Morgunblaðið - 29.01.1983, Page 31

MORGUNBLAÐIÐ, LAUGARDAGUR 29. JANÚAR 1983
31
Isabelle Adjani í sannkölluðu banastuði i hryllingsmyndinni Haldin illum
anda.
Kvikmyndahátíð 1983
Kvikmyndir
Sæbjörn Valdimarsson
HALDINN ILLUM ANDA
(Prossession)
Leikstjóri: Andrzej Zulawski.
Handrit: Zulawski, Frédéric Tut-
en.
Kvikmyndataka: Bruno Nuytten.
Tónlist: Andrzej Korzynski.
Aðalhlutverk: Isabelle Adjani,
Sam Neill, Heinz Bennent,
Margit Carstinsen, Frönsk/-
vestur-þýsk. Sýningartími: 127
mín.
Possession er torráðin mynd,
svo ekki sé tekið dýpra í árina,
og tilgangur þessarar blóði-
drifnu hryllingsmyndar óljós.
Boðskapur hennar hefur graf-
ist í offramleiðslu óhugnaðar.
Isabelle Adjani er gengin af
göflunum og æðir um Berlín-
arborg í ærðum, djöffullegum
dásvefni. Milli þess eldar hún
grátt silfur við eiginmann sinn,
(Sam Neill), sem hún er að
skilja við eftir langvarandi
ástarsamband við annan
mann, furðufuglinn Heinz
Bennent. í auðri, niðurníddri
íbúð elur hún svo í tómstund-
unum eitthvert viðbjóðslegt af-
styrmi á volgu blóði lögreglu-
manna. Ég reyni ekki að lýsa
atburðarás nánar.
í leikskrá er Zulawski sagður
„villtur Pólverji", og eftir
þessu afkvæmi hans að dæma,
virðist sú lýsing dáindis góð.
Það þarf óbeislaða andagift,
vægast sagt, til að koma þess-
um brjálæðislega efnivið sam-
an svo úr verði verk sem á er
horfandi og hvað sem öðru líð-
ur verður ekki annað sagt um
Possession. Leikstjórnin er ör-
ugg þrátt fyrir ruglingsleg aft-
urhvörf, (flashbacks), og
myndavélinni er oft beitt á
skemmtilegan, ágengan hátt.
Þá er og ein góð og gild
ástæða (fyrir óflökurgjarnt
fólk) að sjá myndina þar sem
er magnþrunginn leikur Isa-
bellu Adjani í hlutverki þeirrar
bandóðu. Brjálæðislegt fas
hennar líður seint úr minni.
Og síst á myrkum miðvetr-
arkvöldum...
STJÚPI (Beau-Pére)
Leikstjórn og handrit: Bertrand
Blier.
Kvikmyndataka: Sacha Viemy.
Klipping: ('laudinc Merlin.
Tónlist: Philippe Sarde.
Aðalhlutverk: Patrick Dewaere,
Ariel Bessc, Maurice Ronet.
Frönsk, sýn.tími 120 mín.
Efni Stjúpa hefði einhvern-
tíma hneykslað viðkvæmar sálir
og gerir sjálfsagt enn. Patrick
Dewaere er tæplega þrítugur
þriðja flokks píanóleikari sem í
myndarbyrjun missir sambýl-
iskonu sína í bílslysi. Átti hún
fjórtán ára dóttur úr misheppn-
uðu hjónabandi.
Stúlkan heldur til föður síns
eftir fráfallið, gegn vilja sínum
og snýr fljótlega til baka til sins
myndarlega fóstra. Ekki líður á
löngu uns „eðlið er vakið í ung-
meyjarbarmi", þessi þroskaða
stúlka verður bálskotin í stjúpa
og gengur fast eftir að Dewaere
verði sinn fyrsti elskhugi.
Eftir karlmannlega vörn, lengi
vel, fellur svo stjúpi fyrir „Lolitu
freistingunni" og upphefst nú
illsnúinn þáttur í lífi þeirra.
Það hefði verið sáraauðvelt að
klúðra þessu vandmeðfarna efni,
en Bertrand Blier tekst að draga
upp, í aðra röndina næsta háðs-
lega mynd af ástandinu og í
hina, heita mannlega og ástríðu-
fulla. Á svo eðlilegan hátt byggir
hann upp erótíska spennu á köfl-
um, að áhorfandinn fær samúð
og væntumþykju með þessu
merkilega pari.
Því er heldur ekki að neita að
Blier hefði gjarnan mátt stytta
handritið — sem hann byggir á
eigin skáldsögu — með því móti
hefði hann einnig undirstrikað
skopið í myndinni sem stundum
líður um of fyrir hversu löng hún
er. Annars er handritið óvenju
vel skrifað og flest samtölin
hnitmiðuð og skynsamleg — og
einræðurnar við myndavélina
meinfyndnar.
Margir kannast eflaust við
roskinn, ágætan leikara, Bertr-
and Blier, en leikstjóri þessarar
myndar er einmitt sonur hans og
alnafni. Blier yngri hefur vakið
mikla eftirtekt víða um lönd og
þykir einn athyglisverðasti leik-
stjóri Frakka um þessar mundir.
Því kemur sú spurning upp í
hugann, eftir þessa skemmtilegu
og fallegu sýningu — hvenær
fáum við að sjá þá frægu mynd
Bliers Preparez vos Mon-
choirs/ Get Out Your Handker-
chief?
Fræðsluþættir frá Gedhjálp
Hlutverk
félagsráðgjafa
Spurning: Hvert er hlutverk fé-
lagsráðgjafa á sjúkrahúsum?
Svar:
Starfssvið og hlutverk félags-
ráðgjafa afmarkast af því, á
hvers konar sjúkrahúsi eða
sjúkradeild hann eða hún starf-
ar.
Félagsráðgjafinn annast þó
yfirleitt ákveðin verkefni, án til-
lits til tegundar sjúkrahúsa eða
deilda. Þessi verkefni eru:
1. Kanna félagslegar og per-
sónulegar aðstæður sjúklingsins.
Her er m.a. átt við: — fjöl-
skylduhagi, atvinnu við innlögn,
og atvinnumöguleika við út-
skrift, e.t.v. endurhæfingu til
nýrrar atvinnu, efnahag, að-
stæður í fjölskyldu sjúklingsins
með tilliti til þátttöku hennar í
endurhæfingu eða umönnun
sjúklingsins o.fl.
1. Að fengnum þessum upp-
lýsingum og með vitneskju um
batahorfur sjúklingsins á hverj-
um tíma, aðstoðar félagsráðgjaf-
inn viðkomandi og fjölskyldu
hans til að nýta sér þau bjargráð
sem fyrir hendi eru.
Þeir kraftar og þau úrræði,
sem kunna að liggja ónýttir í
hæfileikum sjúklingsins og fjöl-
skyldu hans, eru nýttir eftir
bestu getu, auk þeirra samfé-
lagslegu aðstoðar sem til boða
stendur í hverju tilviki.
Eins og áður er nefnt, eru
verkefni félagsráðgjafanna
nokkuð mismunandi eftir deild-
um spítalanna. Þannig er nokkur
verkefnamunur, t.d. á geðsjúkra-
húsum annast félagsráðgjafar
bæði langtíma- og skammtíma-
meðferð sjúklinga og aðstand-
enda þeirra, auk þess sem þeir
leiðbeina um ýmis úrræði. Með-
ferðin er veitt ýmist í formi ein-
staklingsviðtala, hjóna- eða fjöl-
skylduviðtala, ellegar í hópvinnu
með sjúklingnum. Á almennum
deildum beinast kraftar félags-
ráðgjafans að því að vinna úr
félagslegum og persónulegum
vanda sjúklinganna svo að bati
dragist ekki á langinn af þeim
orsökum, sömuleiðis að hindra
endurinnlögn vegna félagslegra
og persónulegra vandkvæða.
Ráðstafanir við útskrift er
stór hluti verkefnanna. Á lang-
legudeildum eru vistunarúrræði,
samband við fjölskyldumeðlimi
og félagsleg virkni gjarnan í
brennidepli. Meginverkefni fé-
lagsráðgjafanna eru þó alltaf
þau sömu án tillits til deilda. —
Það er að vinna að félagslegri og
andlegri endurhæfingu og benda
einstaklingum, hópum og yfir-
völdum á leiðir til að ná því
markmiði.
Spurning: Ég hef heyrt að þeir
(félagsráðgjafar) útskrifi sjúkl-
inga. Hver hefur gefið þeim það
vald?
Svar:
Félagsráðgjafar hafa ekki
vald né umboð til að útskrifa
sjúklinga. Það er aðeins yfir-
læknir sem tekur þá ákvörðun,
eða deildarlæknir í umboði yfir-
læknisins.
Kátir kokkar í eldhúsi Esjubergs; Gérard Mathes frá Luxemborg annar frá hægri.
Mynd. Mbl./KÖE.
Helgarhorn á Hótel Esju
FOSrriJDAGINN 28. janúar opnar
svokallað helgarhorn í Esjubergi. í
þessum þiljaða hluta veitingabúðar
verður þjónað til borðs og lagt kapp
á að hafa eitthvað nýstárlegt hverja
helgi, verður höfðað til ýmissa borga
víða um veröld, sem og til einstakra
staða hér innanlands.
Á boðstólum verður jafnan
glæsilegur salatvagn og brauðborð
er gestir geta fengið að vild. Ætl-
unin er að verðlag verði á þessum
stað, lægra en gerist í veitinga-
húsum með svipaða þjónustu, en
þó heldur hærra en í sjálfsaf-
greiðslunni á Esjubergi. Þá verður
afgreiðslufyrirkomulagi í Esju-
bergi breytt og mun svokallað
viðbitaborð fylgja öllum réttum
framvegis. Nýr inngangur verður
opnaður í Esjubergi að framan-
verðu þ.e. um hóteldyr.
Helgarhornið verður vígt þann
28. janúar með dagskrá og mat-
seðli frá Luxemborg.
Karl Steinar
Guðnason
Prófkjör Alþýöuflokksins
29.—30. janúar
STUDNINGSMENN