Morgunblaðið - 23.07.1983, Blaðsíða 25
MORGUNBLAÐIÐ, LAUGARDAGUR 23. JÚLÍ 1983
25
Spjallað um útmrp og sjóiwarp
„Og helsta tungumálakennarann
hérlendis, hann Andrés okkar Önd“
— eftirÓlaf
Ormsson
Hlustendakönnun Ríkisút-
varpsins er nýafstaðin. Crslit
eru kunn og fátt kemur svo sem
á óvart. Niðurstöður eins og bú-
ast mátti við. Vinsælasta út-
varpsefnið eru þættirnir Mér eru
fornu minnin kær, Kvöldgestir,
Gull í mund, Daglegt mál, Út og
suður, Lög unga fólksins, óska-
lög sjúklinga, Syrpurnar, Á tali
og Næturvaktin. Af sjónvarps-
efni sem þjóðinni líkar best og
mestra vinsælda nýtur er efst á
blaði hinn margrómaði Dallas-
þáttur, sakamálaþátturinn þýski
Derrick, Tommi og Jenni, ævin-
týri kattarins og músarinnar og
íslensk leikrit og íslenskir
skemmtiþættir.
Fréttir eru einnig vinsælar í
sjónvarpi og útvarpi og má það
furðulegt teljast þar sem mest
fer fyrir ótíðindum af fólki,
þjóðarleiðtogum sem venjulegu
alþýðufólki og fátt um fréttir af
fólki sem lifir í nánum tengslum
við landið og náttúruna og varla
nokkrar fréttir af fögru mann-
lífi. Hlustendakannanir eru
ágætar og þurfa að fara fram
helst árlega þannig að starfsfólk
ríkisfjölmiðlanna fái sem bestar
upplýsingar um afstöðu fólks til
hinna ýmsu dagskrárliða. Dag-
skrárdeildir útvarps og sjón-
varps haga þá væntanlega
dagskrárgerð í samræmi við
áhuga fólks og óskir.
Hermann Gunnarsson,
íþróttafréttamaður útvarpsins,
hefur verið í sumarleyfi í vor og
fyrripart sumars og var sárt
saknað af bæði íþróttaáhuga-
mönnum og einnig þeim sem lít-
inn áhuga hafa á íþróttum.
Hann er nú aftur kominn til
starfa og lífgar strax uppá til-
veruna með sínum ágæta húmor:
Föstudaginn 15. júlí lýsti Her-
mann Gunnarsson frá Akureyri
leik Þórs og KR á þann hátt sem
honum einum er lagið. Gamlir
knattspyrnuáhugamenn sem
fóru á völlinn þegar Ríkharður,
Hermann Gunnarsson
Þórólfur og aðrir snillingar frá
sjötta áratugnum voru uppá sitt
besta, en hafa síðan misst áhug-
ann höfðu á orði er þeir hlustuðu
á lýsingu Hermanns: „Þeir
kunna þá að sparka bolta." Her-
mann er sem sagt kominn úr
sumarleyfi og fámennur flokkur
húmorista við ríkisfjölmiðlana
hefur endurheimt einn af sínum
bestu sonum.
Jón gamli, persóna í leikriti
Þorsteins Marelssonar, „Hús-
næði í boði“ sem flutt var í út-
varpi fimmtudagskvöldið 14. júlí
er manna ólíklegastur til að taka
þátt í hlustendakönnun. Gamli
maðurinn býr einn { eigin ibúð
með páfagauki og er einstaklega
sérvitur og sérstæður. Jóhann
Hjálmarsson er þegar búinn að
fjalla ítarlega um verk Þorsteins
í Morgunblaðinu og því ekki
ástæða til að hafa mörg orð um
leikritið hér í þessu spjalli. Val-
ur Gíslason var hreint frábær í
hlutverki Jóns gamla í þessu
ágæta verki Þorsteins Marels-
sonar og þau Sigrún Edda
Björnsdóttir og Jóhann Sigurðs-
son fóru snoturlega með sín
hlutverk. Þorsteinn er í greini-
Þráinn Bertelsson
legri framför sem leikritahöf-
undur.
Sjónvarpið endursýndi
„Dafne". Leikrit eftir James
Bridie laugardaginn 16. júlí.
Laurence Oliver bjó verkið til
flutnings í sjónvarpi og leikur
jafnframt aðalhlutverkið ásamt
Joan Plowright, Arthur Lowe og
Bryan Marshall. Leikurinn ger-
ist skömmu eftir síðari heims-
styrjöld og fjallar um baráttu
kynjanna og kynslóðabilið. Mjög
svo frambærilegt verk og ágæt
kvöldskemmtun. Leikarar í aðal-
hlutverkum mjög góðir og sér-
staklega Laurence Oliver í hlut-
verki ættarhöfðingjans. Laur-
ence Oliver er tvímælalaust einn
fremsti leikari sem uppi hefur
verið fyrr og síðar og ég skora á
sjónvarpið að sýna fleiri leikrit
með þessum mikla listamanni.
Af nógu er að taka, meistarinn
hefur langan starfsaldur að
baki, var byrjaður á þriðja ára-
tugnum.
Jón Ormur Halldórsson, lög-
fræðingur, fyrrverandi aðstoðar-
maður forsætisráðherra og rit-
höfundur spjallaði við út-
varpshlustendur í miðnætur-
rabbi laugardagskvöldið 16. júlí.
Ræddi hann um tilveruna, bjart-
sýni og bölsýni, heimsendaspár,
Dallas-fjölskylduna og eiginlega
allt milli himins og jarðar. Hann
sagði frá mönnum sem hefðu
endurskoðað afstöðu sína varð-
andi fyrri hugmyndir um þjóð-
félagsmál, aðallega róttækling-
um á vinstri væng sem væru að
átta sig á að það sem þeir trúðu
á áður er hið versta afturhald.
Spjall Jóns Orms var skemmti-
legt. Gott innlegg í umræður um
lífið og tilveruna á trylltri öld.
Alltaf er jafngaman að heyra í
Þráni Bertelssyni í útvarpsþætti
hans „Það var og“. Þátturinn er
á sunnudögum síðdegis og fjöl-
margir hlusta að staðaldri.
Sunnudaginn 17. júli spjallaði
Þráinn um tungumálakunnáttu
landsmanna og helsta tungu-
málakennarann hérlendis hann
Andrés okkar Önd sem kemur í
myndablöðum bæði á íslensku og
dönsku. Þráinn las yfir mergjað-
an texta og spurðist fyrir um
hugsanlegan þýðenda á erlend
tungumál. Þráinn Bertelsson
hefur óvenju skemmtilegt skop-
skyn og ágætt að hann er nú aft-
ur byrjaður með útvarpsþátt
sinn eftir nokkurt hlé.
„Eitt og annað um borgina"
heitir þáttur í umsjón þeirra
Símonar Jóns Jóhannssonar og
Þórdísar Mósesdóttur, sem var á
dagskrá útvarps klukkan níu
sunnudagskvöldið 17. júlí. Höf-
uðborgin, Reykjavík, var tekin
fyrir í ljóði, sögu og tónlist og
svo til allt efni þáttarins ljóð,
saga eða tónlist hefur verið flutt
margoft áður i útvarpi og hefði
alveg mátt koma með eins og eitt
nýtt frumort ljóð eða nýja sögu
um borgina í þessa þætti.
Birna Þórðardóttir, fyrrver-
andi ritstjóri Neista, málgagns
Fylkingarinnar, sem er deild í
fjórða alþjóðasambandi
Trotskyista flutti erindi í þætt-
inum „Um daginn og veginn" í
útvarpi mánudaginn 18. júlí að
loknum kvöldfréttum. Birna er
mælsk, flytur mál sitt vel og hef-
ur greinilega aflað heimilda víða
að áður en hún samdi erindið til
flutnings í útvarp. Það var tölu-
verður fróðleikur í erindinu um
morðtæki nú á dögum og „þjóð-
frelsisstríð". Eins og við var að
búast úr herbúðum þar sem
kommúnistaávarpið er skyldu-
lesning og trúarrit var erindið
að verulegu leyti áróður gegn
Bandaríkjunum og bandarískum
stjórnvöldum. Birna er ekki sósí-
aldemókrati, hún fylgir enn
gamla Marx að málum og gamla
Lenín, trúir enn á hamingju í
sósíalisku þjóðfélagi, hundrað
manna miðstjórnar og tíu þús-
und manna öryggislögreglu, þar
sem hin nýja stétt drottnar yfir
lífi fólksins. Slíkt þjóðfélag verð-
ur auðvitað aldrei á íslandi,
landsmenn eru vel upplýstir um
það böl er fylgir sósíalisku þjóð-
félagi.
Nýr breskur sakamálaþáttur
„í vargaklóm" (Bird of Prey) 1.
þáttur. Leyniskýrslan hóf göngu
sína í sjónvarpi þriðjudagskvöld
18. júlí. Þættirnir eru fjórir og
líklegt að hér sé um ágæta af-
þreyingu að ræða.
Það er viss spenna í þessum
þætti og hann er ólíkur þeim
sakamálaþáttum sem hér hafa
verið sýndir í sjónvarpi. í aðal-
hlutverki, hlutverki tölvufræð-
ings í þjónustu ríkisins, sem fær
veður af alþjóðlegri fjársvika-
starfsemi, er Richard Griffiths
og tölvufræðingurinn er mjög
svo alþýðlegur, enginn dýrlingur
og er það ágætt því nóg var kom-
ið af hetjudýrkuninni í breskum
sem bandarískum sakamálaþátt-
um.
Dagskrá sjónvarpsins í júlí-
mánuði hefur verið á núllpunkti
ef svo má að orði komast. Fyrir
utan þættina um mannsheilann,
kennslukonuna Jean Brodie og
nú síðast þennan nýja breska
sakamálaþátt, þá er ekkert á
dagskránni sem ég tel þess virði
að hrósa. Um helgar eru að vísu
sýndar gamlar kvikmyndir sem
sumar eru ágætar en aðrar lé-
legar. Ég efast um að það hafi
borgað sig fjárhagslega fyrir
sjónvarpið að vera með útsend-
ingar í júlímánuði, auglýsingar
eru t.d. í lágmarki. Fyrir fólk
sem dvelur á sjúkrahúsum eða af
einhverjum ástæðum á ekki
heimangengt er þó sennilegt að
sjónvarpið hafi stytt því stundir
og er það vel.
Að lokum vil ég bjóða Helga
Pétursson velkominn til starfa
hjá útvarpinu eftir nokkurra ára
dvöl í Bandaríkjunum. Helgi er
mjög góður fréttamaður og pistl-
ar hans að vestan hafa vakið at-
hygli fyrir vönduð vinnubrögð.
raðauglýsingar
raðauglýsingar
raðauglýsingar
tilboö — útboö
Útboð
Óskaö er eftir tilboðum um endurtryggingu á
brunatryggingum húseigna í Reykjavík, frá 1.
janúar1984.
Útboðsskilmálar og nánari upplýsingar fást í
afgreiðslustofu Húsatrygginga Reykjavíkur,
Skúlatúni 2.
Tilboð verða opnuð þriöjudaginn 20. sept-
ember 1983, kl. 16.00, í fundarsal borgar-
stjórnar, Skúlatúni 2, Reykjavík.
Borgarstjórinn í Reykjavík,
20. júlí 1983.
Utboð
Verbúðir hf. Höfn óska eftir tilboöum í að
gera fokhelda þjónustuálmu verbúöa félags-
ins á Höfn. Lokiö er við að steypa grunnplötu
hússins.
Útboösgögn verða afhent hjá Guðmundi
Jónssyni byggingameistara, Bogaslóð 12,
Höfn og hjá Hönnun hf., Höföabakka 9,
Reykjavík, frá og með mánudeginum 25. júlí
gegn 2.000.- kr. skilatryggingu.
Tilboð verða opnuð á skrifstofu KASK Hafn-
arbraut 4, Höfn, fimmtudaginn 11. ágúst nk.
kl. 17.00.
Nauðungaruppboð
sem auglýst var í 1., 3. og 9. tbl. Lögbirt-
ingablaðsins 1982 á iðnaðarhúsnæði viö
Ránargötu á Seyðisfirði, talin eign Magnúsar
Sigurðssonar, fer fram á eigninni sjálfri,
fimmtudaginn 28. júlí 1983, kl. 11.00. Sam-
kvæmt kröfum Framkvæmdastofnunar ríkis-
ins, lönlánasjóðs, Árna Halldórssonar hrl.,
Ólafs Axelssonar hrl. og Vilhjálms Vilhjálms-
sonar hdl.
Bæjarfógeti Seyöisfjaröar.