Morgunblaðið - 10.05.1980, Blaðsíða 21

HVAÐ ER AD GERAST UM HELGINA?
MORGUNBLAÐIÐ, LAUGARDAGUR 10. MAÍ1980
21
Sumarvaka
í Súlnasal
Sumarvaka er í Súlnasal Hótel
Sögu annað kvöld og hefst með
borðhaldi kl. 19. Á matseðli
kvöldsins er „Chicken in the bask-
et“.
Þorgeir Ástvaldsson verður
kynnir kvöldsins og kynnir m.a.
vinsælustu lög sjötta áratugarins
af hljómplötum og Ragnar og
félagar leika fyrir dansi. Þá verð-
ur Valdimar Örnólfsson gestur
kvöldsins og stjórnar Kerlingar-
fjallastemmningu, tvær skrítnar
stúlkur koma fram með 3 leik-
þætti og einnig fer fram gestaleik-
ur. Þá mætir Gylfi Ægisson til
leiks og kynnir nýju plötuna sína,
Meira salt.
Valdimar Örnólfsson
Jaðrakan
I.jiism. Grótar Kirlksxun
Fuglaskoðunarferð
F.Í. á sunnudaginn
SUNNUDAGINN 11. maí verður farin árleg fuglaskoðunarferð
Ferðafélags íslands um Miðnes og Hafnarberg, en þær hófust árið 1967.
Hafa þær notið mikilla vinsælda og þátttaka verið góð, þó veður hafi
ekki alltaf verið upp á það besta. Lagt verður upp frá Umferðarmiðstöð-
inni, að austanverðu kl. 10 árdegis.
Verður fyrst ekið út á Álftanes og hugað að fugli þar. Sérstaklega
verður litið eftir margæs, en hún er nú á leið til varpstöðvanna á
Grænlandi. í vor hefur sést meira af flækingum en oft áður, t.d. hefir
sést taumönd á Kasthúsatjörn. Þá verður farið um Grindavík og komið
við í Hraunsvík, en þar er oft mikið fuglalíf á sjónum. Þá verður farið á
Hafnarberg, en í berginu má sjá allan íslenzkan bjargfugl, nema
haftyrðil. Staldrað verður við í Osum við Hafnir, en þar má oft sjá
straumönd í hafrótinu. Komið verður í Sandgerði og Garðskaga og á
aðra vinsæla fuglaskoðunarstaði, eftir því sem tími vinnst til. Áætlaður
komutími til Reykjavíkur er um kl. 7 e.h.
Fólki skal bent á, að gott er að hafa sjónauka meðferðis, og þeir, sem
eiga Fuglabók Almenna bókafélagsins, ættu að hafa hana með.
Leiðsögumaður verður Jón Baldur Sigurðsson, lektor, og honum til
aðstoðar Grétar Eiríksson.
(Fréttatilk.)
Vorkappreiðar Fdks
Á MORGUN, sunnudag, fara
fram Vorkappreiðar Fáks.
Kappreiðarnar fara fram á Víði-
völlum og hefjast kl. 14. Rúm-
lega 80 hestar taka þátt í
mótinu.
Keppt verður í eftirtöldum
greinum: 800 m brokki, 800 m
stökki, 250 m skeiði, 350 m
stökki, 250 m stökki unghrossa
og 150 m nýliðaskeiði.
Sú nýlunda verður á þessum
kappreiðum, að í fyrsta sinn
verða notaðir rásbásar hérlendis
við ræsingu hesta. Básarnir eru
íslensk smíði og framleiddir í
fyritækinu Blikk og stál og
hannaðir af forstjóra þess,
Valdimar Jónssyni. Nýjar reglur
gilda nú fyrir knapa og eru þeir
nú skyldugir að nota öryggis-
hjálma.
Aðgangur er ókeypis fyrir
börn innan 10 ára aldurs. Veð-
banki verður starfræktur að
venju.
Sýning á kirkjumunum
í GALLERÍ Kirkjumunir, Kirkju-
stræti 10, Reykjavík stendur yfir
sýning á gluggaskreytingum,
vefnaði, batik og kirkjulegum
munum. Flestir eru munirnir unn-
ir af Sigrúnu Jónsdóttur. Sýningin
er opin um helgina frá kl. 9—16
báða dagana.
Teflt er saman leir og eir
GUÐNÝ Magnúsdóttir opnar sýningu á keramik-
myndverkum í Gallerí Djúpinu í Hafnarstræti í dag
kl. 11. Sýningin verður opin til 21. maí frá kl. 11 til
23 alla daga. Sýningin er sölusýning.
Guðný lauk prófi úr keramikdeild Myndlista- og
handíðaskóla Islands 1974 og hefur síðan unnið í
keramik og stundað kennslu. Sýningin í Djúpinu er
fyrsta einkasýning Guðnýjar en hún hefur áður
tekið þátt í samsýningum innlendis og erlendis.
Verkin á sýningunni sem eru 24 talsins eru öll
unnin í steinleir og postulín, flest með blandaðri
tækni þar sem teflt er saman leir og eir.
Meðfylgjandi mynd er af Guðnýju ásamt tveimur
verka hennar á sýningunni. Ljósm. Mbl. Kristján.
Endre Nemes-sýning í Norrœna húsinu
í DAG, laugardag, verður opnuð sýning á verkum
Endre Nemes listmálara frá Svíþjóð. Sýningin er
haldin í boði Norræna hússins í sýningarsölum í
kjallara hússins. Hún verður opnuð í dag kl. 16.00
og stendur út mánuðinn.
Endre Nemes fæddist 1909 í Pecsvárad í
Suður-Ungverjalandi. Hann stundaði nám við
listaháskólann í Prag, sýndi í fyrsta sinn þar í borg
árið 1936, en fluttist haustið 1938 til Finnlands.
Þaðan fór hann svo til Svíþjóðar árið 1940 og þar
hefur hann síðan búið og starfað. Hann hlaut
sænskan ríkisborgararétt árið 1946.
Endre Names hefur haldið málverkasýningar í
Skandinavíu og víða í Evrópu. í fæðingarlandi sínu
voru verk hans sýnd fyrsta sinni 1970 og 1971 sýndi
hann öðru sinni í Prag.
Myndina hér að ofan tók Kristján Einarsson
ljósm. Mbl. af Endre Nemes hjá tveimur verka
sinna, sem eru á sýningunni.