Morgunblaðið - 03.03.1983, Blaðsíða 2

2
MORGUNBLAÐIÐ, MIÐVIKUDAGUR 3. MARS 1983
10% gengisfell-
ingu hefði þurft
— til að mæta kostnaðar-
auka fiskvinnslunn-
ar um mánaðamótin
ALMENN launahækkun um 14,74%
og samsvarandi fískverðshækkun
frá mánaðamótum þýddi 11,5%
kostnaðarauka fyrir fiskvinnsluna
eða sem nemur um 675 milljónum
króna. Til að hæta þennan kostnað-
arauka heföi þurft um 10% gengis-
fellingu að mati Eyjólfs ísfeld
Eyjólfssonar, forstjóra SH, eða að
tekjur fiskvinnslunnar hækkuðu á
annan sambærilegan hátt.
Hann sagði að er dæmið var
gert upp eftir fiskverðshækkun
um áramót hefði verið talið, að
frystingin væri rekin með 2%
halla, en saltfiskurinn rúmlega
1% hagnaði. Síðan hefði sigið á
ógæfuhliðina og framundan væru
ýmsar hækkanir aðrar en beinar
launahækkanir og fiskverðshækk-
un. Nefndi hann hækkun á raf-
magni, umbúðum og þjónustu,
sem enn ykju kostnaðinn. — Staða
fiskvinnslunnar er hrikaleg eins
og er meðan gengið hefur ekki að-
lagast þessu hvort sem það er með
gengissigi eða gengisfellingu,
sagði Eyjólfur ísfeld Eyjólfsson.
Hvöss suðvest-
anátt og
éljagangur
—■ á suðvesturhorninu
í DAG er reiknað með hvassri
suðvestanátt og éljagangi á
öllu sunnan- og vestanverðu
landinu, að sögn Veðurstofu-
manna. Á Norður- og Norð-
austurlandi verður væntanlega
úrkomulaust og víða sæmilega
bjart, hiti fyrir neðan frost-
mark víðast hvar. Nálægt 5
stiga frosti er spáð á vestan-
verðu landinu og Norðurlandi.
Eitthvað hlýrra verður á Suð-
ur- og Suðausturlandi.
í gær var unnið að viðgerð-
um á vegum sem skemmdust
víða í úrkomunni í fyrradag og
var búið að opna flesta þeirra
á ný í gærkvöldi.
Athugasemd
MORGUNBLAÐIÐ hefur verið beð-
ið að birta eftirfarandi:
Ég undirritaður vil, vegna aug-
lýsinga í Mbl., taka fram að ég er
ekki trúnaðarmaður vegna auka-
framboðs sjálfstæðismanna á
Vestfjörðum.
Þórarinn Sighvatsson,
Höfða, Dýrafirði.
Hluti skipbrotsmanna og björgunarmanna af frönsku þjrlunni. Lengst til vinstri er skipstjórinn á Hafrúnu, Lárus Grímsson, en lengst til hægri er
Björn Jónsson þyrluflugmaður hjá Landhelgisgæzlunni. A miðri mynd er Róbert Róbertsson 1. stýrimaður með neyðartalstöðina, en nær er Bjarni Þór
Sverrisson. Ljósmyndir Mbl. RAX.
Verðlagsstofnim óskar lögbanns á 25% fargjaldahækkun SVR:
Borgin hefur ekki í hyggju að
láta lögbannsofsóknir kúga sig
- til að hætta að sjá fyrirtækjum Reykvíkinga borgið, segir í yfirlýsingu borgarstjóra
VERÐLAGSSTOFNUN hefur ákvcðið að óska eftir því við yfirborgarfógeta
að lagt verði lögbann við „hinni ólögmætu 25% hækkun fargjalda SVR hinn
12. febrúar sl. Jafnframt hefur stofnunin ákveðið að kæra þessa hækkun til
Rannsóknarlögreglu ríkisins, svo og 46,5% hækkun frá 7. janúar sl., sem
einnig var ólögmæt,“ eins og segir í fréttatilkynningu frá stofnuninni. í
yfirlýsingu borgarstjórans í Reykjavík, Davíðs Oddssonar, vegna þessa máls,
kemur fram að Reykjavíkurborg hafi ekki í hyggju að láta lögbannsofsóknir
og lögregluaðgerðir kúga sig til að hætta að sjá fyrirtækjum Reykvíkinga
farborða.
I yfirlýsingu bogarstjóra kemur
ennfremur fram, að ekki verði
annað séð en að verðlagsstofnun
sé að reyna að brjóta niður al-
menningsvagnasamgöngur í borg-
inni og á höfuðborgarsvæðinu. Nái
lögbannsbeiðnin fram að ganga, sé
orðið mismunandi verð á vagna-
þjónustu SVR og SVK og því yrði
óhjákvæmilegt að fella niður
skiptimiðasamvinnu við Strætis-
vagna Kópavogs, með óheppi-
legum afleiðingum fyrir farþega
og fyrirtækin sjálf.
f upphafi yfirlýsingar borgar-
stjóra segir: „Verðlagsstofnun
hefur sent út fréttatilkynningu
um að hún muni enn á ný óska
eftir lögbanni á hækkun á far-
gjöldum Strætisvagna Reykjavík-
ur. Ekki sér fyrir endann á þess-
um skrípaleik stofnunarinnar. í
þetta sinn er óskað eftir lögreglu-
rannsókn, auk fógetaaðgerða.
Þetta er nú gert í tilefni af stækk-
un SVR í sömu fargjöld og gilda í
nágrannasveitarfélaginu Kópa-
vogi. Ástæðan sem gefin er nú, er
sú að Verðlagsstofnun telur sig
ekki eiga aðeins að ákveða há-
marksverð á vöru, heldur jafn-
framt hvaða afsláttur sé veittur
frá þessu sama hámarksverði.
Engin lagastoð er til þessarar
framkomu Verðlagsstofnunar."
í yfirlýsingu hans kemur einnig
fram að fjölmörg dæmi séu um, að
einstaka opinberar stofnanir bíði
eftir heimiluðum hækkunum til
Reykjavíkur og hækki síðan um
það sama, án umsóknar til verð-
lagsyfirvalda og án athugasemda
frá þeim. Segir borgarstjóri, að
augljóst sé að borgaryfirvöld muni
ekki sætta sig við að verðlags-
stofnun „reyni að fja'-stýra höfuð-
borginni með lögbönnum og lög-
regluaðgerðum".
I fréttatilkynningu Verðlags-
stofnunar segir m.a. að 25%
hækkun til SVR hafi verið heimil-
uð 12. febrúar, með því skilyrði að
afsláttarmiðar verði hafðir til sölu
á ný, og með því að hundsa það
skilyrði, hafi borgaryfirvöld neytt
Verðlagsstofnun til að grípa til
þeirra aðgerða, sem að framan
greinir. Aðgerðir stofnunarinnar
eigi ekkert sammerkt með ofsókn-
um eða pólitískum aðgerðum,
heldur sé verið að framfylgja lög-
Spurning á þingi — án svars:
Engin fjárfestingar- og
lánsfjáráætlun 1983?
— Kísilmálmvinnslan ekki i frumvarpi að lánsfjárlögum
Fjármálaráðherra mælti fyrir
frumvarpi að lánsfjárlögum 1983 f
ncðri deild Alþingis í gær. Það
vakti sérstaka athygli að ekki var
lögð fram, samhliða frumvarpinu,
fjárfestingar- og lánsfjáráætlun, en
samkvæmt Ólafslögum ber að
leggja þá áætlun, sem spannar
m.a. stefnumörkun ríkisstjórnar í
þcssum málaflokki, fram samhliða
fjárlagafrumvarpi hvers árs.
Matthías Á. Mathiesen, al-
þingismaður, bar fram fyrir-
spurn til fjármálaráðherra,
hvort ríkisstjórnin ætlaði að
heykjast á að leggja áætlunina
fram, en fékk engin svör. Þar
sem aðeins lifir rúm vika af
starfstíma Alþingis á þessum
vetri sýnist ljóst, að ríkisstjórn-
in hefur ekki náð saman um gerð
hennar.
Þá vakti það og athygli að í
fylgiskjali um lánsfjárheimildir
fyrirtækja með eignaraðild rík-
issjóðs er ekki tilgreind nein
lánsfjárupphæð eða heimild
vegna Kísilmálmvinnslunnar á
Reyðarfirði. Lántökuheimild er
að vísu í lögum um þetta fyrir-
tæki, nr. 70/1982, en notkun
hennar er háð samþykkt Alþing-
is. t athugasemd segir að „flutt
verði sérstök þingsályktunartil-
laga um þetta mál, en iðnaðar-
ráðherra hefur lagt til að varið
verði 110 m.kr. til framkvæmda
við kísilmálmverksmiðju á árinu
1983“. Sjá nánar á þingsíðu.
Ríkisstjórn ræðir álmálið f dag:
Ráðherrar Alþýðu-
bandalags „láta í
ýmislegt skína“
— vegna vantrauststillögugerðar á máls-
meðferð iðnaðarráðherra
REIKNAÐ er með, að til háværra
deilna geti komið á ríkisstjórnar-
fundi árdegis vegna þingsályktunar-
tillögu frá öllum nefndarmönnum at-
vinnumálanefndar sameinaðs Al-
þingis, að undanskildum fulltrúa Al-
þýðubandalagsins, Garðari Sigurðs-
syni, þess efnis að Alþingi taki
samningamálin við Alusuis.se í sínar
hendur. Tillaga þessi er samkvæmt
orðanna hljóðan vantraustsyfirlýsing
á Hjörleif Guttormsson iðnaðarráð-
herra, en í henni mun því lýst yfir,
að ráðherranum hafi ekki auðnast
að ná samstöðu um þetta brýna
hagsmunamá! þjóðarinnar, hann
hafi komið því í þann hnút sem virt-
ist óleysanlegur.
Á fundi atvinnumálanefndar í
gær lá tillaga þessi fyrir og til-
kynntu flutningsmenn að þeir
myndu leggja hana fram samdæg-
urs. Garðar Sigurðssonar fulltrúi
Alþýðubandalagsins fór fram á
frest fram yfir ríkisstjórnarfund-
inn í dag og var hann veittur.
Nefndin kemur saman á ný kl. 13.
Málið var rætt frá ýmsum hlið-
um á þingflokksfundi Alþýðu-
bandalagsins í gær og sýndist sitt
hverjum hvernig standa skyldi að
málinu innan ríkisstjórnarinnar.
Samkvæmt heimildum Mbl. vildu
sumir að ráðherrarnir tilkynntu
brottför úr ríkisstjórninni, ef
framsóknarmenn yrðu meðflutn-
ingsmenn, þar sem tillaga þessi
væri ótvírætt vantraust á iðnaðar-
ráðherra. Aðrir töldu að nægilegt
væri að ráðherrarnir „brýndu
raustina", eins og það var orðað,
— ekki væri hagstætt að ganga út
á þessum punkti. Þá var og á það
bent, að lífdagar ríkisstjórnarinn-
ar væru hvort eð er taldir, og því
rétt að reyna að þrauka. Engin
ályktun var gerð á fundinum, en
reiknað með að ráðherrarnir „létu
í ýmislegt skína með vel völdum
orðum" í ríkisstjórninni, án þess
þó að festa sig í „ótímabærum"
yfirlýsingum, eins og einn heim-
ildarmanna Mbl. orðaði það.