Morgunblaðið - 03.03.1983, Blaðsíða 34

34
MORGUNBLAÐIÐ, MIÐVIKUDAGUR 3. MARS 1983
nuiQifiDnri
Wllldlmli 11
VIÐSKIPTI - EFNAHAGSMÁL - ATHAFNALÍF
Umsjón: Sighvatur Blöndahl
Dollaraverð hækkaði
um 1,76% í sl. viku
— Pundið hækkaði um 1,01%
— Danska krónan hækkaði um 1,0%
— Vestur-þýzka markið hækkaði um 0,76%
DOLLARAVERÐ hækkaði um 1,76% í síðustu viku, en sölugengi Banda-
ríkjadollars var skráð 19,320 krónur í upphafi viku, en 19,660 krónur sl.
Tóstudag. Frá áramótum hefur dollaraverð því hækkað um 18,08%, en í
upphafi ársins var sölugengið 16,650 krónur
PIINDIÐ
Söluverð brezka pundsins hækk-
aði um 1,01% í síðustu viku, en í
upphafi hennar var sölugengi
brezka pundsins skráð 29,690 krón-
ur, en sl. föstudag 29,991 króna.
Frá áramótum hefur brezka pundið
hækkað um 11,78% í verði, en í
upphafi ársins var sölugengi þess
skráð 26,831 króna.
DANSKA KRÓNAN
Danska krónan hækkaði um
1,0% í verði í síðustu viku, en í
upphafi vikunnar var sölugengi
dönsku krónunnar skráð 2,2844
krónur, en sl. föstudag hins vegar
2,2826 krónur. Frá áramótum hefur
danska krónan hækkað um 14,99%
í verði, en í ársbyrjun var sölugengi
hennar skráð 1,9851 króna.
VESTUR-ÞÝZKA MARKIÐ
Vestur-þýzka markið hækkaði
um 0,71% í verði í síðustu viku, en
í upphafi hennar var sölugengi
vestur-þýzka marksins skráð
8,0786 krónur, en sl. föstudag hins
vegar 8,1357 krónur. Frá áramótum
hefur vestur-þýzka markið hækkað
um 16,15% í verði, en í ársbyrjun
var sölugengi þess skráð 7,0046
krónur.
GfNGISÞROUNIN VIKURNAR 14 18 0G 2125 FE8RÚAR 1983
29JS
29.8
245
28,0
27,5, ,
má )>r RMV, lim to«
4W.
8,20.
8,10.
1t>M.
188, .
'.»/ ,

má þr mmv, fvmMrt
má. þt mibv fim foft
yr-
y
má. þr mtjv Sm.fört
Nýr markaðsfulltrúi
Hafskips á Akureyri
l*OKARI.\.N Jónsson tók nýlega við
starfi markaðsfulltrúa Hafskips hf. á
Akureyri, að sögn Páls Braga Krist-
jónssonar, fjármálastjóra félagsins,
sem sagði verkefni Imrarins verða
fyrst og fremst á markaðs- og þjón-
ustusviði fyrirtækisins.
„Þar sem viðskiptavinir félagsins
á Akureyri eru orðnir svo margir,
sem raun ber vitni, þótti eðlilegt að
færa þjónustu félagsins í ríkari
mæli þangað, enda í samræmi við
þá stefnu, sem verið er að fram-
kvæma á erlendum vettvangi. Við
vonum að þetta nýja fyrirkomulag
muni reynast sem bezt og komi
viðskiptavinum félagsins norðan-
lands til góða á sem flestum svið-
um,“ sagði Páll Bragi ennfremur.
Aðsetur markaðsfulltrúa Haf-
skips á Akureyri verður að Glerár-
götu 20. Eins og áður mun Kaupfé-
lag Eyfirðinga annast afgreiðslu á
Þórarinn Jónsson
vörum, sem fluttar eru til Akureyr-
ar á vegum félagsins.
Gunnar Snorrason, formaður Kaupmannasamtaka íslands, til vinstri og
Magnús E. Finnsson, framkvæmdastjóri, við Hús verzlunarinnar.
Kaupmenn flytja í
Hús verzlunarinnar
Aðalfundur KÍ verður haldinn 17. marz nk.
AÐALFUNDUR Kaupmannasamtaka íslands verður haldinn 17. marz nk. að
sögn Magnúsar E. Finnssonar, framkvæmdastjóra samtakanna, sem enn-
fremur sagði aö fyrir aðalfundinn yrðu haldnir aðalfundir hinna ýmsu sér-
greinafélaga samtakanna.
Fyrir skömmu fluttu Kaup-
mannasamtökin skrifstofu sína
frá Marargötu 2 í Hús verzlunar-
innar, þar sem samtökin eiga 6.
hæðina, sem er liðlega 520 fer-
metrar. Magnús sagði alla starfs-
aðstöðu batna verulega við flutn-
inginn. „Skrifstofuaðstaða er
mjög góð, auk þess sem við erum
með tvo góða fundarsali," sagði
Magnús ennfremur.
„Verðlagsmál eru auðvitað þau
mál, sem efst hafa verið á baugi,
eins og endranær. Við höfum á
liðnu ári unnið að því að fá breytt
reglugerð um meðferð á inni-
stæðulausum ávísunum, sem við
teljum vera mjög mikið mál fyrir
okkur," sagði Magnús er hann var
inntur eftir því hver hefðu verið
helztu verkefni samtakanna á
liðnu ári.
Atvinnuleysi
eykst í Sví-
þjóð
ATVINNULEYSI jókst í Svíþjóð í
janúarmánuði samkvæmt upplýs-
ingum sænska atvinnumálaráðu-
nevtisins.
I janúar sl. voru 3,4% mannafl-
ans án vinnu, en til samanburðar
var þetta hlutfall 3,2% í desem-
ber, eða hefur aukizt um liðlega
6%.
Hins vegar er atvinnuleysið nú
heldur minna, en það var í janúar
1982, þegar 3,6% vinnufærra voru
án vinnu.
Bílafram-
leiðsla
jókst
um 0,8%
í Japan
í janúar
Heildarbílaframleiðsla jókst
um 0,8% í Japan í janúarmánuði
sl., þegar samtals voru fram-
leiddir 800.444 fólksbílar, vöru-
bílar og langferðabílar, sam-
kvæmt upplýsingum talsmanns
samtaka bflaframleiðenda þar í
landi.
Aukningin kom fyrst og fremst
fram í minni fólksbílum og minni
vörubílum, en hins vegar var sam-
dráttur á öllum öðrum sviðum.
Framleiðsla á minni fólksbílum
jókst um 6,1% í janúar og fram-
leiðsla á minni vörubílum jókst
um liðlega 4,5%.
Framleiðsla á meðalstórum og
stórum fólksbílum dróst hins veg-
ar saman um liðlega 15% og sömu
sögu er að segja af vörubílafram-
leiðslunni. Langferðabílafram-
leiðsla dróst hins vegar saman um
24%.
„Gæðahringirnir hafa
gefið mjög góða raun“
— segir Ingólfur Skúlason, skrifstofustjóri Plastprents
„OKKUR FANNST sjálfsagt að taka þátt í þessari tilraun Félags ís-
lenzkra iðnrekenda, enda hefur komið á daginn, að starfræksla gæða-
hringa hefur gefið mjög góða raun hjá okkur,“ sagði Ingólfur Skúlason,
skrifstofustjóri Plastprents hf., í samtali við Mbl., er hann var inntur eftir
því hvernig tilraun fyrirtækisins með gæðahringi hefði gengið.
„Það komu menn frá banda-
rísku ráðgjafafyrirtæki á vegum
FÍI síðla sumars í fyrra og héldu
námskeið um gæðahringi, sem
við tókum þátt í. Síðan var hald-
ið námskeið fyrir hópstjóra inni
í fyrirtækinu og í kjölfar þess
stofnaðir þrír hópar úr filmu-
deild, prentdeild og pokadeild,"
sagði Ingólfur.
„Hugmyndin að gæðahringum
á uppruna sinn í Bandaríkjun-
um, en hins vegar urðu Japanir
fyrstir til að hagnýta sér hana í
einhverjum mæli. Gæðahringa-
starf hefur gefizt mjög vel í Jap-
an og er það talið hafa átt veru-
legan þátt í velgengni japanskra
fyrirtækja.
Það má segja, að starf
gæðahringanna sé byggt upp
með það fyrir augum að breyta
viðhorfum hverrar persónu sem
tengist því. Þessar breytingar
verða á sviði stjórnunar, verk-
stjórnunar, forystu, upplýs-
ingamiðlunar, hvatningar,
lausnar vandamála, hugmynda-
auðgi og innbyrðis tengsla fólks.
Annars er gæðahringur hópur
manna, sem vinna tengd störf á
sama vinnusvæði. Hópurinn
kemur reglulega saman í vinnu-
tíma til að koma auga á, greina
og leysa úr vandamálum, sem
tengjast starfi þeirra.
Öllum er heimil þátttaka og
einnig er frjálst að hafna þátt-
töku, en stærð hringsins er að
jafnaði 4—10 manns," sagði Ing-
ólfur.
Ingólfur sagði aðspurður
hvers vegna rétt væri að taka
upp gæðahringi í fyrirtækjum,
að ýmsir þættir yrðu þess oft
valdandi að störf hinna hæfustu
starfskrafta skiluðu ekki þeim
árangri, sem ætla mætti. „Fjöl-
margir þættir geta valdið þessu
s.s. ófullnægjandi umhverfi,
ófullnægjandi boðskipti, tafir og
skortur. Þrátt fyrir góða við-
leitni starfsmanna geta þeir ekki
unnið störf sín á fullnægjandi
hátt og því leiðir þetta til áhuga-
leysis, tíðra fjarvista og seinlæt-
is, vörugalla, sóunar og slysa.
Það má hins vegar segja um
gæðahringinn, að hann sé vett-
vangur starfsmanna til að láta
gott af sér leiða. Meginhugsunin
að baki gæðahringanna er að
fólk vilji gera vel, að menn vilji
leggja sig fram, að menn vilji
hafa áhrif.
Gæðahringir hafa því marg-
háttaðan ávinning í för með sér.
Betri starfsanda, betri vörugæði,
minni sóun, ánægðara fólk og
mörg önnur dæmi koma ekki
einungis starfsmanninum og
fyrirtækinu til góða heldur einn-
ig þjóðfélaginu," sagði Ingólfur.
Að síðustu kom fram í spjall-
inu við Ingólf að starfið í
Plastprenti hafi gefið mjög góða
raun og því væri ákveðið að
halda því áfram og fjölga hópun-
um í framtíðinni.
Þá voru þeir Kristján Krist-
jánsson og Bjarni Karlsson, sem
báðir taka þátt í gæðahringa-
starfi í Plastprenti inntir álits á
þeim og fara svör þeirra hér á
eftir.