þess síðarnefnda á Reykjavíkur-
flugvelli og tæki á leigu flugvélar
þess frá 1. spetember. Leyfi
Vængja til flutnings á farþegum,
vörum og pósti á ýmsum leiðum
innanlands féllu samtímis niður
enda er fullgilt flugrekstrarleyfi
forsenda þeirra. Samgönguráðun-
neytið ákvað síðan í samráði við
flugráð að veita Arnarflugi fyrr-
nefnd leyfi. í frétt frá samgöngu-
ráðuneytinu segir að aðild að
umsókn Arnarflugs hafi átt allir
þeir flugmenn er áður störfuðu
hjá Vængjum. Ennfreníur segir
þar að sveitarstjórnir flestra
þeirra byggðarlaga er málið snerti
hafi beint þeim eindregu tilmæl-
um til ráðuneytisins að umsókn
Arnarflugs fengi jákvæða af-
greiðslu.
í tilkynningu ráðuneytisins seg-
ir svo m.a.:
„Við útgáfu tilskilinna leyfa
hefur ráðuneytið m.a. sett þau
skilyrði að sérstök deild innan
félagsins með aðskildu bókhaldi
annist allt innanlandsflug, að
félagið afli sér eigin vélakosta
innan ákveðins tíma, og að haldið
sé uupi viðunandi þjónustu og
ferðafjölda í samvinnu við ráðu-
neytið.
Ráðuneytið hefur ákveðið að á
næstunni verði allt skipulag inn-
anlandsflugsins tekið til athugun-
ar og mun niðurstaðan verða
skoðuð í ljósi þeirrar reynslu er
fæst á næstu mánuðum."
Leiðaleyfi Vængja er félls niður
31. ágúst voru almenn leyfi til
flutnings á farþegum, vörum og
pósti til Bíldudals, Búðardals,
Reykhóla, Hvammstanga, Hólma-
víkur, Gjögurs og Grundarfjarðar,
auk sérleyfa til Siglufjarðar, Ön-
undarfjarðar, Blönduóss, Stykkis-
hólms, Rifs, Akraness, Mývatns og
Suðureyrar.
Iscargo, Arnarflug og Vængir
sóttu um flestar eða allar þessar
leiðir, en Ernir á ísafirði, Flugfé-
lag Norðurlands og Sverrir Þór-
oddsson um hluta þeirra.
Ólafur Ragnar Grímsson formaður framkvæmdastjórnar
Alþýðubandalagsins:
Röng stefna hjá
samgönguráðherra
— Hyggst taka málið upp á þingi í haust
— ÉG HYGGST taka þetta mál upp á Alþingi þegar það
kemur saman að nýju og ég endurflyt tillögu mína um
rannsókn á Flugleiðum, sagði ólafur Ragnar Grímsson
alþingismaður í gærkvöldi. Morgunblaðið spurði hann þá álits
á þeirri ákvörðun að veita Arnarílugi þau leyfi, sem Vængir
höfðu áður til flugs til ýmissa staða innanlands.
— Samgönguráðuneytið
hefur reynt að slá þann var-
nagla að skapa sér eftirlits-
möguleika og það er von mín
að því verði beitt, sagði Ólafur
Ragnar. — Ég hef hins vegar
tjáð mínum ágæta flokksbróð-
ur og samgönguráðherra
Ragnari Arnalds, að ég telji
það ranga stefnu að láta at-
burðarásina fara í þennan
farveg.
— Ég tel það illa farið, að
það skuli vera komin í reynd
upp sams konar einokun hér á
innanlandsfluginu og var á
síðasta áratug. Þá ríkti hér
lokaður hringur í flugrekstri,
en síðan var hann rofinn og sú
samkeppni hafði í för með sér
að upp voru teknar samgöngur
við ýmsa smærri staði, sem
Flugfélagið hafði ekki sinnt.
— Þegar Flugleiðir tóku
meirihlutann í Arnarflugi með
skyndingu og náðu þannig
einokun á millilandafluginu af
hálfu íslendinga, þá var það
afsökunin, sem þeir notuðu, að
þeir þyrftu Arnarflug sem
leiguflugfélag til að geta tekið
þátt í samkeppni erlendis. Nú
allt í einu birtist þetta flugfé-
lag sem samkeppnisaðili í inn-
anlandsflugi og það sýnir okk-
ur enn einu sinni að yfirlýs-
ingar forystu Flugleiða eru
ekki marktækar. Ég óttast
þess vegna, að á sama hátt séu
yfirlýsingarnar um það, að
Arnarflug verði ekki háð Flug-
leiðum í sínum rekstri, ekki
heldur marktækar, sagði Ólaf-
ur Ragnar Grímsson.
Kristinn Finnbogason framkvæmdastjóri Iscargo:
„Stefnt í hættulega
einokun Flugleiða”
- VIÐ LÝSUM furðu okkar
á þeirri ákvörðun að veita
Arnarflugi leyfi til áætlunar-
flugs til þeirra staða, sem
Vængir flugu áður til, sagði
Kristinn Finnbogason fram-
kvæmdastjóri Iscargo í morg-
un. —
Þessi ákvörðun er
óskiljanleg. Á sama tíma og
við höfum tekið á leigu vélar
Vængja og keypt húseignir
fyrirtækisins á Reykjavíkur-
flugvelli til að styrkja þessa
rekstrareiningu er flugfé-
lagi, sem á engar flugvélar til
þessa flugs og hefur ekki
áður flogið á leiðum innan-
lands, veitt leyfið, sem Væng-
ir höfðu áður.
— Við teljum að með þess-
ari ákvörðun sé verið að reyna
að ryðja úr vegi eina keppi-
naut Flugleiða innanlands,
hélt Kristinn áfram. — Flug-
leiðir er orðið hættulega stórt
fyrirtæki í innanlandsfluginu
og með þessari ákvörðun er
hraðbyri stefnt í einokun
þeirra, sem er engum til góðs.
Það er e.t.v. dæmigert fyrir
þessa ákvörðun að fund Flug-
ráðs, þar sem ákvörðunin var
tekin, sátu þrír starfsmenn
Flugleiða.
— Við erum nú með þrjár
vélar í mjög góðu ásigkomu-
lagi, en höfum ekki einu sinni
leyfi til að fljúga sjúkraflug.
Það fyrsta, sem við gerum, er
að afla okkur almenns flug-
rekstrarleyfis, en síðan verður
hafist handa. Við ætlum ekki
að gefast upp og hugsum m.a.
til ýmiss konar leiguflugs.
Fjórir flugmenn Vængja fóru
yfir til Arnarflugs, en annað
starfsfólk fyrirtækisins er hjá
okkur og það sem aðrir, er
starfa að flugmálum, er furðu
lostið yfir þessari ákvörðun,
sagði Kristinn Finnbogason að
lokum.
Robert Runcie, næsti erkibiskup af Kantaraborg, ásamt fjölskyldu
sinni. Rosalind eiginkona biskupsins er píanóleikari.
Nýr erkibiskup
af Kantaraborg
MARGARET Thatcher, forsætis-
ráðherra Bretlands, hefur skipað
Robert Runcie, biskup í St. Al-
bans, erkibiskup af Kantaraborg,
sem er æðsta embætti innan
kirkjunnar í Bretlandi. Runcie
verður trúarleiðtogi 65 milljóna
manna, sem dreifðar eru um
fjölmörg þjóðlönd. Runcie er orð-
lagður frjálslyndur gáfu- og
menntamaður. Hann hefur lýst
því yfir að hann muni leitast við
að semja ensku kirkjuna að siðum
og kröfum nútímans.
Þetta gerðist 14. september
1972 — Öldungadeild Bandaríkja-
þings samþykkir samning við
Rússa um takmörkun kjarnorku-
vopna.
1923 — Primo de Rivera tekur sér
alræðisvald á Spáni.
1918 — Austurríki býður Banda-
mönnum frið.
1917 — Rússland verður lýðveldi.
1911 — Stolypin, forsætisráð-
herra Rússa, ráðinn af dögum.
1901 — Theodore Roosevelt verð-
ur 26. forseti Bandaríkjanna eftir
tilræðið við William McKinley.
1864 — Japanir samþykkja
vopnahlé eftir árás flota Breta,
Frakka og Hollendinga á Shi-
monoseki-sundi.
1854 — Landganga Breta og
Frakka á Krím.
1847 - Herlið Winfield Scott
hershöfðingja tekur Mexíkóborg.
1829 —, Adríanópel-sáttmálinn
bindur endi á ófrið Rússa og
Tyrkja.
1812 — Napoleon sækir inn í
Moskvu og Rússar kveikja í borg-
inni.
1778 — Benjamin Franklin send-
ur til Frakklands sem sendiherra.
1774 — Kósakkar framselja Puga-
choff sem gerði kröfu til krúnunn-
ar — Austurríkismenn hertaka
Búkóvínu.
1752 — Bretar taka upp gregor-
ianskt tímatal.
1613 — Tyrkir gera innrás í
Ungverjaland.
1607 — „Jarlaflóttinn":
uppreisnarleiðtogar flýja frá
Irlandi til Spánar.
1564 — Fjöldamorð Svía í Ronne-
by, Bleking.
1515 — Orrustunni við Marignano
lýkur með sigri Frakka á Sviss-
lendingum.
533— Ríki Vandala í Norður-
Afríku lagt að velli.
Afmæli: Jóhann van Oldenbaren-
veldt, hollenskur stjórnmalaleið-
togi (1547—1619) — Luigi Cheru-
bini, ítalskt tónskáld (1760—1842)
— Alexander von Humboldt,
þýzkur landkönnuður (1769—
1859).
Andlát: Dante, skáld, 1321 —
Hertoginn af Wellington, her-
maður, 1852 — William McKinley,
stjórnmálaleiðtogi, 1901 — Tómas
Masaryk, stjórnmálaleiðtogi, 1937
— de Montcalm hermaður, 1759.
Innlent: Flugvélin „Geysir" týnist
1950 — f. Brynjólfur Sveinsson
biskup 1605 — Sýslumaður Skaft-
fellinga, Þórarinn Öefjörd, ferst í
Kötlukvísl ásamt síra Páli Ólafs-
syni og Benedikt skáldi Þórðar-
syni 1823 — Síra Stephan Árna-
son býður safni í Kaupmannahöfn
Valþjófsstaðarhurðina 1846 — f.
Sigurður Nordal 1886 — Marlene
Dietrich í Reykjavík 1944 — Piper
Comanche-flugvél ferst á Eyja-
fjallajökli 1975 - f. Jökull Jak-
obsson 1933.
Orð dagsins: Endurtekning breyt-
ir ekki lygi í sannleika — Franklin
D. Roosevelt, bandarískur forseti
(1882-1945).