Morgunblaðið - 23.07.1983, Blaðsíða 2
2
MORGUNBLAÐIÐ, LAUGARDAGUR 23. JÚLÍ 1983
Endurtryggingafélag Samvinnutryggmga hf.:
Hyalveidikvótinn
verður óbreyttur
ALÞJÓÐA hvalveiðiráðiö ákvaö á fundi sínum í gær aö íslendingar fengju á
næsta ári sama kvóta í hvalveiðum, og svipaðan í hrefnuveiðum, og þeir hafa
í ár. „Við ætluöum okkur að ná þessu fram og því erum við nokkuð ánægðir
með þessa niöurstöðu," sagði Halldór Ásgrímsson, sjávarútvegsráðherra, í
samtali við Morgunblaðiö í gær.
Samkvæmt þessari ákvörðun
munu íslendingar hafa heimild til
að veiða 167 langreyðar, 100
sandreyðar og 291 hrefnu, en
Norðmenn hafa heimild til að
veiða 37% úr hrefnustofninum. í
ár hafa íslendingar heimild til að
veiða 300 hrefnur, þannig að sá
kvóti hefur verið minnkaður um 9
dýr.
Þess má geta að í gærkvöldi
kom fram tillaga á fundi ráðsins,
þess efnis, að Norðmenn fengju að
veiða 885 hrefnur á næsta ári, en í
ár hafa þeir heimild til að veiða
1690 dýr. Þessi tillaga var felld og
þess í stað var samþykkt að Norð-
menn fengju aðeins að veiða 635
hrefnur.
Norðmenn kynntu nýjan hval-
skutul á fundi í tækninefnd ráðs-
ins í fyrradag. Þeir hafa staðið
fyrir rannsóknum að undanförnu
með sérstakan sprengiskutul í
stað kalda skutulsins. Þessar til-
raunir Norðmanna hafa gengið vel
og telja þeir að unnt verði að taka
hann í notkun þegar á næsta ári.
Þessum nýja skutli hefur verið vel
tekið á fundi Alþjóða hval-
veiðiráðsins, en ekki er vitað
hvaða áhrif fyrrgreindur niður-
skurður hrefnuveiða mun hafa á
áætlanir Norðmanna í þessu efni.
Þar við bætist, í fyrsta lagi að nýr
búnaður mun þýða mikla fjárfest-
ingu og í öðru lagi mun algert
bann við hvalveiðum ganga í gildi
á árinu 1986.
Hafa beðið um frestun á
framlagningu ársreikninga
Óvissa ríkir um endalok ákveðinna samninga vegna gjaldþrots eins samningsaðila
STJÓRN Endurtryggingafélags Samvinnutrygginga hf. hefur farið þess á leit
við heilbrigðis- og tryggingaráðuneytið að fá að fresta skilura á árs-
reikningum félagsins, en samkvæmt lögum ber tryggingafélögunum að skila
ársreikningum sínum til Tryggingaeftirlitsins fyrir 1. júlí ár hvert.
Eftir því sem Morgunblaðið hef-
ur komist næst mun ástæðan vera
sú, að afla þurfi viðbótarupplýs-
inga frá viðskiptamönnum félags-
ins erlendis. í ársreikningum 1980
og 1981 kemur fram í áritunum
endurskoðenda, að „óvissa ríkir
um endalok ákveðinna samninga
vegna gjaldþrots eins samningsað-
ila. Þetta kynni að hafa áhrif á
afkomu félagsins næstu árin.“
Samkvæmt rekstrarreikningi árs-
ins 1981 var hagnaður ársins kr.
25.523.40.
Samvinnutryggingar g.t. eru
stærsti hluthafinn í félaginu og
eftir því sem Morgunblaðið hefur
upplýsingar um, eru uppi hug-
myndir um að bæta rekstrarstöðu
félagsins með verulegri aukningu
hlutafjár. Starfsemi Endurtrygg-
ingafélags Samvinnutrygginga hf.
hefur að langmestu leyti verið
fólgin í því, að taka að sér endur-
tryggingar erlendis frá. Að sögn
Erlends Lárussonar, forstöðu-
manns Tryggingaeftirlitsins, hafa
miklir erfiðleikar verið á sviði
endurtrygginga í heiminum und-
anfarin ár og íslensk félög ekki
farið varhluta af því. Fleiri íslensk
félög hafa staðið í slíkum viðskipt-
um, en Endurtryggingafélag Sam-
vinnutrygginga hf. hefur haft þá
sérstöðu að starfa nær einvörð-
ungu á þessu sviði.
Islensk tryggingafélög hafa
dregið úr þessum viðskiptum, ekki
síst vegna óhagstæðrar gengis-
þróunar, að sögn Erlends Lárus-
sonar. Tryggingaeftirlitið hefur
einnig lagt á það áherslu að dregið
verði úr þessum viðskiptum. Þátt-
taka íslensku tryggingafélaganna
í nýjum endurtryggingarsamn-
ingum fer því minnkandi, en lang-
an tíma getur tekið að gera upp
tjónakröfur vegna gamalla sam-
ninga, sem greiddar eru í er-
lendum gjaldeyri.
Hallgrímur Sigurðsson, fram-
kvæmdastjóri Endurtryggingafé-
lags Samvinnutrygginga hf., og
Erlendur Einarsson, stjórnarfor-
maður félagsins, vildu ekki tjá sig
um þetta mál við Morgunblaðið í
gær.
Til frekari skýringa á áritun
endurskoðenda félagsins má vitna
til skýrslu þáverandi fram-
kvæmdastjóra þess, Jóns Rafns
Guðmundssonar, fyrir reiknings-
árið 1980. Þar segir hann m.a.:
„ ... frá ársbyrjun 1979 tók félagið
þátt í samningi, sem síðar kom í
ljós að ekki var framkvæmdur svo
sem um var samið. Var gripið til
lögfræðilegra aðgerða til að ógilda
hann og var það gert fyrir árslok
1979. Engar færslur komu inn til
bókunar vegna þessa samnings á
árinu 1979, en fyrir árslok 1980
var endurgreitt iðgjald vegna
hluta þessa samnings til að forð-
ast kröfu um miklu hærri upphæð
í bótum. Aðrar færslur eru ekki á
árinu 1980 vegna samnings þessa.
Hins vegar var lagt í verulegan
kostnað til varnar hugsanlegu
tapi, og enda þótt endurtryggjend-
ur félagsins tækju að sínu leyti
þátt í þessum útlagða kostnaði,
nam kostnaður félagsins á árinu
1980 kr. 18.550.000 [gkr. - innsk.
Mbl] vegna þessa. Samningsaðil-
inn var sl. sumar lýstur gjaldþrota
og er í búinu reiðufé jafnvirði um
$1.000.000. Á þessu stigi skal ekk-
ert sagt um, hvernig félaginu
tekst að innheimta úr búinu
kostnað sinn og endurtryggjand-
enna, en málið er í höndum fær-
ustu lögfræðinga. Hins vegar skal
það tekið fram, að búið er að
ganga frá endurtryggingu á þess
um viðskiptum frá félaginu og
samningi um meðhöndlun trygg-
inganna, þannig að þau eiga ekki
að hafa mikil áhrif á rekstrar-
stöðu þess.“
Gabb var
rakið til
ölteiti
LÖGREGLUNNI í Reykjavík
barst tilkynning um bruna um
sexleytið í fyrradag. Rödd í
síma sagði: „Það er eldur í
Þórufelli 8,“ og síðan var sím-
tólinu skellt á. Tilkynningin var
látin berast áfram til slökkvi-
liðsins, sem fór á staðinn með
þrjá bfla, einn úr Árbæ og tvo
neðan úr bæ.
Útkallið reyndist vera
gabb, og þar sem lögreglunni
þótti tilkynningin grunsam-
leg var línunni haldið og
tókst starfsmönnum Pósts og
síma að rekja simtalið til
einkaheimilis uppi í Breið-
holti. Þegar lögreglan sótti
heimilið heim var þar í gangi
veisla og neituðu þeir sem á
staðnum voru við yfirheyrsl-
ur, að hafa hringt og tilkynnt
um bruna í Þórufellinu.
Þátttakendur í veislunni
munu hafa verið undir áhrif-
um áfengis.
Norðurlanda-
skákmótið
hafið
KURT Hansen og Ole Jakobsen
frá Danmörku voru efstir og jafnir
eftir 3 umferðir á Norðurlanda-
skákmótinu 1983, sem nú er fram
í Esbjerg í Danmörku. Guðmund-
ur Sigurjónsson og Dan Hansson
keppa fyrir íslands hönd í úrvals-
flokki og eru þeir neðan við miðju.
í fyrstu umferð gerði Guð-
mundur jafntefli við Forintos
frá Ungverjalandi, sem keppir
sem gestur á mótinu, en Dan
tapaði fyrir Kurt Hansen. í ann-
arri umferð Gerði Guðmundur
jafntefli við Kurt Hansen og
Dan við Ole Jakobsen frá Dan-
mörku. í þriðju umferð tapaði
Guðmundur fyrir Ole Jakobsen
og Dan tapaði fyrir Tom
Wedberg frá Svíþjóð.
Níu aðrir íslendingar keppa á
mótinu í meistara- og opnum
flokki.
Kristinn Sigmundsson, söngvari:
Hlaut sérverölaun
í keppni í Vín
„MÉR gekk ótrúlega vel í þessari
keppni og árangurinn kora mér á
óvart,“ sagði Kristinn Sigmunds-
son, söngvari, en hann hlaut sér-
stök verðlaun í Belvedere-söng-
keppni sem haldin var í Vín nú
fyrir stuttu. Einn úr dómnefnd
skilaði séráliti við dómsúrskurð,
og taldi Kristinn raunverulegan
sigurvegara keppninnar.
Kristinn Sigmundsson hefur
verið við söngnám við Tónlistar-
akademíuna í Vín um nokkurt
skeið, en áður en hann hóf
söngnám var hann líffræðikenn-
ari við Menntaskólann við Sund.
Kristinn tók þátt í Belvedere-
keppninni ásamt 295 öðrum
þátttakendum frá 41 þjóð, en
keppnin fór fram í 4 umferðum.
„Við sungum eina aríu í hverri
umferð, ýmist valdar af dóm-
nefndinni eða þátttakendum
sjálfum. Sautján söngvarar
komust í úrslit, og var ég einn
þeirra. Einn dómaranna skilaði
séráliti þegar dómar voru upp
kveðnir, og taldi mig raunveru-
legan sigurvegara keppninnar,
og hlaut ég því sérstök verðlaun.
Það var dómari frá óperunni í
Kristinn Sigmundsson, baritón-
söngvari.
Fíladelfíu og eftir keppnina bauð
hann mér óbeint starf við óper-
una þar á næsta ári. Nú tekur
við tónleikaferð, og taka allir
verðlaunahafar Belvedere-
keppninnar þátt í henni auk
nokkurra sem komust í úrslit.
Fyrst höldum við til Bergen og
þar sem tónleikarnir verða í
beinni útsetningu hjá bæði sjón-
varpi og útvarpi, en förum svo til
Búdapest þann 28. og höldum
svipaðan konsert þar. Næst
verða tvennir tónleikar í Austur-
ríki og lýkur svo tónleikaferð-
inni með tónleikum á Ítalíu þann
3. ágúst. Þá kem ég heim og verð
heima eitthvað fram á haust.“
Kristinn sagðist mundu halda
áfram við söngnámið í Vín, og
tileinka sér þá tækni sem þarf
við óperusöng, en vildi þó fara að
starfa sem söngvari. Hann sagð-
ist ætla að athuga tilboð óperu-
stjórans í Fíladelfíu nánar, en
kvað ekkert ákveðið um fram-
haldið. Góður árangur í Belve-
dere-keppninni kemur Kristni
eflaust að miklum notum, en
hann kvaðst ekki alveg vera bú-
inn að meðtaka frammistöðu
sína í keppninni, „það tekur mig
eflaust viku að átta mig á
þessu,“ sagði hann að lokum, áð-
ur en hann flýtti sér að fara að
pakka fyrir tónleikaferðina sem
fyrir höndum er.