Morgunblaðið - 15.05.1983, Blaðsíða 41

Morgunblaðið - 15.05.1983, Blaðsíða 41
MORGUNBLADID, SUNNUDAGUR 15. MAÍ 1983 41 Útvegsbankinn opnar útibú í Suðurveri MÁNUDAGINN 16. maí opnar Út- vegsbanki íslands nýtt útibú í versl- unarmiðstöðinni Suðurveri við Stiga- hlíð 45—47 í Reykjavík. Útvegsbankinn hefur ekki stofnað útibú í Reykjavík frá því irið 1968, þ.e. útibúið við Grensásveg, er síðar var flutt í Glæsibæ, Álfheimum 74, þegar verslunarmiðstöðin þar var reist. Áður hafði bankinn sett á stofn útibú við Hlemmtorg að Laugavegi 105, árið 1957. Nýja útibúið er fyrsta bankaúti- búið í Hlíðahverfi og er ætlað að veita íbúum þess, sem og öðrum íbúum höfuðborgarsvæðisins, alla almenna bankaþjónustu, auk fjöl- margra nýrra þjónustuþátta, sem bankinn hefur bryddað upp á, svo sem ráðgjafaþjónustu, ábyrgð- arskírteini tékka, afgreiðslu inn- lendra og alþjóða Eurocard-kred- itkorta o.fl. Útibúið mun kaupa og selja erlendan gjaldeyri, taka við inn- og útflutningspappirum og annast opnun bankaábyrgða. Útibúið stendur rétt við tvær mestu umferðaræðar borgarinnar, Kringlumýrarbraut, sem tengir nágrannakaupstaðina Kópavog, Garðabæ og Hafnarfjörð höfuð- borginni, og svo Miklubraut sem tengist nýjum hverfum borgarinn- ar. Starfsmenn útibúsins eru fjórir, en útibússtjóri er Erik Hákans- son, sem áður var staðgengill úti- bússtjóra bankans að Laugavegi 105. Afgreiðslutimi útibúsins er frá kl. 9.15 til kl. 16.00 frá mánudegi til föstudags auk siðdegisaf- greiðslu frá kl. 17.00 til 18.00 á fimmtudögum. (Frétutilkynning) Fórnaði lífinu fyr- ir mann sinn Londonderry, 13. nuf. AP. EIGINKONA bresks liðsfor- ingja lét lífíð sl. þriðjudagskvöld er hún varpaði sér fyrir hann til þess að forða honum frá bana, er tveir vopnaðir skæruliðar IRA réðust inn í íbúð þeirra hjóna í Londonderry. Liðsfor- inginn og mágkona hans særð- ust bæði í skothríðinni, en ekki alvarlega. IRA hefur lýst ábyrgðinni á hendur sér. Samkvæmt fregnum frá lögreglunni réðust IRA-menn- irnir inn í íbúðina er heimilis- fólkið sat og horfði á sjón- varpið í mestu makindum. Beindu þeir byssum sinum að Brian Purvis, liðsforingja, og skipuðu honum að koma með þeim út. Mágkonan spratt þegar á fætur og hratt öðrum IRA- manninum, en eiginkonan varpaði sér fyrir mann sinn. Skipti engum togum, að skæruliðarnir hleyptu af byss- um sínum með fyrrgreindum afleiðingum, áður en þeir hlupu á brott. í yfirlýsingu frá IRA, þar sem samtökin lýsa ábyrgðinni á hendur sér segir, að ekki hefði komið til skothriðar nema vegna aðgerða kvenn- anna. Austur-Húnavatnssýsla: Bændur vilja afnám kjarn- fóðurskatts Blöndiiósi, 13. maí. Miklir kuldar hafa ríkt í Húnaþingi eins og annars staðar norðanlands að undanförnu. Hitastigið hér síðustu vik- urnar hefur að jafnaði verið við frost- mark, og eins og gefur að skilja gerast bændur nú uggandi um sinn hag. Sauðburður er hafinn, og hey- birgðir í héraðinu fara nú ört minnkandi og telja bændur mikla hættu á fóðurskorti er lengra kemur fram á vorið. Vegna þessa slæma ástands kom sýsluráð Austur-Húna- vatnssýslu saman til fundar í dag og gerði svofellda ályktun, sem send var landbúnaðarráðuneytinu og framleiðsluráði landbúnaðarins: „Sýsluráð Austur-Húnavatnssýslu skorar á framleiðsluráð landbúnað- arins og landbúnaðarráðuneytið, að fella niður nú í vor álagt kjarn- fóðurgjald til bænda, þar sem lang- varandi harðindi hafa verið og stórhætta er á almennum fóður- skorti hjá bændum." - BV VORBODINN uUni Enn hefur danska fyrirtækiö GORI komið með nýja framleiðslu, GORI88, sem er olíukennt efni og mjög auðvelt í notkun. GORI 88 er þekjandi efni framleitt úr bestu hráefnum, vatnsfráhrindandi og hefur mjög góða endingu. Hvort heldur sem það er borið á vegg eða loft slettist hvorki né drýpur úr penslinum. GORI 88 má nota hvort heldur sem er á nýtt tré eða til viðhalds eldri húsa sem áður hafa verið fúavarin með fúavarnarefni. Vilji fólk breyta um lit á húsi sínu, t.d. fá Ijósan lit yfir þann dökka, þá er það auðvelt, því að GORI88 er svarið. GORI 88 má bera yfir öll önnur fúavarnarefni. Einn lítri af GORI 88 þekur f3-10 m2 af óhefluðu tré en 12-16 m2 af hefluðu. , Innflutningsdeild Sambandsins Byggingavörur HoltagorÖum Sími 81266

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.