Morgunblaðið - 23.08.1983, Blaðsíða 1

48 SÍÐUR MEÐ 8 SÍÐNA ÍÞRÓTTABLAÐI
190. tbl. 70. árg.
ÞRIÐJUDAGUR 23. ÁGÚST 1983
Prentsmiðja Morgunblaðsins
Gdansk:
Óþekktur maður liggur hér liðið lík eftir að öryggisverðir á flugvellinum í Manila á Filippseyjum skutu hann til
bana sl. sunnudag. Segja þeir hann hafa skotið Benigno Aquino, fyrrum þingmann, sem kom til Manila á
sunnudag eftir þriggja ára útlegð í Bandaríkjunum. Hjá manninum eru skot og hulstur byssunnar, sem
öryggisverðirnir segja hann hafa notað við morðið. Sjá „Hóta endalokum ... “ á bls. 18.
Verkamenn fari
sér hægt í dag
Habre býst við átökum
Frakka og Líbýumanna
f'k.d 00 AP
Ndjamena, (’had, 22. ágúst. AP.
HISSENE HABRE, forseti Chad, og rfkisstjórn hans kváðust í dag búast við því,
að Frakkar „færu í stríð" gegn Líbýumönnum og legðu stjórnarhernum lið við aö
reka innrásarherinn úr landinu og endurreisa fullveldi þess. Jean Poli, yfirmaður
franska herliðsins í Chad, fór í dag áleiðis frá París til Ndjamena, höfuðborgar
Chads.
Soumaila, upplýsingamálaráð-
herra Chads, sagði á fréttamanna-
fundi í dag, að þegar stjórnarherinn
væri tilbúinn til gagnsóknar gegn
uppreisnarmönnum og líbýsku inn-
rásarmönnunum yrðu Frakkar
beðnir að taka þátt í henni. Ekki
vildi hann segja hvenær látið yrði
til skarar skríða. Soumaila sagði
einnig, að Líbýumenn héldu áfram
að senda lið og hergögn til Faya-
Largeau, sem stjórnarherinn missti
10. ágúst sl., og að þeir beittu sífellt
ósvífnari aðferðum við liðssöfnun-
ina. Væri hún mest fólgin í því að
neyða í herinn afríska verkamenn.
sem ynnu í Líbýu.
Khadafy, Líbýuleiðtogi, neitar
enn öllum afskiptum af átökunum í
Chad en sakar hins vegar Frakka
um að hafa gert innrás í landið.
Haft er eftir heimildum, að Líbýu-
menn vinni nú að því að gera við og
lengja flugvöllinn í Faya-Largeau
þannig að herþotur þeirra geti not-
að hann. Eftir sem áður geta flug-
vélar þeirra ekki náð til höfuðborg-
arinnar þar sem þær eru ekki búnar
til að taka eldsneyti á lofti.
(idansk, 22. ágúst. AP.
NOKKUR hundruð manns söfnuð-
ust saman fyrir utan skipasmíða-
stöðvarnar í Gdansk í dag en Lech
Walesa, sem hafði boðað til fundar-
ins, hætti við að koma á síðustu
stundu. Kvaðst hann gera þaö til að
komast hjá handtöku. Verkamenn í
skipasmíöastöðvunum hafa verið
hvattir til að fara sér hægt við vinnu
sína á morgun.
„Ég hætti við að koma á fundinn
til að komast hjá handtöku lög-
reglunnar," sagði Walesa við
fréttamenn þegar hann hélt heim
frá vinnu. Þrátt fyrir það söfnuð-
ust nokkur hundruð manns hjá
minnismerki verkamanna, sungu
söngva Samstöðu og gerðu sigur-
merki með fingrunum áður en
hver hélt til síns heima eftir rúm-
an hálftíma. Lögreglan hafði eng-
in afskipti af fundinum.
Walesa var að því spurður hvort
hann hefði einnig aflýst áskorun
til verkamanna um að fara sér
hægt við vinnu á morgun, en hann
kvað svo ekki vera, enda væri hún
ekki frá honum komin. Það var
„leyninefnd verkamanna", sem
sendi áskorunina frá sér og vill
hún með því leggja áherslu á að
stjórnvöld taki upp viðræður við
Walesa. Verkamenn i Gdansk og
víðar segja raunar, að síðan her-
lögum var lýst í Póllandi 13. des-
ember 1981 hafi fólk almennt far-
ið sér hægt við vinnu sína.
Ólga í Norður-Noregi vegna
mikilla aflakaupa Sovétmanna
borð í rússneska skipið, gáfu
skipstjóranum tveggja tíma
frest til að taka upp festar og
hypja sig á brott frá Noregi, ella
sögðust þeir mundu brenna
sundur akkerisfestina. Ekkert
varð þó af aðgerðum að þessu
sinni því að sjávarútvegsráðu-
Ösló, 22. ágúst Frá fréttaritara Mbl.
ÆFAREIÐIR fulltrúar físk-
vinnslufyrirtækja og verkalýðsfé-
laga í Hammerfest, vel vopnaðir
logsuðutækjum, gerðu sig í gær
Ifklega til að ráðast á skipið
„Rubny Murman“, sem liggur
fyrir festum í höfninni en það er
eitt sovésku skipanna, sem keypt
hafa aflann beint af norskum físki-
mönnum, m.a. sfld eins og sagt
hefur verið frá í fréttum.
Héldu mennirnir því fram, að
gífurleg kaup Rússa á fiski úti á
miðunum, m.a. á ufsa, væri aðal-
ástæðan fyrir hráefnisskorti og
fjöldauppsögnum fiskvinnslu-
fólks í Tromsö og Finnmörku.
Norsk stjórnvöld hafa hins veg-
ar iagt blessun sína yfir þessi
viðskipti en það á svo að heita,
að Rússarnir kaupi aðeins þann
fisk, sem ekki er hægt að vinna í
landi.
Knut Hoem, formaður í sam-
tökum norskra sjómanna, hefur
lýst furðu sinni á þessum at-
burðum og segir þá stríðsyfirlýs-
ingu gegn sjómönnum og hags-
munum þeirra, sem aðeins muni
hafa þær afleiðingar, að rússn-
eska skipið hrökklist heim og
fiskimennirnir verði að fara í
land.
Mennirnir, sem réðust um Sovéska skipið „Rubny Murman“ tekur við afla frá norskum fískibáti.
neytið lofaði að taka málið fyrir
í næstu viku. Meðan á þessu stóð
fylgdist lögreglan í Hammerfest
með án þess að hafast að.
Embættismenn kommúnista-
flokksins sökuðu Walesa í dag um
að reka áróður fyrir „allsherjar-
sjálfsmorði" polsku þjóðarinnar
með því að styðja áskorunina um
að menn fari sér hægt við vinnu.
írland:
Sjö fórust
er lestir
rákust á
Kildare, írlandi, 22. ágúst. AP.
JÁRNBRAUTARSLYS varð á ír-
landi í nótt þegar lest á leið til
Dyflinnar rakst á aðra kyrrstæða
skammt frá bænum Kildare um
56 km fyrir norðan Dyflinni. Að
minnsta kosti sjö manns fórust
og 56 slösuðust.
Áreksturinn var gífurlega
harður og er enn ekki vitað
með vissu hve margir fórust
þar sem líkin eru svo illa út-
leikin. Næturmyrkrið auðveld-
aði heldur ekki störf björgun-
armannanna, sem urðu að nota
sérstök logskurðartæki til að
ná fólki út úr sundurtættu
brakinu. Embættismenn ríkis-
fyrirtækisins, sem lestarnar
rekur, segja, að kyrrstæða lest-
in hafi neyðst til að stoppa
vegna vélarbilunar og að aug-
ljóst sé, að rauðu aðvörunar-
ljósin, sem áttu að gefa það til
kynna, hafi verið biluð.
Einn íslendingur var meðal
farþega í lestinni. Sjá viðtal á
bls. 29.
Blindur
fékk sýn
þegar vatnsfötu var
kastað í hausinn á honum
Newark, Englandi, 22. ágúst AP.
MAÐUR nokkur, sem varð alblindur
fyrir einu ári, fékk aftur sjón á öðru
auga þegar kona hans kastaði í höfuð
honum fullri vatnsfötu. Var frá þessu
sagt í bresku blöðunum nú um helgina.
Kevin Willis, 28 ára gamall, missti
sjónina á öðru auga sem drengur
þegar hann fékk skutlu í það og í
fyrra missti hann sjónina á hinu. Nú
fyrir nokkrum dögum, þegar Willis
og kona hans voru að leik ásamt son-
um sínum tveimur í lítilli laug í
garðinum hjá sér, gerði kona hans,
Karen, það sér til gamans að kasta í
hann plastfötu fullri af vatni.
„Hann greip til mín svo að ég lét
fötuna vaða í hann. Þetta var ekkert
högg en það hlýtur að hafa hitt hann
á réttan stað,“ sagði Karen seinna í
viðtali við blaðið „The Sun“.
Daginn eftir vaknaði Willis við að
hann var orðinn sjáandi á ný.
„Glynn, sonur minn, er alveg stein-
hissa á þessu. Áður gat hann hóað í
öllum hornum en þó alltaf falið sig
fyrir mér en nú skilur hann ekkert í
því, að ég skuli geta fundið hann
strax,“ sagði Willis.