Morgunblaðið - 15.05.1983, Blaðsíða 27

MORGUNBLAÐIÐ, SUNNUDAGUR 15. MAÍ 1983
27
Uppdráttur af landssvæði Styrktarfélags lamaðra og fatlaðra í Reykjadal í Mosfellssveit, eins og fyrirhugað er að
svæðið verði að uppbyggingu lokinni.
Oft er glatt á hjalla á kvðldvðkum og öðrum samkomum í Reykjadal,
eins og sést á þessum myndum.
ekki, að nú er orðin brýn þðrf á að
stækka heimilið og bæta, og hefur
þess vegna verið ákveðið að byggja
það upp frá grunni. í Reykjadal er
ætlunin að byggja upp varanlega
aðstöðu, fyrst og fremst til sumar-
dvalar fatlaðra barna, en um leið
verður haft í huga að hana megi
nota til annars á öðrum árstímum.
Þetta heimili er afskaplega mik-
ilvægt fyrir börnin. Þau geta verið
þarna um 30 í senn, og á hverju
sumri eru u.þ.b. 100 fötluð börn í
Reykjadal um lengri eða skemmri
tíma.
Nánast öll eru þau mikið fötluð,
hreyfihömluð og sum fjölfötluð.
Það er mikið álag fyrir heimili
þessara barna og fjölskyldur
þeirra að annast um þau, og því er
ómetanlegt að geta fengið þeim
sumardvalarstað um skeið. Börnin
hlakka líka mjög mikið til að fara
í Reykjadal, þar sem kapp er lagt
á að gera þeim dvölina sem
ánægjulegasta. Nú er unnt að fara
í leiki innanhuss og vinna að
föndri og fleiru, og utandyra er
farið í sund, stundaðar aðrar
íþróttir, hestamennska og fleira,
og farið í göngu- og hjólaferðir.
Alla þessa aðstöðu þarf að bæta
og við stefnum að því að börnin
geti kynnst sem flestum þeim
tómstundastörfum, sem jafnaidr-
ar þeirra glíma við. Fatlaðir geta
til dæmis haft sömu ánægju af
hestamennsku og hvers kyns úti-
veru og aðrir, og með iðkun áhuga-
mála af þessu tagi skapast
grundvöllur fyrir frekari kynnum
og sameiginlegum áhugamálum
fatlaðra og þeirra, sem ganga heil-
ir til skógar.
Uppbyggingin í Reykjadal mið-
ar að því að gera fötluðum lífið
sem ánægjulegast. Fötluð börn
bæði geta og vilja lifa lífinu lif-
andi og þau gera það. Því fer fjarri
að fatlaðir sitji hljóðir hjá meðan
lífið streymir áfram. Því fé, sem
safnast á Hjólreiðadaginn 1983,
verður varið til að hjálpa fötluð-
um börnum til að njóta lífsins. Við
vonumst til að sem flestir taki
þátt í deginum nú, og hjóli í þágu
þeirra sem ekki geta hjólað."
- AH
Þrír strákar á sumardvalarheimilinu í Reykjadal. Þar geta verið um 30 börn
samtímis, og á hverju sumri dvelja um 100 börn þar. — Öll aóstaða er hins
vegar ófullkomin, innan dyra sem utan, og því er ætlunin að byggja heimilið
upp á nýtt frá grunni.
Stjórn Styrktarfélags lamaðra og fatlaðra ásamt framkvæmdastjóra; talið frá
vinstri: Birgir Þormar, Jónína Guðmundsdóttir, Hólmfríður Guðjónsdóttir,
Óttar Kjartansson, Matthildur Þórðardóttir, Halldór Rafnar og Sigurður
Magnússon.
Frá Reykjadal í Mosfellssveit, sumardvalarheimili fatlaðra barna. Myndin er
tekin fyrir nokkrum árum.
Þrjár hjólreiðastúlkur í Breiðholtinu. Á Hjólreiðadaginn munu krakkar úr
öllum hverfum Reykjavíkur, frá Hafnarfirði, Kópavogi, Seltjarnarnesi,
Garðabæ og Mosfellssveit, safnast saman á Lækjartorgi.