Morgunblaðið - 16.03.1982, Blaðsíða 27

MORGUNBLAÐIÐ, ÞRIÐJUDAGUR 16. MARZ 1982
35
Hörkukeppni á afmælismóti Bridgefélags Reykjavíkur:
Enginn réð við enda-
sprett Dallas-Ásanna
Arnór Ragnárss'on
BANDARÍSKU Dallas-Ásarnir, Al-
an Sontag og Peter Weichsel sigr
uðu á afmælismóti Bridgefélags
Keykjavíkur sem lauk sl. laugar
dag. Hlutu þeir félagar 214 stig
yfir meðalskor og 1500 dollara í
verðlaun. I»eir höfðu aldrei forystu
í mótinu en fyrri hluta mótsins
leiddu Bretarnir Willie Coyle og
Barnet Shenkin, en seinni hlutann
norðmennirnir Tor Helness og
Leif-Erik Stabell.
Mótið hófst á föstudag með
formálsorðum formanns Bridge-
félags Reykjavíkur, Sigmundar
Stefánssonar, en síðan setti
borgarstjórinn í Reykjavík mót-
ið og sagði fyrstu sögnina fyrir
Irwing Rose, eitt hjarta. Að
borgarstjórinn skyldi setja mót-
ið kom undirrituðum nokkuð
spánskt fyrir sjónir, þar sem
Bridgefélagið hafði sótt um
stuðning til borgarinnar og verið
synjað. Trúlega hefði erindinu
verið betur tekið ef um skákmót
hefði verið að ræða.
Eins og áður sagði tóku Coyle
Norski spilarinn Tor Helness
í þungum þönkum — en hann
varð í ödru sæti í tvímenn-
ingnum ásamt félaga sínum
Leif-Erik Stabell.
og Shenkin forystu í upphafi
mótsins og eftir 7 umferðir
höfðu þeir 125 stig. Jónas P. Erl-
ingsson og Þórir Sigursteinsson
voru í öðru sæti með 75 stig og
Þorlákur Jónsson og Sævar
Þorbjörnsson þriðju með 67 stig.
Þegar upp var staðið á föstu-
dagskvöldið voru Gísli Hafliða-
son og Gylfi Baldursson orðnir
efstir með 151 stig, en Coyle og
Shenkin fylgdu þeim fast eftir
með 148 stig. Jón Baldursson og
Valur Sigurðsson voru með 136
stig, en önnur pör náðu ekki 100
stigum. Lítið bar á erlendu gest-
unum enn sem komið var og voru
6 íslenzk pör í 7 efstu sætunum.
Byrjað var að spila kl. 10 á
iaugardagsmorguninn og bar þá
mest á norsku strákunum Hel-
ness og Stabell sem skoruðu lát-
laust og urðu á tímabili langefst-
ir.
í þrítugustu umferðinni fór að
halla undan fæti hjá þeim á
meðan Sontag og Weichsel skor-
uðu jafnt og þétt. Þá tóku Jón og
Símon einnig stór stökk og voru
orðnir langefstir fyrir síðustu
umferðina en þá var staðan
þessi:
Jón — Símon 206
Sontag — Weichsel 189
Helness — Stabell 183
Rose — Sheehan 170
Ásmundur — Karl 141
Gísli — Gylfi 135
Guðm. Páll — Þórarinn 135
í síðustu umferðinni spiluðu
Jón og Símon gegn bandaríska
parinu Rubin og Becker og fengu
þeir 23 í mínus og má segja að
þar hafi Rubin og Becker unnið
mótið fyrir félaga sína, Sontag
og Weichsel, sem spiluðu gegn
Magnúsi Aspelund og Steingrími
Jónassyni í síðustu umferðinni
og fengu Ásarnir 25 í plús. Hel-
ness og Stabell spiluðu gegn
Rose og Sheehan og fengu þeir
fyrrnefndu 17 í plús og þar með
annað sætið í mótinu og 1000
dollara í verðlaun. Jón og Símon
urðu í þriðja sæti með 183 stig
og fengu 750 dollara í verðlaun.
Gísli Hafliðason og Gylfi Bald-
ursson skoruðu 34 yfir meðal-
skor í síðustu umferðinni og
tryggðu sér þar með fjórða sætið
með 169 stig og 500 dollara. Irw-
ing Rose og Rob Sheehan urðu
fimmtu með 153 stig.
Gísli Haflidason og Gylfi Baldursson stóðu sig mjög vel og
enduðu í fjórða sæti. Hér spila þeir gegn Vestfirðingunum
Arnari Hinrikssyni og Kristjáni Haraldssyni. Talið frá vinstri:
Kristján, Gísli, Gylfi og Arnar.
Bandaríkjamennirnir Alan Sontag og Peter Weichsel náðu ekki
forystunni í keppninni fyrr en upp var staðið og þá með dyggi-
legri aðstoð sveitarfélaga sinna Kon Kubin og Mike Beckcr.
Talið frá vinstri: Becker, Kubin, Weichsel, Sontag.
Önnur pör sem hlutu gullstig:
Willie Coyle —
Barnet Shenkin 150
Ron Rubin —
Mike Becker 141
Guðmundur P. Arnarson —
Þórarinn Sigþórsson 140
Ásmundur Pálsson —
Karl Sigurhjartarson 114
Jón Baldursson —
Valur Sigurðsson 109
Röggsamur keppnisstjóri var
Agnar Jörgenson og reiknimeist-
ari Þorfinnur Karlsson. í undir-
búningsnefnd voru Karl Sigur-
hjartarson, Þorfinnur Karlsson
og Guðmundur Eiríksson sem
jafnframt var mótsstjóri.
Á sunnudag hófst svo stórmót
Flugleiða og að þremur umferð-
um loknum hafði sveit Karls
Sigurhjartarssonar unnið alla
sína leiki með miklum yfirburð-
um. Er sveitin með 60 stig og
hefur rúllað andstæðingum sín-
um upp. Er það með ólíkindum
að vinna andstæðingana með
mínusstigum í 20 spilaleikjum.
Til marks um farsælni sveitar-
innar, þá unnu þeir fyrri hálf-
leikinn gegn Bretum 43—0. Sveit
Karls spilaði í gærkvöldi gegn
Norðmönnum og Bandaríkja-
mönnum sem höfðu hlotið 31
stig eftir 3 umferðir. Nánar
verður sagt frá stórmótinu síðar.
Jón og Símon
tvímennings-
meistarar BR
Aðaltvímenningskeppni
Bridgefélags Reykjavíkur lauk
sl. þriðjudag. Sigurvegarar urðu
þeir Jón Ásbjörnsson og Símon
Símonarson, en þeir tóku forustu
strax í upphafi mótsins og héldu
henni til loka. Þeir hafa oft verið
nærri titlinum á undanförnum
árum og eru vel að sigrinum
komnir nú. Röð efstu para á
mótinu varð þessi:
Jón Ásbjörnsson —
Símon Símonarson 504
Guðmundur Hermannsson —
Jakob R. Möller 477
Sigurður Sverisson —
Þorgeir Eyjólfsson 461
Ásmundur Pálsson -
Karl Sigurhjartarson 438
Guðmundur Pétursson —
Hörður Blöndal 396
Jón Baldursson —
Valur Sigurðsson 334
Björn Eysteinsson —
Gubrandur Sigurbergs. 324
Vigfús Pálsson —
Karl Logason 255
Jón Hjaltason —
Hörður Arnþórssön 225
Sævar Þorbjörnsson —
Þorlákur Jónsson 205
Næstkomandi miðvikudag
hefst sveitakeppni með stuttum
leikjum og stendur sú keppni í
þrjú kvöld. Þátttökutilkynningar
þurfa að berast einhverjum
stjórnarmanni í síðasta lagi á
mánudag.

Láttu verðið ekki villa um fyrir þér, -
Philips eldavélarnar eru afbragðsgóðar og
fullkomnar þótt þær séu svona ódýrar!
Sú ódýrari, ACH 047, hefur fjórar hellur, þar af eina með stiglausri
hitastillingu; sjálfhreinsandi grillofn með tímastilli og hitahólf svo eitthvað
sé nefnt.
Hin fullkomna ACH 023 hefur einnig fjórar hellur, þar af tvær með
stiglausri hitastillingu, sjálfhreinsandi blástursofn, hitahólf og eiektrón-
iskan hita- og tímastilli, sem m.a. getur lækkað undir kartöflunum og
stjórnað affrystingu á kjöti!
Kannaðu málið!
' iSKÍtt "
heimilistæki hf.
HAFNARSTRÆTI 3 - 20455 - SÆTUNI 8 - 15655