Morgunblaðið - 14.09.1979, Blaðsíða 19

MORGUNBLAÐIÐ, FÖSTUDAGUR 14. SEPTEMBER 1979
19
Þór var þægilegur í viömóti og
því gott að bera upp erindi við
hann. Hvort sem hann gat leyst
vandamálið eða ekki og hvort sem
hann var sammála eða ekki þá var
hann alltaf til viðræðu og ætíð
sanngjarn. Þessir kostir Þórs
gerðu samstarf við hann ávallt
opið og auðvelt.
Þór var einn af stofnendum
Kennarafélags Iðnskólans í
Reykjavík árið 1944.
Við kennarar sjáum nú á bak
góðum stjórnanda, vitandi að það
skarð, er hann skilur eftir, er
vandfyllt. Að leiðarlokum þökkum
við Þór Sandholt samstarfið og
vottum eftirlifandi eiginkonu
hans, dóttur og öðrum aðstand-
endum dýpstu samúð.
Kveðja frá skólanefnd
Iðnskólans i Reykjavík.
Þór Sandholt, skólastjóri Iðn-
skólans í Reykjavík, er látinn.
Hann andaðist að heimili sínu,
Laugarásvegi 33 aðfaranótt 29.
ágúst s.l. sextíu og sex ára að
aldri. Þór fæddist 30. mars 1913 í
Reykjavík. Foreldrar hans voru
hjónin Þórhildur Eiríksdóttir frá
Blöndudalshólum og Egill Villads
Sandholt prentari, sem var einn af
stofnendum prentsmiðjunnar
Gutenberg 1904. Egill andaðist 16.
janúar 1919.
Þór stundaði framhaldsnám í
architecture við háskólann í
Liverpool, þar sem hann lauk prófi
árið 1937. Hann var kennari við
Iðnskólann í Reykjavík
1944 — 1950, aðstðarskólastjóri
1953—54 og skólastjóri 1954. Þór
kom mikið við sögu byggingar-
mála Iðnskólans í Reykjavík, en
hann vann samkeppni um upp-
drátt að nýju skólahúsi 1944. Bæði
sem arkitekt og skólastjóri Iðn-
skólans átti hann mikinn þátt í að
skapa þá aðstöðu, er skólinn býr
við í dag.
Með Þór Sandholt er horfinn af
sjónarsviðinu einn þeirra manna,
er mestan hlut áttu að bættri iðn-
og verkmenntun hér á landi s.l.
aldarfjórðung.
Hann ar með í ráðum við samn-
ingu frumvarps til laga um iðn-
fræðslu (1966) og álits Verk- og
tæknimenntunarnefndar (1971) er
skipti sköpum um þróun iðn-
fræðslumála á íslandi.
Við sem að iðnfræðslumálum
vinnum eigum góðar minningar
um samstarf við Þór Sandholt á
þeim vettvangi. Það er skólanefnd
Iðnskólans í Reykjavík mikið
harmsefni, að þessum samskipt-
um skuli nú vera svo sviplega
lokið, og víst munum við lengi
geyma þaú í þakklátu minni.
Með virðingu og söknuði er Þór
Sandholt kvaddur. Megi minning
hans verða þjóð vorri hvatning og
aflgjafi á ókomnum árum,
Eiginkonu Þórs, dóttur, tengda-
syni og dóttursyni er vottuð
dýpsta samúð.
Kveðja frá Sambandi iðnskóla
á íslandi og Iðnskólaútgáfunni
Þór Sandholt skólastjóri, sem
miðvikudaginn 5. þ.m.var kvaddur
hinstu kveðju, var fyrst kosinn
formaður stjórnar Sambands
iðnskóla á íslandi árið 1954 eða
sama árið og hann varð skóla-
stjóri Iðnskólans í Reykjavík.
Þór gegndi formennsku í stjórn
sambandsins alla tíð síðan og
formaður stjórnar Iðnskólaútgáf-
unnar frá 1958.
Frá því iðnfræðslulögum var
breytt vorið 1966 og S.I.I. eignað-
ist fulltrúa í Iðnfræðsluráði, tók
Þór þar sæti sem fulltrúi sam-
bandsins og átti þar sæti til
dauðadags.
Það er ekki tilviljun sem ræður
þegar sami maður gegnir slíkum
ábyrgðarstörfum fyrir samtök í
jafn langan tíma og Þór gerði
fyrir S.I.Í. en þó lykilhlutverk
Iðnskólans í Reykjavík varðandi
iðnfræðslu í landinu hafi ráðið
einhverju um, þá er það fyrst og
fremst maðurinn sem í starfið
velst sem máli skiptir.
Iðnfræðslumál hafa á þessu 25
ára tímabili tekið miklum og
margvíslegum breytingum og hef-
ur S.I.Í. undir formennsku Þórs
reynt eftir megni að hafa hönd í
bagga með þróuninni og með
starfrækslu Iðnskólaútgáfunnar
og Iðnskólabúðarinnar reynt að
þjónusta iðnfræðsluskólana með
aðdrætti kennslugagna og útgáfu
kennslubóka.
Samband iðnskóla á íslandi vill
með þessum fátæklegu orðum
þakka Þór Sandholt fyrir vel
unnin störf í þess þágu og iðn-
fræðslunnar en jafnframt vill sá
er þessar línur ritar, þakka honum
stuðning við sig í starfi sínu sem
starfsmaður sambandsins.
Eiginkonu Þórs frú Guðbjörgu,
dóttur, tengdasyni, dóttursyni og
öðrum aðstandendum, vottum við
dýpstu samúð.
Þórarinn B. Gunnarsson.
í kristniboðsstarfinu er lögð
áherzla á að ná til barnanna.
Myndin er frá Eþíópíu.
Kristni-
boðskaffí
ÁRLEG kaffisala Kristniboðs-
félags karla í Reykjavík verður að
þessu sinni sunnudaginn 16.
september í kristniboðshúsinu
Betaníu, Laufásvegi 13, og hefst
kl. 15 síðdegis. Eins og kunnugt er,
starfa nú tvenn íslenzk hjón í
Eþíópíu að kristniboði, og í Kenýu
eru ein hjón að reisa kristniboðs-
stöð í Pókothéraði. Allur ágóði af
kaffisölunni rennur til
kristniboðsstarfsins. Verður hellt
upp á könnuna allt til kl. 23 um
kvöldið.
Skáksamband-
ið gefur
út handbók
SKÁKSAMBAND íslands
hefur gefið út lausblaða-
handbók til leiðbeiningar
fyrir þá sem iðka skák og
standa fyrir skák-
keppnum.
1 bókinni eru skáklög og
keppnisreglur Alþjóða-
skáksambandsins, sem
Gunnar Gunnarsson al-
þjóðlegur skákdómari,
Högni Torfason og Þráinn
Guðmundsson hafa þýtt, en
tveir þeir síðarnefndu eru
stjórnarmenn S.í. og rit-
stjórar handbókarinnar. Þá
eru einnig í bókinni reglur
FIDÉ um hraðskák, um-
ferðartöflur, skýringar á
keppnisformum og röðun í
mótum og keppnisreglur
Skáksambands Islands.
í frétt frá S.í. segir að
ætlunin sé að gefa út allar
breytingar, sem verða á
skáklögum, þannig að eig-
endur handbókarinnar geti
þá skipt um blöð í bókum
sínum.
Norðurlandamótið í skák:
Sveit Álfta-
mýrarskóla
sigurvegari
SKÁKSVEIT Álftamýrarskólans í
Reykjavík varð sigurvegari í Norð-
urlandamóti grunnskóla, sem ný-
iega lauk í Sandsnes i Noregi. Er
þetta annað árið í röð, sem sveit
Álftamýrarskóla verður Norður-
landameistari í skák.
Islenzka sveitin hlaut 16 vinninga
af 20 mögulegum, danska sveitin
varð önnur með 13xk vinning,
finnska sveitin hlaut 11 xk vinning,
A-sveit Noregs hlaut IOV2 vinning,
B-sveit Noregs hlaut 5 vinninga og
sænska sveitin hlaut 3 '/2 vinning. I
sveit Álftamýrarskóla voru Jóhann
Hjartarson, Árni Árnason, Páll
Þórhallsson, Lárus Jóhannesson og
Gunnar Freyr Rúnarsson. Farar-
stjórar voru Ragnar Júlíusson skóla-
stjóri og Ólafur H. Ólafsson ung-
lingaleiðtogi Taflfélags Reykjavíkur.
Að mótinu loknu fór fram hrað-
skákmót og urðu íslenzku drengirnir
einnig efstir þar, hlutu 26 vinninga
af 36 mögulegum. Þess má geta, að
Jóhann Hjartarson, sem tefldi á 1.
borði, vann allar sínar skákir og
hann hlaut einnig hæsta vinnings-
hlutfall allra keppenda í hraðskák-
mótinu.
Opið til hádegis
morgun laugardag
a
7
12
VERIÐ VELKOMIN
m
TT(o)[ð)DR{]

35020
LAUBALÆK
NÝTT OG MEIRA
VATNSNUDDTÆKI
GROHE vatnsnuddtækið hefur breytst í útliti og aukið hefur
verið við notagildi þess. Lögun nýja tækisins er nú þannig að
fólk á mun betra með að stýra bununni á t.d. axlir og mjaðmir.
GROHE vatnsnuddtækið hefur náð vinsældum hér á íslandi
eins og erlendis. Það hefur reynst þeim sem þjást af gigt,
vöðvabólgum og þess háttar sérstaklega vel.
Hægt er að mýkja og herða bunu tækisins að vild, þannig að
hver og einn getur haft vatnsnuddið eins og hann helst kýs.
GROHE vatnsnuddtækið er hægt að tengja við gömul
blöndunartæki jafnt sem ný. Leitið upplýsinga, verið ekki
lengur án GROHE vatnsnuddtækisins.
GROHE - brautryðjandi og leiðandi fyrirtæki á sviði blönd-
unartækja.
RR BYGGINGAVÖRUR HF
SUÐURLANDSBRAUT 4. SÍMI 33331. (H. BEN. HÚSIÐ)