Morgunblaðið - 03.12.1981, Qupperneq 37

MORGUNBLAÐIÐ, FIMMTUDAGUR 3. DESEMBER 1981
37
sauma. Myndin var af barni á
bæn. Þetta var jólagjöf sem hún
var að ijúka við. Á eldhúsborðinu
var smákökum raðað í bakka. Hún
hafði verið að baka jólabrauð fyrir
frænkur sínar og vinkonur sem
ekki gátu gert slíkt. Þær varð að
gleðja um jólin. Þannig kvaddi
Álfhildur. Góður vinnudagur, en
erfiður, var að kvöldi kominn og
nú var gott að hvílast.
Ég lýk þessum kveðjuorðum
með ljóðlínum Arnar Arnarsonar:
„Er syrtir af nótt, til sængur er mál að ganga
— s*t mun hvíldin eftir vegferð stranga —
þá vildi ég, móðir mín,
að mildin þín
svæfði mig svefninum langa."
Hulda Runólfsdóttir
Blessaðir veri þeir framsýnu
menn og konut* sem beittu sér
fyrir stofnun húsmæðraskólanna
hér fyrr á árum. Þar opnaðist leið
fyrir ungar stúlkur að afla sér
hagnýtrar menntunar auk þess
sem skólarnir reyndust þroskandi
umhverfi sem byggði upp persónu-
leika hinna ungu kvenna og mót-
aði til góðs.
Það var mikil tilhlökkun í hug-
um okkar sem fengum að fara á
Húsmæðraskólann að Blönduósi
haustið 1932. Við vorum allsstaðar
að af landinu, úr Önundarfirði,
norðan úf Þistilfirði og sunnan af
landi. Fæstar höfðu farið langa
ferð að heiman fyrr.
Þetta haust hafði nýr skóla-
stjóri komið að skólanum og átti
eftir að gera garðinn frægann,
Hulda okkar Stefánsdóttir, og með
henni var flokkur afbragðs kenn-
ara.
Eftir jólin bættist við í hóp
okkar heimasætan frá Kornsá,
Álfhildur Runólfsdóttir. Hún var
yngst okkar aðeins 17 ára en varð
strax góður félagi og hefur átt
sinn þátt í að halda hópnum sam-
an þá nær hálfu öld sem síðan er
liðin.
Álfhildur skólasystir okkar og
kær vinkona um öll þessi ár var
dóttir hjónanna á Kornsá, Runólfs
Björnssonar og Ölmu Jóhanns-
dóttur Möller. Við kynntumst frú
Ölmu á seinni árum er hún bjó hjá
dóttur sinni og það var mannbæt-
andi. Og eplið féll ekki langt frá
eikinni.
Alla var einstaklega hjálpsöm
og umhyggjusöm þeim sem hún
tók að sér. Á Blönduósi var föður-
systir Öllu, sú merka kona Sigur-
laug Björnsdóttir og kenndi þar
matreiðslu til margra ára. Það
varð úr að Álfhildur starfaði með
henni í allmörg ár og leysti hana
gjarnan af við kennsluna. Síðar
fór Alla svo til Kaupmannahafnar
og lærði matreiðslu og vann við
þau störf árum saman.
Lengi var hún að Bessastöðum
hjá Ásgeiri forseta og frú Dóru. Á
því annasama heimili kom mjög
til góða vinnusemi og verkhyggni
Álfhildar. Þá voru ekki frystikist-
urnar komnar ásamt þeim vinnu-
brögðum sem þar til heyrir. En
Alla skipulagði vel sinn tíma. Þeg-
ar minna var umleikis, útbjó hún
tugi af glæsilegum tertum, bjó um
þær og setti í heimilisfrystinn og
greip svo til þeirra þegar næstu
stórveislu bar að. Verk sín öll
vann Alla af smekkvísi og mynd-
arskap sem margir þekkja því að
árum saman tók hún að sér veislur
og vann mikið fyrir norska sendi-
ráðið og fleiri opinberar stofnanir.
Við bjuggumst kannski við því
stallsysturnar á Blönduósi að lífið
væri dans á rósum, en allar höfum
við kynnst ýmsum hliðum þess.
Álfhildur átti við heilsuleysi að
stríða um langan aldur, en hún lét
aldrei fötlun sína aftra sér, slíkur
var kjarkur hennar og dugur. Hún
var trúuð kona og studdist mjög
við trú sína á vernd Guðs og bless-
un þegar hún barðist við veikindin
sín.
Hún var sérlega ljóðelsk og það
var mikil veisla að vera gestur á
hennar heimili. Hún bar svo ríku-
lega á borð bæði til hugar og
maga. Allt sem hún bauð gestum
var bæði fallega fram borið og
ljúft að neyta og sama gilti um
viðmót hennar og umræðu.
Þau eru sterk böndin sem bund-
in eru á æskudögum. Við skóla-
systurnar höfum dreifst víðsvegar
um landið, við búum við ólíkar að-
stæður og ekki verið kleift að hitt-
ast reglulega. En við höfum vitað
hver af annarri og þegar við hitt-
umst skapast slík gleði að einstakt
er og áður en varir er komið fram
á rauða nótt. Þessar stundir hafa
yljað okkur lengi á eftir. Þá var
Alla alltaf með og átti sinn þátt í
gleðinni með skemmtilegum til-
svörum og tilvitnunum í ljóðskáld-
in. Hún brá alltaf fegurð inn í
hópinn, hún Alla, þar sem hún sat
svo failega og fyrirmannlega og
lýsti upp með hýru brosi.
Við gleymdum í rauninni á þess-
um stundum hversu gamlar við
vorum eða aðstæðum okkar hverju
sinni. Við vorum einfaldlega vin-
konur sem nutu sín og nutu þess
að vera saman.
Við skólasysturnar viljum nú að
leiðarlokum þakka Álfhildi Run-
ólfsdóttur innilega fyrir sam-
fylgdina og fyrir allt sem hún hef-
ur verið okkur gegnum tíðina.
Við kveðjum Öllu á jólaföstunni,
þegar við undirbúum okkur fyrir
komu jólanna, að taka á móti
Jesúbarninu í líf okkar.
Hún á góða heimvon. Hún hafði
gengið með Guði í lífi sínu og hún
hafði boðið Jesú rúm í hjarta sínu,
eins og segir í jólasálmi séra Ein-
ars í Eydölum sem hún hélt mikið
upp á: „Vil ég mitt hjartað vaggan
sé“.
Einn fallegasti aðventusálmur-
inn er: Gjör dyrnar breiðar hlið
hátt —.
Okkur finnst að sannarlega hafi
Alla gert síðustu vers þess sálms
að sínum í trú sinni og lífi.
Kg opna hiid míns hjarta þér
Ó, herra Jt'sú.s bú hjá mér
að fái hjáiparhönd þín sterk
þar heiiagt unnið náðarverk
Ó, kom minn Jesúm kom sem fvrst
ó. kom ojr mér i hjarta gist
ó, kom þú segir sála mín
ó, seg við mig: Kg kem til þín.
Guð blessi minningu okkar
elskulegu skólasystur Álfhildar
Runólfsdóttir. í hans föðurkærleik
felum við hana í trú og þökk.
Skólasystur frá Blönduósi
Lóð við Skúlagötu *
Til leigu er lóö við Skúlagötu, alls 5300 m2. Lóðin hentar
vel sem geymslustaöur fyrir útivöru, tæki, timbur, járn
o.þ.h. Lóöin verður laus frá og meö næstu áramótum.
Upplýsingar gefur Eyjólfur Guöjónsson, Innkaupadeild.
Hf. Eimskipafélag íslands.
STAÐA 0G HORFUR
í IÐNAÐI
Félag íslenskra iönrekenda boöar til almenns félagsfundar um
ástand og horfur í íslenskum iönaöi.
Dagsetning: Föstudagur 4. desember kl. 13:30—17:00.
Staður: Hótel Loftleiðir, ráðstefnusalur.
Dagskrá:
Kl. 13.30
1. Ávarp — Davíð Sch. Thorsteinsson, formaður FÍI.
2. Almennt yfirlit um þróun á þessu ári — Valur Valsson, framkv.stjóri FÍI.
3. Stutt yfirlit um ástand og horfur í
— Matvælaiðnaði
Sigurður Björnsson, framkv.stjóri, íslensk matvæli hf.
— Drykkjavöruiðnaði
Örn Hjaltalín, framkv.stjóri. Ölgerðin Egill Skallagrímsson hf.
— Fataiðnaði
Bjarni Björnsson, forstjóri, Dúkur hf.
— Prjónaiðnaði
Þráinn Þorvaldsson, framkvæmdastjóri, Hilda hf.
— Húsgagnaiðnaði
Reimar Charlesson, framkv.stjóri, Víðir hf.
— Hreinlætisvöruiðnaði
Gunnar J. Friðriksson, forstjóri, Sápugeröin Frygg.
— Einingahúsaiðnaði
Guðmundur Sigurösson, framkv.stjóri, Trésm. Sig. Guðmundssonar hf.
— Málmiðnaði
Björn Jóhannsson, framkv.stjóri, hf. Ofnasmiðjan.
— Raftækjaiðnaði
Ingvi Ingason, framkv.stjóri, RAFHA hf.
— Plastiðnaði
Haukur Eggertsson, framkv.stjóri, Plastprent hf.
4. Umræður og fyrirspurnir.
Félag íslenskra iðnrekenda.

MARKAÐS ftÚS/Ð
LAUGAVEGI 39
Ooið til kl. 10 í kvöld
ALLAR NÝJU BÆKURNAR |S^uknadir