Morgunblaðið - 10.05.1980, Blaðsíða 32

32
MORGUNBLAÐIÐ, LAUGARDAGUR 10. MAÍ1980
HLAÐVARPINN
umsjón ÁGÚST I. JÓNSSON
Dýpsta holan
Samvinna
sex þjóða um
djúpborun
hérlendis?
Bílar í borginni
um 35 þúsund
SAMKVÆMT bráðabirgðatölum voru um 35 þúsund bifreiöar á skrá í
Reykjavík um síðustu áramót, en hins vegar eru bílnúmer, sem byrja á R,
fyrir nokkru komin yfir 70 þúsund. Reyndar eru tæþlega 300 bílar komnir
með númer yfir R—70000.
Guðni Karlsson forstöðumaður Bifreiðaeftirlitsins sagði í vikunni, að
það væri nokkuð misjafnt hve mörg númer færu út á mánuði, þau væru
sennilega um 500 að meðaltali, en hefðu þó farið yfir eitt þúsund þegar
mest hefur verið aö gera, eða þegar vertíð bílasala hefur staöiö sem hæst
og mest hreyfing verið á þessum þörfu þjónum milli eigenda. Á síöasta ári
sagðist Guðni gizka á, að bílum borgarbúa hefði fjölgað um þrjú þúsund.
Bifreiðaeftirlitiö tók fyrir nokkru upp nýtt fyrirkomulag á skráningu
bifreiða og fer hún nú fram í gegnum tölvu Skýrsluvéla ríkisins og
Reykjavíkurborgar. Allar upplýsingar um bílnúmer og bíla er þar aö finna,
sömuleiðis um hvaöa bíl viökomandi einstaklingur á og hefur átt. Aðeins
aö kalla upp ákveðin númer og þá birtast upplýsingarnar jafnskjótt á
tölvuskermi Bifreiðaeftirlitsins í Bíldshöföa.
Guöni sagöi, aö spjaldskrá Bifreiöaeftirlitsins heföi veriö orðin mjög
fyrirferöamikil og mikil vinna viö aö haida öllu í röö og reglu. Ef eítt spjald
datt niöur á milli eða var vitlaust fært voru upplýsingar um viökomandi þar
með glataöar um sinn að minnsta kosti og því mikið óöryggi í raun í
spjaldskránni. Meðal annars þess vegna hefur ekki verið gert átak í aö
þétta númerin og samræma fjölda bifreiða í borginni og útgefin númer, en
eins og áður sagði eru bílarnir helmingi færri heldur en númerin. Mörg
númer eru reyndar í geymslu að beiðni eigenda, en önnur ekki lengur í
eigu annarra en Bifreiðaeftirlitsins. Meö nýja fyrirkomulaginu og aðstoð
tölvunnar ætti aö vera hægt aö koma betra skipulagi á skráninguna.
ÁRIÐ 1978 var borað niður á 1900
metra í botni Reyðarfjarðar og
var þar um svokallaða djúpborun
eða kjarnaborun að ræða. Að þeim
rannsóknum stóðu auk Orkustofn-
unar vísindamenn frá Kanada,
V-Þýzkalandi, Bretlandi, Dan-
mörku og Bandaríkjunum. I næstu
viku koma þessir aðilar saman til
fundar í Reykjavík þar sem rætt
verður um niðurstöður þessarar
borunar, en þetta er annar fund-
urinn, sem haldinn er um árangur
af Reyðarfjarðarboruninni 1978.
Á fundinum verður væntanlega
einnig rætt um hugsanlegt fram-
hald þessa samstarfs, en sú hug-
mynd hefur skotið upp kollinum
að bora aðra slíka holu hér á landi
og koma margir staðir til greina í
því sambandi. Að sögn Guðmund-
ar Pálmasonar hjá Orkustofnun
yrði þá um dýpri borun að ræða,
3—4 kílómetra, og yrði sú hola þá
ein dýpsta eða dýpsta borhola hér
á landi. Þegar borað var í Reyðar-
firði var kostnaði skipt á milli
þátttakenda og svo yrði væntan-
lega gert ef framhald verður á
þessum borunum. Ekki er enn
farið að ræða um fjáröflun þeirra
framkvæmda og sagði Guðmund-
ur að það væri í fyrsta lagi að
reikna með að þessi hugmynd
kæmi til framkvæmda árið 1982.
Þarfasti þjónninn
Einar Guðfinnsson og prófessor Hayek á heimili þess fyrrnefnda
Nóbelsverðlaunahafi
í heimsókn hjá athafna-
manni á Bolungarvík
í HEIMSÓKN sinni til íslands á
dögunum notaði Nóbelsverðlauna-
hafinn Friedrich Hayek meðal
annars tækifærið til að skoða sig
um á landsbyggðinni og fór hann
til Isafjarðar annan dag páska.
Þaðan var farið til Bolungarvíkur
þar sem atvinnufyrirtæki voru
skoðuð og heimsótti Hayek þá
einnig Einar Guðfinnsson, þann
mikla athafnamann í Bolungarvík.
Siðar um daginn fór Hayek
víðar um og m.a. upp að skíðalyft-
unni á Isafirði, en í Vestfirzka
fréttablaðinu segir að hann sé
mikill áhugamaður um útivist og
skíðagöngu. Svo segir m.a. í Vest-
firzka fréttablaðinu af þessari
heimsókn:
„Hayek, sem nú er rúmlega
áttræður, en þó vel ern, kvaðst
fyrst hafa stigið á skíði árið 1911.
Sagði hann að um þær mundir
hefðu menn deilt ákaflega um
hvort heppilegra væri að renna
sér með tvo skíðastafi eða einn.
„Ég var svo framsýnn, að ég
notaði alltaf tvo stafi," sagði hann
og hló.“
Togarajaxlar um loftin blá
FRÁ því er skýrt í Vestfirzka fréttablaðinu að í ráði sé að stofna flugskóla á
ísafirði og hafi 10 flugáhugamenn í bænum tekið sig saman og keypt
kennsluflugvél af gerðinni Cessna 152. Af þessum 10 eru fimm skipverjar á
skuttogaranum Guðbjarti, en hinir eru flestir kunnir svifdrekamenn, segir
blaðið. Flugvélin hefur einkennisstafina TF-OND, en félagið sem á hana
heitir Bliki sf. og var kaupverð vélarinnar um 6.5 milljónir króna.
Báknið þenst út
HARKA hljóp í umræður um ‘•teinullarverksmiðju síðari hluta vetrar og
deildu þar fulltrúar Sunnlendinga og Sauðárkróks, en hvor aðilinn um sig
taldi sína sveit heppilegri fyrir verksmiðjuna. Eitt blaðanna, sem gefið er út
á Suðurlandi og ber það nafn, segir frá því í fyrirsögn að nú sé
„Steinullarverksmiðjan á skrifborði ráðherra". Málið virðist þar með vera
leyst, en ekki verður annað sagt en að báknið þenjist enn út.
Hrafninn verpir fugla fyrstur
Kuldinn hefur áhrif á vorleiki fuglanna
Myndarleg álftahjón hafa
mörg undanfarin ár gert sér
bústað á hólma i stíflunni í
Eliiðaánum. Stundum hafa þau
komið upp ungum. stundum
ekki. en alltaf koma þau aftur
að ári. Eftir því sem byggðin
hefur þanizt út þarna í kring
hafa fleiri fylgst með búskap
hjónanna í hólmanum og haft
ánægju af. En aðrir, sjálfsagt
óvitar. hafa verið forvitnir um
of. Egg hafa verið brotin eða
hjónin styggð svo sum árin
hefur ekkert ungviði verið að sjá
í hólmanum.
Þegar líður á vorið eða sumarið er
yfirleitt hleypt úr stíflunni til að
minnka þrýsting svo laxinn komist
ofar í ánum. Þetta gerir fólki kleift
að komast á þurru út í hólmann yfir
aðra kvíslina og þá virðist voðinn
vera vís. Vonandi fá myndarhjónin
álft og svanur frið til að fjölga kyni
sínu í sumar, en meðfylgjandi mynd
er tekin af þeim í hólmanum á
dögunum.
Mbl. spjallaði við Ævar Petersen
fuglafræðing í vikunni um varptím-
ann, komu farfuglanna og fleira
tengt sumarkomunni. Fyrst spurð-
um við hann um þennan búskap í
hólmanum á stíflunni og sagðist
Ævar muna eftir álftum þarna í
mörg ár, þó að hann kynni ekki
frekar að segja frá þeim. — Á
Elliðavatnssvæðinu er nokkuð um
svani og t.d. hafa álftir í mörg ár
gert sér hreiður á hólma í Myllu-
tjörn, sem er rétt innan við Heið-
merkurgirðinguna. Ég frétti í vor,
að ungir strákar hefðu fundið egg
þar rétt fyrir mánaðamót, en það er
óvenju snemmt hjá álftum. Þær
eiga venjulega 4—6 egg og liggja á í
3—4 vikur, en þegar ungarnir koma
úr eggjunum eru þeir þurrir mjög
fljótlega og fara eiginlega strax á
vatn.
— Annars eru fyrstu fuglarnir til
að verpa hrafn og dílaskarfur, en
þeir eru gjarnan komnir af stað í
byrjun apríl. Haförn og skógar-
þröstur eru sömuleiðis oft í fyrri
hluta aprílmánaðar og starrinn er
fljótur til. Þá heyrði ég á dögunum
af stokkönd, sem búin var að verpa
um 20. apríl, en það er óvenju
snemmt hjá henni. Almennt yerpa
fuglarnir síðari hlutann í þessum
mánuði, en þetta hret, sem verið
hefur síðustu daga, getur valdið
einhverri seinkun. Fuglarnir eru
venjulega komnir í viðbragðsstöðu
um þetta leyti, en kalda veðrið getur
orsakað það, að fuglarnir bíða
nokkra daga með undirbúning fyrir
varpið og hætt er við að minna fjör
verði í vorleikjum þeirra vegna
veðursins.
— Farfuglarnir hópuðust hingað
í stórum hópum í lok ajjrílmánaðar
og eru enn að koma. Oðinshani og
þórshani eru venjulega fugla sein-
astir, en þeirra er von upp úr
miðjum maí.
— Krían?
— Hún er komin. Ég frétti af
henni eftir ábyggilegum heimildum
30. apríl austur á fjörðum og hún er
örugglega komin hingað á suðvest-
urhornið þó svo að lítið hafi farið
fyrir henni enn sem komið er, sagði
Ævar Petersen að lokum.