Morgunblaðið - 23.07.1983, Blaðsíða 40

BÍLLINN
BlLASALA SlMt 79944 SMIÐJUVEGI4 KÓRAVOGI
^Aliglýsinga-
síminn er 2 24 80
LAUGARDAGUR 23. JÚLÍ 1983
Viðræðum við Alusuisse-menn lauk án niðurstöðu:
Vilja miða orkuverð
við heimsmarkaðsverð
— en íslendingar vilja tafarlausa og skilyrðislausa hækkun
VIÐRÆÐUM við fulltrúa Alusuisse lauk laust fyrir kl. 19 í gærkvöldi án
þess ad samningar næðust. Næsti fundur hefur verið boðaður í lok ágústm-
ánaðar og sagði Jóhannes Nordal formaður íslenzku sendinefndarinnar í lok
fundarins að hann væri vongóður um að samningar næðust á þeim fundi.
Samkvæmt heimildum Mbl.
strönduðu samningaviðræðurnar
á ágreiningi um raforkuverðs-
hækkunina. Svisslendingarnir
munu hafa nálgazt kröfur Islend-
inga um hækkun, en borið fram
kröfur um að raforkuverðið yrði
hækkað í áföngum og verðið háð
stöðu álmarkaðar í heiminum
hverju sinni. íslendingar töldu
slíkt fráleitt og vildu skilyrðis-
lausa hækkun.
í lok fundarins sögðu umræðu-
aðilar viðræður hafa verið gagn-
legar og lýstu sig vongóða um að
samkomulag næðist á næsta fundi
sem ákveðinn hefur verið upp úr
miðjum ágústmánuði að sögn Jó-
hannesar Nordal. Jóhannes sagði
viðræðurnar hafa gengið út á að
leysa deilumál á einfaldari hátt,
þau sem ákveðið hefði verið að
færu fyrir gerðardóm. Megin-
áherzla hefði verið lögð á raforku-
verðshækkunina, þá lægi fyrir
vilji ríkisstjórnarinnar um að ál-
verið verði stækkað. Einnig hafa
Alusuisse-menn óskað eftir nýjum
eignaraðila að ÍSAL.
Samkvæmt heimildum Mbl.
munu tölur í viðræðunum varð-
andi raforkuverðshækkunina, þeg-
ar upp úr viðræðum slitnaði í gær,
hafa verið á bilinu 9—12 mills, en
núverandi raforkuverð er 6,45
mills. Svisslendingarnir munu
hafa boðið rúmlega 9 mills, en
krafizt um leið að verðið yrði háð
heimsmarkaðsverði á áli, sem ís-
lendingar sögðu ekki koma til
greina. Þeir héldu í mót fram
ákveðnum kröfum um sem mesta
hækkun nú þegar.
Varðandi stækkun, nýjan eign-
araðila og að ágreiningsmál verði
dregin úr gerðardómum er niður-
staða aðila sú, að þessi atriði komi
ekki til frekari umræðna né af-
greiðslu ein sér. „Þetta er allt einn
pakki,“ sagði dr. Paul Múller og í
sama streng tók Jóhannes Nordal.
Samkvæmt því sem Mbl. kemst
næst er fullt samkomulag um að
draga áreiningsefni úr gerðar-
dómum, ef samkomulag næst um
deilumálin í heild. Hluti ágrein-
ingsefnanna hefur þegar verið
dómtekinn fyrir alþjóðlegum
gerðardómi í Bandaríkjunum. Að
sögn Jóhannesar Nordal verður
það látið hafa sinn gang fram að
fundinum í ágústmánuði nk.
Morgunblaðið/RAX.
Ólafur Skúlason á Laxalóni meó einn af hvítingjalöxunum sem ræktaðir
eru á Laxalóni.
Sjaldséðir
hvítir laxar
í fiskeldistöðinni á Laxalóni í
Reykjavík eru ræktaðir hvítir laxar,
svokallaðir hvítingjar (albínóar).
Laxalónsbændur fengu fyrir tilvilj-
un um 400 laxaseiði með þessum
erfðagalla fyrir tveimur árum. Þeir
halda þessum löxum sér í eldistjörn
og ætla að láta þá tímgast innbyrðis
og reyna að rækta upp hvítingja-
laxastofn.
Hvítingjar eru þekktir meðal
manna og ýmissa dýra og jurta.
Þar á meðal eru margar fuglateg-
undir og alþekkt er orðatiltækið
„sjaldséðir hvítir hrafnar". Morg-
unblaðið hefur meðal annars haft
spurnir af hvítum svartfuglum,
hvítum krækiberjum og hvítu
blágresi. Frétt Morgunblaðsins
síðastliðinn þriðjudag um hvíta
æðarfugla sem fundust í fyrra á
Ströndum hefur vakið mikla at-
hygli og hefur fjöldi fólks haft
samband við blaðið til að segja
frá ýmsu hvítu, sem það hefur séð
eða heyrt um. Eru hvítingjar í
dýra- og jurtaríki því algengari en
talið varí fyrstu.
Sjá nánar á miðopnu
blaðsins í dag.
Faxaflói:
Kolaveiðar í drag-
nót ganga mjög vel
Ljósm.Mbl. Kristján Einarsson.
Viðræðuaðilar virtust kampakátir, þó samningar næðust ekki í gær, en þeir sögðust vongóðir um að niðurstaða
fengist á næsta fundi í lok ágústmánaðar. Lengst til vinstri á myndinni er Garðar Ingvarsson, þá Jóhannes
Nordal formaður íslensku nefndarinnar, Dieter Ernst, Gunnar G. Schram og Paul Miiller lengst til hægri.
KOLAVEIÐAR í dragnót hófust
þann 15. þessa mánaðar og hafa þær
gengið vel. Aflahæsti báturinn hafði
fengið rúmlega 40 lestir í fyrstu 5
*
Dr. Paul Miiller um nýjan eignaraðila í ISAL:
Rætt við aðila í Noregi,
Japan og Bandaríkjunum
„VIÐ höfum rætt við marga
mögulega eignaraðila, en ekki
gert nein tilboð. Við bíðum með
það þangað til við höfum náð
samkomulagi,“ sagði dr. Paul
Miiller, er Mbl. spurði hann í
lok viðræðufunda í gær, hvort
Alusuisse hefði athugað mögu-
leika á að fá þriðja aðila inn í
ÍSAL. Nánar aðspurður um
hverjir þessir aðilar væru, sagði
dr. Mtiller: „Við höfum rætt við
aðila í Noregi, Japan og Banda-
ríkjunum.“
Eitt af því sem komið hefur
fram í álviðræðunum er
stækkun álversins við
Straumsvík og að nýr eignar-
aðili komi inn í ÍSAL. Núver-
andi ríkisstjórn hefur lýst
áhuga á stækkuninni og Alu-
suisse-menn hafa þegar leitað
hófanna hvað varðar nýjan
eignaraðila, eins og fram kem-
ur í svörum dr. Möller hér að
ofan. Jóhannes Nordal var
spurður í lok fundarins í gær,
hvort Alusuisse-menn hefðu
nefnt hugsanlega nýja eignar-
aðila á fundunum. Hann sagði
svo ekki vera og bætti við að
samkvæmt samningum milli
stjórnvalda og Alusuisse
hefðu íslendingar ákvörðun-
arrétt hvað varðaði nýjan
eignaraðila.
róðninum og er kolinn jafn og góó-
ur.
Að sögn ólafs Björnssonar, út-
gerðarmanns í Keflavík, hefur
einn bátanna, Baldur KE 97, feng-
ið frá 6 lestum uppi 18,5 í dags-
róðrum og er það mjög gott. Sagði
Ólafur, að í fyrsta túrnum hefði
verið of mikið af þorski í aflanum,
en síðan hefði það lagazt og væri
hann nú undir leyfilegu hámarki.
Miðað væri við að hluti þorsks og
ýsu í aflanum færi ekki upp fyrir
15% í viku hverri. Vildi hann fá
því breytt og ennfremur skildi
hann ekki hvers vegna ýsa þyrfti
að vera bannfiskur, því hvergi
væru hömlur á ýsuveiðum nema á
dragnótinni. Það væri sennilega
fyrir sportveiðimennina.
ólafur sagði ennfremur, að lík-
lega væri Baldur efstur eftir
fyrstu vikuna með um 45 lestir.
Veður hefði ekki hamlað veiðum
að ráði og hefði Baldur verið einn
túr fyrir norðan Hraun og síðan í
Garðssjónum. Hinir hefðu verið
með þokkalegan afla líka. Kolinn
væri ekki mjög stór, en jafn og
þokkalegur.