Morgunblaðið - 17.08.1982, Blaðsíða 36

Síminn á afgreiðslunni er
83033
I»RIÐJUDAGUR 17. ÁGÚST 1982
Sími á ritstjórn og skrifstofu:
10100
Alþýðubandalagið:
Heftir samþykkt 10%
yerðbótaskerðingu
Alvarlegur ágreiningur í ríkisstjórn-
inni um form heimildarákvæðis
ALUÝDIJBANDALAGIÐ hefur samþykkt efnislega ad standa
ad helmings skerðingu verðbóta á laun hinn 1. janúar nk.
Ilins vegar er enn alvarlegur ágreiningur innan ríkisstjórnar-
innar um það í hvaða formi þessi verðbótaskerðing skuli sett
fram í bráðabirgðalögum nú.
Sjálfstæðismenn í ríkisstjórn og
framsóknarmenn hafa lagt áherzlu
á að ákvæði um þessa vísitölu-
skerðingu yrðu sett í lög. Alþýðu-
banúalagið lagði þá til að laga-
ákvæðið væri heimildarákvæði, þ.e.
ríkisstjórnin hefði heimild til að
ákveða þessa verðbótaskerðingu.
Framsóknarmenn og sjálfstæðis-
menn voru ekki tilbúnir til að fall-
ast á slíkt heimildarákvæði, en
sjálfstæðismenn munu hafa sett
fram þá málamiðlunartillögu, að
forsætisráðherra einn hefði heim-
ild til að ákvarða hvort verðbóta-
skerðingin kæmi til framkvæmda.
Þetta höfðu alþýðubandalagsmenn
ekki fallizt á í gærkvöldi og um
þetta stendur ágreiningurinn í rík-
isstjórninni nú.
Gert hefur verið ráð fyrir, að
kaupgjaldsvísitalan hækkaði um
allt að 20% hinn 1. desember nk. og
er verðbótaskerðingin, sem Al-
þýðubandalagið hefur fallizt á, því
allt að 10%. Hins vegar hefur ríkis-
stjórnin í hyggju, að fækka
greiðsludögum verðbóta, sem verið
hafa fjórir á ári, í þrjá. Þetta þýðir,
að verðbætur verða ekki greiddar á
laun 1. desember nk. heldur 1.
janúar nk., og kæmi þá til fram-
kvæmda sú verðbótaskerðing, sem
Alþýðubandalagið hefur fallizt á,
ef samkomulag næst innan ríkis-
stjórnarinnar að öðru leyti.
Afstaða framsóknarmanna hefur
verið sú, að þeir hafa viljað setja
afdráttarlaus lagaákvæði um verð-
bótaskerðingu en þeir hafa hins
vegar ekki tekið ákvörðun um það,
hvort þeir geti fallizt á ákvæði sem
veitti forsætisráðherra einum
heimild til að ákveða verðbóta-
skerðingu.
Þingflokkur, framkvæmdastjórn
og stjórn verkalýðsmálaráðs Al-
þýðubandalagsins funduðu í gær
um þessi mál. Þá sat þingflokkur
Framsóknarflokksins langan fund í
gærkvöldi og var honum ekki enn
lokið þegar Mbl. frétti síðast í
gærkvöldi. Ríkisstjórnin á að koma
saman til næsta reglulegs fundar
kl. 10 árdegis.
Bíl ekið útaf,
tveir slasast
TVEIR ungir menn á Datsun-bifreið
óku út af veginum við Ós fyrir utan
Akranes i fyrradag og voru fluttir á
sjúkrahúsið á Akranesi. Annar pilt-
anna var talinn hafa höfuðkúpu-
brotnað og var fluttur á Slysadeild
Borgarspítala. Meiðsl hins voru
minni. Bifreiðin er mikið skemmd.
BÖRN furstahjónanna af Monaco,
Caroline og Albert, í Almannagjá á
Þingvöllum. Prinsinn er greinilega
að íhuga að mynda systur sína,
sem er eftir því sem best verður
séð i íslenskri lopapeysu og með
vettlinga, sem hún hefur sennilega
keypt í verslunarferðinni á laug-
ardaginn.
Furstafjölskyldan fór af landi
brott seinnipart sunnudags, eftir
að hafa farið í skoðunarferð um
Suðurland, snætt kvöldverð í boði
forseta íslands, Vigdísar Finn-
bogadóttur, að Bessastöðum, versl-
að og ekiö um Reykjavík. Að sögn
höföu þau þaö mjög gott hér á
landi og geta vel hugsað sér að
koma hingað aftur.
Sjá bls. 14 og 15: ísland er
land andstæðnanna.
Brotist inn í þrjár skartgripaverslanir og innbrot reynt í aðrar þjrár:
Talið að verðmæti þýfísins
nemi hundruðum þúsunda
BROTIST var inn í þrjár
skartgripaverslanir um helg-
ina og gerð var tilraun til inn-
brots í aðrar þrjár, sam-
kvæmt upplýsingum sem
Morgunblaðið fékk hjá
Rannsóknarlögreglu ríkisins
í gær. Rannsókn málsins er á
frumstigi, en talið er að verð-
mæti þýfisins nemi hundruð-
um þúsunda króna.
Samkvæmt upplýsingum rann-
Hækkun framfærsluvísitölu í kringum 13%:
Um 8% verðbætur á
laun 1. september
Landbúnaðarvörugrundvöllurinn hækkar um 14—15% 1. september
IIÆKKUN framfærsluvísitölu frá
maíbyrjun til ágústbyrjunar er sam-
kvæmt upplýsingum Mbl. í kringum
13%. Kauplagsnefnd mun síðan
koma saman í vikunni og ákvarða
verðbætur á laun 1. september nk.
Frá 13% dragast 2,9%, en ASÍ
og VSÍ sömdu um slíka skerðingu
í sínum samningi í júní s,l. Varð-
andi aðra hópa, sem ekki hafa
samið um slíka skerðingu, þá má
víst telja, að sett verði bráða-
birgðalög þar að lútandi. Þá munu
skerðingarákvæði „Ólafslaga"
vega um 2%, þannig að tæplega
5% munu dragast frá 13% og
verðbætur á laun verða í námunda
við 8%.
Á tólf mánaða tímabili hefur
verðbótavísitala því hækkað um
tæplega 41%, en til samanburðar
má geta þess, að framfærsluvísi-
talan hefur hækkað um liðlega
48% og lánskjaravísitala um lið-
lega 49%.
Sex manna nefndin hefur und-
anfarið rætt um væntanlega
hækkun á landbúnaðarvöruverði
1. september, en endanlegar niður-
stöður liggja enn ekki fyrir. Þó er
talið víst, að hækkun landbúnað-
arvörugrundvallarins verði á bil-
inu 14—15%.
sóknarlögreglunnar var brotin öfl-
ug hurð bakatil í verslun Halldórs
Sigurðssonar, Skólavörðustíg 2, og
farið þar inn. Var stolið talsverðu
af skartgripum, bæði sem verslun-
in átti og einnig hlutum sem þar
voru til viðgerðar. Einnig var stol-
ið 1.500 krónum í peningum. Þá
var farið inn hjá Módelskartgrip-
um, Hverfisgötu 16A, farið var inn
um glugga á bakhlið hússins og
stolið miklu magni af skartgrip-
um. Þar var og stolið 1.000 krón-
um í peningum. Loks var brotist
inn hjá Magnúsi Ásmundssyni,
Ingólfsstræti 3, og talsverðu
magni skartgripa stolið þar. Gerð
var tilraun til innbrots hjá Korn-
elíusi á Skólavörðustíg 8, einnig
var reynt að komast inn hjá Árna
Höskuldssyni, Bergstaðastræti 4,
en árangurslaust. Þá var reynt að
fara inn hjá Jóni Sigmundssyni,
Hallveigarstíg 1, en tókst ekki.
í samtali við Morgunblaðið
sagði Sigmar Ó. Maríusson, eig-
andi Módelskartgripa, að ekki
væri enn ljóst hverju verðmæti
þýfisins næmi, en taldi að það
skipti nokkrum hundruðum þús-
unda. Sagði hann að stolið hefði
verið allri gullvöru sem var í búð-
inni, en ekki hefði öryggisskápur
verið brotinn upp. Ein rúða á
bakhlið verslunarinnar var brotin
og klippt sundur öryggisgrind og
fór þjófurinn eða þjófarnir þar
Þórdís Jónsdóttir hjá Halldóri
Sigurðssyni sagði að hurð hefði
verið brotin bakatil og var stolið
munum úr búðinni og hlutum sem
voru til viðgerðar í versluninni.
Taldi hún líkur á að verðmæti
þeirra hluta sem stolið var úr
versluninni væri á milli 100 og 200
þúsund krónur. Hins vegar kvaðst
hún ekki geta giskað á verðmæti
þeirra hluta sem í viðgerð voru og
stolið var.
Frá áramótum hefur verið brot-
ist inn í sex skartgripaverslanir og
eru áðurgreind innbrot ekki talin
þar með. Tvö innbrotanna eru
upplýst að fullu, en nú situr í
gæsluvarðhaldi maður sem játað
hefur á sig það þriðja. Þýfið er
hins vegar ófundið í því tilviki.
Verðmæti þýfis í þeim fjórum inn-
brotum sem ekki eru að fullu upp-
lýst nemur rúmlega 1,5 milljónum
króna.
Sjá myndir i bls. 43.