Morgunblaðið - 02.06.1981, Síða 25

MORGUNBLAÐIÐ, ÞRIÐJUDAGUR 2. JÚNÍ1981
33
kynning á þeirri bráðnauðsynlegu
og ágætu starfsemi, sem fram fer
á sjúkrahótelinu, hefði átt að fá
verulegt rúm í dagskrá, sem sér-
staklega var tileinkuð hjálpar-
starfi Rauða krossins. Væri rík
ástæða til að fyrir þá ráðamenn
RKÍ, sem hér áttu hlut að máli —
að bæta fyrir yfirsjón sína varð-
andi sjúkrahótelið með því að
helga því síðar sérstakan kynn-
ingarþátt. Á hann yrði áreiðan-
lega hlustað, jafnmargir og búnir
eru að njóta dvalar og þjónustu á
sjúkrahótelinu — margir, sem
komu þangað inn mikið veikir og
máttvana, en hlutu þar fró og
styrk og endurunnu í fjölmörgum
tilfellum heilsu sína og lífsvilja.
Þetta er fólk hvaðanæfa að af
landinu, úr öllum stéttum og í
ólíkustu stöðum, búandi við sund-
urleitustu aðstæður. Það þekkir
sig í Skipholti 21, blessar heimilið
þar í orði og bæn og ber hróður
þess til sinna heimabyggða. En í
sjálfri höfuðborginni munu þeir
vera margir, sem ekki vita að
þessi stofnun er til. Fjölmiðlar
hafa hér þagað þunnu hljóði.
Fréttamenn þeirra og ljósmyndar-
ar munu ekki hafa slitið skóm
sínum á göngunni þangað, né
heldur eitt bensíni á bílinn til að
fara og sjá með eigin augum
staðinn, eiga viðtöl við þá, sem þar
stjórna og starfa, og einnig við þá,
sem þar una í dvöl — og leyfa
síðan almenningi að njóta árang-
urs þeirrar heimsóknar — í máli
og myndum.
Ef dæma má eftir framkomu
þeirra manna, sem stóðu að út-
varpsþættinum þann 7. maí sl. um
Hjálparstarf Rauða krossins, er
helzt að sjá, sem sjúkrahótelið sé
olnbogabarn þeirra, sem þeir vilji
ekki kannast við, hvað þá kynna, í
stað þess að það ætti að réttu lagi
að vera óskabarn þeirra, hvers
veg þeir vilji sem mestan. Sann-
leikurinn er sá, að af fjölmörgum
nytjaverkum RKI var stofnun
sjúkrahótelsins eitthvað hið ágæt-
asta og starfræksla þess gildur
þáttur í heilbrigðisþjónustunni í
landinu.
Það var í nóvembermánuði 1974
að sjúkrahótelið var sett á stofn.
Tiltölulega fljótt kom í ljós að
örðugt myndi verða með rekstur
þess, og það svo, að til tals kom að
leggja yrði það niður sökum fjár-
skorts. En auðna réði að til þess
kom ekki. Þau stjórnvöld, sem hér
áttu hlut að, sáu sóma sinn í að
bjarga þessu í tæka tíð.
Reynslan af starfsemi sjúkra-
hótelsins varð fljótt sú, að það
þótti ómissandi, ekki síst vegna
Athugasemd
við útvarpsþátt
og nokkrar
skýringar
þess, að öll sjúkrahús í Reykjavík
og grennd voru þá, sem nú,
ofhlaðin, og þar af leiðandi henda
þau skjólstæðingum sínum iðu-
lega út, oft sárþjáðum og fyrr en
þeir eru færir um að standa á
eigin fótum. Hótelið er ætlað
sjúklingum, sem ýmist bíða eftir
sjúkrahúsrúmi, eða koma af
sjúkrahúsi og þurfa á eftirliti eða
eftirmeðferð að halda, s.s. göngu-
deildarþjónustu, endurhæfingu
eftir meiðsli eða aðgerðir, eða
þurfa í rannsóknir eða reglu-
bundna meðferð á deildum sjúkra-
húsa. Oft er þetta fólk mjög illa á
sig komið heilsufarslega, líka
þreytt og kvíðafullt og er því í
ríkri þörf fyrir hvíld og kyrrð og
góða aðbúð.
Þegar hótelið var sett á stofn,
mun það fyrst og fremst hafa
verið hugsað sem hæli fyrir fólk
utan af landi, sem leyta þarf til
Reykjavíkur vegna lækniserinda
(samanber sérfr. þjónustu), en
þarf ekki endilega á sjúkrahúsvist
að halda, nema þá skamma hríð,
en er gjarnan bundið í eftirliti eða
einhverskonar meðhöndlun um
lengri eða skemmri tíma.
Þetta fólk á iðulega engan að á
höfuðborgarsvæðinu, sem það get-
ur leitað til með dvöl. Slíku fólki
er og verður griðastaður sem
sjúkrahótelið hrein guðsgjöf. Auð-
vitað á fólk í Reykjavík og grennd
hér einnig sinn rétt og þessi
hlutföll varðandi dvalargesti
sjúkrahótels úr höfuðborg og utan
af landsbyggð munu vísast hafa
jafnast allverulega á síðustu ár-
um. Margir eru einstæðir í henni
Reykjavík og sjálfum sér ónógir
og verður fátt til bjargar þegar
áföll heilsubrests eða slysa henda.
Dvöl við hinn hlýja arin sjúkra-
hótels RKÍ, þótt í fæstum tilfell-
um geti varað nema um stundar-
sakir — fær þá oft miklu bjargað,
og mun slíkt seint fullmetið. Hér
er ekki út í bláinn mælt. Hér mæli
ég af eigin dýrmætri reynslu.
Atvik hafa hagað því svo að á
allra síðustu árum hefi ég þurft að
sækja læknisþjónustu til Reykja-
víkur hvað eftir annað, og í
sambandi við slíkt hefi ég átt
langar dvalir á sjúkrahóteli RKÍ.
Hefur mér óvíða, þar sem ég hef
dvalið um lengri tíma utan eigin
heimilis, liðið betur. Er ég bundin
þessu ágæta heimili traustum
böndum og bið því hags og heilla á
hverri tíð. Þar er góður andi
ríkjandi, og hin fyrsta kennd,
þegar komið er þar inn úr dyrum
er, að maður unir sér — finnur sig
heima. Það er mín sterka tilfinn-
ing, og um hið sama hefi ég heyrt
marga fallega vitnisburði. Þarna
er matargerð, reglusemi, hrein-
læti og snyrtimennska til fyrir-
myndar og einstök er stundvísi,
háttprýði og elskusemi starfs-
fólks. Hinn vanheili og oft fram-
andi og langt að komni gestur
finnur að hann á hér vinum að
mæta, að hann er hér velkominn
og lögð er stund á að þrýsta hönd
hans með þeim hætti að hann fái
kennt hlýjunnar sem lengst. Megi
forstöðukona sjúkrahótelsins, frú
Bryndís Jónsdóttir, og starfsfólk
hennar, njóta í samræmi við það,
sem gefið er. Og megi þeir menn,
sem eru í fyrirsvari fyrir RKI vera
sér þess meðvitandi að í Skipholti
21 er griðastaður sjúkum og öldn-
um, sem þangað leita, dýr hlekkur
í festi fjölþættrar hjálparstarf-
semi, — og megi þeir bera gæfu til
að viðurkenna það í orði og verki.
11. maí 1981.
I STUTTU MALI
Vilja vopnahlé
og samninga?
Ik'lKrad. Nikósiu. 2!). mai. AP.
Aðstoðarforsa'tisráðherra
írak skýrði Veselin Diurnovic
frá því. að írakar vildu að gert
yrði vopnahlé í stríði írana og
lraka. og að sezt yrði að
samningahorðum til að reyna
að útkljá deilumál ríkjanna
með samningum í stað vopna.
að því er hin opinhera frétta-
stofa Tanjug skýrði frá í dag.
Átökin halda þó enn áfrant á
landamærum ríkjanna, og sagði
útvarpið í Baghdad, að Irakar
hefðu skotið niður sjö phant-
om-orrustuþotur fyrir Írönum í
meiriháttar loftbardaga yfir
suðurhluta víglínunnar í dag.
Sagði í tilkynningu úvvarps-
ins, að íraskar þotur hefðu farið
í árásarferð og skotið á skot-
mörk á Bao-svæðinu, gert mik-
inn usla og snúið allar heilu og
höldnu heim.
Útvarpið sagði, að 86 íranskir
hermenn hefðu fallið í dag og að
199 íraskir hermenn hefðu fall-
ið síðustu 24 klukkustundirnar.
Prinsessan
giftist gegn
vilja
foreldranna
Brussol. AP.
MARIE-CHRISTINE, þrítug
belgísk prinsessa, gekk að eiga
fráskilinn Kanadamann. Brúð-
kaupið fór fram á laun og var
ástæðan sú að foreldrar henn-
ar, Leópold fyrrum Belgíukon-
ungur og Liliane prinsessa,
hafa verið á móti ráðahagnum.
Marie-Christine er hálfsyst-
ir Baldvins konungs. Eigin-
maðurinn er 43ja ára píanó-
leikari, að nafni Paul Drake, en
hann er búsettur á Flórida.

Líttu inn hjá okkur
Langholtsvegi 111, símar 37010 og 37144