Morgunblaðið - 17.08.1982, Blaðsíða 24

32
MORGUNBLAÐIÐ, ÞRIÐJUDAGUR 17. ÁGÚST 1982
VIÐSKIPTI
VIÐSKIPTI - EFNAHAGSMÁL - ATHAFNALÍF
— umsjón Sighvatur Blöndahl
Chrysler heldur sínu striki:
Verulegur hagnaður á
fyrri helmingi ársins
Stefnir í 400 milljóna dollara hagnað á árinu
Rekstrarhagnaður Chrysler-bíla-
verksmiðjanna bandarísku á öðrum
ársfjórðungi var liðlega 106,9 millj-
ónir dollara, sem er mesti hagnaður
fyrirtækisins á þriggja mánaða tíma-
bili síðan 1977.
Hagnaður fyrirtækisins það
sem af er þessu ári er því um 256,8
milljónir dollara, samanborið við
286,8 milljóna dollara tap á sama
tíma í fyrra. Þessi uppgangur
fyrirtækisins er mun meiri en
efnahagssérfræðingar höfðu spáð
fyrir um.
Lee Iacocca, forstjóri Chrysler,
hefur iýst því yfir að ef ekkert
óvænt komi upp á, þá muni gangúr
fyrirtækisins verða góður áfram
út árið, að vísu með eilítið minni
hraða. Hann reiknar síðan með
því, að rekstrarhagnaður Chrysler
á þessu ári verði eitthvað í ná-
munda við 400 milljónir dollara.
í júlímánuði jókst sala Chrysler
um tæplega 5%, en á sama tíma
dróst sala Ford saman um 16,5%
og sala General Motors dróst sam-
an um liðlega 21,5%.
— Það má í raun segja, að við
séum komnir fyrir alvöru í slaginn
á nýjan leik eftir nokkur mögur
ár. Við eru að fjölga söluaðilum í
endurskipulögðu kerfi. Þá erum
við að fjölga módelum. Það er því
ljóst, að við höfum staðizt prófið.
Við þurfum ekki að sanna neitt
fyrir neinum lengur, sagði Iacocca
á fundi með blaðamönnum fyrir
skömmu.
Minnkandi markaðshlut-
deild japanskra bíla
Hlutdeild sænskra og vestur-þýzkra vex hins vegar
RÚMLEGA ÞRÍR FJÓRÐU allra bíla, sem fluttir voru hingað til lands fyrstu
sex mánuði ársins, eða 75,35%, komu frá þremur löndum, Japan,
Vestur-Þýzkalandi og Svíþjóð. Frá þessum löndum komu alls 5.186 bílar af
þeim 6.883, sem til landsins voru fluttir.
Frá Japan komu 3.120 bílar, sem
þýðir að markaðshlutdeild jap-
anskra bíla er um 45,33% og hefur
hún farið lækkandi undanfarin
misseri eftir að hafa náð hámarki
liðlega 60%.
Frá Vestur-Þýzkalandi voru
fluttir 1.042 bílar fyrstu sex mán-
uðina, en sem hlutfall af heildinni
er það um 15,14%. Hlutur vestur-
þýzkra bíla hefur farið vaxandi
síðustu misserin m.a. vegna hag-
stæðrar skráningar vestur-þýzka
marksins.
Þá komu frá Svíþjóð 1.024 bílar
fyrstu sex mánuðina, sem er um
14,88% af heildinni. Það er í raun
sama sagan með sænsku bílana og
þá vestur-þýzku, að þeir hafa
komið mun sterkar inn í myndina
síðustu mánuði og misseri, m.a.
vegna hagstæðrar skráningar
sænsku krónunnar.
Ef sovézkum bílum er bætt við
þessa upptalningu, þá koma tæp-
lega 84% allra bíla frá ofan-
greindum fjórum löndum, en frá
Sovétríkjunum voru fluttir hingað
til lands 577 bílar fyrstu sex mán-
uði ársins, en sem hlutfall af
heildinni er það liðlega 8,38%.
Búnaðarbanki íslands:
Rekstrarhagnaður 25.346
þúsundir króna á sl. ári
• Eigið fé jókst um 80,3%
• Eignaaukning var 70,2%
• Innlánsaukningin var 72,4%
• Útlánaaukningin var 76%
REKSTRARAFKOMA Búnaðarbanka íslands á síðasta ári varð góð og
naut hann þess, að ekki kora til yfirdráttarskuldar í Seðlabankanum.
Rekstrarreikningur sýnir, að hagnaður til ráðstöfunar var 25.246 þús-
undir króna, en þá höfðu verið lagðar í sérsjóð vegna skuldbindingar
bankans gagnvart Eftirlaunasjóði starfsmanna 3.599 þúsundir króna. TiJ
afskrifta húsbúnaðar og Uekja var varið 1.821 þúsundum króna. í
afskriftasjóð útlána runnu 828 þúsundir króna og gjaldfærsla vegna
verðbreytinga nam 14.274 þúsundum króna.
Eigið fé Búnaðarbankans var í
árslok 1981 129.905 þúsundir
króna og jókst það um 57.843 þús-
undir króna á árinu, eða um
80,3%.
Samkvæmt niðurstöðu efna-
hagsreiknings voru heildareignir
1.635 milljónir króna og höfðu
þær aukizt um 70,2% frá árinu á
undan. Kostnaður við rekstur
bankans varð samtals 64.472 þús-
undir króna, og hafði hann aukizt
um 59,1% milli ára.
Heildarinnlán Búnaðarbank-
ans voru 1.246.985 þúsundir
króna í árslok 1981, en voru
723.436 þúsundir króna í árslok
1980, og höfðu þau því aukizt um
523.549 þúsundir króna, eða
72,4%. Árið 1980 varð aukning
innlána 289.737 þúsundir króna,
eða um 66,8%.
Spariinnlán, þ.e. innistæður á
almennum sparisjóðsbókum og
bundið sparifé, námu um áramót
1.004.553 þúsundum króna, en
564.471 þúsundum króna árið á
undan. Áukningin 1981 varð því
440.082 þúsundir króna, eða 78%,
en sambærilegar tölur ársins
1980 voru 224.454 þúsundir króna,
eða 66%. Spariinnlán voru 80,6%
af heildarinnlánum, en voru 78%
árið 1980 og 78,4% árið 1979.
Verðtryggð innlán voru 148.354
þúsundir króna í árslok, en aðeins
5.425 þúsundir árið áður, og nam
því aukning þeirra 142.929 þús-
undum króna, eða 2,635%.
Hlutdeild bundinna innlána í
heildarinnlánum var 31,2% í
árslok miðað við 33,8% árið áður.
Veltiinnlán, sem eru innistæður á
ávísana- og hlaupareikningum,
námu 242.432 þúsundum króna,
en 158.965 þúsundum króna árið
áður. Aukningin á árinu er því
83.467 þúsundir króna, eða 52,5%.
Sambærilegar tölur árið 1980
voru 65.283 þúsundir króna, eða
69,7%.
Heildarútlán Búnaðarbankans
námu 1.058.351 þúsundum króna í
árslok, en 601.347 þúsundum
króna árið áður. Útlánaaukningin
á árinu varð því 456.974 þúsundir
króna, eða 76%, en sambærilegar
tölur fyrir árið 1980 voru 221.294
þúsundir króna, eða 58,2%.
í heildartölu útlána eru öll
endurseld lán í Seðlabankanum,
sem að langmestu leyti eru
afurðalán landbúnaðarins, svo og
skuldabréfakaup bankans af
Framkvæmdasjóði, sem nema 4%
af innlánaaukningu ársins, og af
Ríkisábyrgðarsjóði, en þau eru
3% af innlánsaukningu ársins.
Bankastjórar Búnaðarbanka
íslands eru þeir Magnús Jónsson,
Stefán Hilmarsson og Þórhallur
Tryggvason.
' lAUSAfJÁRSTMAN Á ViOSKIPTARFIKNINGI
BIJNAOARBANKANS í SEBIABANKANUM 1981