Morgunblaðið - 08.11.1983, Blaðsíða 1

48 SÍÐUR MEÐ 4 SlÐNA ÍÞRÓTTABLAÐI
256. tbl. 70. árg. ÞRIÐJUDAGUR 8. NÓVEMBER 1983 Prentsmiðja Morgunblaðsins
Stuöningsmenn Ara-
fats hreiðra um sig
í síðasta vígi sínu
Beírút og Bir Z«it, fsrael, 7. nóvember. AP.
FYLGISMENN Yasser Arafats áttu
í vök aö verjast í aöalbækistöðvum
sínum skammt utan Tripólí í kvöld,
er andstæðingar Palestínuleiðtog-
ans sóttu að þeim úr öllum áttum
með stuðningi Sýrlendinga. Hafa
menn Arafats farið mjög halloka
undanfarna daga og neyðst til að
yfirgefa hverja bækistöð sína á fæt-
ur annarri.
Arafat sagðist þess fullviss i
kvöld, að Sýrlendingar undir-
byggju nú árás á borgina eftir að
þeir skipuðu herliði sínu í við-
bragðsstöðu í dag og tilkynntu al-
mennt herútboð. Her þeirra telur
220.000 manns, en um 100.000 eru
í varaliðinu.
Sýrlendingar segjast óttast
hefndaraðgerðir Bandaríkja-
manna vegna árásarinnar á búðir
frönsku og bandarísku gæslulið-
anna fyrir nokkru. Fréttaskýr-
endur eru á hinn bóginn þeirrar
skoðunar, að þeir undirbúi nú öfl-
uga sókn gegn stuðningsmönnum
Arafat í Baddawi-búðunum.
Að sögn lögreglu og hers í Líb-
anon hafa meira en 1.000 manns
látið lífið og 3.000 særst frá því
andstæðingar Arafats hófu það
sem þeir nefna lokasóknina gegn
mönnum hans í dögun á fimmtu-
dag.
I kvöld var svo skýrt frá því, að
til harðra átaka hefði komið við
bækistöðvar bandaríska gæslu-
liðsins við alþjóðaflugvöllinn í
Beirút. Fylgdu átökin i kjölfar
eftirlitsflugs bandarískra her-
þota yfir Beirút fyrr í dag.
Frá suðurhluta Líbanon bárust
fregnir af því að handsprengjum
hefði verið varpað að ísraelskum
Símamynd AP.
Yasser Arafat brosir enn, þótt syrti í
álinn.
hermönnum við olíuhöfnina í
Zahrani. Fóru fjórir menn um
höfnina á gúmbát með utan-
borðsvél og ' vörpuðu hand-
sprengjum á land. Þeir voru allir
handteknir.
Þá skýrðu lögregluyfirvöld í
Beirút frá því í dag, að sprengju-
sérfræðingum hefði á elleftu
stundu tekist að gera öfluga
sprengju í stolinni franskri her-
bifreið óvirka í morgun, þar sem
hún stóð mannlaus fyrir utan
sendiráð írana í borginni. Frakk-
ar höfðu leitað bifreiðarinnar
undanfarna daga en án árangurs.
Palestínumenn búsettir á vest-
urbakka Jordanár efndu til mót-
mælaaðgerða í dag til þess að
lýsa yfir stuðningi sínum við
Arafat. Til átaka kom á milli
mótmælendanna og ísraelskra
hermanna í morgun og varð þá 16
ára stúlka fyrir skoti í flótta-
mannabúðum fyrir utan bæinn
Bir Zeit.
Sigri fagnað
Símamynd AP.
Turgut Ozal fagnar sigri í kosningunum ásamt stuðningsmönnum
sínum.
Sigur Ozal herforingja-
stjórninni mikið áfall
Ankara, 7. nóvember. AP.
Föðurlandsflokkurinn, flokkur
Turgut Ozal, vann mikinn sigur í
tyrknesku þingkosningunum, sem
fram fóru um helgina. Hlaut flokkur
Ozal 45% atkvæða og hreinan meiri-
hluta á þingi. Þetta eru fyrstu þing-
kosningarnar frá 1980 og í fyrsta
sinn síðan 1969, að einn flokkur nær
Leiðtogar Sovétríkjanna á Rauða torginu í gær. F.h.: Romanov, Gorbachev, Gromyko, Grishin, Tikhonov, Ustinov og
Chernenko. Simamynd AP.
Andropov sást ekkí
á byltingarafinælinu
Moskvu, 7. nóvember. AP.
EFASEMDIR um heilsu Sovétleið-
togans Yuri Andropov fara nú mjög
vaxandi eftir að hann gat ekki verið
viðstaddur hin árlegu hátíðahöld i
minningu afmælis byltingarinnar í
dag. Fjarvera Andropov vakti
óskipta athygli er meðlimir stjórn-
málaráðsins röðuðu sér upp á tröpp-
unum við grafhýsi Leníns.
Talið er, að þetta sé í fyrsta
skipti, sem leiðtogi Sovétríkjanna
er ekki viðstaddur hátíðahöldin.
Að sögn embættismanna er
Andropov með kvefsótt, en allt
þykir benda til þess að hann sé illa
haldinn af öðrum og alvarlegri
veikindum. Leiðtoginn sást síðast
á opinberum vettvangi þann 18.
ágúst. Vitað er til þess, að hann
hefur þjáðst af hjartakvilla.
Ekki var nein skýring gefin á
fjarveru Andropov og sjónvarps-
vélum var ekki beint að leiðtogun-
um fyrr en 15 mínútum eftir að
hin opinbera athöfn hófst. Er það
þvert ofan í fyrri venjur við beina
útsendingu.
Tveimur klukkustundum eftir
að hátíðahöldunum lauk formlega
þusti óþekktur maður inn á Rauða
torgið, vætti klæði sín í bensíni og
bar síðan eld að. Brann hann mjög
illa en var talinn með lífsmarki er
útsendarar KGB tóku hann í
vörslu sína.
hreinum meirihluta þingsæta.
Almennt er litið á kosningaúr-
slitin sem sigur fyrir lýðræði og
um leið mikinn ósigur herfor-
ingjastjórnarinnar. Hún hafði lýst
yfir stuðningi við þjóðlega lýðræð-
isflokkinn, sem hafnaði í neðsta
sætinu.
Atkvæðahlutfall flokks Ozal
færði honum 211 þingsæti af 400.
Flokkur alþýðudemókrata hlaut
30,4% atkvæða og 116 þingsæti og
þjóðlegi lýðræðisflokkurinn hlaut
23,6% atkvæða og 70 þingsæti.
Hverjir hljóta þau 3 þingsæti, sem
eftir eru, ræðst ekki fyrr en loka-
úrslit hafa borist frá ýmsum fjar-
lægari héruðum landsins.
Strax í dag rétti Ozal herfor-
ingjunum, sem koma vildu í veg
fyrir kjör hans, sáttarhönd er
hann lýsti því yfir í dag, að hann
væri þeim þakklátur fyrir að
koma á ný lögum og reglu á í land-
inu og endurvekja lýðræði.
Talið er víst, að Kenan Evren,
yfirmaður herforingjastjórnar-
innar, sem stóð að valdaráni hers-
ins í nóvember 1980, útnefni Ozal
forsætisráðherra innan skamms,
þótt hann hafi áður varað þjóðina
við „fölskum yfirlýsingum hans og
gylliboðum". Evren var í fyrra
kjörinn forseti til næstu sjö ára.
Samkvæmt nýju stjórnar-
skránni aukast völd forsetans.
Hann hefur heimild til að leysa
upp þingið og getur krafist nýrra
kosninga tefjist myndun nýrrar
ríkisstjórnar. Þá hefur Evren rétt
til að lýsa yfir neyðarástandi og
skipa menn í margar af æðri stöð-
um stjórnkerfisins.
Sinfóníu-
hljómsveit-
in ofurölvi
Kaupmannahöfn, 7. nóvember. AP.
Sinfóníuhljómsveit danska út-
varpsins fór heldur betur út af
laginu í beinni útsendingu frá
nútímatónlistarhátíð í Arósum í
föstudag. Skýringin var einfald-
lega sú, að stór hluti hljómsveitar-
innar var blindfullur í útsending-
unni.
Slíkt var ástandið á sumum
hljóðfæraleikurunum, að bera
varð þá ofurölvi af sviðinu. Aðr-
ir gerðu ekki betur en að sitja
uppréttir í stólum sínum og
tónlistin var á köflum allt ann-
að en fögur. Þá heyrðust ítrekuð
hlátrasköll eftir að sessunautar
höfðu verið að reyta af sér
brandara.
Þessi uppákoma hefur vakið
óskipta athygli í Danmörku og
þá ekki síður hneykslun. Hefur
danska útvarpið krafist þess að
ástæðan fyrir þessu verði könn-
uð rækilega og hlutaðeigandi
veitt þörf áminning.