Morgunblaðið - 23.07.1983, Blaðsíða 37
MORGUNBLAÐIÐ, LAUGARDAGUR 23. JÚLÍ 1983
37
Erum við réttlaus?
Þórunn Jónsdóttir (9784-8017)
skrifar:
„Velvakandi.
Ég leyfi mér að spyrja borgar-
ráðsmenn, sérstaklega sjálf-
stæðismennina í þeirra hópi:
Eftir hvaða reglum er farið við
úthlutun íbúða fyrir aldraða?
Ég sótti um húsnæði 1976,
þegar byrjað var að byggja við
Dalbraut 27, og hef enn enga úr-
lausn fengið. Er verið að hegna
manni fyrir að hafa byggt yfir
sig? Erum við, sem höfum borg-
að skatta og gjöld til borgarinn-
ar síðan 1919 réttlaus? Ég veit,
að fólk utan af landi er fyrir
löngu búið að fá íbúð hjá borg-
inni.
Svar óskast frá réttum aðil-
um.
Virðingarfyllst.“
Þessir hringdu ..
Fyrirspurn til
Þórunnar
Andrésdóttur
Freyja Jónsdóttir, Akureyri,
hringdi og hafði eftirfarnadi
að segja: — Vill ekki Þórunn
Andrésdóttir kynna sér, hve
mikið öll landsbyggðin hefur
fengið af fjármagni úr þeim
sjóði, er nefnist Fram-
kvæmdasjóður aldraðra og
er til kominn með skattlagn-
ingu á alla skattgreiðendur
landsins (ekki bara Reykvík-
inga) og er ætlaður m.a. til
byggingar dvalarheimila
fyrir aldraða? Hve stóran
hlut fékk Reykjavíkurborg
úr sjóðnum 1981,1982 og fær
á þessu ári? Jafnvel má Þór-
unn athuga, hve mikið fjár-
magn fór úr þeim sama sjóði
t.d. til Akureyrar (ekki eyrir
1981, eina milljón 1982 og 400
þúsund 1983). Að þessu at-
huguðu getur Þórunn fort
um talað, að landsbyggðar-
menn „tími ekki“ að byggja
yfir aldrað fólk eða veita því
þá þjónustu, sem þarf. Þegar
Þórunn hefur aflað sér þess-
ara upplýinga, sem hún getur
eflaust fengið í heilbrigðis-
ráðuneytinu (hæg eru heima-
tökin, því að ekki er ráðu-
neytið úti á landsbyggðinni),
þá getur hún vonandi séð,
hver orsök þess er, að lífeyr-
isþegar vilja flytja til höfuð-
borgarinnar og þið Reykvík-
ingar þurfið síðan að veita
þeim þá þjónustu, sem ekki
fæst heima í héraði. Að lok-
um: Hefur Þórunn Andrés-
dóttir búið úti á landsbyggð-
inni?
Vinsamleg tilmæli
Sunnlenskur kjósandi skrifar:
„Velvakandi góður.
Árleg sumarferð Varðarfélagsins
var farin fyrir nokkru á Njáluslóðir
og hafði tekist vel, þó í fámennara
lagi. — í Morgunblaðinu 6. þ.m. er
birt ræða Geirs Hallgrímssonar
ásamt mynd af hluta ferðafólksins,
en í baksýn mynd af bæjarhúsum á
Bergþórshvoli, sem talar sínu máli
um reisn staðarins, þó ekki sé nafn-
greindur.
Inntakið í ræðu Geirs: Köllum
fulltrúa yngri kynslóðar til aukinn-
ar ábyrgðar. Ber að taka undir þau
orð flokksformannsins. Hitt er svo
annað mál, að sú góða formúla hef-
ur gleymst þegar síðasta ríkisstjórn
var mynduð.
Þá er frá því sagt, að á Hellu hafi
1. þingmaður Suðurlandskjördæm-
is, Þorsteinn Pálsson, tekið á móti
fólkinu með skemmtilegri og hnit-
miðaðri ræðu. Er mjög miður að
slík ræða skuli ekki hafa verið birt í
blaðinu og skal því fram borin ósk
þess efnis.
Þá söknum við lesendur blaðsins
þess, að ekki skuli heldur hafa verið
birt ræða Eggerts Haukdals, þó
þess sé ekki getið að ræðan hafi
verið hnitmiðuð, og heldur ekki
þess að Eggert er bóndi á Berg-
þórshvoli og alþingismaður Sjálf-
stæðisflokksins og endurreistur í
hann. Þess er aðeins getið, að Egg-
ert hafi frætt ferðafólkið um sögu
staðarins og Njálu. Að sögn þátt-
takanda hafði Eggert m.a. bent á,
að sitthvað væri líkt með sér og
Njáli, t.d. báðir merkir bændur á
Bergþórshvoli og báðir átt í höggi
við vonda menn sinnar samtíðar.
Ekki er vitað hvort hann taldi báða
misvitra. Nú eru það einnig vins-
amleg tilmæli að Mbl. birti ræðu
Eggerts „í túninu heima“.“
Er ég kannski
svona skrýtinn?
Gylfi Baldursson, Fífumýri 15,
Garðbæ, skrifar:
„Ágæti Velvakandi.
Er ég kannski svona skrýtinn eða
finnst fleirum það ef til vill undar-
legt, að hægt sé að spila hér póker
upp á háa bit og hirða gróðann, þeg-
ar vel gengur, en hlaupa svo skæl-
andi til ríkisvaldsins, ef illa fer, og
biðja um sérstakar ívilnanir vegna
óheppni, til dæmis í formi niðurfell-
ingar söluskatts, eða þurfa kannski
pókerspilararnir sem slíkra hlunn-
inda njóta, að uppfylla ákveðin skil-
yrði, og þá hver?“
GÆTUM TUNGUNNAR
Sagt var: Það er sama þótt að ég segi
það.
Rétt væri: Það er sama þó að ég segi
það.
Eða: Það er sama þótt ég segi það.
(þótt er orðið til úr þó at.).
Skrifið eða hringið
til Velvakanda
Velvakandi hvetur lesendur til að skrifa þættinum um hvaðeina, sem
hugur þeirra stendur til — eða hringja milli kl. 11 og 12, mánudaga til
föstudaga, ef þeir koma því ekki við að skrifa. Meðal efnis, sem vel er
þegið, eru ábendingar og orðaskipti, fyrirspurnir og frásagnir, auk pistla
og stuttra greina. Bréf þurfa ekki að vera vélrituð, en nöfn, nafnnúmer
og heimilisföng verða að fylgja öllu efni til þáttarins, þó að höfundar
óski nafnleyndar.
Sérstaklega þykir ástæða til að beina því til lesenda blaðsins utan
höfuðborgarsvæðisins, að þeir láti sinn hlut ekki eftir liggja hér í
dálkunum.
OG EFNISMEIRA BLAÐ!
VELVAKANDI —
Á FÖRNUM VEGI
JAPAN
VIÐ ALDAMÓTIN 1900
VAR MIKIL STEMMN-
ING í BÆNUM
ÚR HEIMI KVIK-
MYNDANNA
„í LEIT AÐ
MORÐINGJUM“
POPP-SÍÐA
MEÐ DAVID BEN-
GURION Á ÍSLANDI
VERÖLD — REYKJA-
VÍKURBRÉF
ALDARAFMÆLI
JÓHANNESAR
JÓSEFSSONAR
Sunnudagurinn byrjar á síðum Moggans