Morgunblaðið - 20.11.1979, Page 31

MORGUNBLAÐIÐ, ÞRIÐJUDAGUR 20. NÓVEMBER 1979
31
Formaður kvennadeildarinnar, HeÍKa Einarsdóttir. afhendir for-
manni Styrktarfélagsins, Magnúsi Kristinssyni, gjöfina.
Afhenti Styrktarfélagi
vangefinna 6,7 milljónir
KVENNADEILD Reykja-
víkurdeildar Rauða kross
Islands afhenti Styrktar-
félagi vangefinna 6,7 millj-
ónir að gjöf til kaupa á
innbúi í dagheimili það sem
félagið hefur í smíðum við
Stjörnugróf í Reykjavík.
Stefnt er að því að heimili
þetta verði tilbúið til notk-
unar á næsta ári.
Kýrnar á Sauðanesi á batavegi
GeitaskarAi. 19. nóvcmber.
VEGNA fóðurbætiseitrunarinnar,
sem drap 9 kýr á Sauðanesi, hefur
Sigurður H. Pétursson héraðs-
dýralæknir í A-Húnavatnssýslu
skorið upp þrjár kýr á bænum.
Þessar þrjár lifa ennþá og hefur
ein þeirra alveg náð sér, en tvær
eru enn vonarpeningur. Aðrar kýr,
sem komust í fóðurbætinn, veikt-
ust ekki hastarlega og virðast vera
búnar að ná sér algjörlega.
— Fréttaritari
Útvarpsráð 50 ára
ÞANN 20. nóvember eru liðin
fimmtíu ár frá því útvarpsráð
hélt sinn fyrsta fund, en það var
20. nóv. 1929. Á þessum 50 árum
hefur ráðið haldið 2441 fund.
Fyrsta árið var útvarpsráð
aðeins skipað þrem mönnum og
var Helgi Hjörvar fyrsti formað-
ur þess. Árið 1930 voru sam-
þykkt á alþingi ný lög um útvarp
ríkisins og stjórn þess skilin frá
stjórn Landsímans. Samkvæmt
þeim lögum varð útvarpsráð
fimm manna og þeir tilnefndir
af: Háskólanum, prestastefnu,
Alþingi kosið alla útvarpsráðs-
menn.
Með tilkomu sjónvarps árið
1966. varð mikil breyting á verk-
sviði útvarpsráðs er fylgjast
þurfti með dagskrárgerð tveggja
fjölmiðla og móta dagskrár-
stefnu beggja og samræma
hana. Staða ráðsins breyttist
einnig með nýjum útvarpslögum
árið 1971. Þá var sjálfstæði
stofnunarinnar aukið, dagskrár-
hlutverkið skilgreint og ráðinu
falið endanlegt vald um dag-
skrárefni og ráðið einskorðað við
ritstjórn dagskrár. Árið 1975
varð sú breyting á kosningu
útvarpsráðs að útvarpsráðs-
menn skuli kosnir á Alþingi eftir
hverjar alþingiskosningar.
barnakennurum, samtökum út-
varpsnotenda og einn tilnefndur
af ráðherra. Fyrstu 10 árin ríkti
nokkur óvissa um skipan út-
varpsráðs og löggjafinn gerði
tilraunir með kosningaskipan.
Þannig var fyrrnefndri tilhögun
breytt með nýjum útvarpslögum
1934 og útvarpsráð gert sjö
manna. Alþingi skyldi kjósa
þrjá, jafnmargir skyldu kosnir í
almennum kosningum meðal út-
varpsnotenda og loks skyldi ráð-
herra skipa formann. Árið 1939
var þessu breytt og síðan hefur
Formenn útvarpsráðs hafa
verið þessir: Helgi Hjörvar
1929-1935, Sigfús A. Sigur-
hjartarson 1935—1939, Jón Ey-
þórsson 1939—1943, Magnús
Jónsson 1943—1946, Jakob Bene-
diktsson 1946—1949, Ólafur Jó-
hannesson 1949—1954, Magnús
Jónsson 1954—1957, Benedikt
Gröndal 1957—1959, Sigurður
Bjarnason 1959, Benedikt
Gröndal 1959-1972, Njörður P.
Njarðvík 1972—1975, Þórarinn
Þórarinsson 1975—1978. Núver-
andi formaður útvarpsráðs er
Ólafur R. Einarsson.
Dagskrá Ríkisútvarpsins hef-
ur á þessum tíma tekið miklum
stakkaskiptum. Á fyrsta starfs-
ári Ríkisútvarpsins var að með-
altali útyarpað tæpa fjóra tíma
á dag. Á síðustu árum hefur
dagskráin verið 16—17 timar að
lengd að meðaltali.
A næsta ári, þ.e. 20. desember,
verða liðin 50 ár frá því dag-
skrárútsending Ríkisútvarpsins
hófst. Þeirra tímamóta verður
sérstaklega minnst í Ríkisút-
varpinu á afmælisárinu. Því
verða afmæli útvarpsráðs ekki
gerð nein sérstök skil, því þess
hlutur er svo nátengdur dag-
skrárútsendingunni.
Núverandi útvarpsráð skipa:
Ólafur R. Einarsson form., Árni
Gunnarsson varaform., Eiður
Guðnason, Ellert Schram, Erna
Ragnarsdóttir, Jón Múli Árna-
son og Þórarinn Þórarinsson.
Fundi ráðsins sitja auk ráðs-
manna, útvarpsstjóri, fram-
kvæmdastjórar og þeir deildar-
stjórar er mest sinna stjórnun
dagskrárgerðar. Fundir útvarps-
ráðs eru að jafnaði tvisvar í
viku. , _ Frrttatilkynninií.
Fiskiþing
vill aðstoða
íbúa Græn-
höfðaeyja
FISKIÞING samþykkti
ályktun um að stjórnvöld
ættu að verða á myndarlegan
hátt við beiðni frá Græn-
höfðaeyjum um aðstoð og
segir í ályktuninni, að þarna
sé gott tækifæri fyrir íslend-
inga til að sýna kunnáttu
sína og getu í þessum efnum.
I ályktuninni segir: „Fiski-
þing lítur svo á, að aðstoð
Islands við þróunarþjóðir
hafi verið í algjöru lágmarki.
Nú vill svo til, að íbúar
Grænhöfðaeyja hafa sérstak-
lega beðið um aðstoð okkar
við að koma upp fiskveiðum
og fiskvinnslu. íslendingar
ættu að vera allra manna
færastir til að gera gagn á
þessu sviði.“
Israelar —
Israelsmenn
I sunnudagsblaði Mbl. er grein
eftir Jóhönnu Kristjónsdóttur,
sem ber heitið „Allt tók á sig
annan svip við Jerúsalemför Sad-
ats“. I greininni er ávallt talað um
Israelsmenn þó að höfundur hefði
notað orðið ísraelar, og átti hand-
ritalesari sök á því. Nokkur um-
ræða hefur stundum orðið um
notkun þessara orða og menn ekki
verið á eitt sáttir. Þeir, sem fróðir
eru um sögu Gyðingaþjóðarinnar,
benda þó á, að í ný-hebresku sé
gerður greinarmunur á ísraelum
til forna og að nýju og svo mun
einnig vera um flestar Evrópu-
tungurnar. Það er því e.t.v. ekki úr
vegi að sami háttur sé á hafður í
íslenzku enda fellur orðið ísraelar,
sem notað er um þá, sem nú
byggja landið, ágætlega að
íslenzku beygingakerfi.
— handritalesari (S.S.)
ASIMIN'N KR:
Z24BD