Morgunblaðið - 10.05.1980, Blaðsíða 33

MORGUNBLAÐIÐ, LAUGARDAGUR 10. MAÍ1980
33
„Leitin að eldinum”■■■■■■■■■■■■■■1
Milljarða fyrirtæki
á íslenzka vísu
Skip leigð og
flugvellir gerðir
UNDIRBÚNINGUR er nú í full-
um gangi fyrir töku á banda-
rískri stórmynd hér á landi í
sumar. Er hér um að ræða
langstærsta verkefni kvik-
myndafyrirtækisins 20th Cen-
tury Fox á þessu ári og talið í
íslenzkum krónum er þetta
milljarðafyrirtæki. Samninga-
umleitanir standa yfir við ýmsa
aðila og má í því sambandi nefna
landeigendur, Flugleiðir, utan-
ríkisráðuneytið, landbúnaðar-
ráðherra og yfirdýralækni og
sagði Gísli Gestsson hjá Víðsjá,
kvikmyndagerð, sem annast hef-
ur stærstan hluta undirbúnings-
ins hér á landi, að tveir síðast-
nefndu aðilarnir hefðu sýnt mik-
inn skilning á málinu og sam-
starfsvilja.
Mynd þessari hefur enn ekki
verið valið nafn, en vinnuheiti
hennar á íslenzku gæti verið
„Leitin að eldinum". Myndin
fjallar um þróunarsögu manns-
ins og um það skeið er nútíma-
maðurinn er að koma til sögunn-
ar. Margir sérfræðingar hafa
lagt hönd á plóginn við samn-
ingu kvikmyndahandrits og
þeirra á meðal Desmond Morris.
Það mál, sem talað verður í
myndinni, verður hvorki enska
né franska né íslenzka, heldur er
verið að byggja upp sérstakt mál
sem forfeður okkar eiga að tala í
kvikmyndinni. Leikstjóri verður
J.J. Arnaud, en aðalleikara er
verið að velja þessa dagana.
Frá því hefur verið greint að
hingað til lands verði fluttir
fílar til að „leika“ í myndinni, en
það er ekki allt. Til að flytja
nauðsynlegan búnað til landsins
hefur Bifröst verið leigð í tvær
ferðir og gert er ráð fyrir að hátt
í 300 manns verði viðloðandi
kvikmyndatökuna þegar flest
verður. Æskilegasti tíminn til
kvikmyndatökunnar hér á landi
er frá því um miðjan ágúst og
fram í október eða utan aðal-
ferðamannatímans.
Til að koma fólki á tökustað-
inn er í bígerð að gera tvo
flugvelli og yrði annar þeirra á
Þórsmerkursvæðinu, en samn-
ingar við landeigendur standa
nú yfir. 70% myndarinnar verð-
ur tekin hér á landi, en 30% í
A-Afríku ef allt fer eins og
Gísli Gsstssor
ráðgert er. Það
er ekki nóg með
að taka kvik-
myndarinnar
„Leitin að eldin-
um“ sé um-
fangsmikil,
heldur verður
einnig gerð
sjónvarpsmynd
um kvikmynda-
tökuna og er
reiknað með að
hún yrði sýnd
hjá 160 sjón-
varpsstöðvum
og þarf ekki að
hafa mörg orð
um þá land-
kynningu, sem
fengist af slíkri
mynd.
Gísli Gestsson sagði, að
stjórnendur myndarinnar hefðu
áhuga á að fá íslenzka leikara til
liðs við sig og einnig gat hann
þess, að nauðsyn væri á krafta-
legum karlmönnum í ákveðin
hlutverk og hefði í því sambandi
verið hugsað til íslenzkra
íþróttamanna, einkum lyftinga-
og glímumanna.
Vor hjá loðdýrabændum ■^■^■■■■■^^■■■■1
Aukin fr jósemi minksins
og refurinn braggast vel
SJÚKDÓMUR, sem hefur
ófrjósemi í för með sér og leiðir
dýrin til dauða, hefur valdið
minkaræktendum miklum erf-
iðleikum og búsifjum allt frá
því að minkarækt hófst hér á
nýjan leik árið 1970. Hvolpar
hafa tekið þessa veiki á fóst-
urskeiði og síðan hefur sjúk-
dómurinn gjarnan leitt til
dauða þeirra 7—9 mánaða gam-
alla. Segja má að sjúkdómurinn
hafi verið fluttur inn með
dýrunum á sinum tíma, en hann
var þá ekki talinn ýkja alvar-
legur og hafði lítt verið rann-
sakaður.
Á siðastliðnu ári var ákveðið að
gera átak í því að reyna að losna
við þenna sjúkdóm og Eggert
Gunnarsson dýralæknir fenginn
til að kynna sér hvernig sjúkdóm-
urinn verður greindur á öruggast-
an og fljótastan hátt og fleira í
sambandi við hann. Búin hafa
síðan tekið við upplýsingum frá
Eggert, en hann fann út að
sjúkdómurin var á mjög háu stigi
hér á landi. Gangskör var gerð að
því að losna við sjúkdóminn og
virðist þegar hafa náðst umtals-
verður árangur í baráttunni.
— Got er nú langt komið og ég
ætla, að um 80% læða séu búin að
gjóta og virðist gotið hafa tekizt
með allra bezta móti, sagði Sigur-
]ér. Bláfsld íhiiikáræktarráðu-
nautur í samtali við Morgunblað-
ið.
— Forystumenn búanna hafa
yfirleitt verið samtaka í að gera
átak í þessum málum og við
höfum þegar náð góðum árangri.
Það er því ástæða til bjartsýni og
einnig má nefna, að 1. apríl komu
til landsins 250 minkalæður af
sérlega góðu svartminkskyni frá
Skotlandi. Þær
lausar við
pennan sjúkdóm og skinnið betra
en á okkar dýrum. Læðurnar eru á
Lómatjörn og eru hafðar þar í
algerri einangrun.
Þá var Sigurjón spurður hvern-
ig refaræktin gengi, en fyrstu
refirnir komu í desembermánuði
síðastliðnum. Sagði Sigurjón að
fyrstu læðurnar myndu gjóta um
miðjan þennan mánuð og menn
biðu spenntir eftir fyrstu íslenzku
refunum í búunum við Eyjafjörð.
— Pörun dýranna hefur staðið
yfir síðan um miðjan marz og
hefur tekizt vel, sagði Sigurjón. —
Yfirleitt er ekki nema 50% kyn-
þroska eins árs, en nú er búið að
para hjá okkur um 70%. Dýrin,
sem hingað komu, voru sérstak-
lega valin í Skotlandi og þá reynt
að velja undan mæðrum, sem áttu
afkvæmi á fyrsta ári og voru
frjósamar. Síðastliðinn vetur var
að vísu mjög góður og því ekki
fullkomlega marktækur, en ref-
irnir hafa braggast vel og engir
erfiðleikar verið í sambandi við
refaræktina. Þá hafa húsin, sem
valin voru, öll reynzt vel, þannig
að menn eru ánægðir með hvernig
til hefur tekizt hingað til að
minnsta kosti, sagði Sigurjón
Bláfeld.

100 búsund * w iitf|
Æ tonn
til eða frá... '' smMá
SÍÐASTLIÐIN ár hafa rússneskir j fuglafræðingar gert sér það til \ dundurs að telja alla sjófugla í heiminum, segir í Ægi, riti Fiski- félags Islands. Þeir hafa komist | ^ W * '*
að því, að siðfi'"'—' _j„.u(íiainir séu í kringum 3 milljarðar eða á að gizka l'/2 milljarði færri en allt mannkynið, Reiknast Rússunum svo til, að sjófuglarnir éti um 80 milljón tonn af hinum ýmsu fisktegundum og álíka magn af svifi. íbb|
Stöndum við í sömu
sporum árið 1992?
KRÓNAN okkar verður hundrað földuð um áramótin eða með öðrum
orðum verða 2 núll tekin aftan af hundraðkallinum, sem þá verður að
krónu. Ef við leyfum okkur þá bjartsýni að reikna með 50% verðbólgu
næstu árin, en hún var 60.8% á síðasta ári, þá líða liðlega 11 ár, þar til
nýkrónan verður jafnvirði þeirrar gömlu. Þá byrjum við upp á nýtt og
alltaf sömu leið ...?
Heiðursformenn
og forsetar
ÍÞRÓTTAFÉLAG Reykjavíkur hef-
ur um mörg ár haldið þeim sið að
hafa hverju sinni einn heiðursfor-
mann. Nú ber Albert Guðmundsson
þennan heiðurstitil, en hann hefur
starfað mikið fyrir ÍR. Á undan
honum hafa tveir menn borið þenn-
an titil, þeir Sveinn Björnsson og
Ásgeir Ásgeirsson, fyrrverandi for-
setar.
í 40 ár ...
FRÉTTARITARI Dags í Þistil-
firði segir frá því, að fjárræktar-
félag hafi starfað þar í sveit i 40
ár. Okkur finnst það tíðindum
sæta, að sama stjórn hefur setið í
félaginu frá stofnun þess og eru
stjórnarmennirnir nú allir á sjö-
tugsaldri. Það voru fimm bú, sem
stóðu að stofnun félagsins. Nokk-
ur bú hafa bæst við á áratugunum
fjórum, en þau hafa öll helzt úr
lestinni, og félagar í dag eru búin
fimm, sem stofnuðu fjárræktarfé-
lagið á sínum tíma.
Nóg að gera
IVAN Rebroff hélt að Laugum
fjölmennustu hljómleika, sem
haldnir hafa verið í sýslunni.
Víkurblaðið segir frá því, að ein
konan hafi verið þar til klukkan að
ganga 12 og söngvarinn hafði að
lokum sungið „Blátt lítið blóm eitt
er“. Upp úr klukkan eitt hafði
konan alið 16 marka son, segir
blaðið.
Jan Mayen í nýju ljósi
„Það endurtekur sig
ætterni og bræðralag“
SÍÐUSTU daga hefur Jan Mayen verið efst á baugi í íslenzkum
fjölmiðlum og margt skrafað og skrifað um þessa eyju í norðri.
Hún er sannarlega orðin þrætuepli íslendinga og Norðmanna og
þá ekki síður en úfið hafið í kringum hana og hrjóstrugur
hafsbotninn. Egill Jónasson, hagyrðingur á Húsavik, hefur sína
skoðun á þessu máli og í síðasta tölublaði Víkurblaðsins er að finna
eftirfarandi hugleiðingar hans um Jan Mayen-málið:
„Drottinn rak Adam og Evu á burt meö smán
úr Eden foröum.
Þar byrjaði veraldarbölvun og heimsólán
meö bróöurmorðum.
Þau eignuöust syni og erjuöu landiö trú
og akra gjöröu.
Og settu upp fyrsta sauöfjár og kúabú
á syndugri jöröu.
En Kain var snemma ágjarn og hjartaö hart
— meö heimsvalda grýlur —.
Og heimtaöi aö eignast af túninu talsveröan part
upp á tvöhundruö mflur.
En Adam varö napur viö Nýsköpun þessa manns
— var nískur á blettinn —.
Því Abel var hógvær en eldri tvíburi hans
og átti þvf réttinn.
Þaö endurtekur sig ætterni og bræðralag
á eynni Jan Mayen.
„Ber mér aö gæta bróöur míns enn í dag?“
spyr bráölyndur Kain.“
Sá albezti — í mínum augum
BORGÞÓR Kjærnested, sá er sendi Dönum frétt um lúxusvændi, skrifar
á fimmtudag kjallaragrein í Dagblaðið. Þar fjallar hann um Norræna
húsið og að nú sé komið að íslendingi að setjast í stól forstjóra við húsið.
Hann segir að nokkrir hæfir menn hafi sótt um stöðnn^ iriFilendir og
erlendir.
Slðaö segir Borgþór: „Af innlendum umsækjendum virðist Sigurður
A. Magnússon bera af, í mínum augum, aðra þekki ég ekki neitt sem
nemur."
Vissulega er Sigurður A. Magnússon alls góðs maklegur, en hefði ekki
verið betra hjá Borgþóri að kynnast hinum umsækjendunum áður en
hann settist í dómarasætið?
Póstburðarfólk og áreitní bnr»Ho
„FYRIR nokkrn ’ ---^“UU
..... nitiiu íesa á
síðum dagblaða að póstburðarfólk
í Keflavík hefði orðið fyrir áreitni
hunda og jafnvel biti. Viðbrögðin
við þessu voru þau, að hætt var að
bera út póst í „hundahús". Þannig
segir í frétt í blaðinu Suðurland.
í framhaldi af fréttinni kannaði
blaðið hvort slík vandamál hefðu
komið upp á Selfossi og niðurstað-
an varð sú, að póstburðarfólk þar
hefði orðið fyrir smávægilegri
áreitni hunda. Fram kemur í
Suðurlandi, að lögreglusamþykkt
sú sem í gildi er á Selfossi tekur
ekki til hundahalds, en ný sam-
þykkt er væntanleg. í áðurnefndri
samþykkt segir „að menn skuli
flauta fyrir horn“, kannski póst-
burðarfólk ætti að taka þann sið
upp.