Morgunblaðið - 03.07.1982, Síða 2

2
MORGUNBLAÐIÐ, LAUGARDAGUR 3. JÚLÍ1982
Frekari kaup
á freðfiski
til athugunar
í viðskiptaviðræðum íslendinga
og Sovétmanna, sem staðið hafa yfír
síðustu daga i Reykjavík, var lögð á
það mest áherzla af hálfu íslendinga
að Sovétmenn keyptu meira af fryst-
um fískflökum héðan og að gengið
yrði frá samningi um kaup á saltsíld.
Sovéska nefndin lofaði að athuga
vandlega hvort hægt væri að hcimila
frekari freðfískkaup fljótlega, segir í
frétt frá viðskiptaráðuneytinu. Þess
er hins vegar ekki getið hverjar urðu
lyktir umræðna um saltsíldarsamn-
ing.
„Undanfarna daga hafa staðið
yfir í Reykjavík viðskiptaviðræður
við Sovétríkin um framkvæmd
viðskiptasamnings Islands og So-
vétríkjanna. Sá samningur gildir
fyrir 5 ára tímabilið 1981—1985. í
viðræðunum voru báðir aðilar
sammála um að viðskiptin hafi yf-
irleitt gengið vel síðan samningur-
inn var gerður. Útflutningur salts-
íldar til Sovétríkjanna hefur þre-
faldast og útflutningur á frystum
fiskflökum, einkum karfaflökum,
hefur orðið tvöfalt meiri en á
næstu árum á undan. Sala á lag-
meti hefur einnig aukist, enda
þótt kvóti samningsins hafi ekki
verið uppfylltur. Ekki hefur tekist
að selja eins mikið af ullarvörum
og málningu og gert hafði verið
ráð fyrir í samningnum.
Innflutningur á sovéskum vör-
um hefur ekki tekið miklum breyt-
ingum frá því sem var áður, en
olíuvörur eru yfir 90% af inn-
flutningsverðmæti.
Vegna aukningar á sölu saltsíld-
ar og freðfisks hefur hallinn á
viðskiptunum við Sovétríkin farið
minnkandi. Árið 1981 voru fluttar
út vörur fyrir liðlega 400 milljónir
króna, en inn fyrir 600 millj. kr.
Hlutur Sovétríkjanna árið 1981 í
utanríkisviðskiptum landsmanna
var 6,2% af útflutningnum en 8%
af innflutningnum, og hefur oft
verið mun hærri.
í viðræðunum var af hálfu ís-
lensku nefndarinnar lögð mest
áhersla á að Sovétríkin keyptu
meira af freðfiskflökum á síðara
helmingi þessa árs og gengið yrði
frá samningi um kaup á saltsíld.
Þegar hafa verið seld 17.500 tonn
af freðfiskflökum og er það magn
að mestu afgreitt. Þetta er meiri
sala en viðskiptasamningurinn
gerir ráð fyrir og er því erfiðleik-
um bundið að fá samþykki fyrir
enn meira magni. Samt lofaði sov-
éska nefndin aö athuga vandlega,
þegar heim kæmi, hvort hægt
væri að heimila einhver frekari
freðfiskkaup fljótlega.
Samningurinn um efnahags-
samvinnu var ekki til umræðu á
fundum nefndanna nú, en þær
höfðu fjallað um samningsdrögin í
Moskvu í september 1981.
Formaður íslensku nefndarinn-
ar var Þórhallur Ásgeirsson, ráðu-
neytisstjóri, en formaður sovésku
nefndarinnar var A.N. Manzhulo,
aðstoðarutanríkisviðskiptaráð-
herra Sovétríkjanna og varafor-
maður V. Simakov, yfirmaður
Vesturlandadeildar utanríkis-
viðskiptaráðuneytis Sovétríkj-
Félag íslenzkra iðnrekenda:
Ólafur Davíðsson ráð-
inn framkvæmdastjóri
STJÓRN Félags íslcnzkra iðnrek-
enda hefur ráðið Olaf Davíðsson,
hagfræðing og forstöðumann Þjóð-
hagsstofnunar, framkvæmdastjóra
félagsins frá næstu áramótum, en í
haust lætur Valur Valsson af því
starfí og tekur við starfí bankastjóra
Iðnaðarbanka íslands.
Ólafur réðst til Efnahagsstofn-
unar árið 1969, sem síðar varð
Hagrannsóknadeild Fram-
kvæmdastofnunar ríkisins. Árið
1974 réðst Ólafur til Þjóðhags-
stofnunar, sem þá var stofnsett og
í nóvember 1980 var Ólafi falið að
gegna starfi forstjóra Þjóðhags-
stofnunar um tveggja ára skeið.
Ólafur Davíðsson er giftur
Helgu Einarsdóttur, viðskipta-
fræðingi.
Jón Sigurðsson, hagfræðingur,
sem starfað hefur hjá Alþjóða
gjaldeyrissjóðnum um tveggja ára
skeið, tekur við starfi forstjóra
Þjóðhagsstofnunar að nýju um
áramótin.
Séð ofan af brekkubrúninni, en bifreiðin þeyttist niður lengst tU vinstri. Aðalgatan er framar og lengra frá er
Eyrargatan, en yfír báðar göturnar þeyttist bfllinn áður en hann lenti út i fjöru.
Giftusamlegur endir
á háskalegri bílferð
Tvö lítil börn sluppu ómeidd eftir að hendast í bifreið
niöur 40 metra brekku og hafna í stórgrýti í fjörunni
„ÉG VAR auðvitað skelfingu lost-
inn þegar ég hljóp í átt til bílsins.
Ég bjóst við eins og aðrir sem
horfðu á þetta að orðið hefði stór-
slys. Blessuð börnin voru auðvitað
skelfíngu lostin en svo til óslösuð,
litli drengurinn var aðeins með
spningna vör og svolítið blóðugur,
en stúlkan slapp með skrekkinn.
Það má segja að þetta hafí verið
mikið lán í óláni. Það eru allir
mjög fegnir yfír giftusamlegum
endi,“ sagði Guðjón Jónsson á
Suðureyri við Súgandafjörð, er
Mbl. ræddi við hann í gær, en
hann var áhorfandi að þegar stór
amerísk bifreið rann af stað á
Hjallaveginum á Suðureyri með
tvö lítil börn, 2 og 5 ára, innan-
borðs, hentist síðan niður snar-
bratta brekku, smaug fram hjá
húsum og öðrum hindrunum,
þeyttist yfír aðalgötu bæjarins og
Eyrargötu og hafnaði að lokum úti
í stórgrýttri fjörunni.
Atburður þessi átti sér stað
laust eftir klukkan sjö sl. mið-
vikudagskvöld. Ekki er ljóst hver
tildrögin voru, en móðir barn-
anna hafði brugðið sér inn í hús
við Hjallaveginn og er talið lík-
legast að börnin hafi eitthvað
fiktað við stjórntæki bílsins, sem
er af gerðinni Buick og sjálf-
skiptur.
Guðjón var fyrstur á vettvang
og fylgdist með ferð bílsins niður
brekkuna skelfingu lostinn
ásamt fleirum. Hann lýsti at-
burðinum svo: „Bíllinn rann af
Brekkan sem bifreiðin fór niður. Efst til vinstri á myndinni glittir í þakið
á húsinu sem bifreiðin stóð við áður en hún rann af stað og ef rayndin
prentast vel má sjá verksummerki eftir för bifreiðarinnar í brekkunni á
miðri myndinni.
stað niður Hjallaveginn og fór
skáhallt út af veginum og andar-
tak leit út fyrir að hann myndi
velta niður snarbratta brekkuna.
Um leið og hann fór að lyftast
rann hann utan í stóra grastorfu
sem varð til þess að bíllinn snér-
ist og fór síðan á fullri ferð
áfram á réttum kili niður brekk-
una. Síðan rennur hann i um 30
til 40 centimetra fjarlægð fram
hjá húsi, lendir þar á smá upp-
hækkun sem er hallandi niður að
kjallarahurð á húsinu, tekst þar
á loft yfir aðalgötuna og klippir
á leiðinni sundur tvö umferðar-
merki sitt hvoru megin við göt-
una. Þaðan þeyttist bíllinn
áfram yfir Eyrargötuna og
stöðvaðist ekki fyrr en í stór-
grýtinu úti í fjöru."
Brekkan sem bíllinn snérist í
og rann síðan niður er um 30—40
metra há og snarbrött eins og
fyrr segir. Talin er mikil mildi,
að bifreiðin skyldi ekki velta og
sagði Guðjón að þá hefði ekki
verið að leikslokum að spyrja.
Eins er það talin mikil mildi að
bifreiðin skyldi sleppa fram hjá
húsum og öðrum hindrunum en
yfirleitt er mikil umferð bíla og
gangandi vegfarenda um aðal-
götuna.
Kona stórslösuð eftir að
skriða féll á bifreið í Óshlíð
Ólafur Davíðsson er fæddur ár-
ið 1942, en hann lauk stúdents-
prófi frá Menntaskólanum í
Reykjavík 1962 og síðan hagfræði-
prófi frá háskólanum í Kiel í
Vestur-Þýzkalandi árið 1968.
ELDRI HJÓN lentu í bifreið sinni undir skriðu á Oshlíðarvegi um kl. 14.30 í
gær. Konan slasaðist mikið og var flutt á sjúkrahús í Reykjavík. Teljast má
lán að ekki fór verr því hifreiðin lagðist saman og er gjörónýt. Tók það
aðkomumenn nokkurn tíma að ná konunni úr flakinu. Eiginmann hennar
sakaði ekki að undanskildum einhverjum skrámum, að sögn fréttaritara
Mbl. í Bolungarvík, Gunnars Hallssonar, en hann kom fyrstur á slysstað í
gær.
0
INNLENT
Gunnar sagði í viðtali við Mbl. í
gærkvöldi, að atburður þessi hefði
sett mikinn óhug að Bolvíkingum
og hann vakið upp ótta. Háværar
kröfur væru nú hvarvetna um
Víkina um að nú þegar verði gerð-
ar meiriháttar varúðarráðstafanir
til að auka umferðaröryggi á
óshlíðarvegi, en um veginn þarf
að fara ef fóik ætlar landleiðina
til eða frá Bolungarvík.
Hjónin voru á ferð í bifreið
sinni undir klettabelti rétt innan
við krossinn á Hlíðinni, en vegur-
inn liggur þar undir snarbröttum
15—20 metra háum hömrum.
Maðurinn varð var við að steinar
voru byrjaðir að hrynja úr hamr-
inum og ætlaði að reyna að bakka,
en þá skall stór steinn ofan á vél-
arhlíf bifreiðarinnar þannig að
vélinn brotnaði niður og bíllinn
varð ógangfær. Maðurinn fór þá
út úr bifreiðinni og ætlaði að forða
sér en sá þá að konan komst ekki
út, hurðin hennar megin hafði
skekkst er steinninn skall á vél-
arhlífinni. Hann sneri því við og
lagðist inn í bifreiðina til að reyna
að hlífa konunni, en þá rigndi yfir
bílinn steinum og aur og lagðist
bifreiðin alveg saman.
Þegar hrinunni linnti komst
hann út úr bifreiðinni á ný en um
líkt leyti hófst önnur hrina, eða í
sömu mund og Gunnar bar að, en
hann var að koma frá ísafirði.
Fólksflutningabifreið Flugleiða
kom á staðinn innan frá um sama
leiti og tókst að ná talstöðvarsam-
bandi við Bolungarvík og kalla eft-
ir sjúkrabíl og lækni. Þá voru
gerðar ráðstafanir til að ná bílum
af mesta hættusvæðinu. Sjúkra-
bifreið og lækni frá Bolungarvík
bar að um 15 til 20 mínútum síðar
og hafði þá tekist að ná konunni
úr bílnum. Hún var flutt rakleiðis
til ísafjarðar og þaðan eftir að-
hlynningu til Reykjavíkur. Vitað
var að konan var beinbrotin, bæði
handleggs- og höfuðkúpubrotin.
Hún var þó ekki talin í lífshættu í
gærkvöldi.