Morgunblaðið - 23.03.1982, Blaðsíða 39

MORGUNBLAÐIÐ, ÞRIÐJUDAGUR 23. MARZ 1982
47
Vígsla Fjarhitunar Vestmannaeyja:
„Með agaðri þekkingu
vísindamanna og harð-
fylgi framkvæmdamannau
Sveinn Tómasson forseti b*jarstjórnar hleypir vatni á varmaskiptana.
I.jósmyndir Mhl. Torfi llaraldsson
Vid vígslu Fjarhitunar Vestmannaeyja. Frá hægri: Þorbjörn Sigurgeirsson
prófessor, Gísli Guðlaugsson bæjarfulltrúi sem hefur verið einn ötulasti
baráttumaðurinn fyrir hraðri uppbyggingu hraunhitaveitunnar, Sigurður Þ.
Jónsson bæjarfulltrúi, Arnar Sigurmundsson bæjarfulltrúi, Guðmundur
Karlsson alþingismaður, Georg Þ. Kristjánsson bæjarfulltrúi, Tryggvi Gunn-
arsson starfsmaður Fjarhitaveitunnar og Áki Haraldsson bæjarritari.
„MEÐ AGAÐRI þekkingu vísinda-
manna og harðfylgi framkvæmda-
manna hefur undrið í ævintýrinu
orðið að veruleika, Hitaveita Vest-
mannaeyja er staðreynd, í uppbygg-
ingu eftir eldgosið 1973,“ sagði Páll
Flygenring ráðuneytisstjóri í iðnað-
arráðuneytinu við formlega vígslu
Fjarhitunar Vestmannaeyja sl.
sunnudag, en viðstaddir formlega
opnun voru forráðamenn Vest-
mannaeyjabæjar, ýmsir gestir af
fastalandinu, þingmenn, embætt-
ismenn og aðrir gestir.
Sveinn Tómasson forseti bæjar-
stjórnar rakti nokkuð sögu hraun- HoSnl Sigurðsson forstoðumaður Fjarhitunar Vestmannaeyja ræðir malm við
hitaveitunnar sem er einstæð í sinni prófessor Þorbjörn Sigurgeirsson.
röð. Að ræðu lokinni hleypti Sveinn
vatni á varmaskipta og var form-
legri athöfn þar með lokið. Til máls
tóku ýmsir, bæði úr röðum heima-
manna og gesta. Már Karlsson
tæknifræðingur lýsti mannvirkjum
Fjarhitunarinnar, Jakob Björnsson
orkumálastjóri tók til máls, Jóhann-
es Zoega hitaveitustjóri í Reykjavík
og fleiri gestir fluttu Eyjamönnum
heillaóskir í tilefni dagsins.
Fyrsta tilraun með hitaveituna
var gerð fyrir forgöngu Sveinbjörns
heitins Jónssonar í Ofnasmiðjunni
og Hlöðvers Johnsen í Vestmanna-
eyjum, en ári síðar, eða 1975, tók
Raunvísindastofnun að sér stjórn
virkjunarrannsókna. Meðal þeirra
vísindamanna sem lögðu hönd á
plóginn við fæðingu hinnar sérstæðu
hitaveitu var prófessor Þorbjörn
Sigurgeirsson, þá lét Sigmund Jó-
hannsson uppfyndingamaður ekki
sinn hlut eftir liggja og úr röðum
heimamanna var Guðlaugur Gísla-
son fyrrverandi alþingismaður ötull
baráttumaður hraunhitaveitunnar,
en styr stóð um framkvæmdir lengi
vel meðal forráðamanna bæjarins.
Þá hefur fjöldi heimamanna sem
starfað hafa á vegum Fjarhitaveit-
unnar unnið við uppbygginguna af
mikilli elju og fórnfýsi þegar upp
komu erfið vandamál.
Fjöldi húsa sem tengjast munu
hitaveitunni er um 1000 en þar af er
lokið við að tengja 900 hús.
Aætluð vatnssala er 1,1 millj. m3 á
ári, en samanlögð lengd lagna er um
80 km og varmaskiptar, sem gerðir
eru úr Vi“ rörum eru samanlagt yfir
40 km að lengd. Stofnkostnaður á
verðlagi í árslok 1981 er 93 millj. kr.
Hitaveitan framleiðir um 20 Mw og
er áætlað að hún dugi a.m.k. í 15—20
ár í viðbót. Dreifikerfi Fjarhitaveit-
unnar er lokað og því koma ýmsir
aðrir möguleikar til greina í orku-
notkun, en þó á eftir að kanna ýmsa
möguleika í virkjun hitaæða í eld-
stöðvunum, borun eftir heitu vatni,
nýtingu vindorku og sitthvað fleira.
Rekstur hraunhitaveitunnar hefur
gengið vel utan það að tíðar bilanir
urðu á asbeströrum á árinu 1980 að-
allega en hætt var að nota þá rör-
gerð og síðan hefur gengið betur.
Að lokinni hátíðlegri athöfn aust-
ur á hrauni var aðkomnum gestum
og forráðamönnum Vestmannaeyja-
bæjar boðið til hádegisveizlu en hins
vegar var starfsmönnum Fjarhita-
veitunnar ekki boðið.
Dælistöð Fjarhitunar Vestmannaeyja
OIKIM TKAP
NORDMENDE
FYRSTIR MEÐ
HÍS Á ÍSLANDI
Langmest
úrval af
myndefni
fyrir
hefur nú
80%
— áj.
markaðnum