Morgunblaðið - 20.11.1979, Blaðsíða 21
MORGUNBLAÐIÐ, ÞRIÐJUDAGUR 20. NÓVEMBER 1979 21
2HorjjunWnfoií>
Ekki dagur ÍS
STÚDENTAR riðu ekki feitum
hesti frá blakleikjum sinum um
helgina. Tveir leikir, tvö töp.
Fyrst gegn Laugdælum austur
á Laugarvatni. en þar tapaði ÍS
1—3, unnu aðeins þriðju hrin-
una 15—9, en töpuðu 3—15,
9-15 og 9-15. Síðan léku
stúdentarnir gegn Víkingi í
Hagaskólanum og töpuðu þar
einnig, nú 2—3.
Leikur ÍS og Víkings var
æsispennandi og gat lengst af
farið hvernig sem var. Vikingar
unnu fyrstu tvær hrinurnar
15—12 og 15—10, en ÍS svaraði
um hæl með því að jafna leikinn
með tveimur sigurhrinum,
15—11 og 15—8. Úrslitahrinan
var eldfjörug og gekk á ýmsu.
Varð að framlengja hana áður
en yfir lauk og það var með
sigri Víkings, 16 — 14.
Víkingur vann ÍS tvöfalt viö
þetta tækifæri, stúlkurnar unnu
einnig í 1. deild kvenna, unnu 3—2.
Hrinurnar enduðu þannig, Víking-
ur á undan: 10—15, 15—12, 9—15,
15-13 og 15-6.
Ekkert varð úr blakleikjum
þeim sem fara áttu fram á Akur-
eyri um helgina, en einn leikur fór
þó fram á Húsavík, Völsungur
vann Fram 3—1 og stendur fyrir
vikið mjög vel að vígi í þeirri
deild. Fram lét ekki sitja við að
leika einn leik á ferðalagi sínu,
liðið lagði að velli bæði IMA og
KA, IMA 3-0 (16-14, 15-10 og
15-10) og KA 3-1 (15-5,15-17,
15-2 og 15-12).
Annars var leikur Völsunga og
Fram umtalsverður, en hann
spannaði um tvær klukkustundir
og í síðustu hrinunni var
íslandsmetjöfnun í stigaskori.
Vöslungur vann þá 23—21 eftir
mikinn barning.
Staðan í 1. deild karla er nú
þannig:
UMFL 4 4 0 12-2 8
Þróttur 3 2 1 6-5 4
Víkingur 4 2 2 6—10 4
ÍS 4 13 6-10 2
UMSE 3 0 3 2—9 0
Óvenjulegt er að sjá ÍS í næst
neðsta sæti 1. deildar.
gá/gg.
KR mætir
Njarðvík
í Höllinni
STÓRLEIKUR í úrvarlsdeildinni
í körfuknattleik fer fram í Laug-
ardalshöll í kvöld. Efstu liðin í
úrvalsdeildinni. KR og Njarðvík
mætast. Bæði lið hafa tapað
aðeins einum leik — einu Iiðin í
deildinni. KR-ingar koma ferskir
til viðureignarinnar við Njarðvík
með stórsigur gegn ÍR sem vega-
nesti og Njarðvíkingar þá ekki
síður — þeir sigruðu Valsmenn í
æsispennandi leik i Njarðvíkum á
laugardag.
KR-ingar vanda vel til viður-
eignar liðanna í kvöld. Þeir fá
frambjóðendur flokkanna í heim-
sókn — þrjá af hverjum lista.
Þeir munu sýna listir sínar í
körfuhittni og heyrst hefur að
sigurvegarinn fái vaxtaauka-
reikning í verðlaun — sem eigi
að gefa gott fordæmi og sýna
ráðdeildarsemi.
Staðan í Úrvalsdeildinni
er nu:
KR
Njarðvík
Valur
ÍR
Fram
ÍS
314-274
330-314
430-314
389-411
417-436
414-445
Viðureign liðanna hefst
kl. 20.
• óskar Sigurpálsson
Oskar er
sterkastur
Á laugardaginn var haldið á
Akureyri hið árlega Grétars-
mót i kraftlyftingum. Mótið er
haldið i minningu Grétars
Kjartanssonar frumherja lyft-
ingaíþróttarinnar á Akureyri,
sem lést árið 1974 aðeins 23 ára
að aldri. Var þetta í 5. skipti
sem þetta mót er haldið. Keppt
er um farandstyttu gefna af
foreldrum Grétars, en hana
hlýtur sá Akureyringur sem
flest stig hlýtur.
Keppendur nú voru 8, þar af 2
gestir, þeir Óskar Sigurpálsson
og Gunnar Steingrímsson frá
Vestmannaeyjum. Sigurvegari
varð Arthúr Bogason sem hlaut
4.11 stig og í öðru sæti varð Kári
Elísson sem hlaut 3.98 stig. í 67.5
kg flokki var 1 keppandi, Kári
Elísson, og lyfti hann 190 kg í
hnébeygju, 130 kg í bekkpressu
sem er Ak,- og ísl.-met, og 220 kg
í réttstöðulyftu. Samtals 540 kg.
I 75 kg flokki sigraði Haraldur
Ólafsson. Hann lyfti 215 kg í
hnébeygju sem er Ak.-met, 100
kg í bekkpressu og 200 kg í
réttstöðulyftu, samtals 515 kg.
Viðar Eðvaldsson lyfti 172,5 kg í
hnébeygju, 11 kg í bekkpressu
sem er Ak.-met, og 195 kg í
réttstöðulyftu, samtals 478.5 kg.
Flosi Jónsson lyfti 140 kg í
hnébeygju, 85 kg í bekkpressu og
185 kg í réttstöðulyftu, samtals
410 kg. í 90 kg flokki var 1
keppandi, Gunnar Steingrímss-
on, ÍBV. Hann lyfti 270 kg í
hnébeygju, 177.5 kg í bekkpressu
og 310 kg í réctstöðulyftu. Sam-
tals 757.5 kg. Sigurvegari í 110
kg flokki varð Óskar Sigurpáls-
son ÍBV. Hann lyfti 325 kg í
hnébeygju, 192.5 kg í bekkpressu
og 345 kg í réttstöðulyftu sem er
Norðurlandamet og mesta þyngd
sem íslendingur hefur lyft á
móti. Samtals 852.5 kg. Einnig
keppti í þessum flokki Víkingur
Traustason, sem hefur aðeins
æft lyftingar í 3 mánuði,
og bætti hann Ak.-metið í sínum
flokki um hvorki meira né minna
en 95 kg. Hann lyfti 240 kg í
hnébeygju, 115 kg í bekkpressu
og 280 kg í réttstöðulyftu. Sam-
anlagt 635 kg. Allt eru þetta
Ak.-met. í 125 kg flokki keppti
sigurvegarinn Arthúr Bogason
og lyfti hann 315 kg í hnébeygju,
165 kg í bekkpressu og 310 kg í
réttstöðulyftu. Samanlagt eru
það 790 kg. SOR.
Keppnisleyfi Walshans
fellt ur gildi
UNDANFARNA daga hafa fjöl-
miðlar nokkuð rætt meinta
fikniefnasölu Bandarikja-
manns, sem þjálfar og leikur
körfuknattleik hér á landi.
Þó að málsatvik séu ekki
fyllilega ljós enn bendir margt
til að um mjög alvarlegt brot
geti verið að ræða, þótt ekki
hafi verið tekin ákvörðun af
hálfu ákæruvaldsins um máls-
sókn.
úndanfarin ár hafa banda-
rískir þjálfarar leikið körfu-
knattleik með nokkrum íslensk-
um liðum eins og flestum, sem
fylgjast með íþróttafréttum,
mun kunnugt.
Störf þessara þjálfara hafa
tvímælalaust haft mjög jákvæð
áhrif á þróun körfuknattleiks
hérlendis, en ekki má heldur
Iita fram hjá þeim áhrifum sem
þessir menn hafa á þá ungl-
inga. sem þeir þjálfa. Þess
vegna hafa verið settar ýmsar
skorður við keppni útiendinga i
opinberum mótum hérlendis í
körfuknattleik.
Til þess að erlendur leikmaður
teljist löglegur til keppni þarf
stjórn KKÍ að gefa út formlegt
keppnisleyfi fyrir hann. Keppn-
isleyfið gildir fyrir eitt keppn-
istímabil og fellur þá sjálfkrafa
úr gildi.
Sérstök nefnd hefur umsjón
með málefnum erlendu leik-
mannanna. Hún er stjórn sam-
bandsins ráðgefandi um öll mál
sem upp kunna að koma og
varða þá. Nefndin kannar
skilríki þeirra og mælir með eða
á móti útgáfu keppnisleyfa.
Hver einstakur leikmaður mætir
á fund nefndarinnar áður en hún
gefur umsögn.
Á þessum fundi eru honum
kynntar þær reglur sem hér
gilda og sérstaklega hefur verið
undirstrikað að KKÍ líti alla
meðferð fíkniefna mjög alvar-
legum augum, en það er talið
nauðsynlegt vegna mismunar á
löggjöf okkar og einstakra ríkja
i Bandaríkjunum um fíkniefni.
Erlendum leikmönnum, sem
hafa keppnisleyfi hér, á því að
vera vel kunnugt um afstöðu
Körfuknattleikssambandsins til
þessara mála.
Af þessum sökum og vegna
tilmæla „útlendinganefndar"
hefur stjórn KKÍ afturkallað
keppnisleyfi fyrrgreinds leik-
manns. Það hefur í för með sér
útilokun hans frá öllum opinber-
um körfuknattleikjum hér á
landi.
Þessi afturköllun keppnisleyf-
is gildir a.m.k. meðan rannsókn
málsins stendur og er varanleg
ef hann er sekur fundinn um
notkun eða meðhöndlun fíkni-
lyfja.
Á næstu dögum munu þeir
erlendu leikmenn, sem keppnis-
leyfi hefur verið gefið út fyrir,
verða kallaðir til fundar og þeim
kynnt sú afstaða stjórnar KKI
að komi upp frekari mál af
hliðstæðum toga muni hún taka
á þeim af fyllstu alvöru án tillits
til meðhöndlunar þeirra í réttar-
kerfi landsins.
Stjórn KKÍ.
Heimamenn
sigursælir
í Ástralíu
Jack Newton sigraði á opna
ástralska golfmótinu sem
fór fram í Melbourne um
helgina. Sló Newton saman-
lagt 288 högg dagana fjóra
og var frammistaða hans frá
degi til dags þessi 74—72—
70 —72. Newton var vel
fagnað. enda heimamaður í
húð og hár.
Graham Marsh varð ann-
ar á 289 höggum, mjótt á
mununum þar. Greg Nor-
man sló einnig 288 högg og
skiptu þeir Norman og
Marsh því með sér
verðlaunapeningunum fyrir
annað sætið.
Næstu menn voru Gary
Player með 292 högg, Sev-
riano Ballesteros með 293
högg og Terry Kendall með
296 högg.
Rúmenskur
sigur
RÚMENAR sigruðu Möltu
2—0 í Evrópukeppni lands-
liða í knattspyrnu um helg-
ina, lokatölur urðu 2—0.
Multescue skoraði á 40.
mínútu og Raducanu bætti
öðru við á 75. mínútu. Þjóð-
irnar keppa í 3. riðli, en
úrslitin skipta efstu liðin
engu máli.
Karl Svetnsson
Karl til
Kristianstad?
KARL Sveinsson, hinn
kunni leikmaður ÍBV og
einn af Sveinsbræðrunum í
liðinu. hefur leikið með
sænsku 3. deildar liði að
undanförnu. Það gerðist nú
eigi alls fyrir löngu, að
Kristianstad. liðið sem Stef-
án Halldórsson hefur leikið
með við góðan orðstír, gerði
Karli álitlegt tilboð sem
hann hafði hug á að taka.
Olympia
lagði
Malmo
OLYMPÍA frá Paraguay
sigraði Malmö FF 1—0 í
fyrri leik liðanna í meistara-
keppni heimsálfanna Evr-
ópu og Suður-Ameríku.
Malmö keppir fyrir hönd
Evrópu þar sem Nottingham
Forest treysti sér ekki vegna
anna. Þrátt fyrir að leikið
væri i skítakulda í Malmö.
náðu Suður-Ameríkumenn-
irnir betri tökum á leiknum
en reiknað hafði verið með
og var sigurinn eftir atvik-
um sanngjarn.
Sigurmark Olympía var
skorað í fyrri hálfleik, en á
síðustu minútum leiksins
voru Svíarnir næstum búnir
að jafna. Ljungberg skaut
þrumuskoti í þverslá og
Matts Arvidson skaut i
stöng.