Morgunblaðið - 17.08.1982, Blaðsíða 33

Morgunblaðið - 17.08.1982, Blaðsíða 33
MORGUNBLAÐIÐ, ÞRIDJUDAGUR 17. ÁGÚST 1982 33 Franskir bílaframleiðendur: Útf lutningur jókst um 3% janúar-júní sl. FRÖNSKUM bílaframleioendum befur tekízt, að auka útflutning sinn um 3% fyrstu sex mánuði ársins, á sama tíma og þeir hafa verið að tapa markaðshlutdeild heima fyrir. Talsmaður bílaframleiðendanna sagði á fundi með blaðamönnum í vikunni, að staðan væri allt önnur og betri nú, ef ekki hefðu komið til löng og kostnaðarsöm verkföll starfsmanna í vor. — Það er nokkuð víst, að fram- leiðsla Citroen, Talbot og Renault hefði verið 100.000 bílum meiri á tímabilinu janúar-júní ef ástandið hefði verið eðlilegt, sagði talsmað- urinn. Fyrstu sex mánuði ársins jókst bílasala í Frakklandi um liðlega 8,7%, en á þessu tímabili voru alls seldar um 1,06 milljónir nýrra bíla í landinu. Frönsku framleiðend- urnir topuðu markaðshlutdeild eins og áður sagði, en innfluttir bílar fóru úr 25,6% hlutdeild í 28,6%. Talsmaðurinn sagði, að tímabil- ið janúar-júní væri tímabil „hinna glötuðu tækifæra". — Það er al- veg ljóst, að við munum ná okkar hlut á heimamarkaði á nýjan leik og það jafnvel áður en árið er á enda, sagði talsmaðurinn enn- fremur. Svíþjóðarfréttir: Um 5% samdráttur í iðnaðarframleiðslu Vöruskiptajöfnuður Svía var jákvæður um liðlega 2.100 milljón- ir sa-nskra króna fyrstu sex mán- uði ársins, sem er nokkru skárri útkoma en á sama tíma í fyrra. Útflutningur var um 17% meiri í krónum talið fyrstu sex mánuðina en á sama tíma í fyrra, en á sama tíma var inn- flutningur um 16% meiri. Heild- arverðmæti útflutnings var um 82.000 milljónir sænskra króna, en verðmæti innflutnings hins vegar um 79.900 milljónir sænskra króna. Raunveruleg aukning útflutnings á þessu tímabili er samkvæmt upplýs- ingum viðskiptaráðuneytisins um 3%, en raunveruleg aukning innflutnings er á bilinu 1—2%. Iðnaðarframleiðsla Iðnaðarframleiðsla jókst um liðlega 3% í maímánuði sl., en hins vegar, ef litið er á fyrstu fimm mánuðina saman, hefur orðið um 5% samdráttur í iðnað- arframleiðslunni. Sem dæmi um samdráttinn má nefna, að járn- vinnsla dróst saman um 20% fyrstu fimm mánuði ársins og pappírsframleiðslan dróst sam- an um 12% á þessum tíma. Neytendaverð Á tímabilinu janúar-júní hækkaði neytendaverð í Svfþjóð um tæplega 6%, entil saman- burðar hækkaði það um liðlega 6,9% meira á sama tímabili árið 1981. Á tímabilinu júlí 1981 til júní 1982 hækkaði neytendaverð hins vegar um 8,5%. Fjárfesting erlendis Fjárfesting sænskra aðila er- lendis var um 2.900 milljónir sænskra króna fyrstu sex mán- uði ársins, en til samanburðar fjárfestu Svíar fyrir liðlega 2.300 milljónir sænskra króna á sama tíma í fyrra. Aukningin milli ára er því liðlega 26%. Mest var fjár- fest í Bandaríkjunum, eða fyrir um 750 milljónir sænskra króna. í Bretlandi var fjárfest fyrir um 280 milljónir sænskra króna, fyrir um 220 milljónir sænskra króna í Danmörku, fyrir um 210 milljónir sænskra króna í Frakklandi og fyrir um 200 milljónir sænskra króna í Nor- egi. SAARSCANIA: Um 20% söluaukn- ing tímabilið janúar til apríl MIKILL uppgangur hefur verið hjá SAAB-SCANIA samsteypunni sænsku síðustu misserin, en sam- kvæmt upplýsingum talsmanns fyrirtækisins, hefur það stöðugt verið að bæta stöðu sína síðustu fjögur árin. Fyrstu fjóra mánuði bessa árs var sala samsteypunnar upp á liðlega 5.869 milljónir sænskra króna, samanborið við 4.911 milljónir sænskra króna á sama tíma í fyrra. Aukningin ntilli ára er því um 20%. Sala samsteypunnar erlendis jókst um 22% og er nú orðin um 56% af heildarsölu hennar. Heildartekjur samsteypunnar jukust um 23% á fyrrgreindu tímabili, en þær voru í ár liðlega 401 milljón sænskra króna, sam- anborið við um 325 milljónir sænskra króna á sama tíma í fyrra. Salan á SAAB-bílunum hefur aukizt mest af framleiðslu sam- steypunnar, þrátt fyrir almenn- an samdrátt í bílasölu í heimin- um. Markaðshlutdeild SAAB í Svíþjóð jókst úr 12,6% á þessum tíma í fyrra í um 14% í ár. Þá varð gríðarleg aukning á sölu SAAB-bíla í Bandaríkjunum, en þar var aukningin milli ára um 40%. Á þessu fjögurra mánaða tímabili fækkaði starfsmönnum samsteypunnar um 250. Þeir voru 40.750, en eru nú 40.500. Þar af starfa 33.500 í Svíþjóð og 7.000 erlendis. Lífið er saltfiskur Eftir Njál Benedikts- son i Gurði Skúli Þorleifsson, fiskmatsmað- ur, skrifar í Morgunblaðið 13. ág- úst 1982 um meðferð á saltfiski, og er það vel að jafn reyndur maður sem Skúli er í saltfiskverkun láti til sín heyra. Skúli var verkstjóri hjá Bæjar- útgerð Reykjavíkur í nokkur ár og síðar fiskkaupandi, fiskverkandi og fiskmatsmaður og er það enn. Portúgal hefur verið okkar besti markaður á saltfiski á liðnum ár- um. Portúgalir hafa ekki verið eins kröfuharðir á fiskgæði og ít- alir og Spánverjar. Nú í ár hafa Portúgalir kvartað mikið um að saltfiskurinn hafi versnað. Það er eðlilegt að við veltum því fyrir okkur hverjar séu ástæðurnar fyrir því. Ekki hefur framleiðslu- eftirlitið látið á sér st.anda, þeir hafa mann og SÍF líka til að taka út fiskinn áður en honum er af- skipað. Þeir hafa tekið vigtarpruf- ur og athugað gæði fisksins áður en hann fer um borð. Hafa verkunaraðferðir breyst? Hér áður fyrr var fiskurinn salt- aður í held kör. Það var saltað það mikíð í karið, að þegar rifið var upp úr því yrði eftir salt sem dygði í V» til að salta aftur í karið. Þá var fiskurinn þveginn úr pæklin- um um leið og hann var rifinn upp, saltið var líka skolað áður en pæklinum var hellt úr karinu, síð- an var fiskinum staflað í stæður og vel saltaður. Fiskurinn var lát- inn standa í stæðunni í 12—15 daga, þá var hann rifinn upp og allt salt látið detta af honum, ekki Njáll Benediktsson Nú í ár hafa Portúgalir kvartað mikið um aö saltfiskurinn hafi versn- að ... Ég held fiskverk- endur góðir að það verði að taka upp gömlu að- ferðina aftur, að salta fiskinn meira og hætta að pressa saltlítinn fisk. slegið saman svo fínna saltið í fiskvöðvanum héldist kyrrt. Þá var fiskurinn sortéraður og eitt og tvö fiskur látinn sér en þrjú og fjögur fiskur látinn sér, því þrjú og fjögur fiskur þurfti að standa sex dögum lengur en eitt og tvö fiskur. I þessar stæður var fiskur- inn lítið saltaður, rétt gránaður með diski. Þannig var fiskurinn geymdur þar til honum var pakk- að eftir 5—6 vikur frá því hann var veiddur. Nú hefur margt breyst í salt- fiskverkun. Fiskvinnsluskólinn hefur útskrifað fiskmatsmenn - sem lítið hafa unnið við saltfisk- verkun. Þeir hafa unnið meira við freðfisk, auk þess hafa tæknifræð- ingar komið með ýmis sjónarmið og nýjar hugmyndir. Að vísu er enn saltað í pækilkör, en það er lítið saltað í karið, það er tekið úr karinu eftir 2—3 sólar- hringa. Sú aðferð þekkist sums- staðar að það er látinn pallur of an á karið og síðan er hvolft úr því á pallinn, það er ekki verið að skola fiskinn úr pæklinum áður. Síðan er fiskurinn hafður á þessum palli, og látið síga af honum eins og það er kallað, kannski í 2—3 sólar- hringa, síðan er honum staflað í stafla eða á palla. En með þessari aðferð hefur allur pækill sigið úr fiskinum og hann þornað og saltið, sem í hann er látið, gengur mjög seint inn í fiskvöðvann og veldur það fisklosi og vigtarrýrnun. Það er frumskilyrði að saltið gangi fljótt inn í fiskvöðvann. Saltkrist- allinn bindur fiskvöðvann saman og heldur eggjahvítuefninu í fisk- inum og gerir hann bragðbetri. Ég held fiskverkendur góðir að það verði að taka upp gömlu að- ferðina aftur, að salta fiskinn meira og hætta að pressa saltlít- inn fisk. 16. ágúst 1982, Njáll Benediktsson. IDE-HURÐIN Massívar furuhurðir Ljósar og dökkar — islensk staðalmál 60, 70, 80 cm. Afhending oftast sam- dægurs, gullfalleg smíöi. Lægsta veröio. Ýmsar fulningahuröir ásamt úrvali af sléttum huröum. Vönduö vara víö vægu veröi Bústofn Aöalstræti 9. Sími 17215. lönbúö 6, Garöabæ. Sími 45670. VANTAR ÞIG VINNU (n) VANTARÞIGFÓLK í t*> Þl AIGI.YSIR IM ALI.T LAND ÞEGAR ÞC AKi- LÝSIR I MORGfNBLAÐIM'

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.